Томпӧлӧс да челядь (национальнӧй проект)

Босьтöм Рувикиись
«Томпӧлӧс да челядь»
национальнӧй проект
Нацпроект Молодёжь и дети.jpg
Пондӧтчан кад 2024 во
Помассян кад 2036 во
Мыля «2030 воӧдз да 2036 воӧдз перспектива кеж Российскӧй Федерация зорӧтан национальнӧй моггез йылісь» № 309 указ
Участниккез 50 млн
Результат

чулӧтӧм 6942 мероприяттё «Движение первых» нима челядь движеннё пыр;

Мирпасьта томпӧлӧс фестиваль организуйтӧмӧ вайӧтӧм 20 сюрс морт;
Сьӧм мунӧм нацпроектлӧн ӧтласа бюджет – 3,7 трлн руб
Организаторрез:

New Emblem of the Ministry of Education and Science of Russia.png РФ велӧтчӧм министерство

Rosmolodez.png Росмолодёжь

Middle emblem of the Ministry of Defence of the Russian Federation (21.07.2003-present).svg РФ дорйӧм министерство

National Guard of Russia.svg Росгвардия

«Томпӧлӧс да челядь» национальнӧй проект (рочӧн Национальный проект «Молодёжь и дети») лӧсьӧтӧм да пыртӧм уджӧ Российскӧй Федерациялӧн президент Владимир Путин 2024 во тулыспом 7 лунся № 309 «2030 воӧдз да 2036 воӧдз перспектива кеж Российскӧй Федерация зорӧтан национальнӧй моггез йылісь» указӧн (рочӧн «О национальных целях развития Российской Федерации на период до 2030 года и на перспективу до 2036 года»[1]). Лӧсьӧтӧм сувереннӧй велӧтан система фомируйтӧм, колана инфраструктура аркмӧтӧм да патриотизм быдтӧм понда[2][3]. Реализуйтӧмыс понда кыввидзаӧсь Велӧтчӧм министерство, Росмолодёжь, Дорйӧм министерство да Росгвардия[4]. Ӧтласа отирыс — 50 миллион морт[5]. Ӧтласа бюджетыс — 3,7 трлн руб[6].

Моггез

[вильмӧтны | править код]
РФ правительство председатель вежлісь Дмитрий Чернышенко:

«Томпӧлӧс да челядь» национальнӧй проектӧ пырӧны ӧддьӧн уна отир. Эта 50 миллионся унажык морт, нето миян канмуын оліссезісь куимӧт тор, да лыддьӧмӧн аймаммезӧс да велӧтіссезӧс — быдӧс гражданаись джын.

РФ правительстволӧ Россиялӧн президент сувтӧтіс мог, медбы 2030 во кежӧ челядьӧс да том отирӧс 100 %-ӧн отсӧтісӧ мераэзӧн, кӧдна зорӧтӧны вежӧр да таланттэз, отсалӧны адззыны одзланься удж[3]. Сы киння тодиляссьӧ, мый том отирлӧн пайыс, кӧдна пырӧны профессиональнӧй да аспыдди зорӧтӧм да патриотическӧя быдтӧм вылӧ веськӧвтӧм программаэзӧ, должен лоны 75,1 %; добровольческӧй да общественнӧй уджӧ пырӧмлӧн пайыс должен лоны 45,8 %; том отирлӧн пайыс, кӧдна веритӧны, мый Россияын позьӧ асьнысӧ оланас бура пуктыны, содны 85 %-ӧдз; визирсайся студенттэзлӧн, кӧдна велӧтчӧны Россияын вылісь тшупӧта велӧтан организацияэзын да наука организацияэзын вылісь тшупӧта велӧтан программаэз сьӧрті, лыдыс должен содны 500 сюрс мортӧдз[3].

Сы дырйи тӧдчӧтсьӧ, мый культура, искусство да народнӧй творчество сфераэзын быдӧс проекттэзісь, кӧдна зорӧтӧны да дорйӧны Россиялісь традиционнӧй духовнӧй да нравственнӧй ценносттез, 80 % сьӧмсӧ сетӧ канму[3]. Нацпроектсӧ реализуйтӧм понда 2025 воӧ кольӧм 458 138,3 млн руб, 2026 воӧ — 547 375,6 млн руб, 2027 воӧ — 550 342,1 млн руб[7].

2025 во кеж нацпроект финансируйтӧм понда канму сетіс 458 миллион руб (2025)

Нацпроектыс сьӧрті планируйтчӧ осьтны енбиа челядь понда 12 велӧтанін, ремонтируйтны 8 сюрсся унажык школаэз, велӧтны экономика медшӧр отрасллез понда уджалісь профессияэз сьӧрті не етшажык 2 миллионся том специалист, аркмӧтны 800 лаборатория томпӧлӧс понда да 50 инженернӧй школа, строитны 25 университет кампус да ремонтируйтны 800 общежиттё[8].

