Победа лун (сьыланкыв)

Босьтöм Рувикиись
Эта терминлӧн эмӧсь и мӧдік вежӧртассэз, вдз. Победа лун.
Победа лун (рочӧн День Победы)
Обложка песни Татьяна Сашко (медодзза сьылісь), Леонид Сметанников, Лев Лещенко, Иосиф Кобзон да уна мӧдік сьылісь «Победа лун (рочӧн День Победы)»
Сьыланкыв
Сьылісь Татьяна Сашко (медодзза сьылісь), Леонид Сметанников, Лев Лещенко, Иосиф Кобзон да уна мӧдік сьылісь
Петан кад 1975
Кыв роч
Композитор Давид Тухманов
Кывбур гижись Владимир Харитонов

«Победа лун» (рочӧн «День Побе́ды», инципит «День Победы, как он был от нас далёк…») — композитор Давид Тухмановлӧн Владимир Харитонов кыввез вылӧ пуктӧм Победа лун йылісь роч кывья сьыланкыв. Великой Отечественнӧй войнаын Победа Россияын да СНГ канмуэзын порйӧтан атрибут.

Советскӧй да российскӧй армияын — стройӧн оськалан сьыланкыв. Паськыта тӧдса сы духовӧй оркестр понда маршкодь аранжируйтӧм сьӧрті.

2020 воӧ, Победалісь 75 во порйӧтан кеж, вӧлі комиӧтӧм[1][2].

Давид Тухманов. 2007

Сьыланкывлӧн история

Сьыланкыв одзыс, рочӧн

Шылад Давид Тухмановлӧн
Кыввес Владимир Харитоновлӧн

День Победы, как он был от нас далёк,
Как в костре потухшем таял уголёк.
Были вёрсты, обгорелые, в пыли, —
Этот день мы приближали как могли.

Припев:
Этот День Победы
Порохом пропах,
Это праздник
С сединою на висках.
Это радость
Со слезами на глазах.
День Победы!
День Победы!
День Победы!

1975 вося одзтулысӧн поэт Владимир Харитонов  (перм.рус. юӧртчис композитор Давид Тухманов  (перм.рус. дынӧ вӧзйӧмӧн керны Великӧй Отечественнӧй войналӧ кӧсйӧм сьыланкыв. Сы кадӧ СССР лӧсьӧтчис порйӧтны Победалісь 30 во, да СССР композиторрез союзын аркмӧтісӧ конкурс война йылісь медбур сьыланкыв вылӧ.

Конкурс помассикас ни Харитоновыс сетіс кывбурсӧ композиторыслӧ. Тухмановыс чожа гижис шыладсӧ, да сььыланкывсӧ ештісӧ мыччавны медбӧрья кывзан коста. Сійӧ сьыліс Тухмановыслӧн инь, поэтесса да сьылісь Татьяна Сашко[3]. Сэк сьыланкылыслӧ эзӧ сетӧ некытшӧм места. Мӧдік композиторрес умӧля горӧтчисӧ сы сылісь, да сія лоис тӧдса Гостелерадио вылын. Кыдз сёрӧнжык висьтасьлісӧ, сідз аркмӧма Тухмановыс кузя[3]. Сы кадӧ Харитовыс, кӧда вӧлі фронтовикӧн, вӧлі паськыта тӧдса поэтӧн, сы кывбуррезісь керисӧ сьыланкыввез гора нима композиторрез (Анатолий Новиков, Вано Мурадели да мд.) . А Тухмановыс вӧлі том композитор, кӧда вӧлі ӧддьӧнжыксӧ тӧдса эстраднӧй шлягеррез сьӧрті. Кыдз сёрӧнжык висьтасис Юрий Захаров, ВИА «Лейся, песня» аркмӧтісь, 1975 во одзтулысӧ Давид Тухмановыс мыччалӧма нылӧ сьыланкылыслісь партитурасӧ да нія ӧтлаын бурсьӧтӧмась сійӧ, керӧмась аранжировка. Сэк жӧ сійӧ гижӧмась «Доме радио»- ын. 1975 во тулыспомӧ сьыланкывсӧ ВИА «Лейся, песня» сьылӧмӧн лэдзӧмась радиоэфирӧ[4].

