Ловзьӧм полк

Босьтöм Рувикиись

Экспертиза РАН

Logo-ran.png
Проводится экспертиза
Российской Академией Наук
Подробнее
Times2.svg

РАН экспертиза

Arrow-Right.png
Logo-ran.png
Чулӧтсьӧ экспертиза
Российскӧй Наукаэза Академияӧн
Унажык

Материалы библиотеки имени Б.Н. Ельцина

Library.png
В данной статье использованы материалы из фондов Президентской библиотеки имени Б.Н. Ельцина
Подробнее
Learning.svg

Б.Н. Ельцин нима библиотекалӧн материаллэз

Arrow-Right.png
Library.png
В данной статье использованы материалы из фондов Президентской библиотеки имени Б.Н. Ельцина
К материалам
Россияпасьтся ӧтйӧза гражданско-патриотическӧй движеннё «Россиялӧн Ловзьӧм полк»
Изображение логотипа
Шествие региональной патриотической общественной организации «Бессмертный полк» - 1.jpg
Аркмӧтан кад 2015 во одзар 30 лун
Тип ӧтйӧза организация[d]
«Россиялӧн Ловзьӧм полк» ООД исполкомӧн юралісь да центральнӧй штаб сопредседателлез

Наталья Шадрина Сергей Макаров Геннадий Иванов

Елена Цунаева
Центр Москва
Сайт polkrf.ru
Логотип РУВИКИ.Медиа Медиафайлы на РУВИКИ.Медиа

Ловзьӧм полк (рочӧн «Бессмертный полк») — Великӧй Отечественнӧй войнаын участниккезӧс да тылын уджаліссезӧс казьмӧтан ӧтйӧза движеннё, а сідзжӧ нацизм вермись геройезӧс казьмӧтан быдвося оськаланнэз[1]. Участниккез быд во Победа лунӧ мунӧны колоннаӧн улицаэз кузя да нуӧтӧны асланыс увтырись морт портреттэз — Великӧй Отечественнӧй войнаын участниккезлісь, подпольщиккезлісь, Сопротивленнё боеццезлісь, тылын уджаліссезлісь, концлагеррезын пукаліссезлісь, блокадниккезлісь, война кадся челядьлісь[2], да гижӧны ны йылісь историяэсӧ Народнӧй летописьӧ[3].

Одзза история

[вильмӧтны | править код]

«Ловзьӧм полк» акция вотӧдз сэтшӧм жӧ мероприяттёэз ӧктывлісӧ СССР-ись уна каррезын. Сідз, 1965 воӧ Новосибирскын шӧрӧт № 121 школаын велӧтчиссез мунісӧ кар улицаэз кузя пӧрись аймам — фронтовиккез портреттэзӧн[4]. 1981 воӧ Ростовскӧй областьись Тацинскӧй станицаын чулаліс торжественнӧй митинг, кӧдаын участвуйтісӧ отир фронтӧвиккез портреттэзӧн[5]. Пермскӧй областьын 1985 водӧ Соликамск улицаэз кузя отирыс нуӧтісӧ ветераннэзлісь фотоэз. Липецкӧй областьын Конь-Колодезь деревняын 1985 восянь школьниккез быд во Великӧй Отечественнӧй войнаын участниккез фотографияэзӧн мунӧны Ленин нима шӧр улицаӧт.

Ӧнняся история

[вильмӧтны | править код]

Постсоветскӧй воэзӧ сэтшӧм жӧ мероприяттёэз чулалісӧ кыдз Россияын, сідз и мӧдік канмуэзын. 2006 воӧ Ухтаын Победа лунӧ томмес вайисӧ Пырся би дынӧ солдаттэзлісь портреттэз. 2004—2006 воэзӧ маршшез вӧлісӧ Кузбассын (Новокузнецк да Прокопьевск каррезын), а 2007 воӧ — Тюменьын.

