Хуснуллин Марат Шакирзянович

Босьтöм Рувикиись
Хуснуллин Марат Шакирзянович
Марат Хуснуллин правительство.JPG
Флаг
Российскӧй Федерация правительство председательлӧн вежлісь
Флаг
 2020 во тӧвшӧр 21 лун
(у.к. 2024 во тулыспом 7—13 луннэз)
Правительство юралісь Михаил Мишустин
Андрей Белоусов (у.к.)
Михаил Мишустин
Президент Владимир Путин
Флаг
Москва кар мэрлӧн вежлісь карстроитан политка и строитчӧм сьӧрті
Флаг
2010 во одзтӧв 2 лун — 2020 во тӧвшӧр 21 лун
Губернатор Сергей Собянин
Одззася уджалісь Владимир Ресин
Одзлань уджалісь Андрей Бочкарёв
Чужӧм 1966 во гожумпом 9 лун(1966-08-09) (59 лет)
Партия
Велӧтчӧм Казанскӧй государственнӧй финансово-экономическӧй институт
Учёнӧй степень экономика кандидат
Профессия экономист
Донтан пассэз
Логотип РУВИКИ.Медиа Медиафайлы на РУВИКИ.Медиа


Хуснуллин Марат Шакирзянович (1966 во гожумпом 9 лун, Козань) — российскӧй государственнӧй деятель. Российскӧй Федерация правительство председательлӧн вежлісь 2020 во тӧвшӧр 21 лунсянь (у. к. 2024 во тулыспом 7—13 луннэз[1]). Лунвыв федеральнӧй кытшын куратор[2]. Экономика кандидат.

Велӧтчӧм

1983 воӧ пырис велӧтчыны Казанскӧй госудаственнӧй финансово-экономическӧй институтӧ (КГФЭИ), вӧ бӧрті вӧлі босьтӧм армияӧ. 1990 воӧ помаліс КГФЭИ «экономика» специальность сьӧрті[3]. 2000 вӧлі бурсьӧтіс велӧчӧмсӧ Ыджыт Британия осьта университетын «Профессиональнӧй менеджмент» специальность сьӧрті[4]. 2006 восянь — экономика кандидат. Тӧдӧ татара да английскӧй кыввез[5][6].

Удж

Татарстанын

Марат Хуснуллин Владимир Путинкӧт да Минтимер Шаймиевкӧт Казаньын. 2007 во тӧвшӧр 20 лун.

1983—1984 вз. — КГФЭИ лаборант.

1984—1986 вз. — Советскӧй Армияын кысъялӧм[7].

1986—1987 вз. — КГФЭИ лаборант.

1987—1995 вз. — юралісь бухгалтер, «Темп» стройкооператив председатель (Казань)[7].

1995—1997 вз. — ООО «Интерпластсервис» генеральнӧй директор[7].

1997—2000 вз. — ООО «Ак Барс» генеральнӧй директор[7].

1999—2001 воэзӧ — Татарстан Республика Государственнӧй Советісь депутат Прикамскӧй округсянь. Татарстан Республика строитчӧм, архитектура да жилищно-коммунальнӧй хозяйство сьӧрті министерсвоӧ мунӧм бӧрын колис депутат постсӧ.

2000—2001 воэзӧ — ГУП ПЭО «Татэнерго» генеральнӧй директор вежлісь — материально-техническӧй ресурссэз, инвестицияэз да строитчӧм сьӧрті директор[7].

2001 во тулыспом 5 лунсянь 2010 во арпом 18 лунӧдз — Татарстан Республика строитчӧм, архитектура да жилищно-коммунальнӧй хозяйство сьӧрті министр[7].

Сы министрдыр республикаӧ вайисӧ уна федеральнӧй инвестицияэз, медодз Татарстанын оланін строитан зорӧтан комплекснӧй программа сьӧрті. Программаыс вӧлі керӧм республикаись ыджыт каррезлӧн — Казаньлӧн, Набережнӧй Челнылӧн, Нижнекамсклӧн, Елабугалӧн, Альметьевсклӧн агломерацияэзлісь мутассэз ӧтласа кар строитӧм сьӧрті видзӧм вылӧ, мый отсаліс учӧт расходӧн могмӧтны нійӧ коммунальнӧй, туй да транспорт да социальнӧй инфраструктураэзӧн[8].

