«Туризм да рочасьӧм» национальнӧй проект
«Туризм да рочасьӧм» национальнӧй проект (рочӧн Национальный проект «Туризм и гостеприимство») — Россиялӧн национальнӧй проекттэзісь ӧтік, пондіс уджавны 2021 воӧ да вӧлі вильмӧтӧм 2024 воӧ. Сы могӧн декларируйтсьӧ ыждӧтны канму экономикаын туризм отрасльлісь рольсӧ да 2030 во кежӧ содтыны туристическӧй ветлӧммезлісь лыдсӧ 140 млн-ӧдз[1].
История
Медодз нацпроектыс шусис «Туризм да рочасян индустрия». Сія вӧлі аркмӧтӧм 2020 воӧ коронавирус пӧрӧс коста да вӧлі ошкӧм Россиялӧн президентӧн Владимир Путинӧн[2]. Нацпроектыс пондіс уджавны 2021 воӧ[3].
Сы пытшкӧсын вӧлісӧ куим инициатива:
- Туристическӧй инфраструктура зорӧтӧм,
- Туристическӧй услугаэз отирӧ сибӧтӧм,
- Туризмын юралана удж бурсьӧтӧм[4].
2022 во аршӧрӧ Россиялӧн президент пӧдналіс Туризм сьӧрті федеральнӧй агентство (Ростуризм) — ведомство, кӧда лӧсьӧтіс да вӧлі кыввидза нацпроектыс понда. Сылісь уджсӧ сетісӧ экономика зорӧтан министерстволӧ[5]. Нацпроектлӧн кураторӧн кольччис вице-премьер Дмитрий Чернышенко.
Одззася результаттэз
«Туризм да рочасян индустрия» проект реализуйтӧмыс помассис 2024 во помын. Арпомӧ одззася результаттэз йылісь висьтасьтӧн Чернышенко тӧдчӧтіс, мый сы реализуйтӧм понда федеральнӧй бюджетісь вӧлі сетӧм 200 млрд руб, да висьталіс:
Позитивнӧй динамика эм быдӧс мыччӧссэз сьӧрті. Сідз, канму кузя туристалӧм лыдыс содіс, 2020 воӧ — 45 млн морт, 2023 воӧ 84 млн морт. 2024 во понда видзчисям 92 млн мымда турӧ мунӧм.
Нацпроектлӧн важнӧй решеннёэз коласын сія шуис 2027 воӧдз туристтэзӧс да гостиницаэзын оланін сьӧрті услугаэзӧс НДС-ись мездӧм, а сідзжӧ гостиницаэз понда нуля НДС дырсьӧтӧм 2030 воӧдз[6].
Проект реализуйтӧм характеризуйттӧн экономика зорӧтӧм сьӧрті министр Максим Решетников казьмӧтіс, мый медодзза этапас сія лоис антикризиснӧй инструментӧн, кӧда отсаліс отрасльлӧ вермыны коронавирус пандемиялісь бӧртассэсӧ:
Аркмӧтӧм мераэз отсӧтӧн петіс не токо видзны отрасльсӧ, но и пондӧтны инфраструктура зорӧтан планнэз реализуйтӧм. Пондӧтӧмӧсь кокньӧтӧм кредит программаэз гостиницаэз строитӧм понда да модульнӧй гостиницаэз субсидируйтӧм понда. Пытшкся туризм пондіс зорманы ӧддьӧн перыта. Бизнес очӧтісь содан корӧм вылӧ: содісӧ инвестицияэз. 2024 вося медодза джынвоӧ бизнесӧ локтіс 377 млрд руб, мый кольӧм вося 60 %-ӧн унажык[7].
Гижалӧм
Вильмӧтӧм нацпроектыс пондіс шусьны «Туризм да рочасьӧм», сыын вит федеральнӧй проект:
- Номернӧй фонд аркмӧтӧм,
- Саридздорся курорттэз,
- Канмулӧн туристскӧй мич,
- Кадррез,
- Туризм промышленнӧя могмӧтӧм[1].
Нацпроектыс уджалана 2030 воӧдз. Россиялӧн президент сувтӧтіс мог ыждӧтны ВВП-ын туризмлісь пай 5 %-ӧдз[8].