2007 во тулыспом 8 лунӧ «Тюменские известия» нима газетаын Пытшкӧс делоэз органнэзісь ветераннэзлӧн областнӧй советӧн юралісь Геннадий Иванов корис отирсӧ Победа лунӧ петны кар улицаэз вылӧ асланыс фронтовиккезлӧн портреттэзӧн[6]. Тюмень моз мероприяттёэс чулалісӧ Россияись мӧдік регионнэзын, да кык год бӧрті «Победителлезлӧн параддэз» чулалісӧ 20 муниципалитетын Российскӧй Федерацияын.

2009 воӧ «Победителлезлӧн парад» чулаліс Казаньын, Кемеровоын, Новосибирскын да мӧдік регионнэзын. «Вежам тіянӧс стройын!» (рочӧн «Заменим вас в строю!») марш чулаліс 2009 воӧ Севастопольын.

2010 воӧ ветераннэзлісь фотографияэз нуӧтісӧ Москваын Поклоннӧй керӧс вылӧт оськалан коста.

2013 воӧ акциясӧ чулӧтісӧ Россияын 120 карын да деревняын[7]. 2014 воӧ «Ловзьӧм полк» чулаліс 7 канмуись 500 карын[7].

2024 во одзтӧлӧн лоис тӧдса, мый 2025 воӧ «Ловзьӧм полк» мунас ӧтлаын «Беларусь помнит» нима оськаланкӧт[8].

Ӧтйӧза движеннё

[вильмӧтны | править код]

2015 во тулыспом 9 лунӧ Победа парад бӧрын Краснӧй площадь вылӧт муніс «Ловзьӧм полк» акциялӧн оськалан[9]. Сыын участвуйтісӧ 500 сюрсся унажык морт, кӧдна коласын вӧлі и Россиялӧн президент Владимир Путин, сія вайис аслас ай-фронтӧвиклісь портрет. Колоннаыс муніс Белорусскӧй площадь дынсянь Кремльӧдз и помаліс оськалӧмсӧ Москворецкӧй вадортуй дын[10].

  • «Ловзьӧм полк» оськалан Москваын 2015 во тулыспом 9 лунӧ

    «Ловзьӧм полк» оськалан Москваын 2015 во тулыспом 9 лунӧ

  • «Ловзьӧм полк» Рязаньын, 2016 во тулыспом 9 лун

    «Ловзьӧм полк» Рязаньын, 2016 во тулыспом 9 лун

  • «Ловзьӧм полк» Майкопын, 2016 во тулыспом 9 лун

    «Ловзьӧм полк» Майкопын, 2016 во тулыспом 9 лун

  • «Ловзьӧм полк» Сакиын, 2016 во тулыспом 9 лун

    «Ловзьӧм полк» Сакиын, 2016 во тулыспом 9 лун

  • «Ловзьӧм полк» Калининградын, 2017 во тулыспом 9 лун

    «Ловзьӧм полк» Калининградын, 2017 во тулыспом 9 лун

2015 вося тулыссянь «Ловзьӧм полк» акция лоис Россияын да визир сайын Победа лун порйӧтӧмын медшӧр торӧн. 2015 воӧ «Ловзьӧм полк» чулаліс 17 канмуын, да 2016 воӧ — 42 канмуын ни[11].

2015 воӧ гражданалӧн инициатива сьӧрті вӧлі лӧсьӧтӧм «Россиялӧн Ловзьӧм полк» ӧтйӧза гражданско-патриотическӧй ӧтмунӧм, кытчӧ пырисӧ 89 региональнӧй юкӧт да 200-ся унажык визирсай координатор[12].

Организациялӧн медшӧр могыс — Великӧй Отечественнӧй война геройезлісь подвигсӧ пыр кежӧ кольӧтӧм, отирлӧн подвиг да героизм йылісь тӧдвылын видзӧм, героическӧй аймамлісь опытсӧ вежӧртӧм, поколеннёэзлӧн одзланься олан бергӧтӧм.

