Советскӧй отир паныт геноцидын вийӧммезӧс касьтылан лун

Босьтöм Рувикиись
Советскӧй отир паныт геноцидын вийӧммезӧс касьтылан лун
Великӧй Отечественнӧй война кадся плакат, кӧда корӧ советскӧй боеццезӧс перытжыка мунны рытланьӧ, мед мездыны фашистскӧй раббезӧ кыскӧм советскӧй гражданаӧс
Великӧй Отечественнӧй война кадся плакат, кӧда корӧ советскӧй боеццезӧс перытжыка мунны рытланьӧ, мед мездыны фашистскӧй раббезӧ кыскӧм советскӧй гражданаӧс
Тип Касьтылан луннэз Россияын
Официальнӧя рочӧн День памяти о геноциде советского народа, совершенного нацистами и их пособниками в годы Великой Отечественной войны
Сідзжӧ рочӧн День единых действий в память о геноциде советского народа
Вежӧртас Советскӧй отир паныт геноцид йылісь историческӧй память видзӧм, история фальсифицируйтӧмлӧ паныт сувтӧм
Аркмӧтӧм 2025 во одзтӧв 29 лун
Чулӧтӧны  Российскӧй Федерация
Лун тулысшӧр 19 лун
Традицияэз Велӧтчан мероприятиеэз (уроккез, лекцияэз), мемориальнӧй акцияэз (дзоридззез пуктӧм, митинггез), культураа-велӧтана мероприяттёэз (выставкаэз, презентацияэз)

Советскӧй отир паныт геноцидын вийӧммезӧс касьтылан лун (рочӧн День па́мяти же́ртв геноци́да сове́тского наро́да) — касьтылан лун Россияын, кӧдӧ официальнӧя вӧлі аркмӧтӧм «1941—1945 воэзся Великӧй Отечественнӧй война кадӧ советскӧй отир паныт геноцидын вийӧммезлісь тӧдвылын пыр видзӧм йылісь» федеральнӧй законӧн. Чулӧтсьӧ быд во тулысшӧр 19 лунӧ. Быдса нимыс рочӧн: «День памяти о геноциде советского народа, совершенного нацистами и их пособниками в годы Великой Отечественной войны»[1].

История

2025 вося арпомӧн Госдума депутаттэзісь группа петкӧтіс видзӧтӧм понда виль касьтылан лун аркмӧтӧм йылісь[2]. Инициаторрезӧн лоисӧ «Ӧтласа Россия»  (перм.рус. фракцияись парламентарийез Федерация Советӧн юралісьлӧн медодзза вежлісь Владимир Якушев кипод увтын, Госдумалӧн вице-спикер Ирина Яровая да фракцияӧн юралісь Владимир Васильев[3].

2025 во одзтӧв 16 лунӧ законопроектыс вӧлі бурсьӧтӧм Государственнӧй думаас[4]. 2025 во одзтӧв 29 лунӧ Россиялӧн президент Владимир Путин кырымпасаліс федеральнӧй закон, кӧдӧн вӧлісӧ пыртӧмӧсь вежсьӧммез «Россиялӧн воинскӧй слава луннэз да касьтылан датаэз йылісь» законӧ[3]. Сэтшӧм документыс вӧлі йӧзӧтӧм правовӧй юӧррезлӧн официальнӧй интернет-порталын. Законыс вынсяліс 2026 во тӧвшӧр 1 лунсянь[4].

Закон дынся тӧдсӧтан гижӧтын вӧлі гижӧм, мый бурсьӧтӧмыс лоас медтӧдчана оськӧлӧн история фальсифицируйтӧмлӧ паныт сувтчӧмын да советскӧй отирлӧн подвиг йылісь историческӧй быль видзӧмын[2].

