Улісь Вовпа (Юсьва район)

Улісь Вовпа
	Деревня
Улісь Вовпа
	59°05′37″ с. ш. 55°00′02″ в. д.HGЯO
Канму	Российскӧй Федерация
Федерациялӧн субъект	Пермскӧй край
Район	Юсьва район
История да география
Медодзза касьтылӧм	1897
Оліссез
Отир	86 морт (2020)
Цифра идентификаторрез
	619193
ОКТМО код	57560000531
ОКАТО код (2014 воӧдз)	57127000070
Мыччавны/сайӧвтны карта
	Улісь Вовпа Улісь Вовпа

Улісь Вовпа (рочӧн Нижняя Волпа) — Пермскӧй крайлӧн Юсьва районісь деревня. Пырӧ Архангельскӧй посадмуӧ. Ылынаыс Юсьваӧдз — 17 км.

Ним

Нимыс сетӧм Вовпа ю сьӧрті^[1]. Гидронимыс аркмӧм «ловпу» (диал. вовпу) кылісь.

География

Деревняыс сулалӧ Вовпа кыкнан вадорас. Йитӧм Юсьваыскӧт галятуйӧн (Архангельскӧйӧдз), сэсся асфальт туйӧн Юсьваӧдз. Архангельскӧй посадӧдз — 8 км.

История

Оланаин йылісь медодзза гижӧмыс фиксируйтӧм 1850 восянь. Архангельскӧй посадлӧн Ревизскӧй сказкаэзын пасйӧм отир овмӧтчӧм кык вились лӧсьӧтӧм починокӧ: Тюриновӧ локтӧмась овны отир Забганісь, Карасовчиись да Маркинісь да Жаровӧ локтӧмась Петрунись да Забганісь. Вежа Михаил вичкуись документтэзын нія отирыс лыддиссьӧны Лопва деревняын оліссезӧн. Вылісь да Улісь Лопва вылӧ янсӧтчӧмыс вичку документтэзын мыччассьӧ 1880-ӧт воэзӧ^[2].

Улісь Вовпа нимыс медодз официальнӧя казьмӧтсьӧ 1869 воӧ. Сыын сы кадӧ вӧлӧмась 12 олан керку, кытӧн олӧмась 108 морт (51 айморт, 57 иньморт).^[3].

1897 воӧ деревняас уджаліс грамота школа — Соликамскӧй уездын дзир ӧтік велӧтчанін, кӧдӧ керӧмась отирӧн ӧктӧм сьӧмӧн. И. Я. Кривощёков Соликамскӧй уездлӧн карта дынӧ указательын гижӧ, мый Улісь Вовпаас олӧны комиэз, быдӧнныс Кривощёков гижсянаӧсь. Нія вӧдитӧны му да уджалӧны Кизел да Александровск заводдэзын, ветлӧны шедтыны изшом.

1924 воӧ вӧлі аркмӧтӧм Карасовскӧй сельсовет, сы шӧриннас лоис Улісь Вовпа. Сэтчӧ пырисӧ Вылісь Вовпа, Карасовчи, Забган, Петрунь, Мартин, Ивашковчи, Капилинчи, Мосин, Жук, Ӧндрон, Степановчи.

Сельсоветас уджалісӧ Калинин, Киров,Ворошилова, Молотов нима да «Октябрьскӧй» колхоззэз. 1950 воэз помын нійӧ ӧтлаӧтісӧ «Урожай» колхозӧ. Эта кадӧ деревняын уджалісӧ Вовпа кыкъямыскласса школа, клуб, ФАП, библиотека.

1963 годӧ Карасовскӧй сельсоветыс пырис Архангельскӧй сельсоветӧ.

1984 во кеж Улісь Вовпаас вӧлӧмась 33 горт, олӧмась 105 морт.

Постсоветскӧй кадӧ вӧлісӧ пӧдналӧмӧсь челядь сад (1996), библиотека да клуб (1999). 2010—2014 воэзӧ школаыс уджаліс кыдз начальнӧй, сійӧ пӧдналісӧ 2015 воӧ^[2].

Муниципальнӧй реформа бӧрын 2006 Улісь Вовпаыс воӧ пырис Юсьва муниципальнӧй районлӧн Архангельскӧй посадмуӧ, 2019 восянь пырӧ Юсьва муниципальнӧй округлӧн Архангельскӧй территорияӧ.

Население

Оліссез лыд
1869	1908	1926	1962	2002^[4]	2010^[5]
108	↘83	↗109	↗144	↘108	↗113
2020^[6]
↘86

25

50

75

100

125

150

1908

2020

Экономика и социальная сфера

Мусӧ вӧдитӧ СПК «Колхоз «Совет». Деревняас эм ФАП. Медматісь социальнӧй учрежденнёэза оланаин — Архангельскӧй.

Гора нима отир

Пахорукова Вера Васильевна (1937—2022) — финн-йӧгра литератураэз туялісь, филология доктор.
Утева Любовь Валерьевна (чуж. 1986) — лингвист, филология кандидат, коми кыв туляісь.

Пасйӧттэз

↑ Кривощекова-Гантман, А. С. Гидронимия коми-пермяцкого происхождения в Прикамье // Труды института языка, истории и традиционной культуры коми-пермяцкого народа / Выпуск 4. Собрание сочинений в 2 томах. Т. 2. Ономастика / А. С. Кривощекова-Гантман / Ред. кол. серии: А. С. Лобанова (отв. ред.), А. М. Белавин и др.. — Перм. гос. пед. ун-т.. — Пермь, 2006. — С. 14. — 254 с. — ISBN 5-85218-288-5.
↑ ¹ ² Нижняя Волпа. Народная энциклопедия деревень Юсьвинского района Пермского края. Видзӧтӧм 20 Арпом 2025.
↑ Список населенных местностей 3-го стана Соликамского уезда. 1869 год рус.. Коми-Пермяцкий окружной государственный архив. Видзӧтӧм 20 Арпом 2025.
↑ http://www.perepis2002.ru/content.html?id=11&docid=10715289081460.
↑ https://rosstat.gov.ru/free_doc/new_site/perepis2010/croc/perepis_itogi1612.htm.
↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.

[1] Кривощекова-Гантман, А. С. Гидронимия коми-пермяцкого происхождения в Прикамье // Труды института языка, истории и традиционной культуры коми-пермяцкого народа / Выпуск 4. Собрание сочинений в 2 томах. Т. 2. Ономастика / А. С. Кривощекова-Гантман / Ред. кол. серии: А. С. Лобанова (отв. ред.), А. М. Белавин и др.. — Перм. гос. пед. ун-т.. — Пермь, 2006. — С. 14. — 254 с. — ISBN 5-85218-288-5.

[:0-2] ¹ ² Нижняя Волпа. Народная энциклопедия деревень Юсьвинского района Пермского края. Видзӧтӧм 20 Арпом 2025.

[3] Список населенных местностей 3-го стана Соликамского уезда. 1869 год рус.. Коми-Пермяцкий окружной государственный архив. Видзӧтӧм 20 Арпом 2025.

[4] ttp://www.perepis2002.ru/content.html?id=11&docid=10715289081460.

[5] ttps://rosstat.gov.ru/free_doc/new_site/perepis2010/croc/perepis_itogi1612.htm.

[6] ttps://rosstat.gov.ru/vpn/2020/Tom1_Chislennost_i_razmeshchenie_naseleniya.

[1]

[2]

[3]

[4]

[5]

[6]