Вильлун

Вильлун (рочӧн понедельник) — недельын вежалун да вторник коласся лун. 8601 ISO сьӧрті лоӧ недельын медодзза уджалан лунӧн.

Аркмӧм

Кылыс аркмӧм кык кылісь да вежӧртсьӧ кыдз недельын медодзза, виль лун пондӧтчӧм. Николай Рогов перем коми - роч кывчукӧрын гижӧм кыдз «виль вун», роч кывья вежӧртасыс — «понедельник».

Мӧдік кыввезын

Комиӧн (кз. выльлун) кыв вежӧртсьӧ кыдз виль недель пондӧтчӧм.

«Понедельник» роч кыв да сылӧн аналоггес славяна кыввезын (укр. понеділок, беларус. панядзелак, серб-хорв. понѐд(j)ељак, болг. понеделник, поляк. poniedziałek, чех pondělí, важ слав. понєдѣльникъ, в.-сорб. póndźela, у.-сорб. pónźele) локтӧмась праславянскӧйись *ponedělj-, сія аркмӧма *nedělja «воскресенье (досл. „шоччисян, нем абу керан лун“)» кывйысь. Этимология вежӧртасыс «понедельник» кывлӧн — «неделя (воскресенье) бӧрын лун».

Тюрецкой нимыс pazartesi сідзжӧ вежӧртсьӧ «вежалун бӧрын лун».

Пантасьлӧны и мӧдік традицияэз. Важ иудея-христиан традиция сьӧрті луннэссӧ лыддьӧны субӧтсянь. Сысянь петӧны грек Δευτέρα («мӧд лун (субӧтсянь)»), лат. feira segunda(ср. ӧння португ.segunda-feira), грузин. ორშაბათი (оршабати), таджик. душанбе, башкыр. и тотар. дүшәмбе, казах. дүйсенбі, армян. Երկուշաբթի (йеркушабти́). Иврит кылын вильлун нимыс — «Йом бет».

Сирия кыв вылын «медодзза лун».

Мӧдік традиция — астрономическо-астрологическӧй. Сы сьӧрті вильлунсӧ лыддьӧны Тӧлісь лунӧн.

• класс. лат. dies Lunae (ср. ӧні фр. lundi);
• Прагерман кыв *mandagaz, сыись аркмӧма англ. Monday, важ фриз mōnadeig, шӧр-увся нем. и шӧр голанд. mānendach (ӧні нидерл. Maandag), важ вывся нем. mānetag (ӧні нем. Mon(d)tag), важ исланд. mánadagr (швед да нюнорск: måndag, исланд: mánudagur, дан да букмол: mandag)
• санскрит. Sōmavāra, Сома — индуизмын Тӧлысь енлӧн ним, татісь вӧлі босьтӧм Индия мӧдік мукӧд кыввезӧ, но сідзжӧ эм и мӧдік ним - Chandravāra (ведическӧй кывйысь Chandra «Тӧлісь»);
• китай '月曜日', «тӧлісь лун», сэтісь босьтӧм япон げつようび (getsuyobi) и корея 월요일.

Ыстӧт