Вежалун

Вежалун (рочӧн воскресенье, рочӧнжык кресення) — недельын субӧт да вильлун коласся лун.

Аркмӧм

Кылыс аркмӧм кык кылісь да вежӧртсьӧ кыдз вежа лун, шоччисян лун, лун, кӧд коста оз позь керны удж. Николай Рогов перем коми - роч кывчукӧрын гижӧм кыдз «вежа вун», роч кывья вежӧртасыс — «светлый день, воскресенье» ^[1]. Унажык отирыс шуӧны вежалунсӧ кресення кылӧн, кӧда босьтӧм роч кылісь. Ӧння кадӧ отирын паськаліс вежалун кывлӧн мӧдік вежӧртас — «порйӧтан лун, праздник чулӧтан».

Мӧдік кыввезын

Комиӧн этӧ лунсӧ шуӧны кык нёж: вӧскресенньӧ да вежалун. «Вӧскресенньӧ» кылыс пырӧм роч кылісь. «Вежалун» кыв аркмӧм кык кыввужись: вежа (рочӧн святой) да лун (рочӧн день), «Енлӧн лун». Эттшӧм вежӧртасыс пантасьлӧ уна кыввезын.

Рочӧн «воскресенье» шусьӧ Исус Кристослӧн крестӧ тувъялӧм бӧрын куимӧт лунӧ ловзьӧм — въскрьсениѥ, въскрѣшениѥ^[2]. Роч кылӧ пырӧм церковнославянскӧй кыв пыр. Ӧтік версия сьӧрті, кылыс роч кылас пырӧм христианскӧй традиция пыр да лоӧ калькаӧн грек ανάσταση кывлӧ, мый веськыда вуджӧтсьӧ кыдз «ловзьӧтӧм». Мӧдік версия сьӧрті, «воскресать» кадакывлӧн вужжес ӧддьӧн важӧсь, и сія аркмӧма важ славяналӧн языческӧй «крѣсати», «воскрешать» ли кыввезісь («кресѣ» — ловзьӧтӧм, ловзьӧм). Сы дынӧ матын «кресало» кыв: «кресати» кылісь, мый лоӧ «шедтыны би» да лат. creo «лӧсьӧта, кера, ловзьӧта», лат. cresco «быдма».

Быдӧс славянскӧй кыввезын, роч киндза, этӧ лунсӧ шуӧны «неделя» (ст.‑слав. недѣ́ля, пол. niedziela, украин. неділя, беларус. нядзеля, чех. neděle и т. д.) — лун, кӧр некин нем оз кер, оз уджав. Древнерусскӧй кылын этӧ лунсӧ сідзжӧ шуисӧ «неделя», кресенняӧн шусис Ыджыт лунлӧн медодзза луныс. XIII сёвосянь «воскресенье» кылыс паськаліс отирын, сійӧ пондісӧ торйӧтны «неделя» кывсис, но сы вылӧ видзӧттӧг XVIII сёво медодзза джынйын роччес пыр на шуисӧ «неделя» терминӧн. Важ вежӧртассӧ позьӧ адззыны православнӧй вичку церковнославянскӧй терминологияись, шуам, «Фомина неделя». XI—XVII сёвоэзся роч кылын вӧлі эшӧ ӧтік кыв — воскресеник^[3].

Романскӧй кыввезын — «Господьлӧн лун» (итал. Domenica лат. dies Dominicus кывйысь).

Уна йӧззэзлӧн кресення вӧлі Шонділӧ (Шонді енлӧ) сиӧм лунӧн. Важ Римын кресення ним — dies Solis — «Шонділӧн лун» вӧлі босьтӧма греккезсянь да лоӧ важ грек heméra helíou калькаӧн. Латин нимыс вуджис германскӧй йӧззэзлӧ.

Вежалунлӧн Sunday английскӧй нимыс аркмӧма 1250 воӧдз sunedai кылісь, мый аскадӧ аркмӧма важ (700 воӧдз) Sunnandæg кылісь (вежӧртасыс «шонділӧн лун»). Нимыс ӧтівужья мӧдік германскӧй кыввескӧт, ны коласын важ фриз sunnandei, важ саксонскӧй sunnundag, нидерландскӧй sonnendach (ӧння голландскӧйын — zondag), важ вывся немецкӧй sunnun tag (ӧння немецкӧйын Sonntag), важ исландскӧйын sunnudagr (ӧння датскӧй да норвежскӧйын — søndag, шведскӧйын— söndag).

Индияын унажык кыввезын вежалунлӧн нимыс — Равивар («Рави» кылісь) либӧ Адитьявар («Адитья» кылісь) — Сурья, шонді ен, да Адитья кыввез дорӧ эпитеттэзісь лоӧм кыввез. Таиландын лун нимыс аркмӧма «Адитьяй» кывись — Waan Arthit.

Вежалун ниммезын

Кудымкарын уджалӧ «Вежалун» нима перем коми сьылан театр^[4]

Ыстӧт

↑ Рогов Н. А. Пермяцко-русский и русско-пермяцкий словарь. Санкт-Петербург. 1869.
↑ Этимологический словарь русского языка - Воскресенье
↑ Воскресенье // Этимологический словарь современного русского языка / Сост. А.К. Шапошников: Т. 1. — М.: Флинта, 2010. – С. 144
↑ "Вежалун" театр йылісь

Недель луннэз

[1] Рогов Н. А. Пермяцко-русский и русско-пермяцкий словарь. Санкт-Петербург. 1869.

[2] Этимологический словарь русского языка - Воскресенье

[3] Воскресенье // Этимологический словарь современного русского языка / Сост. А.К. Шапошников: Т. 1. — М.: Флинта, 2010. – С. 144

[4] "Вежалун" театр йылісь

[1]

[2]

[3]

[4]