Хуснуллин инициатива сьӧрті бюджетнӧй ресурссэз экономия могись вӧлісӧ лӧсьӧтӧмӧсь оланін, туйез, социальнӧй сфераись объекттэз строитӧм понда типӧвӧй проекттэз. Сы киння, «Электроннӧй Россия» программа сьӧрті Татарстанын вӧлі лӧсьӧтӧм электроннӧй закупкаэзлӧн, строитчӧм вылӧ разрешеннёэз сетӧмлӧн да государственнӧй вневедомственнӧй экспертизалісь бӧркыв сетан система, мыйсянь тӧдчӧмӧн чинісӧ строитчӧм понда расходдэз[8].

Хуснуллин участвуйтӧмӧн Казаньын пондісӧ строитны спорт объекттэз, кӧднаын чулаліс Универсиада-2013. 2010 во тулыспом кеж Татарстан юркарын вӧлісӧ осьтӧмӧсь 26 спорт сооруженнё: ӧтласа вермасьӧммезлӧн дворец «Ак Барс», Олимпийскӧй резервлӧн Казанскӧй училище «Олимпиец», КГУКиИ бердся «Тезуче», «Форвард», «Мирас», «Итиль» спортивнӧй комплекссэз, ТГГПУ бердся «Москва», «Ак Буре», «Ватан», «Татнефть Арена» йи дворец, «Тулпар», «Бустан», «Зилант», «Триумф» — йи аренаӧн да «Триумф» универсальнӧй СК — бассейннэзӧн да баскетбольнӧй площадкаэзӧн, а сідзжӧ стенд лыйсьӧмлӧн комплекс, «Акчарлак» вевттьӧм бассейн, Теннис академия, «КАИ Олимп» культурно-спортивнӧй комплекс, «Санкт-Петербург» волейбол шӧрин, Бокс да пызанвывся теннис шӧрин, «Буревестник» вевттьӧм бассейн, Турунвывся хоккейнӧй шӧрин, Баскет-холл баскетбольнӧй спортивнӧй сооруженнё, Универсиадалӧн деревня[9].

Эшӧ 4 объект — Вавывся спорт дворец, Гимнастика шӧрин, 45 сюрс морт вылӧ стадион да Пелысалан спортлӧн шӧрин — вӧлісӧ лэбтӧмӧсь 2010 во бӧрын Хуснуллинлісь преемниккез кипод увтын, кӧр сія муніс ни Татарстан Республика строитан, архитектура да жилищно-коммунальнӧй хозяйство сьӧрті министр постісь[9].

Сія жӧ кадӧ Хуснуллин вӧлі Казанскӧй государственнӧй архитектурно-строительнӧй университетісь «Строитчӧм экономика да предпринимательство» кафедраись доцентӧн.

Москваын

Михаил Мень, Сергей Собянин да Марат Хуснуллин Карстроитан пролитика комплекс сьӧрті коллегия заседаннё вылын. 2014 во гожумпом 8 лун.
Марат Хуснуллин чулӧтіс Минстройын медодзза уджалан совещаннё. 2020 во тӧвшӧр 22 лун.
Марат Хуснуллин да Владимир Путин, 2020 во одзтулыс 3 лунӧ.

2010 во арпом 18 лунӧ Хуснуллиныс вӧлі пуктӧм Москва карлӧн строитан департамент юралісьӧн[7].

2010 во одзтӧв 2 лунӧ лоис карся политика да строитан сьӧрті мэр вежлісьӧн[7].

2011 во одзтулысӧн вӧлі пуктӧм Москва кар карстроитан политика да строитан коллегияӧн юралісьӧн. Сія жӧ воӧ кутчис юравны астроитчӧм дугдӧтан карся комиссияӧн[10][11].

2012 во тӧвшӧрсянь гожумшӧрӧдз курируйтіс карся заказ объекттэз сьӧрті проектнӧй документация сьӧрті экспертиза, мый кузя петіс чинтыны бюджетлісь видзан статьяэз: строитӧмлӧн доныс чиніс 20 % вылӧ, нето 18,8 млрд руб вылӧ. Карся объекттэзлӧн подрядчиккезӧс тӧдмалӧм понда торггез сьӧрті сідзжӧ петіс чинтны одздонсӧ 9 % вылӧ, нето 8,4 млрд руб вылӧ[12].