«Россиялӧн Ловзьӧм полк» ӧтйӧза гражданско-патриотическӧй движеннёлӧн Центральнӧй штаблӧн медодзза сопредседателлез коласісь ӧтікӧн лоис СССР-лӧн Народнӧй артист, Российскӧй Федерациялӧн Уджын Герой Василий Лановой[13][14].

  • Россия банкӧн 2019 воӧ лэдзӧм сьӧмторрез, кӧдна сиӧмӧсь 1941-1945 воэзся Великӧй Отечественнӧй войнаын советскӧй отирлӧн вермӧмсянь 75 вося юбилейлӧ
  • 3 руба сьӧм, эзысь

    3 руба сьӧм, эзысь

  • 25 руба сьӧм, эзысь

    25 руба сьӧм, эзысь

  • 50 руба сьӧм, зарни

    50 руба сьӧм, зарни

Канмуэз, кытӧн чулӧтсьывлӧ акцияыс

[вильмӧтны | править код]

«Ловзьӧм полк» акцияыс чулӧтсьӧ 80-ся унажык канмуын:

  • Республика Абхазия Абхазия (2014 восянь)
  • Австралия Австралия (2016 восянь)
  • Австрия Австрия (2016 восянь)
  • Азербайджан Азербайджан(2015 восянь)
  • Албания Албания (2015 восянь)
  • Антарктика Антарктида (2018 восянь)
  • Аргентина Аргентина (2016 восянь)
  • Армения Армения (2016 восянь)
  • Белоруссия Беларусь(2011 восянь)
  • Бельгия Бельгия (2017 восянь)[15]
  • Болгария Болгария (2015 восянь)
  • Босния и Герцеговина Босния да Герцеговина (2017 восянь)
  • Бразилия Бразилия (2017 восянь)
  • Великобритания Ыджыт Британия (2015 восянь 2021 воӧдз)
  • Венгрия Венгрия (2016 восянь)
  • Венесуэла Венесуэла (2022 восянь)
  • Вьетнам Вьетнам (2017 восянь)
  • Германия Германия (2015 восянь)
  • Гонконг Гонконг (2019 восянь)
  • Греция Грцеия (2015 восянь)
  • Грузия Грузия (2015 восянь)
  • Дания Дания (2016 восянь)
  • Египет Египет (2017 восянь)
  • Замбия Замбия (2018 восянь)
  • Израиль Израиль (2014 восянь)
  • Индия Индия (2015 восянь)
  • Индонезия Индонезия (2016 восянь)
  • Ирландия Ирландия (2015 восянь 2021 воӧдз)
  • Исландия Исландия (2015 восянь)
  • Испания Испания (2016 восянь)
  • Италия Италия (2016 восянь)
  • Казахстан Казахстан (2013 восянь)
  • Камбоджа Камбоджа (2018 восянь)
  • Канада Канада (2015 восянь)
  • Катар Катар (2016 восянь)
  • Республика Кипр Кипр (2016 восянь)
  • Киргизия Киргизия (2013 восянь)
  • Китай Китай (2016 восянь)
  • Корейская Народно-Демократическая Республика Ойвыв Корея (2017 восянь)
  • Колумбия Колумбия (2019 восянь)
  • Республика Корея Лунвыв Корея (2015 восянь)
  • Республика Конго Конго (2017 восянь)
  • Коста-Рика Коста-Рика (2014 восянь)
  • Куба Куба (2017 восянь)
  • Кувейт Кувейт (2017 восянь)
  • Латвия Латвия (2015 восянь)
  • Ливан Ливан (2015 восянь)
  • Ливия Ливия (2017 восянь)
  • Литва Литва (2016 восянь)
  • Люксембург Люксембург (2017 восянь)
  • Флаг Северной Македонии Македания (2016 восянь)
  • Малайзия Малайзия (2018 восянь)
  • Мальта Мальта (2016 восянь)
  • Марокко Марокко (2017 восянь)
  • Мексика Мексика (2015 восянь)
  • Молдавия Молдова(2016 восянь)
  • Монголия Монголия (2016 восянь)
  • Непал Непал (2017 восянь)
  • Нигерия Нигерия (2017 восянь)
  • Нидерланды Нидерландыэз (2014 восянь)
  • Новая Зеландия Виль Зеландия (2018 восянь)
  • Норвегия Норвегия (2015 восянь)
  • Оман Оман (2016 восянь)
  • Панама Панама (2016 восянь)
  • Польша Польша (2014 восянь)
  • Португалия Португалия (2017 восянь)
  •  Российскӧй Федерация (2011 восянь)
  • Румыния Румыния (2016 восянь)
  • Сербия Сербия (2016 восянь)
  • Сирия Сирия (2018 восянь)
  • Словакия Словакия (2016 восянь)
  • Словения Словения (2016 восянь)
  • Соединённые Штаты Америки США (2016 восянь 2021 воӧдз)
  • Таджикистан Таджикистан (2016 восянь)
  • Таиланд Таиланд (2016 восянь)
  • Тунис Тунис (2017 восянь)
  • Туркменистан Туркменистан (2015 восянь[16])
  • Турция Турция (2016 восянь)
  • Узбекистан Узбекистан (2016 восянь)
  • Украина Украина (2011 восянь 2014 воӧдз)
  • Филиппины Филиппиныэз(2018 восянь)
  • Финляндия Финляндия (2015 восянь)
  • Франция Франция (2016 восянь)
  • Хорватия Хорватия (2016 восянь)
  • Черногория Черногория (2016 восянь)
  • Чехия Чехия (2016 восянь)
  • Чили Чили (2018 восянь)
  • Швейцария Швейцария (2016 восянь)
  • Швеция Швеция (2016 восянь)
  • Эстония Эстония (2015 восянь)
  • Южно-Африканская Республика ЮАР (2016 восянь)
  • Южная Осетия Лунвыв Осетия(2013 восянь)
  • Япония Япония (2017 восянь)

