Вӧрвӧдитісь лун
| Вӧрвӧдитісь лун | |
|---|---|
 Тӧвся вӧр | |
| Тип | Удж донтан лун |
| Мӧдінёж | Лесник лун |
| Аркмӧтӧм | СССР Верховнӧй Совет Президиумӧн |
| Чулӧтӧны |
 Белоруссия  Киргизия  Российскӧй Федерация  Украина |
| Лун | 1966 во гожумпом 13 лунӧ |
| Чулӧтӧм | быдво, одзар куимӧт вежалунӧ |
 Медиафайлы на РУВИКИ.Медиа | |
Вӧрвӧдитісь лун — вӧрвӧдитіссезлісь да вӧрын уджаліссезлісь удж донтан лун Россияын. Чулӧтьсӧ одзар куимӧт вежалунӧ.
Аркмӧтӧм
Удж донтан луныс вӧлі аркмӧтӧм СССР-ын 1966 воӧ Верховнӧй Совет Президиум Указ сьӧрті. 1980 во аршӧр 1 лунӧ Верховнӧй Советлӧн Президиум «Донтан да касьтылан луннэз йылісь» нима Указӧн пуктіс чулӧтны лунсӧ одззамоз[1]. СССР разьсьӧм бӧрын мукӧд одзза советскӧй республикаэзын кольччис удж донтан лунӧн. Чулӧтьсӧ Белоруссияын, Кыргызстанын, Украинаын[2].
Белоруссия
Белоруссияын Вӧрвӧдитісь лун — канму статуса удж донтан лун, пуктӧм чулӧтны Республика Беларусьлӧн Президент 1998 во одзтулыс 26 лунсянь «Беларусь Республикаын канму статуса луннэз, донтан да касьтылан луннэз йылісь» нима Указ сьӧрті[3].
Кыргызстан
Вӧрвӧдитісь лун кольччис сія жӧ лунӧ Канму вӧр инспекция корӧм сьӧрті. Кыргызстанлӧн правительство 1993 во гожумпом 13 лунӧ лэдзис №364 постановленнё, кӧдӧн донтан луныслӧ вились сетсис офицальнӧй статус.
Украина
Украиналӧн медодзза президент Леонид Кравчук 1993 во гожумпом 28 лунӧ лэдзис №356/93 Указ, кӧдӧн пуктіс чулӧтны Вӧрвӧдитісь лун одзар куимӧт вежалунӧ[4].
Россия
.JPG)
2003 воӧ Владимир Путин вежалуналан телеграммаын висьталіс:
«Вӧр — Россиялӧн медыджыт ӧзырторрезісь, страналӧн эконономическӧй да экологическӧй ресурс, кӧдӧ оз позь донтны. Сы вӧдитӧм да мывья уджӧтӧм пырӧ канму приоритеттэзӧ... талун миян вӧр ӧвмӧсын неетша проблемаэз. Ны коласын — комплекслісь удж зорӧтӧм, технологическӧй вильмӧтӧм да уджаліссезӧс социальнӧй дорйӧм…»[5].
2023 воӧ ТАСС пресс-центрын Вӧрвӧдитісь лун кежӧ чулӧтӧм прессӧконференция вылын вӧлі анонсируйтӧм вӧр видзӧм йылісь медодзза туялан фильм[6]. 2023 во одзар 17 дунӧ Россиялӧн Президент вежалуналіс вӧрвӧдитіссезӧс ны удж донтан лунӧн, да висьталіс, мый колӧ зорӧтны вӧр дозирайтан, керны унажык просветительскӧй программаэз[7].
Пасйӧттэз
- ↑ День работников леса в России / РИА Новости
- ↑ Указ Президиума ВС СССР от 13.08.1966 N 125-VII "Об установлении ежегодного праздника «Дня работника леса»
- ↑ Указ Президента Республики Беларусь от 26.03.1998 № 157
- ↑ Про День працівника лісу| від 28.08.1993 № 356/93
- ↑ Президент Путин поздравил работников и ветеранов лесного хозяйства с Днем работника леса : ИТАР-ТАСС Урал Архивная копия от 23 Одзар 2013 на Wayback Machine
- ↑ Лесотехнический университет готовит первый научный фильм о сохранении лесов (18.09.2023).
- ↑ Поздравление работников леса (17.09.2023).