Космос (национальнӧй проект)
| Национальнӧй проект «Космос» | |
|---|---|
 | |
| Мыля | Россиялӧн президент Владимир Путин тшӧктӧм сьӧрті |
| Сьӧм мунӧм | 750 млрд руб |
Национальнӧй проект «Космос» (рочӧн национальный проект «Космос») — 2025 воӧ Россияын президент Владимир Путин тшӧктӧм сьӧрті аркмӧтӧм национальнӧй проект[1]. Сувтӧтӧ Российскӧй Федерациялісь дыркад кежся моггез спутника группировкаэз да национальнӧй орбитальнӧй станция лӧсьӧтӧм, связьлӧн космическӧй сервиссэз, атомья космическӧй энергетика зорӧтӧм, ылісь космос фундаментальнӧя туялӧм да кадррез велӧтӧм сьӧрті[2].
История
Космос отрасль зорӧтан совещаннё коста, кӧда чулаліс Н. Э. Бауман нима МГТУ-ын 2025 во тулысшӧр 16 лунӧ, Владимир Путин висьталіс, мый колӧ лӧсьӧтны «Космос» нима национальнӧй проект:
…миян планнэзным эта колана сфераын долженӧсь лӧсявны миян страналӧн историческӧй статуслӧ кыдз передовӧй космическӧй державалӧ[2].
Россиялӧн Президент висьталіс, мый нацпроектӧ колӧ пыртны кыдз матісь, сідз и дыркадся планнэз, кӧдна веськӧвтӧмӧсь отрасль зорӧтанӧ:
- унаспутникаа берся мога группировкаэз аркмӧтӧм;
- национальнӧй орбитальнӧй станция аркмӧтӧм;
- космосся атомья энергетика зорӧтӧм;
- «космос буксир» аркмӧтӧм;
- ылісь космос фундаментальнӧя туялӧм;
- Енкола картографируйтӧм «Спектр-РГ» орбитальнӧй обсерваторияын[2].
Вӧлі тодилялӧм, мый нацпроектлӧн технологическӧй уджлӧ колӧ лоны экономика вильмӧтӧмын да гражданалісь олан бурмӧтӧмын вынӧн[2].
Нацпроект финансируйтӧм планируйтӧм 2026 во да одзланься федеральнӧй бюджетын сы вынсьӧтӧм сьӧрті[2].
Финансируйтӧм
2025 во тулыспомӧ РФ правительство пуктіс нацпроект финансируйтӧм понда 2028 вӧодзся бюджетын 1 трлн руб, перспективаӧн 2036 воӧдз — 4,5 трлн мымда[3].
Федеральнӧй проекттэз
«Космос» национальнӧй проектӧ пырӧны этшшӧм федеральнӧй программаэз:
- «Космосся информационнӧй технологияэз комплекса зорӧтӧм» (рочӧн «Комплексное развитие космических информационных технологий»);
- «Перспективаа космос системаэз да сервиссэз» (рочӧн «Перспективные космические системы и сервисы»);
- «Россиялісь космосын атомьятӧм энергетика зорӧтӧм» (рочӧн «Развитие космической ядерной энергетики России»)[4].
Пуктӧм могӧ
Национальнӧй проект параметррез арталісӧ сэтшӧммезӧн:
- содтыны орбитальнӧй группировкаэзісь спутниккез 1,2 сюрсӧдз 2030 во кеж;
- содтыны российскӧй космодорммез вылісь лэбзьӧттэз 56-ӧдз во сьӧрна;
- 2027 воӧ кутчыны паськӧтны российскӧй орбитальнӧй станция;
- содтыны отрасльын уджаліссез лыд 40 сюрсӧн 2030 во кеж;
- содтыны отрасльын удж керӧм 1,5-пӧв[4].
Пасйӧттэз
- ↑ Путин анонсировал скорое утверждение нового нацпроекта по космосу - Газета.Ru | Новости, Газета.Ru (16.04.2025). Дата обращения: 17 Тулысшӧр 2025.
- ↑ 1 2 3 4 5 Совещание по вопросам развития космической деятельности, Президент России (16.04.2025). Дата обращения: 17 Тулысшӧр 2025.
- ↑ Новости. Михаил Мишустин: в доработанный нацпроект по космосу войдут прорывные направления (20.05.2025).
- ↑ 1 2 Михаил Мишустин провёл стратегическую сессию по национальному проекту «Развитие космической деятельности Российской Федерации на период до 2030 года и перспективу до 2036 года» рус. (13.08.2024).
Национальнӧй проекттэз Россияын 2025—2030 воэз кеж | |
|---|---|
| Морт капитал |
|
| Комфорта олӧмин |
|
| Экономика зорӧтӧм |
|
