Филолог лун

Филолог лун
Филолог лун
	; Михаил Ломоносовлӧ памятник МГУ одзын, 2016 во
Тип	Удж донтан лун
Вежӧртас	филологгезлісь кыввез да культура видзӧмын удж донтӧм
Чулӧтӧны	Российскӧй Федерация; Белоруссия
Лун	тулыспом 25 лун
Йитӧм	филология

Филолог лун (рочӧн День фило́лога) — филологгезлісь удж донтан лун. Россияын чулӧтсьӧ Славяна гижӧт да культура лун бӧрын — тулыспом 25 лунӧ.

Удж донтан лунсӧ порйӧтӧны лингвисттэз, литература туяліссез, кыв да литература велӧтіссез, библиотекаррез, вуджӧтіссез-филологгез да быдӧнныс, кинлӧн велӧтчис филологӧ.

Филология наукаӧн (важ. грек. φιλολογία — «кыв радейтӧм») — шусьӧ дисциплинаэза группа (лингвистика, литература туялӧм, текстология да мд.), кӧдна туялӧны гижӧм тексттэз стиль, кыв да пытшкӧс анализ сьӧрті отирлісь история да мыв культура.

Филолог луныс сідзжӧ чулӧтсьӧ Белоруссияын. Мӧдік канмуэзын одзар 8 лунӧ чулӧтӧны ЮНЕСКО-ӧн аркмӧтӧм Грамота мирпасьта лун^[1].

История

Филологиялӧн история[вильмӧтны | править код]

Филология кыдз наука аркмис XVII сёвоӧ Европаын. Сы подулӧн вӧлі наука, кӧда йитіс кыв, история, культура да философия туялӧм. Миян эраӧдзся III сёвоын Важся Грецияын да Важся Индияын керисӧ ни медодзза комментарийез тексттэз понда^[2].

М. В. Ломоносовлӧн портрет. Серп. Л. С. Миропольский. 1787

Россияын роч кыв туялӧмсӧ XVIII сёвоӧ пондӧтіс М. В. Ломоносов (перм.рус.. Кыв «филология» пантасьлӧ сы уджжезын, да сідзжӧ В. К. Тредиаковскийлӧн (перм.рус.:

…полуденного солнца яснее, что вся вообще филология… самою вещию есть токмо что элоквенция", [которая] управляет, умножает, утверждает… повсюду сияет и объединяет все науки и знания, ибо все они токмо чрез элоквенцию говорят^[3].

Кыв туялӧмкӧт йитӧм наукаэз пондісӧ шусьны «филологияӧн» XIX сёво шӧрын. Медодз сідз вӧлі шуӧм СПбГУ-ись историко-филологическӧй факультет (1850 воӧдз — история да кыв туялӧм сьӧрті), сэсся, 1853 воӧ, К. П. Зеленецкий гижис «Ӧтласа филологияӧ пыртас» (рочӧн «Введение в общую филологию»). «Филология» терминыслӧм паськалӧмыс йитӧм медодзза российскӧй тодиль «Филологические записки» нима журналӧн, кӧда петавліс А. А. Хованский редакция увтын Воронежын 1860 восянь^[2].

Филологиялӧн кыдз наукалӧн вежӧртасыс вежсис. Филологияыс пондіс вежӧртсьыны кыдз отир культура, сы литература, история да кыв ӧтласа туялӧм.

Белград университетісь филология факультетлӧн китайскӧй да японскӧй филология сьӧрті библиотека

Донтан лунлӧн история[вильмӧтны | править код]

Медодззаись Филолог лунсӧ чулӧтісӧ М. В. Ломоносов нима Москва канму университетын (перм.рус. 1989 во тулыспом 25 лунӧ велӧтіссез да студенттэз инициатива сьӧрті. Эта чулӧтӧмыс аркмӧтіс традиция, кӧда чожа паськаліс туяліссез пасьта^[1].

1992 восянь МГУ-ись филология факультет чулӧтлывлӧ Филолог лунсӧ не тулыспом 25 лунӧ, а медодзза одзтӧвся пекничаӧ, сідз кыдз факультетыс вӧлі аркмӧтӧм 1941 во одзтӧлӧн^[4].

МГУ-лӧн медодзза гуманитарнӧй корпус

Порйӧтӧм

Сія лунӧ университеттэзын да культура учрежденнёэзын чулӧтӧны концерттэз, «гӧгрӧса пызаннэз», викторинаэз, кыв да литературалӧ кӧсйӧм конференцияэз да уна мый мӧдік^[1].