Сія жӧ кадӧ сьыланкылыс йылісь тӧдӧм Лев Лещенко  (перм.рус.. Сёрӧнжык сія касьтывліс:

«Ме дынӧ вовліс „Юность“ радиоись ӧтік редактор да висьталіс, мый эм бур сьылканкыв, кӧдӧ эз лэдз худсовет. Ме юаси, кин сійӧ сьыліс. Висьталісӧ, Таня Сашко, композитор Давид Тухмановлӧн инь. Юаси, а эм я кытшӧмкӧ клавир. Ну, шуисӧ, эм пӧ и клавирыс, и партитураыс — эттчин пӧ. Мэ сэк Тухмановыскӧт эг понды баитсьыны. Мыся, бур, босьтла сьӧрам, поди, мыйкӧ и петас. Туйын „Мелодияись“ зонкаэс меным керисӧ кокнит аранжировка. 1975 во тулысшӧр помын Алма-Атаын вӧлі сьыланкылыслӧн премьера. Ме казялі, кыдз залас керсьӧ мыйкӧ юрбӧбтана…».

Леонид Сметанников  (перм.рус. сьыліс сьыланкывсӧ «Голубой огонёк» телепередачаын 1975 во тулыспом 9 лун одзын[3]. Сьылакылыс чожа паськаліс отирӧт, но дыр кеж кольччис ӧтка сьыланӧн телеэфирын.

1975 вося арпомӧ Милиция лунлӧ кӧсйӧм концерт вылын сійӧ сьыліс Лев Лещенко (сылӧ отсаліс петкӧтны сійӧ сцена вылӧ концертлӧн куратор Ю. Чурбанов)[5][3]. Публикаыслӧ сьыланкылыс локтіс сьӧлӧмви да Лещенкоыс сьыліс сійӧ мӧдпӧв «бис» вылӧ. Сьыланкылыс лоис «Песня-75» фестиваль лауреатӧн. 1976 во сьӧрна отирыс гижисӧ Гостелерадиоӧ, мед сьыланкывсӧ вились лэдзисӧ эфирӧ. 1976 воӧ сія бӧра лоис лауреатӧн.

Сёрӧнжык сьыланкылыс пырис Иосиф Кобзон  (перм.рус., Муслим Магомаев  (перм.рус., Юрий Богатиков, Юрий Гуляев, Эдита Пьеха репертуарӧ.

Донъялӧм

Победа лун

Комиӧтіс Вера Мелехина

Эта луныс, топ кажитчис, оз ни лок,
Дзик бипурись вöлi винер бичирок.
Сотчис муыс, туйыс сылань вöлi кузь –
Бичирокыс, кöть шаитiс, но эз кус!

Сьылӧтан:
Эта гажа лунын –
Курыт тшын да бус.
Гажа лунын –
Серебритӧм чочком пуж.
Синвасора
Гажыс сьӧлӧмын оз кус.
Эта лунӧ
Мийӧ вермим!
Эта лунӧ!

Ойöн-лунöн пуктiс вын советскöй морт,
Медбы дорйыны фашистсянь ассис горт.
Ойöн-лунӧн врагкöт пессимö ёна,
Сэк Победа понда пессис дöс страна!

Вот и гортын. Шуан гусьöн: «Локті, мам…».
Кинкö пуктic эта лун понда олан.
Джын Европа подöн талимӧ йöз му,
Но судзöтiмӧ Победаыслicь лун!

Леонид Брежнев  (перм.рус. висьталӧма кыдзкӧ Победа парад бӧрын Владимир Харитоновыслӧ: «Мийӧ огӧ ни лоӧ, Володя, а отир пондасӧ сьывны тэнчит сьыланкывтӧ». Владимир Шаинский висьтавлӧм: «Сьыланкылыс дзик бергӧтіс кадсӧ. Кӧть сія вӧлі гижӧм войнасянь 30 во бӧрті, кажитчӧ, дзик дзир сійӧн мийӧн вермим»[3].

2015 воӧ «Русский репортёр» нима журнал чулӧтіс соцопрос, кӧда сьӧрті сьыланкывслӧн текстыс лоис 5-ӧт местаын Россия кывбуррез хит-парадын[6].

2016 воӧ Лев Лещенкоӧн сьылӧм сьыланкылыс вермис XI «Катюша» Россияпасьтся фестивальын «Россиялӧн кӧдзув» (рочӧн «Звезда России) номинацияын кыдз Великӧй Отечественнӧй война йылісь медбур сьыланкыв[7].

