Даннӧйез экономика (национальнӧй проект)

Босьтöм Рувикиись
«Даннӧйез экономика» национальнӧй проект
"Даннӧйез экономика" национальнӧй проектлӧ кӧсйӧм правительстволӧн сессия (2023)
"Даннӧйез экономика" национальнӧй проектлӧ кӧсйӧм правительстволӧн сессия (2023)
Пондӧтчан кад 2024
Помассян кад 2030
Мыля РФ президент Владимир Путин тшӧктӧм сьӧрті
Сьӧм мунӧм 700 млрд руб
Сайт национальныепроекты.рф

«Даннӧйез экономика» (рочӧн «Экономика данных») — национальнӧй проект, кӧда пондіс уджавны Россиялӧн Президент Владимир Путин указ сьӧрті[1]. Медодззаись сія вӧлі мыччалӧм «Лыддьӧм да йитчӧм. Квантовӧй мир» форум коста 2023 воӧ[2]. Курируйтӧны сійӧ цифровӧй зорӧтан министерство  (перм.рус., экономика зорӧтан министерство  (перм.рус., финанссэз министерство  (перм.рус. да АНО «Цифровая экономика»[3].

Планнэз сьӧрті нацпроектлӧ ковсьӧ видзны канмулісь суверенитет аркмӧтӧм мывкуд да квантовӧй компьютернӧй технологияэз сфераын[4]. Сы киння, сія веськӧвтӧм цифра технологияэз пыртӧмкӧт йитӧм социальнӧй да экономическӧй проблемаэз арталӧм понда[5]. Нацпроектсӧ реализуйтӧм понда 2030 воӧдз сетсьӧ 700 млрд[6].

Ыджыт квантовӧй оськӧв

[вильмӧтны | править код]
Владимир Путин лыддьӧ «Экономика данных» нацпроектсӧ олан тшупӧт бурмӧтан медшӧр инструментӧн (2023)

2023 воӧ «Лыддьӧм да йитчӧм. Квантовӧй мир» форум коста Владимир Путин анонсируйтіс «Даннӧйез экономика» нацпроект да сувтӧтіс амбицияа мог, кӧда масштаб сьӧрті ордчӧтсьӧ сідз шуана «ыджыт промышленнӧй оськӧлӧн», кӧдӧ керис СССР 1930—149 воэзӧ: керны кузь оськӧв канму технологическӧй, экономическӧй, велӧтан да юралан сямӧ[7]. Кыдз висьталіс канму юралісь, нацпроектлӧн стратегияыс абу цифровизацияын, а «мӧдік экономика» лӧсьӧтӧмын и сы бӧртасӧн канмуын олӧм бурсьӧтӧмын:

Сёрниыс абу дзир сы йылісь, медбы консолидируйтны цифровӧй экономикалӧн, аркмӧтӧм мывкудлӧн да вылісь технологияэза проекттэзлӧн зорӧтӧм понда отсӧт сетан инструменттэз, ны лыдын квантовӧй технологияэз зорӧтӧм понда «дорожнӧй картаэз». Эта былись павкӧтӧ быдӧс технологияэсӧ да олӧм сфераэсӧ[8].

Нацпроект реализуйтӧм понда президентӧн вӧлісӧ тодилялӧмӧсь конкретнӧй оськӧввез:

  • даннӧйез ӧктан системаэз бурмӧтӧм (квантовӧй сенсоррез керӧм, кӧдна вермӧтӧны буржыка позиционируйтны объекттэз — спутникӧвӧй да мувыв связь системаэзын, а сідзжӧ вермӧтӧны одз адззыны шоггез — лысинвидзан сфераын);
  • реальнӧй кадӧ даннӧйез сетан системаэз бурмӧтӧм (колана промышленнӧй робототехникалӧ, пилоттӧм транспортлӧн системаэзлӧ, кар гӧгӧртас автоматизируйтӧмлӧ);
  • юӧррез аркмӧтӧм да видзӧм понда асшӧр инфраструктура лӧсьӧтӧм (платформаэз да юӧррез уджӧтан центррез, кӧдна колӧны канму органнэз, предприяттёэз, связь операторрезлӧн бур удж понда);
  • квантовӧй да фотоннӧй технологияэз сьӧрті компьютеррез лӧсьӧтӧм да лэдзӧм;
  • даннӧйез опастӧмалӧм системаэз бурмӧтӧм (квантовӧй коммуникация да квантовӧй шифруйтӧм);
  • даннӧйезӧн уджалан национальнӧй стандарттэз да протоколлэз лӧсьӧтӧм;
  • даннӧйез уджӧтан да анализируйтан алгоритммез лӧсьӧтӧм (аркмӧтӧм мывкуд пыртӧмӧн, да сідзжӧ российскӧй программнӧй обеспеченнё);
  • код видзаніннэз лӧсьӧтӧм (Россияись да мӧдік канмуэзісь программисттэзлӧ уджалӧм понда сервиссэз)[8].

