Кадррез (национальнӧй проект)

Босьтöм Рувикиись
«Кадррез» национальнӧй проект
Рабочие, занимающиеся ремонтом помещения.jpg
Пондӧтчан кад 2024 во
Мыля Россиялӧн президент Владимир Путин тшӧктӧм сьӧрті
Сайт национальныепроекты.рф


«Кадррез» (рочӧн «Кадры») — национальнӧй проект, пондӧтӧм Россиялӧн президент Владимир Путин указ сьӧрті[1]. Медодззаись вӧлі петкӧтӧм Федеральнӧй Собраннёлӧ 2024 вося юӧртӧм коста[2].

Стратегия мог

[вильмӧтны | править код]
Владимир Путин юӧртіс «Кадррез» нацпроект пондӧтӧм йылісь (2024)

Федеральнӧй Собраннёлӧ  (перм.рус. 2024 вося юӧртӧм Владимир Путин сувтӧтіс мог лӧсьӧтны том специалисттэзӧс промышленность, наука да мӧдік сфераэз понда, видзчисяна демография содӧмсӧ тӧдвылӧ кутӧмӧн: 2030 во кежӧ канмуын лоас 8,3 млн гражданин 20-24 воӧдз; 2035 во кежӧ — 9,7 млн. Канму юралісь тӧдчӧтіс, мый Россияын 2023 воӧ вӧлі пасйӧм рекорда учӧт уджтӧмалӧмлӧн тшупӧт — 2,9 %, мый лоӧ и экономикалӧн олӧмлӧн позитивнӧй симптомӧн да ӧткоста содан кадррез абутырмӧм мыччӧсӧн[3]. Ӧддьӧнжык сія тӧдчӧ промышленностьын, кӧдаӧ 2028 во кежӧ колӧ лӧсьӧтны уджалісь профессияэз сьӧрті 1 млн мымда специалист[4]. Медбы чожа артавны проблемасӧ, Президент тшӧктіс министррез кабинетлӧ, профильнӧй ведомствоэзлӧ да предпринимательскӧй котырлӧ синхронизируйтны шӧрӧт, вылісь да профвелӧтӧм национальнӧй проекттэзлӧн моггезкӧт, а сідзжӧ экономикалӧн реальнӧй секторись коланаторрезкӧт:

…колӧ уджӧн ёнмӧтны быд тшупӧта велӧтӧмлісь йитӧмсӧ школасянь вузӧдз. Нія долженӧсь уджавны ӧтік логика сьӧрті, ӧтласа результат понда. Эстӧн ковсьӧ одзланься уджсетіссезлӧн участвуйтӧм. Тавося велӧтчан восянь странаись быдӧс школаэзын паськӧтӧм профориентация система. 6-ӧт класссянь челядь вермӧны тӧдсасьны быдкодь специальносттезӧн[5].

Кадррезӧн тырмытӧмсӧ чинтӧм сьӧрті лӧсьӧтӧм государственнӧй стратегия сьӧрті вӧлі юӧртӧм лӧсялана национальнӧй проект лэдзӧм йылісь, а сідзжӧ лӧсьӧтӧмӧсь сыкӧт йитӧм мӧдік национальнӧй да федеральнӧй проекттэз[6]. «Кадррез» национальнӧй проектлӧн моггэзкӧт вӧлі йитӧм велӧтан системаын инфраструктура, технологическӧй да научнӧй база бурмӧтӧм сьӧрті мераэзлӧн эттшӧм комплекс:

  • шӧрӧт профессиональнӧй велӧтаніннэз ремонтируйтӧм да быдберсяӧн тыртӧм (сетӧм 120 млрд 2030 воӧдз)[1];
  • 800 вузовскӧй общежиттё капитальнӧя ремонтируйтӧм (сетӧм 124 млрд руб 2030 воӧдз);
  • 2030 во кежӧ лэбтыны 25 университетскӧй кампуссэз (сетӧм 400 млрд руб); планируйтӧны лэбтыны 40 мымда студенткар;
  • «Приоритет-2030» нима университеттэзлӧ отсӧт сетан канму программа содтӧта финансируйтӧм (2030 воӧдз сетӧм 190 млрд руб);
  • 2030 во кежӧ быдӧс профессиональнӧй велӧтан учрежденнёэсӧ пыртӧм «Профессионалитет» федеральнӧй проектӧ, кӧда могмӧтӧ колледжзэзлісь да бизнеслісь топыт уджъёртасьӧм да гарантируйтӧ петіссезлӧ уджӧ пырӧм[2];
  • вуззэзын да научнӧй организацияэзын научно-техническӧй библиотекаэз модернизируйтӧм (сетӧма 9 млрд руб)[7];
  • педагогика вуззэз вильмӧтан прогармма (сетӧм 9 млрд руб)[8];
  • научнӧй да технологическӧй вильторрезӧ бизнеслӧн да канмулӧн пай кыкпӧв содӧм (видзан сьӧмлісь пайсӧ вайӧтны ВВП-ись 2 %-ӧдз 2030 во кежӧ)[1].