Касьтылан лунлісь дата бӧрйӧм

Датаыс — тулысшӧр 19 лун — вӧлі бӧрйӧм сы кузя, мый 1943 воӧ эта лунӧ СССР Верховнӧй Советлӧн Президиум лэдзис № 39 «Немецко-фашистскӧй злодейезлӧ, кӧдна виноватӧсь советскӧй гражданскӧй отирпӧлӧс да пленнӧй красноармееццез вийӧмын да мучитӧмын, шпионнэзлӧ, чужанму изменниккезлӧ советскӧй граждана лыдісь да нылӧ отсаліссезлӧ мыжьялан йылісь» нима указ[4]. Эта документыс лоис медодзза правовӧй актӧн, кӧда официальнӧя фиксируйтіс нацисттэзлісь да нылӧ отсаліссезлісь мирнӧй отирпӧлӧс СССР-лӧн оккупируйтӧм территорияэзын вийӧм сьӧрті веськӧла да масштабнӧй политика да тодиляліс правовӧй подув лёкморттэсӧ мыж увтӧ кыскӧм понда[3].

№ 39-ӧт указнас вӧлі пыртӧм советскӧй правовӧй система понда уникальнӧй мыжьялан виддэз: «немецкӧй, итальянскӧй, румынскӧй, венгерскӧй, финскӧй фашистскӧй злодейезлӧ», а сідзжӧ шпионнэзлӧ да чужанму изменниккезлӧ ӧшӧтӧмӧн смертнӧй казнь ӧшӧтӧм пыр, да ны отсаліссезлӧ 15-20 во кежся каторга удж. Этна лёккерӧммез сьӧрті делоэсӧ вӧлі сетӧм видзӧтны военно-полевӧй суддэзлӧ.

Контекст да тӧдчӧт

Касьтылан дата аркмӧтӧмыс лоис Великӧй Отечественнӧй война йылісь да мирнӧй отирлӧн трагедия йылісь историческӧй быль видзӧм сьӧрті канмуся политикаӧн[5]. Государственнӧй думаись председатель Вячеслав Володин висьталӧм сьӧрті, немецко-фашистскӧй оккупациялӧн жертваэзӧн лоисӧ СССР-ын 13 миллионся унажык гражданскӧй морттэз[2].

Россияпасьтса акция «Геноцид йылісь касьтылӧм ӧткерӧммезлӧн лун»

Быд во тулысшӧр 19 лунӧ, 2021 восянь, Россияын чулӧтсьӧ «Великӧй Отечественнӧй война воэзӧ нацисттэзӧн да ны отсаліссезӧн советскӧй отир паныт геноцид йылісь касьтылӧм ӧткерӧммезлӧн лун» дӧсроссияса акция[6]. Акцияыс чулӧтсьӧ «Без срока давности» нима федеральнӧй просветительскӧй проект сьӧрті да веськӧвтӧм сы вылӧ, медбы видзны историческӧй быльсӧ нацисттэзлӧн да ны отсаліссезлӧн оккупируйтӧм территорияэзын мирнӧй сӧветскӧй граждана паныт лёккерӧммез йылісь.

Мероприятиеэз чулӧтсьӧны канму пасьта. 2022 воӧ ныын участвуйтісӧ 6,5 миллионся унажык морт[6][7].

  • "Без срока давности: геноцид советского народа" нима выставка, мемориальнӧй комплекс Зайцево посадын, Ленинград область, 2025 вося одзтӧв

    "Без срока давности: геноцид советского народа" нима выставка, мемориальнӧй комплекс Зайцево посадын, Ленинград область, 2025 вося одзтӧв

  • "Без срока давности" нима выставка, "Курская битва. Белгородское направление" нима музей-диорама, 2025 вося тулыспом

    "Без срока давности" нима выставка, "Курская битва. Белгородское направление" нима музей-диорама, 2025 вося тулыспом

  • Ленинград областись челядьлӧн Великӧй Отечественнӧй война коста подвиг йылісь фильм снимайтікӧ, 2024 вося одзтӧв

