Медицинаын уджалісьлӧн лун

Босьтöм Рувикиись
Медицинаын уджалісьлӧн лун
Лого день медработника.jpg
Аркмӧтӧм 1965 во одзтӧв 10 лун
Чулӧтӧны Советскӧй Социалистическӧй Республикаэз Союз CCCР
 Российскӧй Федерация
Лун абу официальнӧя 1950 восянь
Чулӧтӧм быд во, одзгожумся куимӧт кресення
Логотип РУВИКИ.Медиа Медиафайлы на РУВИКИ.Медиа

Медицинаын уджалісьлӧн лун (рочӧн День медицинского работника[1][2], отирын рочӧн День медика) — лысинвидзӧмын специалисттэзлісь удж донтан лун, кӧда чулӧтсьӧ быд во одзгожумся куимӧт кресенняӧ Россияын[2][3], Белоруссияын[4], Казахстанын[5][6], Арменияын[3], Латвияын[7], Молдоваын[3]. Мӧдік канмуэзын (СССР-ись кӧркӧся республикаэз) донтан луныс чулӧтсьӧ мӧдік луннэзӧ: Литваын — тулысшӧр 27 лунӧ (2001 восянь)[8], Украинаын — одзгожум 27 лунӧ (2023 восянь)[9], Кыргызстанын — одзгожумся медодзза кресенняӧ[10], Азербайджанын — одзгожум 17 лунӧ (2001 восянь)[11], Таджикистанын — Авиценна лунӧ — одзгожум 18 лунӧ[12].

Медицинаын уджалісьлӧн лун кежӧ лэдзӧм почта маркаа конверт, 1961 во

История

СССР-ын донтан лунсӧ неофициальнӧя чулӧтлісӧ 1950 восянь[13]. Официальнӧя, ӧтік источниккез сьӧрті, Медицинаын уджалісьлӧн удж донтан лун вӧлі пуктӧм СССР Медвылісь Совет Президиумлӧн указӧн 1965 во одзтӧв 10 лунӧ.[14]. Мӧдік источниккез сьӧрті, эта вӧлі СССР Медвылісь Совет Президиум 1980 во аршӧр 1 лунся № 3018-Х «Вежалуннэз да касьтылан луннэз йылісь» указӧн, СССР Медвылісь Совет Президиум 1988 во арпом 1 лунся № 9724-XI «Вежалуннэз да касьтылан луннэз йылісь СССР законодательствоӧ вежсьӧммез пыртӧм йылісь» редакцияа указӧн[15]. СССР разьсьӧм бӧрын удж донтан луныс да сы традицияэс кольччисӧ. Медицинаын уджалісьлісь удж донтан лунсӧ чулӧтӧны быд во одзгожумся куимӧт кресенняӧ[16].

«Призвание» нима национальнӧй премия

Традицияэз

Медицинаын уджалісьлӧн лунӧ Россия регионнэзын чулӧтсьӧны донтанлунся концерттэз, отир лысинвидзӧмын специалисттэзӧс ошкан церемонияэз (медицина уджаліссезлӧ сетӧны Почётнӧй грамотаэз, дипломмез да канму статуса пассэз, сетӧны «Российскӧй Федерациялӧн Заслуженнӧй врач» да «Российскӧй Федерациялӧн отир лысинвидзӧмын Заслуженнӧй уджалісь» званнёэз)[17][18].

Быдвося «Медиккезлӧн бал» Москваын

«Призвание» нима медицинася премия

Россияын 2001 восянь медицинаын уджалісьлӧн лун кежӧ быд во сетӧны медшӧр медицинскӧй премия — «Призвание»[17], проектсӧ реализуйтӧны Первӧй канал да Российскӧй Федерациялӧн отир лысинвидзӧм да социальнӧй зорӧтӧм министерство (2012 восянь Российскӧй Федерациялӧн отир лысинвидзӧм министерство). Медбӧрья 10 во сьӧрна премиялӧн лауреаттэзӧн лоисӧ Россия регионнэзісь 350 мымда бурдӧтчись[19].

Россияись президент ошкис Перемись 59 медикӧс Пирогов нима орденӧн да Лука Крымский нима медальӧн (2020 во одзгожум 21 лун)[20]

Медиккезлӧн бал

Традиция сьӧрті, медицинаын уджалісьлӧн лун кежӧ Москваын быд во чулӧтӧны Медиккезлісь бал (ӧктӧм сьӧмись тор вуджӧтӧны буркерӧтан фонддэзӧ)[21]. Балас участвуйтӧны быдкодь специальностя паськыта тӧдса бурдӧтчиссез да Российскӧй Федерациялӧн отир лысинвидзӧм министерствоись уджаліссез. Быд годӧ Балсӧ традиция сьӧрті осьтӧны дебютанттэз — РФ медицина вуззэзісь медбур студенттэз коласісь 22 гоз[22]. Мероприяттёыслӧн подулӧ босьтӧм классическӧй венскӧй баллӧн формат, кӧда вӧлі моднӧй царскӧй Россияын на[23].

Пирогов нима орден

2020 во одзгожум 21 лунӧ Медицинаын уджалісьлӧн лунӧ враччезӧс медодззаись ошкисӧ Пирогов нима орденӧн «коронавирус инфекция (COVІD-19) паныт пессьмӧмӧ пуктӧм пай понда»[24]. Ошкӧм отир коласын: стационаррезісь, поликлиникаэзісь, лабораторияэзісь, перыт да экстреннӧй медицинскӧй отсӧт сетан станцияэзісь, тодиля медицинскӧй центррезісь да мӧдік медицинскӧй организацияэзісь уджаліссез[25].