Эффективность донъялӧм[вильмӧтны | править код]

Национальнӧй проектлісь эффективностьсӧ донъялан критерийезӧн лоӧны конкретнӧй кадрӧвӧй, инновационнӧй да промышленнӧй проекттэз, кӧднӧ ӧтлаын лӧсьӧтасӧ региональнӧй власттез, вуззэз да бизнес, а сідзжӧ инвестицияэз босьтана студенческӧй стартаппезлӧн лыд[1]. Сувтӧтӧм мог вайӧтны 2030 во кежӧ студенттэзлісь лэдзӧм технологическӧй стартаппезлісь лыдсӧ 30 сюрсӧдз быд воӧ[9]. РФ-лӧн правительство лӧсьӧтіс программа, кӧда сетӧ позьӧс бертӧтны инвестицияэзісь 50 % венчурнӧй предпринимателлезлӧ, кӧдна пуктісӧ пай сэтшӧм проекттэзӧ (бертӧтӧм понда сетӧм 13 млрд руб).

Технологическӧй суверенитет

[вильмӧтны | править код]

«Кадррез» национальнӧй проект лоӧ Россиялӧн научно-технологическӧя зорӧтан стратегиялӧн медшӧр компонентӧн, кӧдасянь видзчиссьӧ технологическӧй суверенитет шедтӧм сідз шуана «пырйӧт мунан» сфераэзын, мӧднёж шуны, кӧдна могмӧтӧны канму экономикалісь видзсьӧм: станоккез строитӧмын да производство средствоэзын, робототехникаын, пилоттӧм системаэзын, даннӧйез экономикаын, химияын[10]. Стратегия сьӧрті 2030 во кежӧ Россия пытшкся рынок вылын вылісь технологияа вузӧслӧн да услугаэзлӧн пайыс должен содны кватьпӧв, а абусырьевӧй экспортлӧн ыждаыс содны кык куимӧт тор вылӧ[1]. Сы дырйи импортлӧн пай должен ёна чинны: 1999 воӧ на сія вӧлі ВВП-ись 26 %, то 2023 во кежӧ чинӧм ни ВВП-ись 19 %-ӧдз, а 2030 год кежӧ планируйтӧны чинтыны ВВП-ись 17 %-ӧдз[1]. Сідзкӧ, лоас быдсӧн дугдӧтӧм Россиялісь критическӧй зависимость визирсайся технологияэзсянь да наукатыра продукциясянь, да сідзжӧ тыртӧмӧсь керӧтан нишаэз, кӧдна кольччисӧ визирсайся компанияэз РФ-ись мунӧм бӧрын.

Содтӧт информация

[вильмӧтны | править код]

2024 во тулысшӧрӧ удж сьӧрті министр Антон Котяков юӧртіс, мый 2021 восянь томпӧлӧс уджтӧмалӧм чиніс да лоис 5,1 %[11].

2024 во одзтӧлӧ РФ-лӧн вице-премьер Александр Новак висьталіс, мый Россияын колӧны вылісь квалификацияа уджаліссез 1,5 млн мымда морт. Вице-премьер шуӧмӧн, кадррез дефицит эм строитӧмын, транспортын да ЖКХ-ын[12].

2025 во тӧвпомӧ РФ-лӧн вице-премьер Татьяна Голикова донъяліс «Кадррез» нацпроект понда колана сьӧмсӧ 116 млрд рубӧн[13]. 2025 во тӧвпом 21 лунӧ сія юӧртіс, мый проектлӧн кассӧвӧй тыртӧмыс лоис 43,8 % ни[14].

Пасйӧттэз

[вильмӧтны | править код]
  1. ↑ 1 2 3 4 5 6 Послание Президента Федеральному Собранию (2024-02-29).
  2. ↑ 1 2 Владимир Путин объявил о запуске нового национального проекта «Кадры» (2024-02-29).
  3. ↑ Путин: безработица в РФ снизилась до 2,9% впервые в истории, TACC. Дата обращения: 7 Одзтулыс 2024.
  4. ↑ Путин: до 2028 года нужно подготовить 1 млн специалистов рабочих профессий, AiF. Дата обращения: 7 Одзтулыс 2024.
  5. ↑ Послание Президента Федеральному собранию (2024-02-29).
  6. ↑ Леонов, Сергей. Семья, молодежь, взрослые. Путин назвал новые выплаты для жителей России, AiF. Дата обращения: 4 Одзтулыс 2024.
  7. ↑ Путин поручил модернизировать сеть научно-технических библиотек, РИА Новости (29 Тӧвпом 2024). Дата обращения: 29 Тӧвпом 2024.
  8. ↑ В России выделят девять миллиардов рублей на обновление педвузов, РИА Новости (29 Тӧвпом 2024). Дата обращения: 29 Тӧвпом 2024.
  9. ↑ Дмитрий Чернышенко: 69 регионов подключилось к реализации федпроекта «Платформа университетского технологического предпринимательства» (2022-10-06).
  10. ↑ Необходимо добиться технологического суверенитета, заявил Путин, РИА Новости (29 Тӧвпом 2024). Дата обращения: 7 Одзтулыс 2024.
  11. ↑ Путин обсудил молодежную политику с членами правительства - Российская газета, Российская газета (4 Тулысшӧр 2024). Дата обращения: 9 Тулысшӧр 2024.
  12. ↑ Александр Новак: России необходимо 1,5 млн высококвалифицированных кадров | Эксперт рус..
  13. ↑ Татьяна Голикова оценила расходы на нацпроект «Кадры» в 116 млрд рублей (2025-02-18).
  14. ↑ Голикова: кассовое исполнение нацпроекта "Кадры" составляет уже 43,8%, TACC (21 Тӧвпом 2025). Дата обращения: 21 Тӧвпом 2025.
Босьтӧма "https://koi.ruwiki.ru/w/index.php?title=Кадррез_(национальнӧй_проект)&oldid=141606"-ись