Хуснуллинлӧн участвуйтӧмӧн вӧлісӧ сідзжӧ бурсьӧтӧмӧсь Бульварнӧй кытш пытшкын строительстволӧн вылына дзескӧтӧммез да муэзӧн вӧдитчан режим схемаэз.

2012 восянь Хуснуллин ӧтлаын мэрия аппаратӧн Управленнёкӧт пондіс курируйтны электроннӧй документооборот система оланӧ пыртӧм сьӧрті проект, медбы кокньӧтны строитан сфераын документация босьтан процедураэз, мед лоис позяна босьтны электроннӧя быдӧс услугаэз, ны лыдын му участоккезлісь градостроительнӧй планнэз, архитектурно-градостроительнӧй решеннёэз, экспертизалісь бӧркыввез, строитчӧм да объекттэз уджӧ пыртӧм понда разрешеннёэз босьтӧм[13].

2012 во одзтулыссянь Хуснуллин юраліс «Москва-Сити» ММДЦ-ын юалӧммез решитан да строитан сьӧрті штабӧн (2008 вося финансӧвӧй кризис кузя сувтчис «Федерация» да «Россия» башняэз да «Сити Палас» комплекссэз строитӧм: кредитнӧй ресурссэз абутӧмсянь инвесторрез нето дугдӧтісӧ уджжез, нето петісӧ проектсис). Вӧлі вежӧм объекттэз сдайтан план[14]. Вӧлі арталӧм реконструируйтны ММДЦ районісь улицаэзлісь тор, строитны виль транспортнӧй развязкаэз (сизим содтӧт уна полоса автомашинаӧн ветлан развязка 2,5 километра гӧгӧр кузянас, строитӧмыс помассис 2012 во арӧн).

2012 во тулысшӧрсянь Хуснуллин лоӧ Москва кӧрттуй гӧрӧд мутас, кӧрттуй транспортлӧн инфраструктура объекттэз да ны ордся муэз вылын кар строитӧм сьӧрті проблемаэз сьӧрті Советлӧн очаюралісь[15][16].

2012 во гожумшӧр 1 лунсянь, кӧр Москваӧ пырисӧ Московскӧй областьлӧн муэз, Хуснуллин сідзжӧ курируйтӧ «Виль Москва» строитан политика[17].

2013 во тӧвшӧрӧ кутчис юравны вились аркмӧтӧм Архитектурнӧй советӧн, кӧда уджа пырис видзӧтны карын ӧтласа карстроитан да архитектурнӧй политика реализация сьӧрын. Хуснуллинкӧт юӧртчӧмӧн советас пырисӧ российскӧй да визирсайся эксперттэз. Аркмис практика нуӧтны конкурссэз гырись да тӧдчана карся территорияэзын карстроитан зорӧтан концепцияэз лӧсьӧтӧмын[13].

Российскӧй Федерация правительствоын вице-премьер

2020 во тӧвшӧр 21 лунӧ пуктӧм Российскӧй Федерация правительство вице-премьерӧн[18].

2020 во тӧвшӧр 29 лунсянь Хуснуллиныс лоис Крым Республика да Севастополь сьӧрті кураторӧн. 2022 во тулысшӧрсянь сідзжӧ лоӧ Херсонскӧй область, Запорожье да Донбасс вильмӧтӧм сьӧрті кураторӧн[19].

2024 во тулыспом 11 лунӧ Михаил Мишустин пыртіс Госдумаӧ бурсьӧтӧм понда правительстволісь виль кабинет, кытӧн вӧзйис Хуснуллинлісь кандидатурасӧ вице-премьер пост вылӧ[20]. Тулыспом 13 лунӧ Госдумаыс бурсьтӧтіс сійӧ эта постӧ[21]. Тулыспом 14 лунӧ РФ президент кырымпасаліс сы пуктӧм йылісь указ[22].

