Среда

Среда (рочӧн среда) — недельын куимӧт лун, вторник да чӧтверг коласын. 8601 ISO стандарт сьӧрті, среда — недельын куимӧт лун.

Аркмӧм

Среда кылыс недель лун ним вежӧртасын босьтӧм роч кылісь.

Мӧдік кыввезын

Комиӧн этӧ лунсӧ шуӧны кыкнёж: середа - славянскӧй кыввезісь босьтӧм кыв, да шӧрлун «неделя шӧр, вильлун да вежалун коласся лун» — неологизм, пантасьлӧ шочжыка.

Португальскӧй кывйӧн шуӧны quarta-feira («нёльӧт лун»), сідзжӧ — «нёльӧт лун» перс кылын (چهارشنبه). Среда греческӧй кыв вылын, Τετάρτη, вежӧртсьӧ «нёльӧт». Сэтшӧм жӧ вежӧртасаӧсь арабскӧй (أربعاء), иврит (רביעי — ревии) ниммес. Армянскӧй (Չորեքշաբթի — чорекшабти́), грузинскӧй (ოთხშაბათი — отхшабати), казахскӧй (сәрсенбі), башкирскӧй (шаршамбы), таджикскӧй (чоршанбе), узбекскӧй (chorshanba/чоршанба) и татарскӧй (чәршәмбе) кыввезісь вуджӧтчӧ кыдз «субӧтсянь нёль лун».

А эстонскӧй кылын средалӧн нимыс kolmapäev — «куимӧт лун». Китай кывлӧн ойвыв сёрниын, 星期三 (xīngqīsān), вежӧртсьӧ «лун куим», сідз кыдз кресенняыс номертӧм.

Среда — славяналӧн вит лунся уджалан недель, кӧда пондӧтчӧ вильлунӧн да помасьӧ пекничаӧн, недель шӧр. Кресення кӧ пуктӧм недельлӧн медодзза лунӧн, сэк среда веськалӧ недель шӧрӧ, сысянь и аркмӧма сылӧн роч нимыс. Унажык славянскӧй кыввезын эта недель лун нимыс аркмӧма ӧтімоз (болгар: сряда, хорват: srijeda, чех: středa, македон: среда, поляк: środa, серб: среда либӧ сриједа, словак: streda, словен: sreda, украина: середа, а сідзжӧ абу славян маддяр: szerda — заимствуйтӧма славян кывъясысь).

исланд: Miðvikudagur, фарер: Mikudagur («лун — недель шӧр»).

Хинди кыв вылын средаыс шусьӧ Будхвар. «Среда», японскӧй кылісь веськыта вуджӧтӧмӧн, - «ва лун» (水曜日).

Важ Римын эта луныс вӧлі сиӧм Меркурийлӧ. Сизим лунся недель вӧлі пуктӧм Римын II сёво помын - III сёво одзын. Средалӧн римскӧй нимыс Dies Mercurii («Меркурийлӧн лун») вӧлі калькаӧн древнегреческӧй кылісь ἡμέρα Ἕρμου heméra Hérmou - «Гермеслӧн лун». Неделься сизим лун сизим классическӧй планетакӧт йитӧмсӧ медодззаись казьмӧтӧм Веттий Валентинлӧн Anthologiarum-ын (170-ӧт во гӧгӧрын).

Латинскӧй нимыс тӧдчӧ ӧння унажык романскӧй кыввезын: mercredi (французскӧй кыв), mercoledì (итальянскӧй кыв), miércoles (испанскӧй кыв), miercuri (румынскӧй кыв), dimecres (каталанскӧй кыв), Marcuri либӧ Mercuri (корсиканскӧй кыв).

Ойвывся Европаын Меркурийкӧт ӧткодясис Один (Вотан), сы нимсянь аркмӧма эта лунлӧн важ германскӧй нимыс. Германскӧй ен Воден, Воданаз, Один ли Римскӧй империя кадӧ вӧлі интерпретируйтӧм кыдз «германскӧй Меркурий».

Wednesday ӧння английскӧй нимыс локтӧм шӧр английскӧй Wednesdei кылісь, важ английскӧй вылын - wōdnesdæg. Английскӧй кывья квакеррес традиционнӧя шуӧны средасӧ «нёльӧт лунӧн», мед эз йитчӧ язычествокӧт.

Ӧння немецкӧй кылын Mittwoch кыв (веськыта вуджӧтӧмӧн: «недель шӧр») X сёво вежӧма средалысь Wodanstag («Воданлӧн лун») одзза нимсӧ, мый матісьӧтӧ сійӧ славяна ниммес дынӧ. Датскӧй, норвежскӧй, шведской кыввезын среда нимыс кольччӧма кыдз «Одинлӧн лун» - Onsdag.