Татарстан Республикалӧн юралісь Рустам Минниханов вовліс Казанскӧй федеральнӧй университетісь Филология да культурапасьтся коммуникация институтӧ. 2020

Студенттэз коласын эм синвидзас: лӧсялас ко дорйыны диплом Филолог лунӧ, быдӧс лоас бур^[1].

Чулӧтӧмлӧн колан

Донтан луныслӧн коланыс сыын, медбы мыччавны филологиялісь кыдз наукалісь колансӧ, а сідзжӧ аттьӧавны велӧтіссезӧс, туяліссезӧс да специалисттэзӧс ны удж понда, кыв да культура зорӧтӧмӧ пуктӧм пай понда. Удж донтан луныс сідзжӧ отсалӧ паськыта отир коласын висьтасьны кыв да литература йылісь^[5].

XX сёво костся медыджыт филолог Д. С. Лихачёв (перм.рус. образнӧя шуис филологиясӧ «быдӧс йитӧттэзлӧн йитӧтӧн» и этӧ рольсӧ лыддис ӧддьӧн важнӧйӧн^[6]:

Сія йитӧ историческӧй источниковеденнёсӧ кывтӧдӧм да литература туялӧмкӧт. Сетӧ текст история велӧтӧмлӧ паськыт аспект. Сія ӧтлаӧтӧ литературоведческӧй да языковедческӧй велӧтӧммесӧ произведениесӧ стиль сьӧрті велӧтӧмын. <…> Олӧмладорсяняс филологияыс антиформалистическӧй, сія велӧтӧ вежӧртны текстсӧ, ась сія историческӧй источник нето художественнӧй памятник.

Культураын

Рунетын эм «Филологическая дева» нима чукӧр, кӧдаын публикуйтӧны филологгезлӧ кӧсйӧм интернет-меммез.
Кыв нормаэз бердӧ ӧддьӧнӧв видзсяна филологгезӧс (да мӧдік отирӧс) шуӧны «граммар-наци».

Пасйӧттэз

↑ ¹ ² ³ ⁴ Когда отмечают День филолога в 2025 году, РБК Life. Дата обращения: 17 Тулысшӧр 2025.
↑ ¹ ² День филолога 2025: какого числа, история и традиции праздника, Комсомольская правда. Дата обращения: 17 Тулысшӧр 2025.
↑ Тредиаковский В. К. 1745. — Цит. по ст.: Аннушкин В. И. «Филология — словесность — языкознание в классической русской традиции и современном научно-педагогическом процессе»..
↑ День филолога собирает друзей. Филологический факультет МГУ имени М. В. Ломоносова.
↑ Андреева, 2015, с. 223, 226.
↑ Хрулёв, 2019, с. 409.

Лыддьӧтан

Андреева С. М. Филология как источник национального сознания и национальной культуры // Вестник Белгородского государственного технологического университета им. В. Г. Шухова. — 2015. — № 1. — С. 223—226.
Хасанова О. О. Образ героя-филолога в современной прозе // Мир науки и мысли. The World of Science and Ideas. — 2023. — № 2. — С. 95—99.
Хрулёв В. И. Филология в нашей жизни // Вестник Башкирского университета. — 2019. — № 2. — С. 408—413.

Ыстӧттэз

Список известных российских филологов // Esaulov.net
В честь праздника по чашечке эКспрессА: мемы в честь Дня филолога // 12 канал

[:0-1] ¹ ² ³ ⁴ Когда отмечают День филолога в 2025 году, РБК Life. Дата обращения: 17 Тулысшӧр 2025.

[:1-2] ¹ ² День филолога 2025: какого числа, история и традиции праздника, Комсомольская правда. Дата обращения: 17 Тулысшӧр 2025.

[3] Тредиаковский В. К. 1745. — Цит. по ст.: Аннушкин В. И. «Филология — словесность — языкознание в классической русской традиции и современном научно-педагогическом процессе»..

[4] День филолога собирает друзей. Филологический факультет МГУ имени М. В. Ломоносова.

[_2f533314c8acf932-5] Андреева, 2015, с. 223, 226.

[_3a7bdc94e51fc2d7-6] Хрулёв, 2019, с. 409.

[1]

[2]

[3]

[4]

[5]

[6]