Марат Хуснуллин кипод увтӧ пырисӧ: государственнӧй оланін политика да гражданскӧй эмбур оборот, а сідзжӧ автотуйез строитӧм, видзӧм, вильмӧтӧм да дзоньтӧм, туйвывся опастӧмалӧм, общественнӧй транспорт зорӧтӧм. Вице-премьер координируйтӧ национальнӧй проекттэз лӧсьӧтӧм да оланӧ пӧртӧм: «Оланін да кар гӧгӧртас», «Безопаснӧй да бур туйез», «Экология» «Сӧстӧм ва» да «Волга бурмӧтӧм» федеральнӧй проекттэз сьӧрті.

Хуснуллин контроль увтын — Крым Республика, Севастополь, Донецкӧй да Луганскӧй народнӧй республикаэз, Запорожскӧй да Херсонскӧй областтез социально-экономическӧя зорӧтӧм могмӧтӧм. Кураторӧн Хуснуллин кыввидза Лунвыв федеральнӧй кытш социально-экономическӧй зорӧтӧм понда да координируйтӧ ведомствоэз:

  • Российскӧй Федерациялӧн строитӧм министерство;
  • Государственнӧй регистрация, кадастр да картография сьӧрті федеральнӧй служба;
  • Экология, технологическӧй да атомнӧй дозор сьӧрті федеральнӧй служба;
  • Государственнӧй эмбурӧн веськӧтлан федеральнӧй агентство;
  • Федеральнӧй туй агентство[23].

Медтӧдчана проекттэз кар строитан политика сьӧрті

Метрополитен зорӧтӧм

2011 восянь Хуснуллинлӧн участвуйтӧмӧн вӧлі строитӧм 101 км метро линияэз, ны лыдын пассажирскӧй ветлӧтӧм понда капитальнӧя вились строитӧм 54 км Московскӧй центральнӧй кольцо, кӧда одзжык вӧлі используйтӧма только груз новйӧтӧм понда. Сэк жӧ метрополитен строитӧмлӧн доныс чинӧма етшажык 25%-ся вылӧ, сы лыдын европейскӧй проектируйтан стандарттэз вылӧ вуджӧм понда да пыдын закладнӧй станцияэз проекттэзісь откажитчӧм понда ляпкыт закладнӧй станцияэз строитӧм понда[24]. Метро строитан кад чиніс шӧрӧтви 30 % вылӧ.

Кар строитан сьӧрті политика

2011 восянь Хуснуллин юраліс асстроитан дугдӧтӧм сьӧрті карся комиссияӧн. 9 во сьӧрна, кӧр Хуснуллин юраліс Москваись строитчан комплексӧн, юркарын пондӧтісӧ реконструируйтан проект — важ унаквартираа керкуэз разьӧм да ныись оліссезӧс виль керкуэзӧ овмӧтӧм[6].

2012 восянь Хуснуллин участвуйтіс «Метр понда руб» программа реализуйтӧмын, кӧда сьӧрті Москваись правительство льготаӧн сетіс кыртымӧ 49 во кежӧ частнӧй инвесторрезлӧ культурнӧй наследие объекттэз, кӧр нія вит год сьӧрна вӧлісӧ научнӧя реставрируйтӧмӧсь.

2012 во гожумпом кеж программа сьӧрті вӧлісӧ реставрируйтӧмӧсь вит московскӧй усадьба: Морозоввезлӧн ХVІІІ-ХІХ сёвоэзя городскӧй усадьба да Н. П. Баулинлӧн олан керку (подас — XVIII сёвося палатаэз) Николоямскӧй улица вылын; XVIII—XIX сёвоэзя архитектор Константин Бусселӧн городскӧй усадьба Подсосенскӧй пельӧсын; Колесников-Шаргиннэз-Сапатиналӧн усадьба Таганскӧй площадь вылын; крестьянин Сысоевлӧн керку (шусьӧ «кариатидаа керку»), кӧда сулалӧ Печатниковӧй пельӧсын. 2013 во пом кеж кокньӧтӧм кыртымӧ сыбӧрся керкулісь историческӧй вывтырсӧ лӧсьӧтӧмӧн вӧлі сетӧм эшӧ 50 культурнӧй наследие объект[25].

2013 восянь Хуснуллиныс кипод увтын вӧлі лӧсьӧтӧм 2035 воӧдз Москва зорӧтан ӧталаӧтӧм территорияэза генеральнӧй план[26].