Россияись уна каррезын эта лунӧ (нето одзза лунас) чулӧтӧны регион масштаба медицина премияэз сетан церемонияэз. Сідз, 2002 восянь Свердловск областись медицинаын уджаліссез быд во участвуйтӧны «Медицинскӧй олимп» премияын[26].

Россияись быд регионын эта лунӧ (нето одзза лунас) чулӧтсьӧны быдкодь конференцияэз, научно-практическӧй семинаррез да мӧдік мероприяттёэз, кӧдна коста вежсьӧны опытӧн да ӧтлаӧтны российскӧй да мирпасьта медицина чукӧррез[27][17].

Тӧдчана факттэз

  • Медицинаын уджалісьлӧн униформаыс аркмис XIX сёвоӧ. Англияись врач Джозеф Листер висьталіс, мый чочком рӧм вылын буражыка тыдалӧ нятьыс, да быд врачлӧ санитария могись колӧ новйыны чочком халат[28].
  • Важ Грецияись Гиппократ бурдӧтчисьӧс шуӧны «медицина айӧн»[29].
  • «Гиппократлӧн ёрдкыв»  (перм.рус. оригинал текстсӧ роч кыв вылӧ вуджӧтны ӧддьӧн сьӧкыт. Сійӧн сійӧ вежисӧ — босьтісӧ медшӧр шуӧмторресӧ. Текстсӧ лыддьӧтӧ медицина вуззэзісь быд помалісь[28].
  • Мирись уна канмуэзын чулӧтьсӧ Врач отиркостся лун[30], да сідзжӧ конкретнӧй специализацияэзын уджаліссезлісь удж донтан луннэз: Стоматолог отиркостся лун, Медсой отиркостся лун, Травматолог мирпасьта лун да мд[31]. Россияын чулӧтсьӧны бурдӧтчись специалисттэзлӧн удж донтан луннэз: Фельдшер лун, Неонатолог лун, Перыт медицина отсӧтын уджалісьлӧн лун да мд[32].

Пасйӧттэз

  1. ↑ День медицинского работника. Сalend.ru.
  2. ↑ 1 2 Праздничные (нерабочие) дни, профессиональные праздники и памятные дни. КонсультантПлюс. Видзӧтӧм 25 Гожумпом 2023.
  3. ↑ 1 2 3 День медицинского работника в 2024 году: история и традиции праздника. Комсомольская Правда (2021-06-18).
  4. ↑ День медицинского работника: поздравьте любимого доктора 18 июня. Sputnik. Видзӧтӧм 25 Гожумпом 2023.
  5. ↑ В Казахстане отмечают День медицинского работника. Служба центральных коммуникаций при Президенте Республики Казахстан (2023-06-18).
  6. ↑ Казахстанцы будут отмечать 35 профессиональных праздников. Tengrinews.
  7. ↑ Город поздравил медиков с профессиональным праздником. TV DAUTKOM (2016-07-17).
  8. ↑ День медработника Литвы. Vis24 (2020-04-27).
  9. ↑ Указ Президента Украины «Про День медицинского работника». Верховная Рада Украины.
  10. ↑ День медицинского работника: цифры и факты. Национальный статистический комитет Кыргызской Республики (2022-06-01).
  11. ↑ Сегодня профессиональный праздник медицинских работников Азербайджана. Азербайджанское Государственное Информационное Агентство (2022-06-17).
  12. ↑ Алиев Ш. Без клятвы Гиппократу: почему в Таджикистане становится меньше врачей?. sputniknews (2023-08-18).
  13. ↑ К истории дня медицинского работника.
  14. ↑ День медицинского работника в России. Справка (2020-02-29).
  15. ↑ Праздничные дни, профессиональные праздники и памятные дни: ИЮНЬ. КонсультантПлюс.
  16. ↑ Когда отмечают День медицинского работника. История праздника. В этот день поздравляют врачей и других работников здравоохранения (2023-05-23).
  17. ↑ 1 2 3 Олеся Роженцова Когда отмечают День медицинского работника. История праздника. РБК (2023-05-25).
  18. ↑ День медицинского работника 2023: история праздника, традиции и поздравления. Viascio.ru (2021-06-12).
  19. ↑ Премия лучшим врачам России «Призвание». Призвание (2021-08-15).
  20. ↑ Президент наградил 59 пермских медиков орденом Пирогова и медалью Луки Крымского (2020-06-21).
  21. ↑ В день медицинского работника в Москве пройдет Бал медиков. РБК (2022-07-16).
  22. ↑ Бал медиков. Бал Медиков (2023-03-18).
  23. ↑ В день медицинского работника в Москве пройдет Бал медиков (2022-06-16).
  24. ↑ Учреждены новые государственные награды России. История Медицины (2020-06-22).
  25. ↑ Опубликованы указы Президента о награждении работников российских медицинских и научных учреждений орденом Пирогова и медалью Луки Крымского (2020-06-21).
  26. ↑ В Екатеринбурге прошла ежегодная премия «Медицинский олимп». Свердловской Областное Телевидение (2022-06-16).
  27. ↑ Анушевская А. День медицинского работника: история и традиции праздника. Аргументы и Факты (2016-06-19).
  28. ↑ 1 2 День медицинского работника в 2024 году: история и традиции праздника.
  29. ↑ Гиппократ.
  30. ↑ 3 октября - Международный день врача. Первый Московский государственный медицинский университет имени И. М. Сеченова (2021-10-01).
  31. ↑ Праздники в 2023 году. Мурманская Областная Клиническая больница (2020-04-12).
  32. ↑ Профессиональные медицинские праздники. Мурманская Областная Клиническая больница.
Босьтӧма "https://koi.ruwiki.ru/w/index.php?title=Медицинаын_уджалісьлӧн_лун&oldid=207264"-ись