2019 во тулыспом 6 лунӧ «Ловзьӧм полк» акцияыс медодззаись чулаліс Аляскаись Анкоридж карын. Оськаланнас мунісӧ 100 морт мымда[17].

  • «Ловзьӧм полк» Бишкекын, 2017 во тулыспом 9 лун.

    «Ловзьӧм полк» Бишкекын, 2017 во тулыспом 9 лун.

  • «Ловзьӧм полк» Софияын, 2019 во тулыспом 9 лун.

    «Ловзьӧм полк» Софияын, 2019 во тулыспом 9 лун.

2020 да 2021 воэзся акцияэзлӧн ассяматоррез

[вильмӧтны | править код]

«Ловзьӧм полк» оськаланнэс 2020 во тулыспом 9 лунӧ эзӧ чулӧтьсӧ коронавирус пӧрӧс кузя. Ны туйӧ чулӧтсис онлайн-акция: быд мортыс вермис сетны ветеранлісь фото да сы йылісь висьт тодиль сайтӧ. Быдӧссӧ вӧлі керӧм 2,7 миллион мымда корӧм[18]. Трансляцияыс пондӧтчис тулыспом 9 лунӧ да кыссис 20 лун сьӧрна, сійӧ видзӧтісӧ 25 миллион мымда морт быдсӧн Мушар пасьта[19].

«Ловзьӧм полк» акция чулаліс онлайн-режимын сідзжӧ Испанияын да Андорраын[20].

2021 годӧ «Ловзьӧм полк» бӧра чулаліс онлайн-форматын. Но, 2020 вося торйӧн, трансляцияэсӧ нуӧтісӧ РФ субъекттэз сьӧрті, медбы быд регионын отирыс вермисӧ адззывны стройын быдӧс асланыс земляккезӧс, да мероприяттёыс чулаліс ӧтік лунӧн[21].

2020 воӧ оськаланнэз

[вильмӧтны | править код]

2022 во пондӧтчикӧн коронавирус пӧрӧсыс пондіс чинны, да сійӧн лэдзисӧ чулӧтны оськаланнэз[22]. Сы коста Великӧй Отечественнӧй война вылын ветераннэзлӧн да тылын уджаліссезлӧн портреттэзкӧт ӧтлаын, участниккез вайисӧ Украинаын специальнӧй военнӧй операция коста пӧгибнитӧм воиннэзлісь фотографияэз[22].