2017 во одзгожумӧ «Лужники» БСА реконструкциясӧ помалісӧ лӧсьӧтчан кадысся воӧн одзжык. 2018 воӧ «Лужники» лоис 2018 вося футбол сьӧрті мир чемпионат чулӧтанінӧн[27].

2018 воӧ Хуснуллин юралӧм увтын вӧлі лӧсьӧтӧм Москва шӧрись Зарядьяын парклӧн проект, кытӧн одзжык вӧлі «Россия» гостиница. «Россия» гостиницасӧ пондӧтӧмась разьны 2006 во тӧвпомӧ да ештӧтӧмась 2010 во пондӧтчиккеж. 2012 воӧ вӧлі чулӧтӧм Зарядье зорӧтан концепция лӧсьӧтӧм понда йӧзкостса творческӧй конкурс, кытчӧ вермисӧ пырӧтчыны быдӧнныс. Территория зорӧтан сьӧрті проекттэз керисӧ дӧс мирись 240 команда. Конкурс сьӧрті вӧлі лӧсьӧтӧм «народнӧй задание», кытӧн вӧлі вӧзйӧм чинтны мувывся строитӧмсӧ да активнӧя используйтны мупытшк, а сідзжӧ соссьӧтны планируйтан решеннёэзісь, кӧдна умӧльтӧны историческӧй центрыслісь вывтырсӧ. Паркын 4 ландшафтнӧй зона, павильоннэз, парковка, музейез, выставкаэза заллэз, Москва-ю вевдӧрӧт пос, уникальнӧй концертнӧй зал — филармония[28].

Транспортнӧй политика

2011 воӧ Хуснуллин ыджыт дон шогья соссьӧтіс 4-ӧт транспортнӧй кытш строитӧмись, кӧдалӧн ӧтласа кузяыс вӧлі 60 км. Сійӧн мӧдісӧ чинтны МКАД да 3-ӧт транспортнӧй кытш вылӧ нагрузкасӧ да бурмӧтны Москваын районнэз коласын йитӧтсӧ. Проектсӧ вӧлі вежӧм Северо-Западнӧй, Северо-Восточнӧй хорда да Южнӧй рокада лӧсьӧтӧм понда[29].

Россия правительствоын

2020 во тӧвшӧр 21 лунсянь Хуснуллинсӧ пуктісӧ РФ-ись правительство председатель Михаил Мишустин вежлісьӧн. Сы компетенцияэзӧ пырисӧ оланін политика, ипотечнӧй кредитируйтӧм, строительство да архитектура сфераын госполитика, оланін да коммунальнӧй хозяйство, автотуйез вильмӧтӧм да уджӧтӧм, туйся опастӧмалӧм, государственнӧй эмбурӧн веськӧтлӧм.

Сія координируйтӧ правительстволісь удж регион зорӧтӧм сьӧрті (Ылі Асыввыв федеральнӧй кытш киння), Крым Республика, Севастополь, Калининград область социально-экономическӧй зорӧтӧмын, кыввидза Абхазия да Лунвыв Осетия республикаэзкӧт ӧтласа удж понда. 2021 во гожумшӧрсянь Хуснуллин курируйтӧ Лунвыв федеральнӧй кытш.

Хуснуллин юраліс Крымскӧй пос вильмӧтӧмӧн Украина кык террористическӧй акт бӧрын 2022—2023 воэзся военнӧй действиеэз коста[6].

2023 во одзтулысӧн вице-премьерыс ветліс ӧтлаын Владимир Путинкӧт Мариупольӧ, мыччаліс прзидентыслӧ карыслісь виль микрорайоннэз, висьтасис Мариуполись аэропорт йылісь, кӧда вӧлі одзжык паздӧм. Сы вотӧдз чулӧтсис туйес вевдӧм, спорт да культура объекттэз вильмӧтӧм.

2024 во тулысӧн вӧлі пуктӧм виль правительство, Михаил Мишустин вӧзйис кольны Марат Хуснуллинсӧ постас. Тулыспом 13 лунӧ Госдума бурсьӧтіс Хуснуллинсӧ правительство председательӧс вежлісьӧн[30].

