Российскӧй кинолӧн лун

Босьтöм Рувикиись
Российскӧй кинолӧн лун
27 августа День российского кино.jpg
Лун Гожумпом 27 лун
Логотип РУВИКИ.Медиа Медиафайлы на РУВИКИ.Медиа

Российскӧй кинолӧн лун — кинематографисттэзлісь удж донтан лун Россияын. Чулӧтьсӧ быд во гожумпом 27 лунӧ.

Аркмӧтӧм

Медодзза Российскӧй империяын киносеанс чулаліс Санкт-Петербургын, «Аквариум» садын, 1896 во тулыспом 16 лунӧ[1]. 1908 во аршӧр 15 лунӧ отирлӧ мыччалісӧ 8 минута кузя кино «Понизовая вольница», медодзза Россияын керӧмись. Киносӧ керис режиссер Владимир Ромашков Степан Разин йылісь сьыланкыв сьӧрті (рочӧн «Из-за острова на стрежень»)[2].

1919 во гожумпом 27 лунӧ РСФСР-лӧн народнӧй комиссарезлӧн Совет лэдзис декрет, кӧдаӧн национализируйтіс кино керӧмсӧ. Сія лунсянь фотография да кино вузасьӧмыс, керӧмыс да кинотеатррес пырисӧ РСФСР-лӧн просвещеннё сьӧрті народнӧй комиссариат кипод увтӧ[3].

«Донтан луннэз йылісь» нима СССР-лӧн Верховнӧй Совет Президиумлӧн 1980 во аршӧр 1 лунсянь № 3018 указ сьӧрті, «Донтан луннэз йылісь СССР законодательствоӧ вежӧм йылісь» СССР-лӧн Верховнӧй Советлӧн указ 1988 во арпом 1 лунсянь № 9724-XI редакцияын (2006 во тулыспом 31 лунӧ эна указзэз вынтӧмсялісӧ), пондӧтчис советскӧй кинолӧн лун чулӧтьсӧм.

1980 вося указ сьӧрті (видзӧт вылынжык) донтан луныс шусис «Советскӧй кинолӧн лун», 1988 вося указ сьӧрті — «Кино лун». Перестройка коста донтан луныс пондіс шусьны «Россиялӧн кино лунӧн», ӧння кадся «Российскӧй кинолӧн лун» нимнас пондіс шусьны сёрӧнжык, СССР разьсьӧм бӧрын.

Донтан лунсӧ чулӧтан коста сы кадыс неӧтпырись вежсьывліс. Медодз сійӧ вежтісӧ одзтӧв 28 лун вылӧ, ӧтлаӧтісӧ Мирпасьта кино лунӧн. 2002 во тулыспомӧ Россиялӧн кинематографисттэз Союзлӧн юралісь Никита Михалков вӧзйис чулӧтлыны донтан лунсӧ арпом медбӧрья пекничаӧ, кӧр чулӧтьсӧ премия «Зарниа кутш»[4]. Но эта инициативаыс эз адззы отсӧт. Сідз и кольччис — Российскӧй кинолӧн луныс чулӧтьсӧ гожумпом 27 лунӧ.

Ыстӧттэз

  1. ↑ Н. А. Лебедев Глава 1. Кинематограф в дореволюционной России (1896-1917) рус.. Очерки истории кино СССР. «Библиотекарь». Видзӧтӧм 5 Тулысшӧр 2015.
  2. ↑ Сегодня — день российского кино рус. (2009-08-27). Видзӧтӧм 21 Гожумпом 2017.
  3. ↑ День российского кино: история и традиции празднования. Справка. РИА Новости (2008-08-27). Архивируйтӧм первоисточник сьӧрті 6 Тулысшӧр 2012. Видзӧтӧм 19 Гожумпом 2025.
  4. ↑ Никита Михалков учредил День российского кино рус. (2002-05-21).
Босьтӧма "https://koi.ruwiki.ru/w/index.php?title=Российскӧй_кинолӧн_лун&oldid=203134"-ись