    Ленинград областись челядьлӧн Великӧй Отечественнӧй война коста подвиг йылісь фильм снимайтікӧ, 2024 вося одзтӧв


Мероприяттёэзлӧн медшӧр форматтэз:

  • Велӧтчан мероприяттёэз: школаэзын, колледждэзын да вуззэзын нуӧтӧны ӧтласа уроккез, класснӧй часдэз да лекцияэз, кӧднаӧн висьтасьӧны геноцид йылісь. Занятиеэз коста мыччалӧны тематическӧй видеофильммез, сы лыдын «Без срока давности» цикллісь, обсуждайтӧны историческӧй факттэз да документтэз[8].
  • Касьтылан акцияэз: медшӧр традицияэз коласісь ӧтікӧн лоӧ нацистскӧй преступленнёэзлӧ мемориаллэз да памятниккез дынӧ цветтэз пуктӧм. Нуӧтӧны митинг-реквиеммез да донтан церемонияэз, кӧднаын участвуйтӧны ветераннэз, власьтлӧн представительез да общественнӧй организацияэз[9].
  • Культура да велӧтан мероприяттёэз: организуйтсьӧны архивнӧй документтэзлӧн тематическӧй выставкаэз, туялан проекттэзлӧн презентацияэз да музейезын да библиотекаэзын экспозицияэз. Этна мероприяттёэс ятнӧя мыччалӧны трагедияыслісь масштаб да висьтасьӧны геноцидӧ сюрӧм отирлісь олантуйез йылісь[10].

Акцияэзын участвуйтӧны велӧтчиссез, студенттэз, велӧтіссез, поисковиккез, канмуся да отиркостся уджаліссез[11].

Пасйӧттэз

  1. ↑ Федеральный закон от 21.04.2025 г. № 74-ФЗ, Президент России. Дата обращения: 13 Тулысшӧр 2026.
  2. ↑ 1 2 3 Путин подписал закон о Дне памяти жертв геноцида советского народа. РИА Новости (2025-12-29). Видзӧтӧм 13 Тулысшӧр 2026.
  3. ↑ 1 2 3 Путин подписал закон об установлении Дня памяти жертв геноцида советского народа. ТАСС (2025-12-29). Видзӧтӧм 13 Тулысшӧр 2026.
  4. ↑ 1 2 3 Путин установил День памяти жертв геноцида советского народа. РБК (2025-12-29). Видзӧтӧм 13 Тулысшӧр 2026.
  5. ↑ Глава НЦИП: день памяти геноцида советского народа уже укоренен в общественном сознании, TACC (29 Одзтӧв 2025). Дата обращения: 13 Тулысшӧр 2026.
  6. ↑ 1 2 День единых действий. Без срока давности (2025-12-29). Видзӧтӧм 13 Тулысшӧр 2026.
  7. ↑ Методические рекомендации по проведению памятных мероприятий, приуроченных к 19 апреля Дню единых действий. memory45.su (2025-04-19). Видзӧтӧм 13 Тулысшӧр 2026.
  8. ↑ Классный час: «День единых действий, в память о геноциде советского народа...». Инфоурок. Видзӧтӧм 13 Тулысшӧр 2026.
  9. ↑ Торжественное возложение цветов в рамках Дня единых действий.... Администрация Велижского района (2022-04-19). Видзӧтӧм 13 Тулысшӧр 2026.
  10. ↑ День единых действий в память о геноциде советского народа. РИА Новости (2025-04-19). Видзӧтӧм 13 Тулысшӧр 2026.
  11. ↑ Закон об установлении 19 апреля Дня памяти жертв геноцида советского народа подписан президентом. Интерфакс (2025-12-29). Видзӧтӧм 13 Тулысшӧр 2026.
Босьтӧма "https://koi.ruwiki.ru/w/index.php?title=Советскӧй_отир_паныт_геноцидын_вийӧммезӧс_касьтылан_лун&oldid=213964"-ись