Донтан пассэз

Марат Хуснуллин 8-ӧт Московскӧй урбанистика форум вылын. 2018 во гожумшӧр 18 лун
  • «Россияпасьтся оліссез лыддьӧм чулӧтӧмӧ пуктӧм удж понда» медаль (2002)
  • «Казань 1000 во касьтылан кеж» медаль (2005)
  • «Россия профсоюззэзлӧ 100 во» медаль (2005)
  • Татарстан Республика министррез кабинетсянь аттьӧалан гижӧт (2007)
  • Татарстан Республика Президентсянь аттьӧалан гижӧт(2008; 2010)
  • «Чужанінӧ пуктӧм удж понда» II тшупӧта орденся медаль (2008)[31]
  • «Татарстан Республикаӧ пуктӧм удж понда» орден (2010)
  • «Россия жилищно-коммунальнӧй хозяйствоын почётнӧй уджалісь» почётнӧй званнё (2010)
  • Российскӧй Федерациялӧн Заслуженнӧй строитель (2013)[32]
  • Российскӧй Федерациялӧн строитан министерстволӧн почётнӧй пас (2016)
  • «ОАО „Российские железные дороги“ зорӧтӧмӧ пуктӧм удж понда» 2-ӧт тшупӧта пас (2016)[33]
  • «Вӧрва дозирайтӧмын почётнӧй уджалісь» пас (2016)
  • Почёта орден (2018)[34];
  • «Казаньлӧн Почётнӧй гражданин» (2025)[35].

Семья

Гӧтыра Лилия Наильевна Хуснуллинакӧт. Эмӧсь куим кага - зон Альберт да ныввез Малика да Алина.

Эмбур

2011 воӧ Хуснуллиныс небис 186,7 м² ыжда квартира Кремль дынын. 2016 воӧ козьналіс сійӧ Малика нылыслӧ.

2020 воӧ СМИ-лӧ лоис тӧдса, мый Хуснуллиныс олӧ дворецын, кӧдалӧн доныс 1 млрд руб мымда, Серебряннӧй Борын Москваын.