«Ловзьӧм полк» маршшез 2022 воӧ вӧлісӧ котыртӧмӧсь мирын матӧ 90 странаын[23], сы лыдын медодззаись Венесуэлаын. Шествиеэсӧ аслас территория вылын запретитісӧ СССР-лӧн союзниккез антигитлеровскӧй коалиция сьӧрті США да Ыджыт Британия, да сідзжӧ Ирландия[24].

2023 воӧ чулӧтӧм

[вильмӧтны | править код]

2023 воӧ опастӧмалӧм могись вӧлі арталӧм не чулӧтны уна отира оськаланнэсӧ. «Россиялӧн Ловзьӧн полк» Россияпасьтся ӧтйӧза движеннёлӧн центральнӧй штабись представителлез вӧзйисӧ чулӧтны мӧдік форматтэзын. Ассиныс геройезлісь портретсӧ Победителлезлӧн челядь да нучокккез сувтӧтлісӧ ас, служебнӧй да общественнӧй транспорт вылӧ, майкаэз да футболкаэз вылӧ, квартираэз ӧшыннэзӧ да бейджжез вылӧ, медбы Победа лунӧ быдӧс миян геройезным вӧлісӧ миянкӧт.

Россияись унажык каррезын мунісӧ авто- да мотопробеггез Великӧй Отечественнӧй войнаын участниккез портреттэза вавыв да енӧжын параддэз. Сідз, Волгоградын чулаліс акция «Ловзьӧм полклӧн ю» — Волга кузя муніс теплоходдэз эскадра, пыжжес вылас вӧлісӧ Сталинградскӧй битваын 150 участниклӧн фотографияэз. Ловзьӧм полклӧн историяын медодззаись акцияыс муніс ватрамвайчиккезын Волга ю акваторияын, кӧдӧ 80 во одзжык мӧдісӧ, да сідз и эз вермӧ форсируйтны фашисттэз.

Квать самолёт «Як» да ӧтік «Ан-2» Россиялӧн Ловзьӧм полк символикаӧн лэбалісӧ Нижневартовск, Мегион, Лангепас, Сургут, Нефтеюганск, Ханты-Мансийск весьтын пилотажнӧй «звезда» да «пеленг» стройезын борттэз выланыс нуӧтісӧ Великӧй Отечественнӧй война геройезлісь сюрс витсё мымда портрет[25].

2024 воӧ чулӧтӧм

[вильмӧтны | править код]

Тулысшӧр 23 лунӧ «Россиялӧн Ловзьӧм полк» движеннё центральнӧй штабӧн юралісь да Госдумаись депутат Елена Цунаева висьталіс, мый 2024 воӧ опастӧмалӧм могись «Ловзьӧм полк» оськаланыс оз чулав очнӧй форматын[26].

Ловзьӧм полк акцияэз чулалісӧ виль форматтэзӧн 2024 во тулыспом 1-12 луннэзӧ. Геройезлісь портреттэсӧ ны челядь на нучӧккез тэчлісӧ «Память стенаэз» вылӧ школаэзын, предприяттёэзын, кышӧтлісӧ транспорт вылӧ, ны лыдын пыжжез да самолеттэз вылӧ. Отирыс пуктісӧ асланыс соцвеззэзӧ ветеранннэзлісь портреттэз аваторрес туйӧ, ны лыдын и СВО-ын участникккезлісь портреттэз, да сідзжӧ висьтасисӧ ны подвиггез йылісь посттэзын, кӧднӧ пасйисӧ #нашБессмертныйполк хештегӧн.

2024 воӧ «Ловзьӧм полк» мирпасьтся акцияэс чулалісӧ сідзжӧ 115 канмуын.

