Иньва
И́ньва (одзжык шуöмась Инва) — Перем ладорись Коми кытшын ыджыт ю, Камалӧн веськыт вож.
Иньвалӧн кузяыс – 257 км. Бассейныс – 5 920 км² ыжда. Ваӧктан вылынаыс (шӧркодь) – 188 м. Пӧлінь (шӧркодь) – 0,2 м/км [1].
Иньва пондӧтчӧ Камайыв вылынінын, неылын Киров лапӧвкӧт визирсяняс. Юыс котӧртӧ Коми му кузя асыввылӧ да усьӧ Кама вавидзанӧ Майкар дорын, Иньва курья аркмӧттӧнняс.
Юыс йысялӧ унажыксӧ октябрь помын нето ноябрь пондӧтчикӧ, а оссьӧ – апрель коста.
Иньвалӧн уна вож.
Шульгаланьсянь сыӧ усьӧны
Веськыт ладорсянь сыкӧт ӧтлаасьӧны:
Медыджытӧсь ны коласын – Велва, Юсьва, Кува да Исыв.
Ю котӧртӧ Коми кытшись кык район пыр: Кудымкарскӧй да Юсьвинскӧй. Сы дорын сулалӧны олан иннэз: Видзай, Дёма, Нёльсин, Иньвайыв, Пешнигорт, Кудымкар, Тшакылёвчи, Карпов, Аксёновчи, Купрӧс, Ыджыт Можга, Ӧнь, Майкар.
Иньва бассейнын унажык отирыс – комиӧсь, кӧдна аркмӧтӧны этнография сьӧрті тодильнӧй группа – иньвенса.
Иньва, кыдз и Кӧсва – перем коми отирлӧн ошшасян ю. Юсӧ сьылӧтӧны быдкодь сьыланкыввезын да кывбуррезын.
«Иньва» ним новйӧ сідзжӧ перем коми лыддьӧтан ӧктӧт, кӧдӧ кадісь кадӧ лэдзлӧны Кудымкарын асланым гижиссез журналыс туйӧ.
Ыстісяннэз
Ӧшмӧссэз
- География Коми-Пермяцкого автономного округа. Пермь, 1992. ISBN 5-7625-0162-0.
- Коми-Пермяцкий национальный округ. Москва-Ленинград, 1948.