Забган (Юсьва район)
| Деревня | |
| Забган | |
|---|---|
| Забганово | |
 | |
| 59°04′40″ с. ш. 54°59′14″ в. д.HGЯO | |
| Канму |
 Российскӧй Федерация |
| Федерациялӧн субъект | Пермскӧй край |
| Район | Юсьва |
| История да география | |
| Оліссез | |
| Отир | 5 морт (2020) |
| Цифра идентификаторрез | |
| 619193 | |
| ОКТМО код | 57560000396 |
| ОКАТО код (2014 воӧдз) | 57127000043 |
|
|
|
Забган (рочӧн Забганово) — Пермскӧй крайлӧн Юсьва районісь деревня[1]. Пырӧ Архангельскӧй посадмуӧ. Ылынаыс Юсьваӧдз — 19 км.
Нимыс
А. С. Кривощёкова-Гантман сьӧрті, деревняыслӧн нимыс аркмӧм коми нимкодись забган[2].
География
Деревняыс сулалӧ Велва ю шульга вадорын. Йитӧм Юсьваыскӧт галятуйӧн (Забгансянь Архангельскӧйӧдз), сэсся асфальт туйӧн Юсьваӧдз. Архангельскӧй посадӧдз — 10 км. Ордччӧн Забганыскӧт Петрунь деревня.
История
Тӧдса 1782 восянь кыдз починок Забганов[3]. Медодзза оліссезнас вӧлісӧ Власовись да Дӧкарись локтӧм отир. Ны гижсяннэс — Власоввез да Кривощёковвез, кӧдна увтрылӧн нимнас вӧлӧма Забган[4].
1869 воӧ вӧлі фиксируйтӧм кыдз Велва ю дорся деревня Забганова, сыын вӧлӧмась 6 керку да 43 олісь (23 айморт, 20 иньморт)[5]. 1908 воӧ деревняас 8 керкуын олӧм 53 морт (26 айморт, 27 иньморт)[6]. Деревняыс пырис Соликамскӧй уездлӧн Архангельскӧй волостьӧ 1925 воӧдз.
Советскӧй кадӧ, Коми-Пермяцкӧй национальнӧй округын Юсьва район аркмӧтӧм бӧрын, вӧлі пыртӧм Карасовчи сельсоветӧ. 1928 воӧ забгановса пырисӧ Ворошилов нима колхозӧ (контораыс Улісь Волпаын). Колхозӧ пырисӧ сідзжӧ Карасовчи, Петрунь, Улісь Волпа деревняэз.
1930 воэзӧ Забганас вайӧтісӧ спецпереселенеццезӧс. 1938 во тӧвшӧр 1 лун кежӧ Забганас уджаліс сельхозколхоз, олісӧ 35 спецпереселенец. 1940—1943 воэзӧ олісӧ Львовскӧй воеводствоись поляккез-осадниккез.
1957 воӧ Ворошилов нима колхоз вӧлі ӧтлаӧтӧм Киров нима колхозкӧт. 1960 да 1961 воэзӧ колхоззэсӧ ыждӧтісӧ вились, Забганыс пырис «Совет» нима колхозӧ кыдз Волпаись комплекса бригада. 1963 восянь Забганыс пырис Архангельскӧй сельсоветӧ.
Муниципальнӧй реформа бӧрын 2004 воӧ пырис Юсьва муниципальнӧй районлӧн Архангельскӧй посадмуӧ, 2019 восянь пырӧ Юсьва муниципальнӧй округлӧн Архангельскӧй территорияӧ[1].
Оліссез
| 1869 | 1908 | 1926 | 1962 | 2002[7] | 2010[8] |
|---|---|---|---|---|---|
| 43 | ↗53 | ↗62 | ↗87 | ↘15 | ↘14 |
| 2020[9] | |||||
| ↘5 |
Экономика да социальнӧй сфера
Мусӧ вӧдитӧ СПК «Колхоз «Совет». Медматісь социальнӧй учрежденнёэза оланаин — Улісь Волпа — 4 км ылынаын.
Тӧдчӧминнэз да гажаиннэз
Забгансянь километр ылынаын (Карасовчи дынын) Велва дорын иналӧ федеральнӧй тӧдчӧта археология памятник Карасовчи важся кар, сія ломоватовскӧй кадся (VI ‒ IX вв.)[10][11].
Важся кар нӧрысыс тӧдса отирын кыдз Гажа мыс.
Гора нима отир
- Кривощёков Александр Кириллович (1810—1852) — серпасалісь, Строгановвезлӧн крепостнӧй, Иван Кривощёковлӧн дядь.
Пасйӧттэз
- ↑ 1 2 Закон Пермского края от 20 июня 2019 года N 427-ПК «Об образовании нового муниципального образования Юсьвинский муниципальный округ». Консорциум Кодекс. Видзӧтӧм 12 Арпом 2025.
- ↑ Кривощекова-Гантман, А. С. Гидронимия коми-пермяцкого происхождения в Прикамье // Труды института языка, истории и традиционной культуры коми-пермяцкого народа / Выпуск 4. Собрание сочинений в 2 томах. Т. 2. Ономастика / А. С. Кривощекова-Гантман / Ред. кол. серии: А. С. Лобанова (отв. ред.), А. М. Белавин и др.. — Перм. гос. пед. ун-т.. — Пермь, 2006. — С. 155. — 254 с. — ISBN 5-85218-288-5.
- ↑ Шумилов Е. Н. Населенные пункты Пермского края: Краткий исторический справочник. — Изд. 2-е, испр. и доп. — Пермь, 2012. — 107 с.
- ↑ Забганово // Народная энциклопедия деревень Юсьвинского района Пермского края. МБУК «Юсьвинская межпоселенческая центральная районная библиотека». Видзӧтӧм 12 Арпом 2025.
- ↑ Список Населенных местностей 3-го стана Соликамского уезда. 1869 год рус.. Коми-Пермяцкий окружной государственный архив. Видзӧтӧм 12 Арпом 2025.
- ↑ Списокъ населенныхъ мѣстъ Пермской губернiи. Соликамскiй уѣздъ. — Пермь: Электро-типографiя Губернского Земства, 1909. — С. 11. — 220 с.
- ↑ http://www.perepis2002.ru/content.html?id=11&docid=10715289081460.
- ↑ https://rosstat.gov.ru/free_doc/new_site/perepis2010/croc/perepis_itogi1612.htm.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Белавин А. М. Карасово городище на р. Велва // Вестник Музея археологии и этнографии Пермского Предуралья. — 2010. — № 3.
- ↑ Карасово, городище // База данных "Памятники, памятные знаки, исторические здания и места Коми-Пермяцкого округа" рус.. Коми-Пермяцкий окружной государственный архив. Видзӧтӧм 12 Арпом 2025.
Оланаиннэз Юсьва районын (муниципальнӧй округын) | |||
|---|---|---|---|
.png) |
| .png) | |
