Речнӧй вокзал (Перем)

Босьтöм Рувикиись
Керку
Речнӧй вокзал
Речнӧй вокзал ӧнняся кадӧ
Речнӧй вокзал ӧнняся кадӧ
58°01′14″ с. ш. 56°15′05″ в. д.HGЯO
Канму Россия
Кар Перем, Монастырскӧй ул., 2 к., 1 к.
Проектлӧн автор Александр Гринберг
Архитектор Александр Гринберг
Аркмӧтӧм кад 1940
Статус Россия йӧззэзлӧн культура эмбур объект Россия йӧззэзлӧн культура эмбур объект. Объект № 5900088000 (БД Викигида)
Логотип РУВИКИ.Медиа Медиафайлы на РУВИКИ.Медиа

 архитектура памятник (местася тӧдчӧта)

Пермскӧй речнӧй вокзал (рочӧн Пермский речной вокзал) — СССР-ын пассажирскӧй судоходстволӧн медшӧр туйгӧрӧддэзісь станция. Сія вӧлі лэбтӧм 1940 воӧ архитектор Александр Гринберг проект сьӧрті. Вӧлі пӧртӧм музейӧ. 2017 восянь сыын уджалӧ «Россия — моя история» нима историческӧй парк. 2025 во тулыспомсянь вились уджалӧ кыдз вавыв транспорт вокзал.

История

[вильмӧтны | править код]

Речнӧй вокзаллӧн керкуыс вӧлі лэбтӧм 1940 воӧ архитектор А. З. Гринберг  (перм.рус. проект сьӧрті «сталинскӧй ампир»  (перм.рус. стилистикаын. Речнӧй вокзаллӧн керкуыс — медбӧрья проект Гринбергыслӧн, кӧда тӧдса аслас конструктивистскӧй керкуэзӧн Новосибирскын, Москваын, Дондорся Ростовын да Дагестанын. Речнӧй вокзалыс вӧлі строитӧм архитектор кулӧм бӧрын ни.

Вокзалыс сулалӧ Кама дорын улісь терраса вылын мӧдік архитектура памятник да вокзал — «Пермь I» кӧрттуй станция паныт. Сідз вӧлі бура решитӧма пассажиррезӧс ӧтік транспорт вид вылісь мӧдік вылӧ вуджӧтӧм проблема.

Аслас ыжда сьӧрті вокзалыс вӧлі СССР-ын мӧдӧдззаӧн Химки речнӧй вокзал бӧрын, вермис обслуживайтны 500 пассажирӧдз[1].

Великӧй Отечественнӧй война коста вокзалын уджаліс эвакуируйтӧм отир понда гостиница[1].

Речнӧй вокзал осьтӧмсянь керкуыс уджаліс кыдз пассажирскӧй судоходство станция да ыджыт выставочнӧй зал. Сідз, 1945 во тӧвпомӧ Перем горисполком постановленнё сьӧрті вокзалас оссис военно-патриотическӧй выставка (рочӧн «Урал — кузница Советского оружия»). 1957 во арпомсянь 1958 во тӧвшӧрӧдз вокзалӧ вовліссес тӧдсасисӧ «Советскӧй властьлӧн 40 во сьӧрна Пермскӧй областьлӧн народнӧй овмӧс» (рочӧн «Народное хозяйство Пермской области за 40 лет Советской власти») выставкаӧн, сэтшӧм жӧ выставка уджаліс и 1971 во тӧвпомӧ[1]. Сы кадӧ керкуас уджаліс и танцплощадка.

1961 воӧ керкуыс вӧлі реконструируйтӧм, сы кадӧ вӧлі строитӧмӧсь кардынся ветлӧм озыннэз[1]. Керкуас сы воэзӧ уджаліс «Отдых» нима ресторан[2].

Одзланься 30 во сьӧрна Камскӧй речнӧй пароходство эксплуатируйтіс вокзаллісь керкусӧ веськыт назначеннё сьӧрті. 1990 во кежӧ вокзал обслужитіс 50 миллион пассажирӧс[1].

