Спасо-Преображенскӧй собор (Перем)

Босьтöм Рувикиись
Вичку
Спасо-Преображенскӧй кафедральнӧй собор
Спасо-Преображенский Кафедральнӧй Собор Перемын
Спасо-Преображенский Кафедральнӧй Собор Перемын
58°00′59″ с. ш. 56°14′07″ в. д.HGЯO
Канму
Кар Перем
Комсомольскӧй пр, 4, 6 кз.
Конфессия Православие
Епархия Перем
Архитектура стиль Роч классицизм
Проектлӧн автор Г. Х. Паульсен (чайтана)
Архитектор Иван Свиязев
Аркмӧтісь Строгановвез
Аркмӧтӧм кад 1560
Лэбтӧм 1798—1820 воэз
Статус Россия йӧззэзлӧн культура эмбур объект федеральнӧй тӧдчӧта Россия йӧззэзлӧн культура эмбур объект федеральнӧй тӧдчӧта. Рег. № 591610574830016 (ЕГРОКН). Объект № 5910007002 (БД Викигида)
Видзалӧм Реконструкция (2024 восянь)
Логотип РУВИКИ.Медиа Медиафайлы на РУВИКИ.Медиа

Спасо-Преображенскӧй собор (рочӧн Спасо-Преображенский кафедральный собор) — Роч православнӧй вичкулӧн  (перм.рус. Перемын медыджыт собор. Вичкуыс сулалӧ Комсомольскӧй проспект пондӧтчанінын. 1933—2023 воэзӧ сыын уджаліс Перем художествоа галерея. Российскӧй Федерация йӧззэзлӧн федеральнӧй тӧдчӧта культура эмбур объект.

История

1560 воӧ Строгановвез  (перм.рус. осьтісӧ Спасо-Преображенскӧй монастырь Пыскарын. 1781 воӧ Перемын медодзза наместник вуджӧтіс монастырьсӧ Перемӧ. Сы керкуыс вӧлі разьӧм да кылӧтӧм Кама кузя. Медодз соборсӧ мӧдісӧ сувтӧтны Егошиха керӧс вылӧ, но сыбӧрын сувтчисӧ Сенькино дынся натодиль октӧм вӧр дорӧ. Вуджӧтӧмыс кыссис 12 во сьӧрна сьӧм абутӧмсянь да мӧдік мыйсянь. Ковсис закладӧ сетны Пыскар вичкуись вежа дозмуксӧ Вятскӧй кафедральнӧй соборлӧ, кӧда сетіс 6 сюрс руб.

Керку вежӧм сьӧрті Г. П. Летучийлӧн проект, 1852 во.
Кафедральнӧй собор

1793 воӧ монастырись олана корпус пытшкын вӧлі лӧсьӧтӧм келея Перемса Степан нима вичку. Архитекторрезлӧн сорасьӧм сьӧрті алтарьыс вӧлі бергӧтӧм ойланьӧ. 5 во бӧрті сійӧ веськӧтісӧ — бергӧтісӧ асывланьӧ. 1793—1798 воэзӧ вӧлі лэбтӧм братия корпус.

Крестӧн мунӧм Перемса Степан 500 во кежӧ (1896 во тулысшӧр 26 лун) .

Император Павел І-лӧн 1793 вося «Губернияэз вылӧ канму виль юкӧм йылісь» указ сьӧрті Пермскӧй да Тобольскӧй генерал-губернаторствоэз вӧлісӧ торйӧтӧмӧсь Пермскӧй да Тобольскӧй губернияэз вылӧ. Вились аркмӧтӧм Пермскӧй губернияын видзчисисӧ асъюралана Пермскӧй епархия аркмӧтӧм, мый и лоис император Павел I указӧн 1799 воӧ. Сійӧн 1798 восянь ни айпӧлӧс монастырьын пондісӧ строитны ыджыт Господь Преображеннё нима кафедральнӧй собор (освятитӧм 1819 во аршӧр 1(13) лунӧ). Татчӧ вӧлі сувтӧтӧм Пыскарся Преображенскӧй вичкуись ыджыт иконостас. Сійӧ керӧмась 1820 воӧ.

