Коми-Пермяцкӧй театр

Коми-пермяцкий национальный драматический театр им. М. Горького
Прежние названия	Театр колхозной молодежи (ТКОМ), Кудымкарский театр драмы
Тип театра	драматический
Основан	1917 (любительский), 1931 (здание), 1935 (профессиональный)
Основатель	П. И. Субботин-Пермяк
Награды
Здание театра
Местоположение	Кудымкар
Адрес	Россия, Пермский край, Кудымкар, улица Гагарина, дом 6
Строительство	1930-1931
Открыто	1931
Руководство
Директор	Четин Анатолий Пахомович
Главный режиссёр	Беляева Юлия Александровна
Главный художник	Мелехина Любовь Валерьевна
Сайт	teatrkpo.ru

Коми-Пермяцкӧй театр  (рочӧн Коми-Пермяцкий национальный ордена «Знак Почёта» драматический театр им. М. Горького) — Россияын медодзза национальнӧй профессиональнӧй театр, ӧтка профессиональнӧй драма театр Коми-Пермяцкӧй округын. Уджалӧ Кудымкарын. Керӧ спектакллез комиӧн да рочӧн.

Аркмӧтӧм

Кудымкарын 1917 вося Революцияӧдз уджаліс драматическӧй кружок. Сійӧн юраліс Мария Тютикова, лесничӧй Василий Тютиковлӧн инь. 1918 воö Мария Александровналiсь уджсӧ босьтiс Евстолия Субботина, Пётр Субботин-Пермяклöн инь. 1919 воӧ Субботин-Пермякыс осьтіс Кудымкарын художественнӧй мастерскӧйез, драматическӧй кружокыс пондіс уджавны ны дын. Кружокыс ӧксьывліс Нардомын, сэтчин вӧлі зал да сцена. Субботин-Пермякыс вежискодь залсӧ да сценасӧ, серӧтіс ӧнассӧ коми серрезӧн. 1926 воӧ кружокыс мыччаліс медодзза коми кывья спектакллез — «Адын» да «Райын» Нёбдінса Виттор пьесаэз сьӧрті (комиӧтіс Иву Василь). Одзись рольсӧ — Сюзь Матвей — орсіс Питю Ӧньӧ.

1930 во гожумӧн Кудымкарӧ Свердловскись вовліс гастроллезӧн профессиональнӧй труппа, сія уджаліс гожумся сцена вылын паркын. Арнас труппаыс бертіс Кудымкарӧ, мед тӧвйыны. Труппаыс понда лэбтісӧ тодиль керку. Сэтчӧ жӧ ӧктісӧ I национальнӧй студия, кӧда одзлань пондіс шусьны Колхознӧй томпӧлӧслӧн театр. Студиянас юраліс Ия Субботина, П.И. Субботин-Пермяклӧн ныв, да сылӧн айка — режиссёр Григорий Сикевский. Студияас велӧтчисӧ да уджалісӧ Анна Котельникова, Наталья Кивилёва, Нина Канюкова-Баяндина, Андрей Кылосов. 1935 воӧ студиясӧ помалісӧ 29 морт. Студияыс лоис профессиональнӧй театральнӧй труппаӧн — медодззаӧн СССР-ись национальнӧй округгезын. Аркмис театр, кӧдалӧ сетісӧ М. Горькийлісь ним. Роч труппаыс муніс уджавны Перемӧ.

Ӧння кад

Труппаас пырӧны национальнӧй студияэзісь артисттэз, кӧдна велӧтчисӧ Санкт-Петербургын, Москваын, Екатеринбургын, Перемын. Медтӧдчана спектакллез

Ыстӧттэз