  • Алжир Алжир
  • Ангола Ангола
  • Афганистан Афганистан
  • Бангладеш Бангладеш
  • Бахрейн Бахрейн
  • Бенин Бенин
  • Боливия Боливия
  • Бразилия Бразилия
  • Буркина-Фасо Буркина-Фасо
  • Гагаузия Гагаузия
  • Гватемала Гватемала
  • Гвинея Гвинея
  • Иордания Иордания
  • Иран Иран
  • Йемен Йемен
  • Камерун Камерун
  • Кения Кения
  • Мавритания Мавритания
  • Мадагаскар Мадагаскар
  • Мали Мали
  • Мозамбик Мозамбик
  • Монголия Монголия
  • Намибия Намибия
  • Никарагуа Никарагуа
  • Пакистан Пакистан
  • Палестина (историческая область) Палестина
  • Перу Перу
  • Республика Сербская Сербскӧй Республика
  • Саксония (земля) Саксония
  • Корейская Народно-Демократическая Республика Ойвыв Корея
  • Сейшельские Острова Сейшеллэз
  • Сингапур Сингапур
  • Соединённые Штаты Америки США
  • Танзания Танзания
  • Того Того
  • Уганда Уганда
  • Уругвай Уругвай
  • Центральноафриканская Республика ЦАР
  • Флаг Шри-Ланки Шри-Ланка
  • Эквадор Эквадор
  • Эфиопия Эфиопия
  • Ямайка Ямайка

2025 вося чулӧтӧм

[вильмӧтны | править код]

2025 годӧ «Ловзьӧм полк» акцияыс чулаліс сора форматын: Россияись 56 регионын сійӧ чулӧтісӧ очнӧя (ны лыдын Санкт-Петербургын, Ойвыв Осетияын, Свердловскӧй, Сахалинскӧй, Новосибирскӧй, Калининградскӧй областтезын[27]), мукӧд регионын — онлайн. Сідзжӧ «Россиялӧн Ловзьӧм полк» движеннё вӧзйис чулӧтны акциясӧ мӧдік форматтэзӧн[28]:

  • геройезлісь портреттэсӧ лякны паськӧм вылӧ и новйыны сійӧ мероприяттёэз коста («Ловзьӧм полк паськӧм вылын»);
  • сувтӧтны транспортын ӧшынэз вылӧ («Транспорт вылын Ловзьӧм полк»);
  • портретсӧ сувтӧтны торйӧн сувтӧтӧм стенаэз вылӧ нето тодиль вевдӧрӧ («Память стена»);
  • пуктыны геройлісь портретсӧ мессенджеррезӧ да социальнӧй веззэзӧ аватарӧн, а сідзжӧ йӧзӧтны посттэз геройлӧн боевӧй нето уджалан туй историяӧн хештегӧн #Бессмертныйполк2025 («Ловзьӧм полк социальнӧй веззэзын»).

Ханты-Мансийскын «Ловзьӧм полкыс» чулаліс енӧжын: фронтовиккезлісь фотоэсӧ кышӧтісӧ квать «Як» самолёт борт вылӧ[27].

Движеннёлӧн Центральнӧй штаб юӧртӧм сьӧрті, Россияын «Ловзьӧм полк» оськаланнэзын участвуйтіс 7 млн-ся унажык морт. Но участниккес вӧлісӧ уна унажык, сідз кыдз уна отир участвуйтісӧ виль формата чулӧтӧмын[29].

Тулыспом 9 лунӧ оськаланнэс чулалісӧ 120 канмуын[29].