Спасо-Преображенскӧй монастырь вӧлі пӧртӧма Аркирей керкуӧ — епископлӧн резиденцияӧ. Ӧні — ХХІ век пондӧтчикӧ — сія кыксувда керку, соборкӧт ордчӧн Орджоникидзе улица да Комсомольскӧй проспект туйвежын. Келея вичкуыс шуӧм Крестово-Митрофановскӧйӧн.

Соборлӧн колокольняыс керӧм роч классицизм стильӧн. Чайтсьӧ, мый сійӧ керис Г. Х. Паульсен. Реставрируйтісӧ соборсӧ 1853 воӧ губернскӧй архитектор Г. П. Летучий да 1901 воӧ — Р. И. Карвовский. Квартал пытшкся часовняыслӧн стильыс невна мӧдкодь, сы адззӧны барокко синбан. Ӧддьӧн характернӧя мыччассьӧ купол. Тонганыс вӧлі сідзжӧ босьтӧм Пыскар монастырись да лэбтӧм собор колокольня вылӧ 1831 воӧ.

Соборкӧт ордчӧн вӧлі Аркирейскӧй шойна — ӧні эта му вылын сулалӧ Пермскӧй зоопарк, кӧдалӧ Нагорнӧй микрорайонын лӧсьӧтӧны виль места. Соборсянь рытвылас сулаліс Пермскӧй духовнӧй семинария, кӧдалісь ыджыт керкуас сёрӧнжык уджаліс Пермскӧй ракетнӧй войскоэзлӧн военнӧй институт.

Роч православнӧй вичку понда соборыс тӧдчана, сідз кыдз сыын кысъяліс роч священномученик Андроник (Никольский). Сія юраліс Пермскӧй епархияӧн 1918 воӧдз.

1922 воӧ Аркирей керкусӧ сетісӧ областнӧй музейлӧ. Собордынся некропольсӧ разисӧ 1931 воӧ зоосад аркмӧтӧм понда. 1933 воӧ соборыс вӧлі пӧдналӧм да лӧсьӧтӧм галерея понда архитектор Н. А. Шварёв проект сьӧрті. Соборлісь колокольнясӧ йитісӧ ӧтік сувда вевттьӧм ветланӧн Аркирей керкукӧт, реконструируйтісӧ ризница, кӧда сулаліс пыранінсянь ойланяс, увдорын лӧсьӧтісӧ лекционнӧй зал, вевдӧрас — галереяись научнӧй сотрудниккезлӧн кабинеттэз. Сёрӧнжык, 1954—1958 воэзӧ, выставкаэз ыждӧтӧм могись реконструируйтісӧ соборлісь гожумся юкӧнсӧ архитектор Д. Я. Рудник проект сьӧрті.

Великӧй Отечественнӧй война коста колокольня шпиль пуасис. 1946 воӧ Победа лун порйӧттӧн соборыс невна эз сотчы: шпиляс инмис порйӧтан салютісь югдӧтан ракета.

Ӧння кадӧ

2008 воӧ Аркирей керкулісь торсӧ сетісӧ вичкулӧ. Ӧні татӧн зданиелӧн лунвыв жырын сулалӧ вежа Митрофан Воронежскӧйлӧн храм, кӧдаын осьтӧм Пермскӧй митрополияын медыджыт лавка.

