Саридзвывся пехота лун

Саридзвывся пехота лун
Тип	Удж донтан лун
Аркмӧтӧм	1995 во одзтӧв 19 лун
Чулӧтӧны	Российскӧй Федерация
Лун	Арпом 27 лун
Чулӧтӧм	арпом 27 лун
Йитӧм	Пётра I указкӧт

Саридзвывся пехота лун (рочӧн День морской пехоты) — Россия ВС саридз пехота формированнёэзын кысъялісь да уджаліссезлісь удж донтан лун. 2024 воӧ Россиялӧн президент кырымпасаліс указ, кӧдӧн пуктіс чулӧтны РФ ВС-ын Саридзвывся пехота лун арпом 27 лунӧ. Одзжык донтан лунсӧ чулӧтісӧ ВМФ главком приказ сьӧрті.

Аркмӧтӧм да чулӧтӧм

«Российскӧй Федерациялӧн Саридз пехота лун» чулӧтсьӧ неважынсянь, кӧть российскӧй саридз пехотаыслӧн историяыс пондӧтчис VIII сёво пондӧтчикӧ да кыссьӧ куим сёво сьӧрна. Царь Пётр I лэдзис Россияын медодзза «саридз солдаттэз полк» аркмӧтӧм йылісь указ 1705 во арпом 16 лунӧ (вильмоза арпом 27 лунӧ). Сія лунӧ, кӧр вӧлі лэдзӧм Роч канму царьлӧн указыс, вӧлі пуктӧм (1996 во гожумшӧр 15 лунся РФ ВМФ главком флот адмирал Феликс Громов №253 приказ сьӧрті) чулӧтны «Россиялӧн саридзвывся пехота лун».

2024 воӧ Россиялӧн президент бурсьӧтіс Саридзвывся пехота донтан чулӧтӧмсӧ арпом 27 лунӧ. Канму юралісьлӧн сэтшӧм распоряженнёыс вӧлі пуктӧм правовӧй акттэз публикуйтан сайтӧ.

Новороссийскын ВМФ Лун коста российскӧй саридзвывся пехоталӧн парад (2018 во гожумшӧр 29 лун)

Содтӧт инфо

• Сьӧд береттэс да содтӧт вурӧссэс серӧтӧмӧсь пыж вӧйӧткӧртӧн — российскӧй саридзвывся пехота символӧн.
• Морпеххезлӧн эмӧсь берся талисманнэз ны подразделеннёэз сьӧрті: сьӧд пантера, грифон, чочком ош да дельфин.
• Россияын вӧлі лэдзӧм 1 руб номинала «Саридзвывся пехота» гижӧта дона сьӧмтор. Мукӧд вылас серпасалӧм саридвывся пехотаись солдат, мӧдіккез вылас — Петр I. Сыын 7,78 грамм эзысь.

Пасйӧттэз