Мӧдік кыввез вылын

Сьыланкылыс эм польскӧй кыв вылын (поль. Dzień Zwycięstwa). Сійӧ вуджӧтіс Виктор Максимкин. Сьыланкывсӧ сьыліс Польскӧй Войскӧлӧн центральнӧй художественной ансамбль Колобжегын чулӧтӧм солдатскӧй сьыланкыввез фестиваль коста. Сія жӧ фестиваль вылын 1981 воӧ вӧлі сьылӧм кык кывья — польскӧй да роч — версия.

2020 воӧ, Победалісь 75 во порйӧтан кеж, Россия национальнöй литератураэз зорöтан программа сьӧрті сьыланкылыс вӧлі вуджӧтӧм 27 кыв вылӧ[1]. Ны коласын нанайскӧй, балкарскӧй, алтайскӧй, башкир, татара, абазинскӧй, эрзя, лезгинскӧй, эвенскӧй, карачай, чуваш, ловарскӧй, азербайджанскӧй, чеченскӧй, ингушскӧй, цахурскӧй, табасаран, ногай, даргин, мари, коми, осетинскӧй, манси, эвенк, шорскӧй, телеут, хакасскӧй да коми-пермяцкӧй[1].

2020 воӧ муніс мирпасьта „День Победы“ на разных языках» нима акция, кӧда коста отирыс вуджӧтісӧ сьыланкывсӧ уна кыввез вылӧ да сьылісӧ[8]. Осьтіс акциясӧ Лев Лещенко[9].

Комиӧн

2020 воӧ коми-пермяцкӧй текстсӧ лӧсьӧтіс коми гижись Вера Мелехина[1]. Сьыліс сьыланкывсӧ Руслан Мелехин[2].

Медодзза сьыліссез

  • 1975 — Татьяна Сашко, композитор Давида Тухмановлӧн инь.
  • 1975 во тулыспом 9 лун — Леонид Сметанников, «Голубой огонёк» нима телепередачаын.
  • 1975 вося тулыспом — ВИА «Лейся, песня» — радиоэфирын[4].
  • 1975 во — Лев Лещенко: тулысшӧр (Алма-Ата); арпом 10 лун (Москва) — Милиция лунлӧ кӧсйӧм концерт вылын; концерт «Песня-75» концерт вылын. Сьыланкылыс лоис 1975 да 1976 вося лауреатӧн.
  • 1976 — «Аты-баты, шли солдаты…» нима фильмын.

Пасйӧттэз

  1. ↑ 1 2 3 4 Разные языки. Одна Победа. Год литературы (08.05.2020).Видзӧтан кад 28.04.2025
  2. ↑ 1 2 Мария Сафина. Гимн Победы в Пермском крае исполнили на разных языках АиФ-Прикамье (09.05.2020) Видзӧтан кад: 28.04.2025.
  3. ↑ 1 2 3 4 5 Лев Лещенко: 30 лет назад «День Победы» хотели «забраковать» Комсомольская правда (4 мая 2005) Видзӧтан кад 29.04.2025
  4. ↑ 1 2 Из воспоминаний Юрия Константиновича Захарова, одного из основателей вокально-инструментального ансамбля «Лейся, песня».
  5. ↑ Лев Лещенко о концертах для Политбюро и о том, можно ли шагнуть со цены в бизнесмены
  6. ↑ Виталий Лейбин, Наталья Кузнецова Слова не выкинешь. Какие песни мы поем в душе и какими стихами говорим. rusrep.ru (2015-06-26). Видзӧтӧм 10 Тулысшӧр 2016.
  7. ↑ Песня «День Победы» признана лучшей песней о войне на фестивале «Катюша» : Министерство обороны Российской Федерации.
  8. ↑ Песня «День Победы» прозвучит на всех языках мира Известия (7 мая 2020) Видзӧтан кад 29.04.2025
  9. ↑ Лев Лещенко — дал старт международной акции «День победы на всех языках» Диктантпобеды.рф (24 августа 2020) Видзӧтан кад 29.04.2025

Литература

  • Тухманов Д. Ф. День Победы. Песня для голоса и духового оркестра [des1-es2]. Слова В. Харитонова. Инструментовка Д. Браславского. Партитура. — М.: Советский композитор, 1978. — 16 с. — 8830 экз.
  • День Победы. Сборник песен о Советской Армии. [Для пения (соло, ансамбль, хор) с сопровождением фортепиано, баяна и для баяна с надписанным текстом]. — М.: Музыка, 1978. — 96 с. — 10 000 экз. Это нотное издание включает песню «День Победы».

Ыстӧттэз

Босьтӧма "https://koi.ruwiki.ru/w/index.php?title=Победа_лун_(сьыланкыв)&oldid=212744"-ись