2010 воӧ вӧлі освятитӧм соборлӧн колокольня да сы вылӧ сувтӧтӧм крест. 2011 во одзтӧв 6 лунӧ канму эмбурӧн веськӧтлан федеральнӧй агентство сетіс Спасо-Преображенскӧй кафедральнӧй соборлісь керкусӧ Пермскӧй епархиялӧ[1]. Ӧтамӧдкӧт кыввидза сёрнитчӧмӧн Перем художествоа галерея кӧсйисис 2016 воӧдз мунны керкусис вуджӧтӧмӧн ассис быдӧс экспонаттэсӧ кӧркӧся ракетнӧй училище керкуӧ[2]. Сыбӧрын галереясӧ вуджӧтан кадыс вӧлі нюжӧтӧм 2017—2018 воэзӧдз[3]. 2019 во помын кончитӧма собор керкулісь фасадсӧ да вевтсӧ, кӧда стенаэзын одззамоз кольччӧ художественнӧй галерея, кӧда вылӧ вуджӧм бӧрын пондасӧ керны мукӧд реставрационнӧй удж[4].

2023 во помын Перем художествоа галерея муніс собор керкуись 2025 во кежӧ планируйтана Шпагин нима заводын галереялӧн виль керкуӧ овмӧтчӧм кузя[5]. Собор керкуын пондӧтчисӧ демонтаж сьӧрті уджжез, лӧсьӧтчисӧ реконструируйтны да бӧр лӧсьӧтны историческӧй интерьерлісь синбансӧ[5].

2024 во одзтӧлӧн «Спасо-Преображенскӧй кафедральнӧй собор» федеральнӧй тӧдчӧта культура эмбур объект видзӧм сьӧрті проектнӧй документацияыс чулаліс кнамуся историко-культурнӧй экспертиза[6][7].

Вичкуын кысъяліссез

  • Вичку юралісь — протоиерей Николай Брындин
  • Протоиерей Николай Гундяев
  • Протоиерей Борис Глебов
  • Протоиерей Игорь Заваринский
  • Протоиерей Владимир Жильцов
  • Иерей Андрей Смирнов
  • Иерей Антоний Заровский
  • Протодиакон Вениамин Сидоров
  • Протодиакон Иоанн Глебов
  • Протодиакон Артемий Лебедев
  • Псаломщик Дмитрий Турчанинов[8]
  • Протоиерей Иоанн Кириллов (1807)[9]

Пасйӧттэз

  1. ↑ Спасо-Преображенский собор (г. Пермь). Пермская митрополия.
  2. ↑ Анастасия Сечина, Владимир Соколов, Пермь / 15 декабря 2014, 14:02. Трудности переезда. Пермская галерея всерьез собирается переселяться в здания бывшего ВКИУ, которое пока готовят под офисы.
  3. ↑ Спаси и преобрази. «Коммерсантъ» (Пермь) №102 (2016/06/10). Видзӧтӧм 4 Одзтулыс 2021.
  4. ↑ В Перми закончился ремонт художественной галереи. «Комсомольская правда. Пермь» (2019/12/05). Видзӧтӧм 4 Одзтулыс 2021.
  5. ↑ 1 2 Глава Пермской митрополии посетил Спасо-Преображенский собор. Пермская митрополия (2024-08-07).
  6. ↑ Елена Бардукова. Спасо-Преображенскому собору в Перми вернут первоначальные функции, Новый компаньон (11 Тулысшӧр 2025). Дата обращения: 16 Гожумшӧр 2025.
  7. ↑ Алёна Бронникова. В Перми восстановят исторический облик здания бывшей художественной галереи, Новый компаньон (13 Одзтӧв 2024). Дата обращения: 16 Гожумшӧр 2025.
  8. ↑ Духовенство. spaso-preobr-sobor.ru. Видзӧтӧм 27 Одзар 2020.
  9. ↑ 1807.11.11 брак №19: Каферальнаго Переображенскаго собора протопопа Иоанна Кириллова сын студент философии Михаил (русский).

Литература

  • Комитет по делам архивов Пермской области. Монастыри, церкви и часовни г. Перми. Пермь, 2002.
  • Пермь, путеводитель-справочник, Пермское книжное издательство, 1970.
  • Гмызмна М. А., Калашникова Р. В. Пермский Спасо-Преображенский кафедральный собор. Пермь, 2020.
Босьтӧма "https://koi.ruwiki.ru/w/index.php?title=Спасо-Преображенскӧй_собор_(Перем)&oldid=208134"-ись