Нацпроектлісь веськӧввез, кыдз и перспективаа технологическӧй стартаппез сьӧмӧн могмӧтӧ канму. Кыдз висьталіс Mobile Research Groupлӧн ведущӧй аналитик Эльдар Муртазин, цифра зорӧтӧм сьӧрті Россия чорыта ни пырӧ вит канму-лидеррез нимлёдзӧ (2024 вося даннӧйез сьӧрті). Сія тӧдчӧтіс, мый нацпроектлӧн шӧр могӧн лоӧ не технологическӧй орсӧм мӧдік канмуэзкӧт, а ассиным регионнэзнымӧс сідз шуана «цифровӧй ӧткодьсьӧтӧм»:

Сетана сьӧмыс вермӧтас керны оськӧв сідз нето мӧднёж. Тезисыс ӧддьӧн простӧй: этӧ сія, мый колӧ зорӧтӧм понда. Талун эм цифровӧй абуӧткодялӧм регионнэз ладорсянь Москва вылӧ видзӧттӧн. Босьтны ко паськытжыка, Россия да мир, мийӧ огӧ кольччӧ бӧрӧ[9].

Технология суверенитет

[вильмӧтны | править код]
Российскӧй квантовӧй центр ӧтаркмӧтісь Руслан Юнусов, Владимир Путин да «Росатом» канму атомнӧй энергетическӧй корпорациялӧн генеральнӧй директор Алексей Лихачёв (2023)

Кыввидзсӧ, кӧда сулалӧ российскӧй инженеррез да учёнӧйез одзын нацпроектсӧ реализуйтӧм коста метафораа тодиляліс "Росатомлӧн"юралісь Алексей Лихачёв. Корпорациялӧн юралісьыс керис параллель квантовӧй компьютер аркмӧтӧм да медодзза советскӧй атомья бомба коласын — ӧтсӧ и мӧдсӧ аркмӧтісӧ «нолись», нія коланаӧсь канму суверенитет видзӧм понда:

Кӧр тэнӧ корӧны правительствоӧ и висьталӧны, мый куим-нёль вӧ бӧрті... колӧ мыччавны результат, кӧдалӧн синбаныс абу вежӧртана, технологияэс абуӧсь, но тэ сьӧрын пондасӧ видзӧтны правительство да наукаэза академия. Син одзӧ дзир петӧ синбан Лаврентий Павлович Бериялӧн, кӧда юраліс атомнӧй отрасльӧн сы аркмӧтан этапын, и эз бы ков позоритны советскӧй да российскӧй атомнӧй промышленностьлісь вылӧ лэбтӧм дӧрапассӧ. Эта зэв эмоцияа тор[8].

Российскӧй квантовӧй компьютер керисӧ тодиль лабораторияын «Росатом» патронаж увтын. Керисьыс Илья Семериков асмознас зорӧтіс Алексей Лихачёвлісь идеясӧ, тодиляліс, кытшӧм унаӧн уджалӧны и ачыс физик, и сылӧн коллегаэз Илья Заливако да Саша Борисенко — виль лад вылӧ «шарашкалӧн» асмывья узниккез. Сэтшӧм ордчӧтӧмыс мыччалӧ, мый нія КБ-эзын, кытӧн уджалісӧ Туполев, Королёв, Термен и вӧлі керӧм зэв ыджыт прорыв авиастроеннё, двигателестроеннё да ракетостроеннё сфераэзын[10]. Илья Семериков 2023 воӧ лоана технологияэзлӧн форумкоста висьталіс, что ионнӧй квантовӧй процессорӧн уджалікӧ унажык кадсӧ чулӧтіс лабораторияын, эз семьяыскӧт:

