Чинагорт
| Деревня | |
| Чинагорт | |
|---|---|
| 59°03′12″ с. ш. 54°59′57″ в. д.HGЯO | |
| Канму | Россия |
| Субъект Федерации | Пермский край |
| Муниципальный округ | Юсьвинский район |
| История да география | |
| Медодзза касьтылӧм | 1644 |
| Одззася ниммес | Важгорт |
| Час от | UTC+5:00 |
| Йӧз | |
| Отир | 185 морт (2010) |
| Йӧззэз | коми-пермяки |
| Цифра идентификаторъяс | |
| 619193 | |
| Код ОКТМО | 57827408196 |
| Код ОКАТО (до 2014) | 57127000123 |
|
|
|
Чина́горт — деревня Коми-Пермяцкӧй округись Юсьвинскӧй районын. Пырӧ Архангельскӧй сельскӧй поселеннёӧ. Олӧны 185 морт.
География
Чинагортыс пукалӧ Велва ю дорын. Архангельскӧйсянь 3 км ылынаын, Юсьвасянь — 13 км ылынаын. Туйӧн йитсьӧ Архангельскӧйкӧт.
История
Тӧдса 1644 восянь кык нимӧн — Чинагорт да Важгорт. А.С. Кривощёкова-Гантман сьӧрті, Чинагорт нимыс аркмӧм коми «тшына горт»-ись[1].
Фольклорын
А.С. Кривощёкова-Гантман гижӧм эттшӧм преданнё. Иньва кывтытісь Важгортӧ локтӧм инька зоннэзнас. Нія катӧмась Велваӧт да казялӧмась тшын. Мунӧмась тшын вылас да петӧмась Важгортас. Сэксянь Важгортсӧ пондӧмась шуны Тшына гортӧн. Рочмӧм нимнас лоӧм Чинагорт[1].
В.В. Климов гижӧм Чинагорт йылісь куим легенда. Медодззаыс сьӧрті Сель да Чина ниммеза кык вон перйӧмась айныссянь няньшӧрӧм да чер. Чинаыс лэбтӧма керку Велва ю дорын, а Сельыс поздісьӧма кӧз вылӧ, кыдз рака. Локтас тӧв. Пондӧма корсьыны Сельыс воныс дынӧ. Чинаыс отсалас Сельыслӧ тшупны керку. Сідз аркмӧм Чинагорт.
Мӧдыс сьӧрті Чинагортас тшупсьӧма Истомин, зыряна морт. Пышшӧма сія некруттэзісь. Вартӧма сія керкуас гор, да лонтӧ лунісь лун — тшын кайӧ керкусис. Карпӧвсаэс видзӧтӧв керӧны, кыдз тшыныс дугдывтӧг кайӧ, да шуасӧ Тшынагортӧн.
Куимӧт легенда сьӧрті, зырянаись морт Истомин пышшӧм гортсис да локтӧм Велва дорӧ. Локтӧм кытшӧмкӧ инькакӧт, мамнас ли не. Тшупас керку ӧшынтӧмӧ да ыбӧстӧмӧ, коляс векнит пыранін. Мунас Истоминыс бурлачитны. Сы коста карпӧвса локтасӧ инькаыс дын да юасьӧны, кин пӧ тэ Истоминыслӧ. А сія паныт шуӧ, ме пӧ Чина. Няньыт пӧ эм, вайим невна. Менам пӧ эм юрвердісьӧ, шуӧ инькаыс. Карпӧвсаыс чу керасӧ, мыйкӧ пӧ не мортмоза петіс. Сёрӧнжык петас отирас, видзӧ по Чинаыс розбой да тӧдсьӧ Деман-вӧриськӧт. Розбойес Кама вылас пӧ умӧльсӧ керӧмась, а мый мырддясӧ дзебӧны Чинаыс ордӧ. Тӧвйӧмась пӧ розбойес Чинаыс дын. Абу вермӧмась нійӧ кутны, пышшӧмась пӧ гарйӧм Чинаыс керкусянь ю дорӧ гусьтуйезӧт. Сэксянь пондӧмась Чинаыслісь оланаинсӧ шуны Чинагортӧн.
Ландшафттэз
Гажа мыс (досл. «веселая гора») – микротопоним, гора находится в Юсьвинском районе вблизи д. Чинагорт. Наименование географическому объекту дали из-за того, что на него всегда падает солнце. Эта гора весной первой покрывается цветами и зеленью. Жители близлежащих деревень на этой горе проводят различные праздники, некоторые даже считают ее священным местом.