Пермскӧй духовнӧй училище

Духовнӧй училище
	Керку
Духовнӧй училище
	; Ӧння кадӧ керкуас уджалӧ; Перем канмуся культура институт
	58°00′47″ с. ш. 56°14′36″ в. д.HGЯO
Канму	Российскӧй Федерация;
Кар	Перем
Архитектура стиль	Эклектика
Архитектор	Рудольф Карвовский
Статус	Россия йӧззэзлӧн культура эмбур объект федеральнӧй тӧдчӧта. Рег. № 591510041640006 (ЕГРОКН). Объект № 5910002000 (БД Викигида)

Духовнӧй училище (рочӧн Духовное училище) — историческӧй керку Перем кар шӧрын, сулалӧ Газета «Звезда» нима ул.,18 керку адресӧт (нето Ленин нима ул, 29). Керкуыс видзӧтӧ Газета «Звезда» улица вылӧ. Керкуыс — карлӧн медыджыт историческӧй керкуэзісь ӧтік. Тӧдчана аслас архитектурнӧй синбанӧн. Лэбтӧм эклектика стильын. Ленин нима улицаӧ видзӧтан дорлӧн эмӧсь классицизмлӧн элементтэз, да Газета «Звезда» нима улицаӧ петан дорлӧн — роч стильлӧн элементтэз. Ӧння кадӧ керкуас уджалӧ Перем канмуся искусство да культура институт (перм.рус..

История

1898—1902 воэзся фото

1818 воӧ Пермскӧй духовнӧй семинария дынын вӧлі осьтӧм духовнӧй куимкласса училище. Протоиерей Евгений Попов юӧртӧм сьӧрті, 1851—1854 воэзӧ училище меститӧм понда семинарияись ректор архимандрит Антоний (Радонежскӧй) небис важся керку Покровскӧй да Оханскӧй улицаэз туйвежын (ӧння кадӧ Ленин нима да Газета «Звезда» нима улицаэз)^[1]. Сія вӧлі барскӧй керку, кӧдӧ строитіс казеннӧй палатаись советник Василий Васильевич Парначёв кирпичись 1842 воӧ сотчӧм зонкапӧлӧс гимназия керку туйӧ. Джоджулын вӧлісӧ сёянін да нянь керанін. Училище дынын вӧлі больница, кытӧн дежуритіс фельдшер, да врачӧн уна во сьӧрна уджаліс П. Н. Серебренников^[2].

Велӧтчиссез велӧтісӧ енкыв, греческӧй, латинскӧй, роч да важся роч кыввезӧ, географияӧ, историяӧ, вӧрва тӧдӧмӧ, арифметикаӧ, визьӧтӧмӧ, гижӧмӧ, скрипкаӧн орсӧмӧ да вичкуся сьылӧмӧ.

1885—1887 воэзӧ училище бердын вӧлі лӧсьӧтӧма Вежа Кирилл да Мефодий нима вичку (Мефодий, славяналӧн медозза велӧтісь, кулӧмсянь 1000 во кежӧ). 1885 воӧ керкусӧ вежисӧ ӧнняся кадсяӧ. Эта датаыс сувтӧтӧм керкуыс фронтоныс вылӧ. Сэк жӧ керкуыс вӧлі паськӧтӧм Газета «Звезда» улица пӧлӧн. 1901 воӧ училище дыные оссис Пермскӧй духовнӧй училищеись нуждаа велӧтчиссезлӧ отсӧт сетан чукӧр, сылӧн председательӧн лоис училищеись директор Алексей Пахомович Раменский^[2].

1918 воӧ Перемын вӧлісӧ ликвидируйтӧмӧсь быдӧс духовнӧй велӧтчаніннэз. Сія жӧ воӧ Перемсӧ куим тӧлісьӧн босьтісӧ Колчаклӧн войскоэз, кӧда Духовнӧй училище керкуын сувтӧтіс ассис контрразведка. Сыбӧрын, 1919 тулыссянь 1923 воӧдз, керкуас нем эз вӧв, сэсся сійӧ сетісӧ рабфаковсаэзлӧ общежитиеӧн. Рабфаковса олісӧ недыр, — керкуыс вӧлі разьсӧм кодь, да ремонт понда сьӧмыс абу вӧлӧм. 1929 во бӧрсянь керкуас уджалісӧ Уральскӧй медицинскӧй, землеустроительнӧй, фармацевтическӧй, художественнӧй, да сэсся, 1931—1934 воэзӧ , — высшӧй коммунистическӧй мувӧдитан школа, да 1935 восянь — шӧрӧт № 25 школа. Сэк классэз вӧлісӧ 40-50 мортаӧсь, уроккез мунісӧ куим сменаӧн.

1938 воӧ керкуыс вӧлі сетӧм Перем карся советлӧ. Горисполкомыс уджаліс сыын 1975 воӧдз. Сэсся сы пырис Перем канмуся искусство да культура институт, кӧда и уджалӧ сыын ӧнӧдз^[3].

2003 воӧ Пермскӧй духовнӧй училище вӧлі осьтӧм вились, уджаліс Перемся Свято-Троицкӧй кафедральнӧй соборын. 2009 воӧ училищеыс лоис Пермскӧй духовнӧй семинарияӧн.

Гора нима велӧтчиссез

Стефан (Знамировский) (перм.рус. (1878—1942);
Вениамин Луканин (перм.рус. (эз помав);
Владимир Верхоланцев (перм.рус. (1879—1947) — историк, краевед.

Литература

Корчагин П. А. Губернская столица Пермь. — Пермь: «Книжный мир», 2006.
Спешилова Е. А. Старая Пермь. Дома. Улицы. Люди. — Пермь: «Курсив», 2003.
Бушмаков А. В. Строитель-богослов (из истории здания главного корпуса Пермского института искусств и культуры) // Пермский дом в истории и культуре края. Выпуск 1, Пермь, 2008
Иванова Т. В. Церковная певческая культура в музыкальном образовании в Прикамье (Пермское духовное училище) // Пермский дом в истории и культуре края. Выпуск 1, Пермь, 2008
Бубнов В. М. Вдоль по улочке Оханской. Вуз под сенью муз // Пермский дом в истории и культуре края. Выпуск 3, Пермь, 2010.

Пасйӧттэз

↑ Здание духовного училища (Пермский государственный институт культуры). Объединение муниципальных библиотек. Видзӧтӧм 15 Гожумшӧр 2025.
↑ ¹ ² Спешилова А. Старая Пермь. — Пермь: «Курсив», 1999
↑ Духовное училище. Официальный туристический сайт Пермского края. Видзӧтӧм 15 Гожумшӧр 2025.

[1] Здание духовного училища (Пермский государственный институт культуры). Объединение муниципальных библиотек. Видзӧтӧм 15 Гожумшӧр 2025.

[Спешилова_А._Старая_Пермь-2] ¹ ² Спешилова А. Старая Пермь. — Пермь: «Курсив», 1999

[3] Духовное училище. Официальный туристический сайт Пермского края. Видзӧтӧм 15 Гожумшӧр 2025.

[1]

[2]

[3]