Семья (национальнӧй проект)

Босьтöм Рувикиись
«Семья» национальнӧй проект
Нацпроект Семья, запущенный в Год семьи.jpg
Пондӧтчан кад 2024 во
Мыля Россиялӧн президент Владимир Путин тшӧктӧм сьӧрті
Сайт национальныепроекты.рф

«Семья» (рочӧн «Семья») — национальнӧй проект, кӧда уджалӧ Россиялӧн президент Владимир Путин указ сьӧрті[1]. Медодззаись вӧлі петкӧтӧм Федеральнӧй Собраннёлӧ 2024 вося юӧртӧм коста[2].

Нацпроектлісь медшӧр веськӧввес лӧсьӧтӧмӧсь, кыдз юӧртіс РФ-лӧн удж да социальнӧй дорйӧм министр Антон Котяков, аймам котыр корӧм сьӧрті, сідзжӧ сэтчӧ пыртӧмась одзжык бурсьӧтӧм челядя семьяэзлӧ отсалан мераэз[3].

Семья кыдз канму стратегиялӧн туйвизь

[вильмӧтны | править код]

Федеральнӧй Собраннёлӧ  (перм.рус. 2024 вося юӧртӧмын Россиялӧн президент Владимир Путин сувтӧтіс мог 2030 во кежӧ содтыны демография:

Челядя семьяэзлӧ отсалӧм — миян фундаментальнӧй нравственнӧй бӧрйӧм. Уна челядя ыджыт семья должен лоны нормаӧн, отирпӧлӧс олан философияӧн, быдӧс канму стратегия ориентирӧн[1].

Лӧсьӧтӧм канму стратегия сьӧрті вӧлі юӧртӧм «Семья» национальнӧй проект пондӧтчӧм йылісь, а сідзжӧ вӧлісӧ лӧсьӧтӧмӧсь сыкӧт йитӧм мӧдік национальнӧй проекттэз («Кадррез», «Даннӧйез экономика»)[4].

Владимир Путин шуис уна челядя семья «госстратегиялӧн ориентирӧн» (2024)

Шедтӧт ыждӧм[вильмӧтны | править код]

Нацпроектлӧн приоритетӧн вӧлі шуӧм челядя семьяэзлісь шедтӧт содӧм, сійӧн мый отирпӧлӧсын эта категорияыс лоӧ социальнӧя медвӧрзьӧтана. Сідз, 2024 вося тӧвпом кежся даннӧйез сьӧрті, уна челядя семьяэз коласын эмтӧмалӧм тшупӧтыс лоис 30 %, сувтӧтӧм моггез сьӧрті сійӧ колӧ чинтыны кыкпӧв 2030 во кежӧ. Медшӧр инструменттэзӧн сы дырйи лыддисьӧны:

  • абу ыджыт шедтӧта семьяэзлӧ быдтӧлісся сьӧмотсӧт, кӧдӧ иньдӧны мамыслӧн нӧбасян медодзза кадсянь да кагаыслӧн дассизим арӧс тыртӧмсянь (2024 годся урасьӧм вылӧ юӧррез сьӧрті сійӧ босьтлісӧ 11 млн граждана)[1];
  • соцконтракт босьтӧм сьӧрті кокньӧтӧм процедура (сы вештӧм понда 2024 во кежӧ правительствоыс сӧдтӧтӧн сетіс 100 млрд руб)[1];
  • 2030 во кежӧ МРОТ 35 сюрсӧдз содтӧм руб, мый автоматическӧя вайӧтӧ сьӧрсьӧн содӧм социальнӧй мынтӧммез, бюджетын удждоннэз[5];
  • челядя семьяэз вылӧ вот сьӧктӧт чинтӧм[6];
  • мӧдік кага понда 2800 шайтӧдз да куимӧт да сыбӧрын чужӧм понда 6000 рубӧдз вот чинтӧм; вося доход ыжда, кӧда вылӧ паськалӧ чинтӧмыс, содӧма 350-сянь 450 сюрсӧдз руб;
  • мам капитал уджтас 2030 воӧдз нюжӧтӧм.

