Савин Виктор Алексеевич

Босьтöм Рувикиись
Савин Виктор Алексеевич
кз. Ӧльӧш Виттор
Савин Виктор.jpg
Чужан лун 9 (21) арпом 1888 во
Чужанін
Кулан лун 1943 во гожумпом 11 лун(1943-08-11)[1] (54 года)
Куланін
Канму
Удж кывбур гижись

Савин Виктор Алексеевич (9 (21) арпом 1888 во, Нёбдін, Вологда губерния[d] — 1943 во гожумпом 11 лун[1], Итатка[d], Новосибирск область[d][2]) — коми драматург, кывбуррез да сьыланкыввез гижись, гижис Нёбдінса Виттор нимӧн. Коми-зыряна литература классик.

Олантуй

Виктор Савин чужис 1888 во арпом 21 лунӧ (важмоза арпом 9 лунӧ) Вологда губернияись Усть-Сысольск уездісь Нёбдінын (ӧні Коми Республикаись Кӧрткерӧс районын). Помаліс Нёбдінын земскӧй начальнӧй училище (1899), Деревяннӧйись кыккласса школа (1904)[3].

1904 воӧ кутчис уджавны волостнӧй писарь отсалісьӧн Кулӧмдін посадын. 1906 воӧ сійӧ вуджӧтісӧ Печораӧ — Савиноборӧ, Усть-Щугӧрӧ, кытӧн сія вӧлі волостнӧй писарьӧн. 1906 вося гожумӧн Савин бертіс гортас, а тӧвнас айыс босьтіс сійӧ сьӧрас уджавны — заптыны пес Богословскӧй завод понда. Сёрӧнжык сія лоис письмоводительӧн рудниккезын (Богословскӧй завод дынын). Сэтчин сія уджаліс нёль да джын во, гӧтрасис[4].

1911 вося одзтулысӧн Савин муніс Украинаӧ, Кривӧй Рогӧ, пондіс уджавны Ракмановскӧй рудник контораын кӧрт руда перйӧм сьӧрті, сыбӧрын уджаліс Червонскӧй рудник контораын. 1914 воӧ, Медодзза мировӧй война  (перм.рус. пондӧтчӧм бӧрын, вӧлі мобилизуйтӧм да ыстӧм Херсонӧ. Чожа мыйись сія пондіс шогасьны да вӧлі демобилизуйтӧм. Уджаліс писарьӧн Карнаватскӧй рудникын. 1917 вося Февральскӧй революция бӧрын В. Савиныс вӧлі бӧрйӧм рудничнӧй комитетӧ.

Сыбӧрын, кыдз Украинасӧ босьтісӧ немецкӧй войскоэз, рудник вылын уджжез дугдісӧ керны, да 1918 вося одзгожумӧ Савин аслас унакагаа семьяӧн бертіс гортас, Нёбдінӧ. Гожумпом 1 лунӧ сія кутчис уджавны делопроизводительӧн уезднӧй чрезвычайнӧй комиссияын. 1918 вося гожумпомнас Савиныс лоис чрезвычайнӧй комиссиялӧн секретарьӧн. Революционнӧй идеяэз босьтісӧ сійӧ да сія пырис ВКП(б)-ӧ. Газетаас одзлань вӧлісӧ печатайтӧмӧсь сы кывбуррез да медодзза коми кывья пьесаэз. Октябрьскӧй революциялӧн медодзза годовщина лун кежӧ В. Савин гижис кывбур «Чолӧм». 1918 вося тӧвпомын Савиныс участвуйтіс Усть-Сысольск уездісь коммунисттэзлӧн медодзза съезд уджын; сійӧ бӧрйисӧ уезднӧй Чрезвычайнӧй комиссиялӧн председательӧн да пыртісӧ «Зырянская жизнь» газета редколлегияӧ. 1919 восянь редактораліс «Зырянская жизнь», 1921—1925 воэзӧ — «Югыд туй» газетаӧн[5].

1919 воӧ аркмӧтіс медодзза коми театральнӧй труппа (1921 восянь — «Сыкомтевчук» (Сыктывкарса коми театр чукӧр). 1930 восянь — КИППТ (рочӧн Коми инструктивный передвижной показательный театр), кӧдаись 1936 воӧ вӧлі аркмӧтӧм Коми драма театр  (перм.ком.[3].

1930-ӧт воэзӧ вӧлі уна критикуйтӧм «национализм» понда, 1936 воӧ вашӧтӧм партияись[4].

1937 во аршӧр 11 лунӧ вӧлі арестуйтӧм, винитӧм «контрреволюционнӧй уджын» да судитӧм 5 во кежӧ. Куліс 1943 во гожумпом 11 лунӧ Прикулька лагпункт дынын (Томск область). Реабилитируйтӧм 1955 воӧ[3].

Гижан удж

Пондӧтчис гижны Украинаын овтӧн. Сылӧн вӧлісӧ гижӧмӧсь, кыдз сія ачыс касьтывліс сёрӧнжык, «кык неыджыт пьеса: ӧтыс рочӧн, мӧдыс украинскӧй кыв вылын, кӧднаӧн выступайтісӧ сцена вылын». Сыктывкарӧ бертӧм бӧрын пондіс гижны комиӧн кывбуррез. 1918 во гожумпомӧ «Зырянская жизнь» нима газетаын вӧлі печатайтӧм сы медодзза кывбур «Гöрд звöн» (Гӧрд тонгӧм).

Виктор Савин пуктіс ыджыт пай коми литература зорӧтӧмӧ — поэзияӧ, прозаӧ да аркмӧтіс коми драматургия[6]. Паськыта тӧдса сы висьттэз «Луча» (1926), «Мусюр сайын» (1926), кывбуррез, поэмаэз. Гижис сьыланкыввез (шыладсӧ керис ачыс жӧ), ны лыдын «Коми море», «Мича нывъяс», «Югыд кодзув», «Сьöлöм сьылöм», «Сыктывкар», «Тиюк», кӧдна паськалісӧ отир пасьта. Сы «Варыш поз» нима сьыланкыв лоис Коми Республика гимнӧн  (перм.ком.[5].

Гижис 30 мымда пьеса, ны лыдын коми драматургияись классика — «Шондi петiгöн дзоридз косьмис» (1919), «Райын» (1922), «Инасьтöм лов» (1927), «Кулöмдiнса бунт» (1928).

Коми-Пермяцкӧй округкӧт йитӧттэз

Увдӧрас шульгасянь Михаил Лихачёв, Виктор Савин, Питю Ӧньӧ, сулалӧны Степан Караваев да С. А. Зубов. 1927 во

Виктор Савин вӧлі бура тӧдса Коми-Пермяцкӧй округись гижиссезкӧт — Михаил Лихачёвкӧт, Питю Ӧньӧкӧт да с.о.

Нёбдінса Витторлӧн мукӧд пьесаэз да кывбуррез 1920-1930-ӧт воэзӧ вӧлісӧ вуджӧтӧмӧсь коми-пермяцкӧй кыв вылӧ. Сідз, 1927 воӧ, петіс «Райын» пьеса, сійӧ вуджӧтіс Иву Василь[7].

Виктор Савинлӧн — «Чужи-быдми» сьыланкывлӧн автор. Медодззаись сія петіс коми-пермяцкӧй кыв вылын «Учӧтдыр» нимӧн 1925 вося «Виль туй» небӧгын (ред. Фёдор Зубов). 1960-ӧт воэзсянь сія лыддиссьӧ отиркостся сьыланкылӧн да пырӧ уна фольклорнӧй коллективвез да «Шондібан» реператуарӧ.

Виктор Савин вовліс Коми-Пермяцкӧй округӧ 1929 воӧ да сыбӧрын гижис «Коммуын. Коми-пермяк округӧд ветлӧм-мунӧм» туйгижӧттэз[8].

Небöггез

Нёбдінса Витторлӧ памятник (Сыктывкар, 2024 во)
  • «Аркирей»: баллада. — Сыктывкар, 1922. — 16 л. б. : серпас.; Сыктывкар: Коми кн. изд-во, 1965. — 16 л. б.: ил.
  • Райын: куим торъя теш. — Усть-Сысольск: Коми книга лэдзанiн, 1922. — 39 л. б.
  • Шондi петiгöн дзоридз косьмис: 3 торъя ворсантор. — Сыктывдiнкар: Коми книга лэдзанiн, 1922. — 26 л. б.
  • Гора Омра: чукöра вистьталöм-сьылöм. — Сыктывдiнкар: Коми книга лэдзанiн, 1924. — 16 л. б.
  • Гудрасьöм: öти торъя теш: (лöсьöдöма Украинаса «Бывальщина» теш серти). — Сыктывдiнкар: Коми нига лэдзанiн, 1924. — 19 л. б.
  • Сьылан — лыддянъяс. — Сыктывкар: Коми нига лэдзанiн, 1924. — 114 л. б., портр.
  • Тшын: 3 торъя ворсантор. — Сыктывкар: Коми кн. изд-во, 1924. — 71 л. б.
  • Тöдтöм туйöд: кöкъямыс торъя драма: (лöсьöдöма П. Бессалько гижöд «Бессознательным путём» серти). — Сыктывдiн кар: Коми нига лэдзанiн, 1925. — 72 л. б.
  • Черань: 5 торъя драма: (лöсьöдöма Чижовский гижöд «Его Величество Трифон» серти). — Сыктывдiн кар: Коми нига лэдзанiн, 1925. — 52 л. б.
  • Ныв «грек» шобöм: 3 торъя пьеса коми олöмысь. — Сыктывкар: Коми нига лэдзанiн, 1926. — 45 л. б.
  • Инасьтöм лов: куим торъя теш: «Райын» пьесалöн 2-öд юкöн. — Сыктывдiн кар: Коми нига лэдзанiн, 1927. — 50 л. б.
  • Луча: висьт-збыль / изд. Угор.-фин. отд. Центро-Совнацмена НКП РСФСР. — Сыктывкар: Коми нига лэдзанiн, 1927. — 21 л. б.
  • Путкыльтчöм: революция драма: 5 торъя, 6 юкöна: (лöсьöдöма Бессалько роман «Катастрофа» серти). — Сыктывдiн кар: Коми нига лэдзанiн, 1927. — 43 л. б.
  • Ва шыр: кык торъя теш. — Сыктывдiн кар: Коми нига лэдзанiн, 1928. — 35 л. б.
  • Вабергач: драма в 3-х д. — Сыктывдiн кар: Коми нига лэдзанiн, 1928. — 43 л. б. ; Сыктывкар: Коми кн. изд-во, 1982. — 368 л. б.: портр.
  • Кулöмдiнса бунт: збыль вöлöмтор йылысь пьеса: 3 юöна, 8 торъя. — Сыктывкар: Коми нига лэдзанiн, 1928. — 55 л. б., портр.
  • Сырчик бöрся: кык торъя теш: (лöсьöдöма «Во время затишья» нима нига серти). — Сыктывдiн кар: Коми нига лэдзанiн, 1928. — 32 л. б.
  • Знаменньö: куим торъя теш. — Сыктывкар: Коми кн. изд-во, 1930. — 48 л. б.
  • Парма ныв: 4 торъя, 5 юкöна драма. — Сыктывкар: Коми кн. изд-во, 1930. — 71 л. б.
  • Арт: öти торъя ворсантор. — Сыктывкар: Коми кн. изд-во, 1931. — 44 л. б.
  • Гижöд чукöр: в 2-х т. — Сыктывкар: Коми нига лэдзанiн, 1931—1932.
    • Т. 1. — Сыктывкар, 1931. — 284 л. б.
    • Т. 2. — Сыктывкар, 1932. — 349 л. б.
  • Моль: öти торъя кык серпаса ворсантор. — Сыктывкар: Коми книга лэдзанiн, 1931. — 23 л. б.
  • Гижöд чукöр: в 2-х т. Т. 1. — Сыктывкар: Коми нига лэдзанiн, 1931. — 284 л. б.
  • Сыктывкар. Жеребцовсянь Карпинскийöдз: поэма. — Сыктывкар: Коми госиздат, 1935. — 30 л. б.
  • 100 коми сьыланкыв / собрал В. А. Савин — Сыктывкар: Коми ГИЗ, 1936. — 208 л. б.
  • Бöрйöм гижöдъяс / вступ. ст. И. Изъюрова. — Сыктывкар: Коми кн. изд-во, 1956. — 248 л. б.
  • Чужи-быдми сьöд вöр шöрын: челядьлы кывбуръяс / водзкывсö гижис С. Морозов. — Сыктывкар: Коми кн. изд-во. — 40 л. б.: портр.
  • Пьесаяс / вступит. ст. Г. А. Фёдорова. — Сыктывкар: Коми кн. изд-во, 1959. — 184 л. б.
  • Кывбуръяс. Поэмаяс. Пьесаяс. Вистъяс. Очеркъяс / сост. С. Морозов. — Сыктывкар: Коми кн. изд-во, 1962. — 655 л. б., 1 л. портр.
  • Эжва дорын: кывбуръяс, вистъяс. — Сыктывкар: Коми кн. изд-во, 1976. — 88 л. б.
  • Сьöлöм сьылöм: кывбуръяс = Песня сердца: стихи / сост. Г. И. Торлопов. — Сыктывкар, 1978. — 24 л. б. (Коми отделение добровольного общества любителей книги РСФСР); сост. и вступ. ст. А. Ванеева. — Сыктывкар: Коми кн. изд-во, 1988. — 143 л. б.
  • Югыд кодзув: кывбуръяс, поэмаяс, ораторияяс, роч вылысь, роча-комиа да роч кывбуръяс / лöсьöдiс да водзкывсö гижис А. Е. Ванеев. — Сыктывкар: Коми кн. изд-во, 1980. — 304 л. б.: 1 л. портр.
  • Звени, моя парма: стихотворения, поэмы, пьесы, рассказы. — Сыктывкар: Коми кн. изд-во, 1983. — 256 с.
  • Мусюр сайын: проза гижöдъяс / лöсьöдiс да примечаниеяссö гижис Г. И. Торлопов. — Сыктывкар: Коми кн. изд-во, 1985. — 368 л. б.
  • Гажöдчöй, кор томöсь: бöрйöм гижöдъяс / предисл. Г. И. Торлопова. — Сыктывкар: Коми кн. изд-во, 1998. — 334 л. б.
  • Бöрйöм гижöдъяс. — Кывбуръяс, поэмаяс, висьтъяс, очеркъяс, пьесаяс. = Избранное. — Сыктывкар: "Издательство «Милета», 2008. — 608 с.
  • Арся мойдкыв: Кывбуръяс, висьтъяс / Ред. А. В. Попов; Художник И. А. Авилова. — Сыктывкар: «Коми йӧзӧдчан керка» КР АУ, 2013. — 48 л.б.

