Кривощёков Александр Кириллович
| Кривощёков Александр Кириллович | |
|---|---|
 | |
| Чужан лун: | 1810 во |
| Чужанін: | Забган, Архангельскӧй волость, Соликамскӧй уезд, Пермскӧй губерния, Российская империя |
| Кулан лун: | 1852 во |
| Куланін: | абу тӧдса |
| Канму | |
| Удж | серпасалісь |
Кривощёков Александр Кириллович (1810 во, Забган, Соликамскӧй уезд, Пермскӧй губерния, Российскӧй империя — 1852 во, абу тӧдса) — серпасалісь, вичку мичӧтісь.
Олантуй
Чужис 1810 воӧ Архангельскӧй волостись Забганын Строгановвез крепостнӧй семьяын. 1840—1844 воэзӧ велӧтчис Санкт-Петербургись художествоа академияын серпасалӧм профессор А. Г. Варнек кипод увтын[1]. Помалӧмыс бӧрын серпасаліс енбаннэз да мичӧтіс вичкуэз Билимбайын, Павловскын, Чусваын да мӧдік Строгановвез завод посаддэзын. 1848 во бӧрсянь олантуйыс абу бура тӧдса: нето вӧлі ыстӧм мӧдік уджӧ, нето лэдзӧм оброкӧ[2].
Куліс 1852 воӧ[2].
Серпасалан удж
Кривощёковыс светскӧй серпассэзісь (карандаша, аквареля, виа) медунасӧ видзӧны Коми-Пермяцкӧй гортладор туялана музейын. Кыкьямыс серпас вӧлісӧ мыччалӧмӧсь Перемын да Москваын («Крепостные и забытые живописцы Прикамья конца XVIII — 1-й половины XIX в.» нима экспозицияын) да пырисӧ экспозиция каталогӧ[2].
Ӧтік серпас — княгиня Наталья Голицына Б.-Ш. Митуар портрет сьӧрті керӧм копия[3] — адззӧм Санкт-Петербург история музейын[2].
Том зонкалӧн портрет. Серп. Александр Кривощёков. Вермас лоны сы автопортрет. 1840-ӧт воэз. Коми-Пермяцкӧй гортладор туялана музей
Яков Кривощёковлӧн портрет. Серп. Александр Кривощёков. 1840-ӧт воэз. Коми-Пермяцкӧй гортладор туялана музей
Увтыр
- Воныс — Яков Кривощёков, Строгановвез Иньвенскӧй дача уджалісь[4].
- Воныслӧн зон — Иван Кривощёков, картограф, география туялісь[1].
Пасйӧттэз
- ↑ 1 2 Фоторубрика «Семейные ценности», к Году семьи // ГКБУК «Коми-Пермяцкий краеведческий музей им. П. И. Субботина-Пермяка» (видзӧтан кад 15.04.2025)
- ↑ 1 2 3 4 Кривощёков Александр Кириллович // Гордость Пармы : [биографический справочник]. — Кудымкар : Коми- Пермяцкое книжное издательство, 2008. — C. 95. — 568 с. ISBN 978-5-87901-121-0
- ↑ А. К. Кривощеков с портрета начала XIX в. работы Б.- Ш. Митуара. Портрет княгини Натальи Петровны Голицыной // ГБУК СП «Государственный музей истории Санкт-Петербурга» (видзӧтан кад 16.04.2025)
- ↑ E. И. Егорова, Н. В. Казаринова. Письма крепостного живописца Александра Кирилловича Кривощекова брату (1840—1847) Пермская художественная галерея
Ыстӧттэз
- Александр Кривощёков йылісь // Проект «Народная энциклопедия деревень Юсьвинского района Пермского края» (видзӧтан кад 15.04.2025)