Пасйӧттэз

  1. ↑ Правительство России переходит в статус и.о. до назначения нового состава рус.. TACC (2024-05-07). Видзӧтӧм 2 Аршӧр 2025.
  2. ↑ Михаил Мишустин назначил вице-премьеров кураторами федеральных округов. Правительство России (2021-07-19). Видзӧтӧм 1 Аршӧр 2025.
  3. ↑ Хуснуллин Марат Шакирзянович. Видзӧтӧм 22 Одзар 2025.
  4. ↑ Marat Khusnullin // Коммерсантъ.
  5. ↑ Членов правительств Татарстана и Ульяновска заставят освоить английский язык, Российская газета (27 Тулыспом 2010). Дата обращения: 22 Одзар 2025.
  6. ↑ 1 2 3 Хуснуллин, Марат Шакирзянович, ТАСС. Дата обращения: 22 Одзар 2025.
  7. ↑ 1 2 3 4 5 6 7 8 Хуснуллин Марат Шакирзянович — Биография. Архивируйтӧм первоисточник сьӧрті 7 Гожумпом 2013. Видзӧтӧм 22 Одзар 2025.
  8. ↑ 1 2 Про жилье. » Новости » Публикации » СНИП. Видзӧтӧм 22 Одзар 2025.
  9. ↑ 1 2 Спортивные объекты Универсиады в Казани, РИА Новости. Дата обращения: 22 Одзар 2025.
  10. ↑ Ъ-Справочник. Архивируйтӧм первоисточник сьӧрті 6 Одзар 2013. Видзӧтӧм 22 Одзар 2025.
  11. ↑ Хуснуллин возглавил комиссию по пресечению незаконного строительства вместо Ресина. Видзӧтӧм 22 Одзар 2025.
  12. ↑ М.Хуснуллин подвел итоги деятельности Стройкомплекса Москвы за семь месяцев 2012 года / / SocGrad - Территория жизни рус.. Видзӧтӧм 22 Одзар 2025.
  13. ↑ 1 2 Мэр / Сайт Москвы рус.. Видзӧтӧм 22 Одзар 2025.
  14. ↑ «Лужники», «Москва-Сити» и другие перестройки Москвы рус.. Видзӧтӧм 22 Одзар 2025.
  15. ↑ Совет лӧсьӧтӧ Москваись олӧмӧ пӧртісь юралан органнэзлӧ да РЖД-лӧн подразделеннёэзлӧ МЖД-эз, инфраструктура объекттэз да ны бердся участоккезӧн вӧдитчан эффективность содтӧм сьӧрті, ны вылын инвестиционнӧй проекттэз олӧмӧ пӧртӧм сьӧрті решениеэз
  16. ↑ Градостроительным развитием территорий железной дороги в Москве займется специальный совет, ИА Regnum. Дата обращения: 22 Одзар 2025.
  17. ↑ Недвижимость-2013: обращение заместителя Мэра Москвы Марата Хуснуллина - 1RRE.RU - Недвижимость России. Видзӧтӧм 22 Одзар 2025.
  18. ↑ Новый состав правительства. Полный список. РБК. Видзӧтӧм 22 Одзар 2025.
  19. ↑ Как Марат Хуснуллин будет восстанавливать Херсон, Запорожье и Донбасс | Республика Крым рус.. ФедералПресс. Видзӧтӧм 22 Одзар 2025.
  20. ↑ О чем говорит новая конфигурация российского правительства. РБК (2024-05-11). Видзӧтӧм 13 Тулыспом 2024.
  21. ↑ Госдума утвердила Хуснуллина вице-премьером. РИА Новости (2024-05-13). Видзӧтӧм 13 Тулыспом 2024.
  22. ↑ Президент подписал указы о назначении членов Правительства Российской Федерации и директоров служб. Президент России (2024-05-14). Видзӧтӧм 14 Тулыспом 2024.
  23. ↑ Михаил Мишустин утвердил распределение обязанностей между вице-премьерами. Правительство России (2024-05-17). Видзӧтӧм 22 Одзар 2025.
  24. ↑ Стоимость строительства метро Москвы снизилась на 25% за 2,5 года - чиновник, Недвижимость РИА Новости. Дата обращения: 22 Одзар 2025.
  25. ↑ До конца года в льготную аренду может быть сдано около 50 объектов культурного наследия. Дата обращения: 22 Одзар 2025.
  26. ↑ Марат Хуснуллин: «В Москве будет построено 300 гостиниц». Архивируйтӧм первоисточник сьӧрті 18 Гожумшӧр 2013. Видзӧтӧм 22 Одзар 2025.
  27. ↑ Марат Хуснуллин: Реконструкцию "Лужников" можно начать лишь в мае 2014 года - ТАСС, TACC. Дата обращения: 22 Одзар 2025.
  28. ↑ Проект парка в Зарядье в центре Москвы могут реализовать к 2015 году, Недвижимость РИА Новости. Дата обращения: 22 Одзар 2025.
  29. ↑ Более 230 км дорог реконструируют в Москве за три года - Хуснуллин, m24.ru. Дата обращения: 22 Одзар 2025.
  30. ↑ Марат Хуснуллин рус.. Видзӧтӧм 22 Одзар 2025.
  31. ↑ Deputy Mayor for Urban Development and Construction / Marat Khusnullin / The official website of the Mayor and the Government of Moscow (2016-08-09). Видзӧтӧм 1 Одзтулыс 2022.
  32. ↑ Указ Президента Российской Федерации от 21 декабря 2013 г. № 929 «О награждении государственными наградами Российской Федерации»
  33. ↑ Фотофакт. www.gudok.ru. Видзӧтӧм 20 Одзтӧв 2016.
  34. ↑ Указ Президента Российской Федерации от 27.12.2018 № 756 ∙ Официальное опубликование правовых актов рус.. Официальное опубликование правовых актов. Видзӧтӧм 22 Одзар 2025.
  35. ↑ Марату Хуснуллину и Сергею Чемезову присвоили звание почетных граждан Казани, TACC (25 Гожумпом 2025). Дата обращения: 22 Одзар 2025.

Ыстӧттэз

Босьтӧма "https://koi.ruwiki.ru/w/index.php?title=Хуснуллин_Марат_Шакирзянович&oldid=215809"-ись