Оланін бурсьӧтӧм[вильмӧтны | править код]

Нацпроект сьӧрті сувтӧтӧма мог быд во бурмӧтны олан условиеэз 350 сюрс мортлӧ челядя семьяэзісь[7]. Эта понда аркмӧтӧм мераэзлӧн эттшӧм комплекс:

  • семейнӧй ипотека программа 2030 воӧдз нюжӧтӧм, квать восяӧдз челядя семьяэз понда ставкаыс кольччӧ 6 % ыжда (2024 воӧ сетӧм 260 млрд руб, 2030 воӧдз — 1,5 трлн руб)[8];
  • семейнӧй ипотека программа паськӧтӧм учӧт каррез да регионнэз вылӧ, кытӧн оз уна строитсьы виль оланін;
  • отсӧт сетан мераэз 2030 воӧдз нюжӧтӧм, кӧда сьӧрті позьӧ вештыны ипотека кредитлісь юкӧн (450 сюрс руб), 2024 воӧ этчӧ торйӧтӧма 50 млрд руб[8];
  • аварийнӧй оланінсянь мӧдіклаӧ овтӧтан уджтас нюжӧтӧм;
  • садоводческӧй товариществоэз тшӧт весьтӧ социальнӧй биаруӧн могмӧтан уджтас паськӧтӧм;
  • судзсьытӧма олісь семьяэзлӧ шоныт сетан системаэз небӧм вылӧ субсидияэз (сетӧма содтӧт 32 млрд руб).

Чужтӧм да велӧтӧм[вильмӧтны | править код]

2022 воӧ РФ-ись 39 областьын чужӧммезлӧн ӧтласа коэффициентыс вӧлі учӧтжык шӧрӧт российскӧй показателлезся. Этна регионнэзын канмусянь отсӧт программаэз паськӧтӧм понда правительство 2030 воӧдз сетіс содтӧтӧн 75 млрд руб.

«Семья» нацпроект йитӧм мӧдік 2024 воӧ пыртӧм проекткӧн — «Кадррез», кӧда лӧсьӧтӧм видзчисяна демография содтӧт сьӧрті[9]. Сідз, прогноззэз сьӧрті, канмуын 2030 во кежӧ лоасӧ 20-24 вося 8,3 миллион граждана, 2035 во кежӧ — 9,7 миллион (2,4 миллионӧн унажык 2024 вося)[1]. 2028 воӧдз велӧтчиссезӧс одзза кадӧ удж вылӧ велӧтан федеральнӧй программа отсӧтӧн, а сідзжӧ «Профессионалитет» проект отсӧтӧн лӧсьӧтчӧны велӧтны 1 млн мымда специалистӧс авиация да судноэз строитӧм, фармацевтика, электроника, дорйисян промышленность понда профессияэз сьӧрті . Сідзжӧ этна планнэз сьӧрті содтӧтӧн йитӧм эттшӧм мераэза комплекс:

  • шӧр уджсикасӧ велӧтан учреждениеэз дзоньталӧм да могмӧтӧм (2030 воӧдз сетӧм 120 млрд);
  • 800 вузовскӧй общежитие капитальнӧя дзоньталӧм (2030 воӧдз торйӧтӧма 124 млрд);
  • 2030 во кежӧ лэбтыны 25 университетскӧй кампуссэз (видзӧма 400 млрд);
  • содтӧт сьӧмӧн могмӧтӧм университеттэзлӧ отсӧт сетан «Приоритет-2030» госпрограмма (190 млрд содтӧт 2030 воӧдз).

Нацпроект финансируйтӧм

[вильмӧтны | править код]

«Семья» национальнӧй проект лоӧ медыджытӧн канму зорӧтан квать вося комплекснӧй планын (2030 воӧдз). Сія лӧсьӧтӧм экономическӧй показателлез сьӧрті, кӧднӧ мыччалӧ Россия 2023—2024 воэзӧ. Сідз, 2023 годӧ ВВП-лӧн содӧмыс вевдӧртіс не токо РФ правительстволісь, но и МВФ-ись эксперттэзлісь прогноз, и лоис 3,6 %. 2023 вося ӧкмыс тӧлісь сьӧрна инвестицияэз содісӧ 26,6 %-ӧн планируйтана 15,1 % туйӧ. Кыдз тӧдчӧтіс Россиялӧн президент Владимир Путин, доходсӧ пондасӧ медодз видзны челядя семьяэзлісь олан бурмӧтӧм вылӧ:

…локтан кадӧ мийӧ вермам керны эшӧ ӧтік оськӧв одзлань: пырны мирись медыджыт экономическӧй державаэзісь нёль коласӧ. Сэтшӧм зорӧтӧмыс должен веськыта вежны миян граждана семьяэзлӧ доходдэз содӧмӧ[1].