Илья Семериков висьталіс Владимир Путинлӧ, мый олӧ дзик лабораторияын (2023)

Сэксянь кытӧнкӧ куим во ни кыдз мийӧ олам лабораторияын — субӧттэзӧн, кресенняэзӧн, понедельниккезӧн. Миянлӧ осталӧ мый, ФИАН-ыс пӧднасьӧ 11 часӧ. Эз кӧ бы, дак мийӧ кольччывлімӧ узиктӧдз[8].

Квантовӧй компьютерлісь прототип ӧктытӧдз Илья Семериковлӧ ковсис чукӧртны ассяма коллектив. Кыдз сія висьтасис 2023 воӧ интервьюын, сэксянь чулаліс дас мымда во. Инженер шуӧмӧн, эшӧ дас колӧ, медбы пӧртны олӧмӧ идеяэсӧ:

Миянлӧ ӧддьӧн тӧдчана да радуйтана, мый сія [квантовӧй компьютер — ред.] керӧ кытшӧмкӧ коланаторрез, кӧдна не веськыта сысянь петӧны, мӧднёж шуны, сія моделируйтӧ молекулаэз, а оз занимайтчы кытшӧмкӧ научнӧй абстракцияӧн. Миянлӧ эта ӧддьӧн тӧдчана. Миян вӧрдным — керны колана квантовӧй компьютер. Керны сэтшӧм квантовӧй компьютер, кӧда бы былись арталіс ӧддьӧн перыта, суперкомпьютерся перытжыка, кӧда вӧлі бы коланаӧн уна отирлӧ[8].

Цифровӧй экономика рисккез

[вильмӧтны | править код]

«Даннӧйез экономика» нацпроект реализуйтӧм сьӧрті Экономика зорӧтан министерстволӧ да Удж сьӧрті министерстволӧ тшӧктӧм нуӧтны удж рынок сьӧрті быдвося анализ, медбы донъявны аркмӧтӧм мывкуд технологияэз пыртӧмкӧт йитчӧм рисккесӧ да нылісь влияннё удж вылӧ Россияын[3].

Пасйӧттэз

[вильмӧтны | править код]
  1. ↑ Послание Президента Федеральному Собранию (2024-02-29).
  2. ↑ В России появится новый нацпроект — «Экономика данных» (2023-07-13).
  3. ↑ 1 2 Михаил Мишустин дал поручения по итогам стратегической сессии, посвящённой нацпроекту «Экономика данных» (2023-12-21).
  4. ↑ Михаил Мишустин провёл стратегическую сессию по формированию национального проекта «Экономика данных» (2023-11-21).
  5. ↑ Путин объявил о запуске нацпроекта «Экономика данных», РБК. Дата обращения: 18 Одзтулыс 2024.
  6. ↑ Путин анонсировал нацпроект «Экономика данных», Коммерсантъ (29 Тӧвпом 2024). Дата обращения: 18 Одзтулыс 2024.
  7. ↑ Путин предложил подготовить нацпроект по формированию экономики данных, РИА Новости (13.07.2023). Дата обращения: 19 Одзтулыс 2024.
  8. ↑ 1 2 3 4 5 Пленарное заседание Форума будущих технологий (13.07.2023).
  9. ↑ Эксперт: Нацпроект "Экономика данных" позволит сделать рывок во внедрении ИИ - Российская газета, Российская газета (29 Тӧвпом 2024). Дата обращения: 18 Одзтулыс 2024.
  10. ↑ Писаренко, Дмитрий. Гении сталинских шарашек. Даже в лагерях учёные совершали прорывы в науке, AiF. Дата обращения: 19 Одзтулыс 2024.
Босьтӧма "https://koi.ruwiki.ru/w/index.php?title=Даннӧйез_экономика_(национальнӧй_проект)&oldid=141706"-ись