Федеральнӧй проекттэз

[вильмӧтны | править код]
«Профессионалитет» программа сьӧрті планируйтчӧ велӧтны 2 млн мымда уджалісь профессияа специалист (2025)

«Томпӧлӧс да челядь» нацпроектӧ пыртӧмӧсь эттшӧм федеральнӧй проекттэз:

  • «Россия — вермана торрезлӧн канму» (рочӧн «Россия — страна возможностей»);
  • «Мийӧ ӧтлаын» (рочӧн «Мы вместе»);
  • «Россия мирын» (рочӧн «Россия в мире»);
  • «Быдӧс медбурсӧ челядьлӧ» (рочӧн «Всё лучшее детям»);
  • «Одзлань мунісь школаэз» (рочӧн «Ведущие школы»);
  • «Педагоггез да велӧтіссез» (рочӧн «Педагоги и наставники»);
  • «Ӧння кадся кампуссэза вез аркмӧтӧм» (рочӧн «Создание сети современных кампусов»);
  • «Лоана лидеррез понда университеттэз» (рочӧн «Университеты для поколения лидеров»);
  • «Профессионалитет»[3];
  • «Приоритет-2030»[9].

Реализуйтӧм

[вильмӧтны | править код]
«Томпӧлӧс да челядь» нацпроектлӧн ӧтласа бюджетыс 3,7 трлн руб (2025)

2025 во одзтулыс кежся даннӧйез сьӧрті, «Томпӧлӧс да челядь» нацпроект сьӧрті тыртӧмӧсь сэтшӧм результаттэз:

  • чулӧтӧм 6942 мероприяттё «Движение первых» нима челядь движеннё пыр;
  • Мирпасьта томпӧлӧс фестиваль организуйтӧмӧм вайӧтӧм 20 сюрс морт;
  • аркмӧтӧм визирсайся студенттэз понда ӧтласа цифровӧй профиль «Вузӧ онлайн пыртсьӧм» сервис пыр;
  • РФ регионнэзын аркмӧтӧм 12 передовӧй школаэза вез;
  • аркмӧтӧмӧсь шӧрӧт профессиональнӧй велӧтӧм сьӧрті велӧтан-уджӧтан центррез;
  • осьтӧмӧсь 940 томпӧлӧс лаборатория[6];
  • 7 500 велӧтісьлӧ сетӧм ӧткадся сьӧмвештӧм «Земскӧй велӧтісь» программа сьӧрті;
  • могмӧтӧм 800 сюрс сьӧмвештӧт классӧн юралӧм понда[3].

Содтӧт информация

[вильмӧтны | править код]

2025 во одзгожум 5 лунӧ роч кывлӧ отсӧт сетӧмын канму политика реализуйтана Советлӧн заседаннё коста Россиялӧн президент Владимир Путин вӧзйис «Пушкинскӧй карта» сьӧрті лӧсьӧтны «Челядь понда небӧгся карта»[10].

Пасйӧттэз

[вильмӧтны | править код]
  1. ↑ Национальный проект «Молодежь и дети» рус..
  2. ↑ Стали известны подробности национального проекта «Молодёжь и дети», skillbox.ru (20.03.2025). Дата обращения: 21 Одзтулыс 2025.
  3. ↑ 1 2 3 4 5 6 Национальный проект «Молодёжь и дети» - Правительство России рус..
  4. ↑ Национальный проект «Молодежь и дети» рус..
  5. ↑ Дмитрий Чернышенко обсудил с депутатами Государственной Думы национальный проект «Молодёжь и дети» рус. (18.03.2025).
  6. ↑ 1 2 Дмитрий Чернышенко обсудил с депутатами Государственной Думы национальный проект «Молодёжь и дети» рус. (18.03.2025).
  7. ↑ На нацпроект "Молодежь и дети" в 2025 году планируют выделить 458 млрд рублей, TACC (30.09.2024). Дата обращения: 21 Одзтулыс 2025.
  8. ↑ Нацпроект «Молодежь и дети» дополнен инструментами модернизации важнейших сфер жизни нашей страны, Аналитический центр при Правительстве Российской Федерации. Дата обращения: 21 Одзтулыс 2025.
  9. ↑ Вузы – участники программы «Приоритет-2030» оптимистично оценивают развитие науки в России (2025-03-28).
  10. ↑ Заседание Совета по реализации госполитики в сфере поддержки русского языка и языков народов России, Президент России (05.06.2025). Дата обращения: 5 Одзгожум 2025.


© Эта материаллӧн правовидзисьыс АНО «Интернет-энциклопедия «РУВИКИ».
Материалсӧ позьӧ босьтны мӧдік сайттэз понда АНО «Интернет-энциклопедия «РУВИКИ» юӧртӧмӧн.
Босьтӧма "https://koi.ruwiki.ru/w/index.php?title=Томпӧлӧс_да_челядь_(национальнӧй_проект)&oldid=140661"-ись