Реализуйтӧм

[вильмӧтны | править код]

2025 во тӧвпом 24 лунӧ Россиялӧн правительство бурсьӧтіс нацпроектлісь 2030 во кежӧ медшӧр петкӧтлассэзлісь нимлёдз:

  • ӧтласа чужтан коэффициент содтӧм;
  • эмтӧмалӧм чинтӧм;
  • куимӧт да сыбӧрся челядь чужтӧмлӧн ӧтласа коэффициент — 0,475 ӧтса;
  • дыркад дозирайтна пӧрись пӧлӧс да инвалиддэзлӧн пай дозирайтӧм колана гражданалӧн ӧтласа лыд сьӧрті — 30,3 %;
  • культура, искусство да отир творчество канмуся да муниципальнӧй организацияэз уджӧн гражданалӧн долыта тшупӧт — 63 % ;
  • 50 сюрс мортӧдз оліссез лыда учӧт оланаиннэзын кинотеатррезлӧн лыд — 900 ӧтса.[10].

Сы киння, вӧлісӧ гижӧмӧсь нацпроект сьӧрті уджлӧн веськӧввез, кӧдна йитӧмӧсь мамлӧ да кагаыслӧ жыррез, велӧтан учрежденнёэзын кадкост олӧм понда группаэз лыд содтӧмкӧт, маткапитал, семейнӧй ипотека, ӧтік пособие, быдвося семейнӧй мынтӧм сетӧмкӧт[10]. Сідзжӧ документын вӧлі гижӧм лэбтыны ылісь оланаиннэзын 100 челядь сад, оборудуйтны 2,2 сюрс челядь сад, быд во соцконтракт сетӧм 220 сюрсся унажык семьяэзлӧ, 336 иньпӧлӧс консультация осьтӧм, 133 перинатальнӧй центр, 180 челядь больница могмӧтӧм, 485 сюрс ЭКО цикллэз, 1011 челядь искусствоэз школаэз строитӧм[10].

Пасйӧттэз

[вильмӧтны | править код]
  1. ↑ 1 2 3 4 5 6 Послание Президента Федеральному Собранию (2024-02-29).
  2. ↑ С заботой о главном. Как государство поддерживает семьи с детьми (2024-02-29).
  3. ↑ В России запустят пять новых нацпроектов - Российская газета, Российская газета (3 Одзтулыс 2024). Дата обращения: 4 Одзтулыс 2024.
  4. ↑ Леонов, Сергей. Семья, молодежь, взрослые. Путин назвал новые выплаты для жителей России, AiF. Дата обращения: 4 Одзтулыс 2024.
  5. ↑ Путин поручил увеличить МРОТ до 35 тысяч рублей к 2030 году, РИА Новости (29 Тӧвпом 2024). Дата обращения: 4 Одзтулыс 2024.
  6. ↑ Путин поручил отработать новую модель оплаты труда бюджетников, РИА Новости (29 Тӧвпом 2024). Дата обращения: 4 Одзтулыс 2024.
  7. ↑ Сбербанк приветствует продление семейной ипотеки до 2030 года, Недвижимость РИА Новости (29 Тӧвпом 2024). Дата обращения: 4 Одзтулыс 2024.
  8. ↑ 1 2 В России семейную ипотеку продлят до 2030 года, TACC. Дата обращения: 4 Одзтулыс 2024.
  9. ↑ Рабочие в порядке: в чем суть нового нацпроекта «Кадры», Известия (29 Тӧвпом 2024). Дата обращения: 4 Одзтулыс 2024.
  10. ↑ 1 2 3 Основные показатели и мероприятия национального проекта «Семья» рус. (24.02.2025).
Босьтӧма "https://koi.ruwiki.ru/w/index.php?title=Семья_(национальнӧй_проект)&oldid=141601"-ись