1990 воэзӧ, судноэзӧн пассажиррезӧс новйӧтӧм усьӧм бӧрын, Речнӧй вокзал ӧштіс ассис функциясӧ, вавывся транспортлӧн рентабельностьыс усис. Сы кадӧ шульга бордас кольччис Камскӧй пароходстволӧн юкӧт, а веськытланяс вӧлі остӧм милиция пункт. 1991 во тулыспомӧ вокзалас вӧлі осьтӧм звукозапись да видеокассетаэз прокатӧ сетан киоск, кӧда вӧлі горисполкомлӧн культура отделеннё увтын[1]. Сэсся сыын вӧлісӧ магазиннэз.

2004 воӧ керкуыс вӧлі пӧдналӧм.

2009 воӧ Речнӧй вокзал керкуын вӧлі осьтӧм Пермскӧй ӧння кадся искусствоа музей PERMM  (перм.рус.. 2013 воӧ музейыс вӧлі вуджӧтӧм мӧдіклаӧ керкуыс аварийнӧй состояннё кузя.

2016 во тулыспомсянь керкуас муніс реставрация[3].

2017 во одзтӧв 12 лунӧ Речнӧй вокзал керкуын оссис «Россия — моя история» нима историческӧй парк (Перем гортладор туялана музейлӧн филиал)[4]. Сія уджалӧ ӧнӧдз, чулӧтсьӧны быдкодь выставкаэз мероприяттёэз[4][5].

2025 во тулыспом 1 лунӧ Речнӧй вокзал керку торын вились вӧлі осьтӧм вавыв транспорт вокзал, пондісӧ уджавны кассаэз, кафе да видзчисянін[6][7]. Сыӧт мунӧны Камаӧт маршруттэз да кардорся вавыв транспорт.

Гижалӧм

[вильмӧтны | править код]

Быдсӧн керкуыс торйӧтӧм куим тор вылӧ план функциональнӧй юкӧм сьӧрті: шӧрӧт тор — вестибюль, кассаэза зал да ресторан, шульга тор — видзчисян зал да гостиница (джоджулын вӧлісӧ видзан камераэз, санитарнӧй узеллэз да с. о.). Веськыт торас уджалісӧ Камскӧй пароходстволӧн службаэз. Шӧрись юкӧныс торйӧтӧм фасадӧттис аркадаӧн да паськыт параднӧй посӧн. Гостиница да видзчисянінын эмӧсь ыджыт стекляннӧй стенаэз да пыдын лоджия-балкон. Сія кокньӧтӧ керкуыслісь синбан да керӧ сійӧ вачкисянаӧн пароход вылӧ. Керкусылӧн мӧдік торыс керӧм кокнит формаэза[8].

Пасйӧттэз

[вильмӧтны | править код]
  1. ↑ 1 2 3 4 5 6 Лещев М. Н. 80 лет зданию Пермского речного вокзала. Государственный архив Пермского края (2020-11-10). Видзӧтӧм 1 Гожумшӧр 2025.
  2. ↑ Дмитрий Михеенко Прогулки по Перми: Речной вокзал. Комсомольская правда-Пермь (2014-16-29). Видзӧтӧм 2 Гожумшӧр 2025.
  3. ↑ Архитектурные сокровища Перми: вспоминаем историю и смотрим на реконструкцию Речного вокзала. 59.ru (2017-10-09). Видзӧтӧм 1 Гожумшӧр 2025.
  4. ↑ 1 2 Мультимедийный парк в Перми ГКБУК «Культурно-просветительский центр» Видзӧтан кад 2025-07-02
  5. ↑ Речной вокзал Пермский транспорт Видзӧтан кад 2025-07-02
  6. ↑ В Перми вновь открыли Речной вокзал в историческом здании — что там внутри. 59.ru (2025-05-01). Видзӧтӧм 1 Гожумшӧр 2025.
  7. ↑ От обновленного здания речного вокзала Перми отправились первые суда навигации-2025. korabel.ru (2025-05-01). Видзӧтӧм 1 Гожумшӧр 2025.
  8. ↑ Интерьеры Речного вокзала. Государственный архив Пермского края (2017-10-25). Видзӧтӧм 1 Гожумшӧр 2025.

Литература

[вильмӧтны | править код]
  • Памятники истории и культуры Пермский области. / Сост. Л. Шатров — Пермь: Кн. изд-во, 1976.

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Речнӧй_вокзал_(Перем)&oldid=144676"-ись