Пасйӧттэз

[вильмӧтны | править код]
  1. ↑ Бессмертный полк - официальный сайт движения рус..
  2. ↑ И. Огилько На "Бессмертный полк онлайн" зарегистрировались более 150 тысяч участников. Российская газета (2020-04-30). Видзӧтӧм 30 Тулысшӧр 2020.
  3. ↑ Найти солдата по фамилии на сайте Бессмертный полк рус..
  4. ↑ Акция «Ловзьӧм полк» родилась 49 лет назад в Новосибирске, а не в Томске Архивная копия от 18 Тулыспом 2015 на Wayback Machine // «Академия новостей».
  5. ↑ АиФ- Ростов Бессмертный полк. Впервые портреты фронтовиков пронесли на Дону в 1981-м. www.rostov.aif.ru (2016-08-17). Видзӧтӧм 9 Тулысшӧр 2019.
  6. ↑ Семейный альбом — Парламентская газета «Тюменские известия» (08.05.2007).
  7. ↑ 1 2 Ирландия присоединится к всероссийской акции «Ловзьӧм полк». // ТАСС (2015-04-04). Видзӧтӧм 21 Тулысшӧр 2015.
  8. ↑ "Бессмертный полк" в 2025 году пройдет вместе с шествиями "Беларусь помнит", TACC. Дата обращения: 6 Одзтӧв 2024.
  9. ↑ Акцию «Ловзьӧм полк» в Москве хотят провести на Красной площади Архивная копия от 17 Тӧвшӧр 2019 на Wayback Machine // ИА REGNUM. 30 Марта 2015.
  10. ↑ Вести-Москва 9 Мая по столице пройдёт «Ловзьӧм полк». // Вести.Ru (2015-05-07). Видзӧтӧм 7 Тулыспом 2015.
  11. ↑ Бессмертный полк в мире рус..
  12. ↑ Более 1 млн человек собрала акция "Бессмертный полк" в Санкт-Петербурге рус.. ТАСС. Видзӧтӧм 11 Тулыспом 2019.
  13. ↑ Банк России выпускает в обращение памятные монеты из драгоценных и недрагоценного металлов. cbr.ru. Видзӧтӧм 3 Одзгожум 2021.
  14. ↑ [1]
  15. ↑ Бельгия – Immortal Regiment of the World (Бессмертный полк мира) рус.. Immortal Regiment of the World (Бессмертный полк мира). Архивируйтӧм первоисточник сьӧрті 25 Гожумпом 2018. Видзӧтӧм 9 Арпом 2018.
  16. ↑ В Ашхабаде прошло шествие «Бессмертного полка».
  17. ↑ "Бессмертный полк" впервые состоялся на Аляске (2019-05-06).
  18. ↑ Я. Костенко Герои в нашем сердце: как проходит онлайн-шествие «Бессмертного полка». Известия (2020-05-09). Видзӧтӧм 9 Тулыспом 2020.
  19. ↑ И. Огилько Завершился марш "Бессмертного полка онлайн". Российская Газета (2020-05-29). Видзӧтӧм 30 Тулыспом 2020.
  20. ↑ В Испании и Андорре пройдет «Бессмертный полк онлайн». Известия (2020-05-02). Видзӧтӧм 4 Тулыспом 2020.
  21. ↑ "Бессмертный полк" 9 мая пройдет в онлайн-формате. Организаторы планируют провести акцию в традиционном формате 24 июня. ТАСС (2021-04-19). Видзӧтӧм 19 Тулысшӧр 2021.
  22. ↑ 1 2 М. Лисицына В «Бессмертном полку» предложили нести фото погибших на Украине военных. РБК (2022-04-22). Видзӧтӧм 24 Тулысшӧр 2022.
  23. ↑ Шествие "Бессмертного полка" пройдет в 88 странах. Вести.ру (2022-05-06). Видзӧтӧм 6 Тулыспом 2022.
  24. ↑ США и Великобритания запретили проведение "Бессмертного полка". РИА Новости (2022-04-28). — ещё сообщалось о запрете в Казахстане, но это ошибка: просто шествие там пройдёт под другим названием. Видзӧтӧм 29 Тулысшӧр 2022.
  25. ↑ Акция "Бессмертный полк" в России 9 Мая пройдет в смешанном формате. ТАСС (2023-04-18). Видзӧтӧм 18 Тулысшӧр 2023.
  26. ↑ Парады и шествия "Бессмертного полка" не будут проводить в шести субъектах России - Родина, