Дерябин Василий Иванович

Дерябин Василий Иванович
Дерябин Василий Иванович
Чужан лун:	1 (13) одзтулыс 1894 во
Чужанін:	Ваганова[d], Йӧг посадму, Кудымкар район, Коми-Пермяцкöй автономнöй округ[d];
Кулан лун:	1968 во
Куланін:	Москва, СССР[d];
Удж	военнӧй, политик, гижись, вуджӧтісь

Дерябин Василий Иванович (1894 во одзтулыс 13 лун, Ваганова, Йӧг волость, Соликамскӧй уезд, Пермскӧй губерния — 1968 во, Москва) — партийнӧй функционер, коми гижись да вуджӧтісь.

Олантуй

Чужис 1894 во одзтулыс 1 лунӧ (вильмоза одзтулыс 13 лунӧ) Йӧг волостись Ваганова деревняын. 1901—1907 воэзӧ велӧчис Йӧгись школаын, 1907—1910 — Соликамскись нёлькласса училищеын^[1]. 1910—1915 воэзӧ уджаліс заводдэзын.

1915 воӧ вӧлі босьтӧм армияӧ, кысъяліс 1918 воӧдз. 1918 воӧ пырис ВКП(б)-ӧ. 1918 во гожумӧн бертіс гортас да лоис Йӧг волостись комбед председательӧн, сэсся сійӧ бӧрйисӧ Гӧрд Армия отряд командирӧн.

1919 во тӧвшӧрӧ вӧлі пуктӧм 22-ӧт Кизел полкись 8-ӧт рота командирӧн. Пессис Колчак армиякӧт Ошыбын, Йӧгын, Кимнаын. 1919 воӧ вӧлі ошкӧм Гӧрд Дӧрапас орденӧн, орденыс туйӧ босьтӧм аснима зарниа часыэз. 1920 воӧ воюйтіс Россия лунвылын Врангель армия паныт. Гӧрд Армиясис демобилизуйтчис 1923 воӧ.

1923—1924 воэзӧ уджаліс Сыктывкарын Коми-Зырянскӧй облсудын. 1925—1926 воэзӧ вӧлі Коми-Зырянскӧй автономнӧй область сьӧрті Уральскӧй облсудлӧн уполномоченнӧйӧн.^[2]

1923—1926 воэзӧ уна уджаліс Фёдор Таракановкӧт, мед ӧтлаӧтны коми отирсӧ нето аркмӧтны коми-пермяккезлісь автономия. Сы коста жӧ комиӧтіс коми-зыряна кывья пьесаэз (шуам, Нёбдінса Витторлісь «Райын»^[3] да с.о.), гижис комиӧн кывбуррез Иву Василь нимӧн.^[4]

1926 во аршӧрсянь 1927 во тӧвшӧрӧдз уджаліс Коми-Зырянскӧй автономнӧй область прокурорлӧн отсалісьӧн. 1929—1930 воэзӧ юраліс Коми-Зырянскӧй автономнӧй областись областнӧй милицияӧн.^[2]

1930-ӧт воэзын вӧлі Кулӧмдін райисполкомлӧн да Изьва райисполкомлӧн председательӧн, юраліс Коми облисполкомын орготделӧн.^[2]

1937 во тулыспом 17 лунӧ Изьва РК ВКП(б) винитіс Дерябинсӧ контрреволюционнӧй буржуазнӧй национализмын, литература дзебӧмын. Вӧлі Иосиф Сталин ордын беседа вылын. Делосӧ дугдӧтісӧ. Репрессируйтӧма (12.07.1937—14.10.1939). 1939 во одзтӧв 16-17 луннэзӧ ОКП(б) бӧр пыртісӧ сійӧ партияӧ.^[5]

Сэсся уджаліс дыр уджаліс Ялтаын да Москваын партийнӧй органнэзын да юстиция учрежденнёэзын^[5]^[1].

Куліс 1968 воӧ.^[1]

Пасйӧттэз

↑ ¹ ² ³ [Дерябин Василий Иванович] Гордость Пармы : биографический справочник / [редкол.: Л. П. Ратегова (гл. ред.) и др.]. — Кудымкар : Коми-Пермяцкое книжное изд-во, 2008. — 563 с.
↑ ¹ ² ³ [Дерябин Василий Иванович] К. В. Скоркин. Материалы к биографическому словарю сотрудников ВЧК-ОГПУ-НКВД
↑ Ԋӧбdiнса, В. (1888—1943). Раjын : куjiм торjа ԏуш = В раю : пьеса на коми-пермяцком языке / [В. Ԋӧбdiнса] ; Комi облаԍт кыв-вылiԍ Комi Округса кыв-вылӧ лоԍӧтiс Iву Ваԍiԉ (В.И. Дерябин). - Мӧскуа-кар : Центральное издательство народов Союза ССР, 1927. - 49, [1] c. Пермская электронная библиотека
↑ Ельцова Е. В. Публикации М. П. Лихачёва в журнале «Ордым» (Тропа) в 1926—1931-е гг. Коми-Пермяцкая национальная библиотека им. М. П. Лихачёва
↑ ¹ ² Алексей Голосов. Служили два товарища Газета «Республика» (22.12.2014)

[:0-1] ¹ ² ³ [Дерябин Василий Иванович] Гордость Пармы : биографический справочник / [редкол.: Л. П. Ратегова (гл. ред.) и др.]. — Кудымкар : Коми-Пермяцкое книжное изд-во, 2008. — 563 с.

[:1-2] ¹ ² ³ [Дерябин Василий Иванович] К. В. Скоркин. Материалы к биографическому словарю сотрудников ВЧК-ОГПУ-НКВД

[3] Ԋӧбdiнса, В. (1888—1943). Раjын : куjiм торjа ԏуш = В раю : пьеса на коми-пермяцком языке / [В. Ԋӧбdiнса] ; Комi облаԍт кыв-вылiԍ Комi Округса кыв-вылӧ лоԍӧтiс Iву Ваԍiԉ (В.И. Дерябин). - Мӧскуа-кар : Центральное издательство народов Союза ССР, 1927. - 49, [1] c. Пермская электронная библиотека

[4] Ельцова Е. В. Публикации М. П. Лихачёва в журнале «Ордым» (Тропа) в 1926—1931-е гг. Коми-Пермяцкая национальная библиотека им. М. П. Лихачёва

[:2-5] ¹ ² Алексей Голосов. Служили два товарища Газета «Республика» (22.12.2014)

[1]

[2]

[3]

[4]

[5]