Пермь I

Пермь I
	Станция
Пермь I
	Пермь II — Лёвшино
	Свердловскӧй кӧрттуй
	Россия культура эмбур объект региональнӧй тӧдчӧта; объект № 5900089000 (БД Викигида)
	58°01′23″ с. ш. 56°15′48″ в. д.HGЯO
Регион ж. д.	Пермскӧй
Аркмӧтан кад	1879 во гожумшӧр 10 лун
Одзза ниммес	Пермь (1911 воӧдз)
Тип	пассажирскӧй
Платформаэз лыд	2
Туйез лыд	6
Тип платформ	коласа
Форма платформ	веськыт
Петӧ	Монастырскӧй да Советскӧй улицаэзӧ
Иналӧ	Перем карлӧн Ленинскӧй район
Туй вежӧм	А: 2, 3, 51
Ылынаыс Москваӧдз	1432 км
Ылынаыс Пермь II	5 км
Ылынаыс Лёвшинаӧдз	15 км
Станциялӧн код	80080
АСУЖТ код	761000
АСУ «Экспресс» код	2030090
Ордчча станцияэз	Пермь II[d] и Славянова[d]
	Медиафайлы на РУВИКИ.Медиа

Пермь I (сідзжӧ Важ кӧрттуй вокзал; рочӧн Пермь I, «Пермь первая», 1911 воӧдз — Пермь) — Перемын иналана Свердловскӧй кӧрттуйлӧн (перм.рус. Пермскӧй регион станция. Станциялӧн кӧрттуй вокзалыс пырӧ культура эмбур да архитектура памятниккез лыдӧ.

Станциялӧн грузӧвӧй (6 туй) да пассажирскӧй (3 туй, ны коласісь 1 транзитнӧй) парккез сувтӧтӧмӧсь линейнӧя ӧтамӧд сьӧрын.

История

XVIII сёво пондӧтчикӧ ӧння кадся Пермь I кӧрттуй станция гӧгӧрын сулалісӧ вузасян лавкаэз. 1745 восянь уджаліс гостинӧй двор. Сідз кыссис 1874 воӧдз, кӧр вӧлі арталӧм йитны Урался каррез кӧрттуйӧн.

Сідз, станцияыс, кӧда сэк шусис Пермь, лоис Уралын медодзза кӧрттуйлӧн — Уральскӧй горнозаводскӧй кӧрттуйлӧн (перм.рус. (Пермь — Екатеринбург-I) пондӧтчан пунктӧн, сійӧ строитісӧ 1874—1878 воэзӧ «Общество УГЖД» нима акционернӧй общество да промышленниккезлӧн консорциум. Проектлӧн автор — инженер-архитектор И. А. Быховец, инженер В. Ф. Голубев. Туйлӧн медодзза веськӧтлісьӧн вӧлі пуктӧм инженер Н. С. Островский. Медодз сія йитіс Перем да Чусва, а сэсся Перем да Екатеринбург. Медодзза поезд Перемсянь Екатеринбургӧдз муніс 1879 во тӧвпом 27 лунӧ, а аршӧр 1 (13) лунӧ оссис регулярнӧй ветлӧм^[1].

1895—1899 воэзӧ вӧлі строитӧм Перем—Котлас кӧрттуй (Перем— Вятка — Котлас) да станциясянь туйез вӧлісӧ одзлань нюжӧтӧмӧсь Кама дор пӧлӧн Заимка станцияӧдз, кытӧн 1910 во кежӧ лэбтісӧ мӧдік кӧрттуй вокзал (Пермь II). 1911 воӧ Пермь станция нимыс вӧлі вежӧм Пермь I вылӧ.

1-й класса пассажиррез понда вӧлісӧ лӧз рӧма вагоннэз, 2-й класса пассажиррез понда — вежӧсь, мӧдік отир понда сетсисӧ виж вагоннэз.

1940 воӧ Пермь I вокзал паныт вӧлі лэбтӧм Речнӧй вокзал.

Станциялӧн вокзал

1876 воӧ Перымын пондісӧ лэбтыны кӧрттуй вокзал. Строитӧмыс кыссис кык во сьӧрна да помассис 1878 воӧ.

Уральскӧй горнозаводскӧй кӧрттуйлӧн кык помасян станцияэзлӧн вокзаллэз — Екатеринбургын да Пермын — вӧлісӧ строитӧмӧсь типовӧй «Уральскӧй горнозаводскӧй кӧрттуйлӧн 1 класса станциялӧн проект» сьӧрті , проектлӧн автор — П. П. Шрейбер (перм.рус.. Перемын вокзалсӧ строитіс 1877—1878 воэзӧ гражданскӧй инженер М. С. Вощинин^[2].

Ӧтік башняя вокзал. 1880-ӧт воэз

Вокзаллӧн керкуыс вӧлі лэбтӧм неорусскӧй стиля. Сыын вӧлісӧ 4 секция: ресторан; 1 да 2 класса пассажиррез понда небыт диваннэза видзчисянін; 3 да 4 класса пассажиррез понда чорыт диваннэза видзчисянін; билетнӧй кассаэз. Касса залын да ресторанын интерьеррезын ӧнӧдз кольччисӧ чугунісь керӧм колоннаэз, а служебнӧй жыррезын- кык кафельнӧй пельӧса гор. Туйез ладорсянь вокзал бердӧ вӧлі лэбтӧм вевттьӧм платформа. Станция вылын вӧлі колокол, сія тонгис куимись поезд мунтӧдз^[3].