Касьтылӧм

  • Виктор Савин нимӧн шусьӧ драма театр Сыктывкарын;
  • 1994 воӧ Сыктывкарын вӧлі сувтӧтӧм Нёбдінса Витторлӧ памятник[9];
  • Памятниккез сувтӧтӧмӧсь Нёбдінын да Трӧшсиктын, аймамыс керку местын, да Томск областись Итатка посадын[10];
  • 2024 воӧ Коми драма театрын керисӧ Виктор Савин олан йылісь «Югыд кодзув» спектакль[11].

Пасйӧттэз

  1. ↑ 1 2 Bibliothèque nationale de France Viktor Alekseevič Savin // Autorités BnF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
  2. ↑ 1 2 https://bigenc.ru/literature/text/3527114
  3. ↑ 1 2 3 Савин Виктор Алексеевич. НЭБ РК. Видзӧтӧм 14 Гожумпом 2025.
  4. ↑ 1 2 Артур Артеев Писатель, актер, чекист, враг народа…. Республика // ИЯЛИ КНЦ УрО РАН (2023-11-25). Видзӧтӧм 14 Гожумпом 2025.
  5. ↑ 1 2 Савин Виктор Алексеевич. Корткеросская ЦБС. Видзӧтӧм 14 Гожумпом 2025.
  6. ↑ К 135-летию коми литературного и театрального деятеля Виктора Савина. Научная библиотека КНЦ УрО РАН. Видзӧтӧм 14 Гожумпом 2025.
  7. ↑ Ԋӧбdiнса, В. (1888-1943). Раjын : куjiм торjа ԏеш = В раю : пьеса на коми-пермяцком языке / [В. Ԋӧбdiнса ; Комi облаԍт кыв-вылiԍ Комi Округса кыв-вылӧ лоԍӧтiс Iву Ваԍiԉ (В.И. Дерябин). - Мӧскуа-кар : Центральное издательство народов Союза ССР, 1927. - 49 с.]. Пермская электронная библиотека. Видзӧтӧм 11 Гожумпом 2025.
  8. ↑ Нёбдінса Виттор Коммуын. Коми-пермяк округӧд ветлӧм-мунӧм. Культурная карта Республики Коми. Видзӧтӧм 11 Гожумпом 2025.
  9. ↑ Памятник Виктору Савину. Культурная карта Республики Коми. Видзӧтӧм 14 Гожумпом 2025.
  10. ↑ Памятник рус.. Видзӧтӧм 14 Гожумпом 2025.
  11. ↑ Артур Артеев Рай и ад Виктора Савина. Республика (2024-12-03). Видзӧтӧм 14 Гожумпом 2025.

Лыддьöтан

  • В. А. Савин: жизнь и творчество: Сб.статей по итогам Всерос. науч.конф., посв.130-летию коми поэта, прозаика, драматурга, создателя коми театра…(28-30 июня 2018 г., Сыктывкар-Нёбдино) / Ин-т языка, лит. и истории ФИЦ Коми НЦ УрО РАН; Редкол.: Т. Л. Кузнецова (отв. ред.) и др. — Сыктывкар, 2019. — 172 с. — На рус. и коми яз.
  • Нёбдiнса Виттор: жизнь и судьба / И. Л. Жеребцов, Т. Л. Кузнецова, М. В. Таскаев; Науч. ред. Е. А. Цыпанов; ФИЦ «Коми науч. центр УрО РАН». Ин-т языка, лит. и истории. — Сыктывкар, 2018. — 24 с.
  • Латышева В. А. Классики и современники: Статьи о литературе. — Сыктывкар: Коми кн.изд-во, 2005. — 240 с.
  • Савинские чтения. Материалы респ. науч. — практ. конф.(20-21 нояб.2003 г., Сыктывкар)/ Ин-т языка, лит. и истории Коми науч.центра УрО РАН; Ред-кол.: В. А. Лимерова (отв. ред.) и др. — Сыктывкар, 2005. — 236 с.
  • Писатели Коми: Биобиблиографический словарь: В 2-х т. Т.2: М-Я / Г. Беляев, Н. Бурилова, А. Ванеев и др.; Науч. рук. В. Н. Демин; Сост.: В. Н. Демин, Н. А. Нестерова. — Сыктывкар, 2001. — 512 с.: ил.

Ыстöттэз

Босьтӧма "https://koi.ruwiki.ru/w/index.php?title=Савин_Виктор_Алексеевич&oldid=215989"-ись