Медыджыт мероприяттёэз
Экономика зорӧтан министерство нацпроект сьӧрті ведомстволӧн юралісь Максим Решетников шуӧмӧн, медшӧр акцентыс керсьӧ вӧзйӧммез зорӧтӧм вылӧ — оланіннэз лӧсьӧтӧм да паськӧтӧм вылӧ, туристтэзӧс понда виль точкаэз лӧсьӧтӧм вылӧ[7]. Медбӧрьяэзӧн лыддиссьӧны керӧсвывся курорттэз, аквапарккез, кузьво сьӧрна уджалан гажӧтан парккез. Планируйтчӧ лӧсьӧтны 59 сюрс виль номер да вайӧтны шоччисьӧм да гажӧтчӧм понда лӧсьӧтӧм инфраструктураӧ во сьӧрна 23 млн мортӧдз[1]. Сы киння планируйтчӧ:
- Саридздорся курорттэз лӧсьӧтӧм — 11 проект Российскӧй Федерацияись ӧкмыс субъектын: 72 сюрсся унажык виль номеррез да 80 сюрс уджалан местаэз.
- Модульнӧй овмӧтчаніннэз стриитӧм — 10 сюрс виль номер.
- Ӧтласа субсидия Российскӧй Федерациялӧн субъекттэзлӧ чулӧтан мероприяттёэз вылӧ, каррезлісь историческӧй шӧриннэз бурмӧтӧм вылӧ, пляжжез да туристическӧй маршруттэз лӧсьӧтӧм вылӧ, ӧзын инфраструктура лӧсьӧтӧм вылӧ, мыйсянь туристтэзлӧн ветлӧм-мунӧмыс содас 7,4 млн.
- Туризм юкӧнын 57 организацияын «Бережливӧй производство» веськӧв сьӧрті уджаланвын содтӧм сьӧрті проекттэз.
- Туризм да рочасян индустрия понда велӧтан да методика комплекссэз лӧсьӧтӧм да кадррез велӧтӧм, 53 сюрс кывзісь[1].
Нацпроект реализуйтӧм критика
2021 во одзтӧлӧ президент Владимир Путин критикуйтіс нацпроектлісь реализуйтӧмсӧ. Сія висьталіс, мый чиновниккез отчитывайтчӧны, мый видзӧмась сетӧм сьӧмись 83,1 %, кӧр унажык сьӧмыс мунӧм не кытшӧмкӧ реальнӧй делоэз понда, инфраструктура да объекттэз строитӧм вылӧ, а «Туризм.рф» корпорациялӧн уставнӧй капиталӧ взноссэз понда (вӧлі аркмӧтӧм 2020 во одзтӧлӧ премьер-министр Михаил Мишустин тшӧктӧм сьӧрті пытшкся да локтан туризм зорӧтӧм понда). Сы дырни уджыс керӧм дзир 51 % вылӧ[9].
Пасйӧттэз
- ↑ 1 2 3 4 Основные показатели и мероприятия национального проекта «Туризм и гостеприимство» рус..
- ↑ Путин поддержал разработку нацпроекта по туризму, Коммерсантъ (16 Арпом 2020). Дата обращения: 26 Тӧвпом 2025.
- ↑ Интерфакс-Туризм Путин поручил кабмину обеспечить нацпроект по развитию туризма финансированием до 2030 года.
- ↑ Национальныепроекты.рф Туризм и индустрия гостеприимства.
- ↑ Путин упразднил Ростуризм. Что важно знать, РБК. Дата обращения: 26 Тӧвпом 2025.
- ↑ В России одобрили паспорт нового национального проекта «Туризм и гостеприимство» - Газета.Ru | Новости, Газета.Ru. Дата обращения: 26 Тӧвпом 2025.
- ↑ 1 2 Дмитрий Чернышенко: Положительная динамика есть по всем показателям нацпроекта «Туризм и индустрия гостеприимства» рус..
- ↑ Представлена структура обновленного нацпроекта «Туризм и гостеприимство» до 2030 года, Lenta.RU. Дата обращения: 26 Тӧвпом 2025.
- ↑ Вести Путин о туристическом нацпроекте: деньги пошли не на реальную работу.
Национальнӧй проекттэз Россияын | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||