Вокзал керкукӧт ордчӧн 1892 да 1897 воэзӧ вӧлісӧ лэбтӧмӧсь контораэз Перем — Тюмень да Перем — Котлас кӧрттуйез управленнёэз понда. Ӧтыс ны коласісь сотчис, а мӧдас ӧнӧдз уджалӧ Перем кӧрттуй транспорт институт.

Пермь I станциялӧн пассажирскӧй парк. Шульгаланьын - станциялӧн вокзал, веськытланьын - Ремпутьмаш заводлӧн корпуссэз

Перем — Котлас кӧрттуй строиттӧн, 1899 воӧ, Пермь станциялӧн вокзал вӧлі реконструируйтӧм И. Н. Быховец проект сьӧрті: керкуыс вӧлі кузьмӧтӧм да содтӧм мӧд башня-пыранін. Вадорсӧ вӧлі кодйӧм да вевдӧм бут изӧн, Мешковлӧн керку дынӧт керӧм тоннель. 2004 годӧ кӧрттуй вокзалыс вӧлі пӧдналӧм реставрация понда^[4].Сія кыссис 2017 воӧдз. Керкуас вӧлі керӧм фасад, вежӧмӧсь кирпиччез, сувтӧтӧмӧсь ӧшыннэз, вевдӧм джодж.

Реставрацияыс бӧрын вокзаллӧн веськыт ладорын 2017 восянь уджалӧ «Россия — моя история» нима историческӧй парклӧн экспозиция.

2019 воӧ керку шульга ладорын 2019 воӧ вились оссисӧ видзчисянін, кассаэз, технологическӧй да административнӧй жыррез.

Пассажирскӧй ветлӧм

Станция пыр мунӧны кардорся электричкаэз Горнозаводскланьӧ, поэзддэз Углеуральскӧйӧдз, Чусваӧдз, Кизелӧдз да Соликамскӧ (Чусваын чеччӧмӧн).

2022 восянь электропоезддэз «Ласточка» пондісӧ ветлыны мувыв метро модель сьӧрті кытша маршрут кузя, кӧда ӧтлаӧтӧ Перемись Кама веськыт да шульга вадоррез, а сідзжӧ нёль диаметр кузя^[5].

Пасйӧттэз

↑ Здание вокзала Пермь I. Государственный архив Пермского края Видзӧтан кад 2025-07-20
↑ Барановский Г. В. Вощинин, Михаил Сергеевич // Юбилейный сборник сведений о деятельности бывших воспитанников Института гражданских инженеров (Строительного училища). 1842—1892. — СПб.: Типо-Литография Н. Л. Пентковского, 1893. — С. 69.
↑ Памятник архитектуры и градостроительства регионального значения «Вокзал железнодорожный станции Пермь I». Муниципальное бюджетное учреждение культуры города Перми. Видзӧтӧм 11 Гожумшӧр 2025.
↑ Тимур Хусаинов Архитектурные сокровища Перми: рассказываем об истории старейшего в городе железнодорожного вокзала. 59.ru (2017-12-18). Видзӧтӧм 11 Гожумшӧр 2025.
↑ Кольцо и диаметры. Рассказываем, как работает пермское наземное метро. Business Class (2022-04-30). Видзӧтӧм 11 Гожумшӧр 2025.

Литература

Гайсин, О. Д. Город Пермь и железнодорожное строительство на Урале в 1870—1890 годы // Город Пермь в промышленном развитии России: исторический опыт и современный потенциал: материалы научно-практической конференции. — Пермь, 2018. — С. 77-101. — (Заводская Пермь XVIII — начало ХХ века).
Историко-архитектурное наследие Пермского края: каталог-справочник / Пермская организация Союза архитекторов РФ. — Пермь: Проектное бюро «Рейкьявик», 2011. — С.433: ил.
Улица Орджоникидзе // РЕТРОспектива. — 2009. — № 6. — С. 49-51: фот.
Спешилова Е. А. Старая Пермь: Дома. Улицы. Люди. 1723-1917. — Пермь: Курсив, 1999. — 580 с. — 5000 экз.
Федотова С. Пермь третья // Пермь. — 2022. — № 4. — С. 32-37: фот. — (Пермь-300).

[1] Здание вокзала Пермь I. Государственный архив Пермского края Видзӧтан кад 2025-07-20

[2] Барановский Г. В. Вощинин, Михаил Сергеевич // Юбилейный сборник сведений о деятельности бывших воспитанников Института гражданских инженеров (Строительного училища). 1842—1892. — СПб.: Типо-Литография Н. Л. Пентковского, 1893. — С. 69.

[3] Памятник архитектуры и градостроительства регионального значения «Вокзал железнодорожный станции Пермь I». Муниципальное бюджетное учреждение культуры города Перми. Видзӧтӧм 11 Гожумшӧр 2025.

[4] Тимур Хусаинов Архитектурные сокровища Перми: рассказываем об истории старейшего в городе железнодорожного вокзала. 59.ru (2017-12-18). Видзӧтӧм 11 Гожумшӧр 2025.

[5] Кольцо и диаметры. Рассказываем, как работает пермское наземное метро. Business Class (2022-04-30). Видзӧтӧм 11 Гожумшӧр 2025.

[1]

[2]

[3]

[4]

[5]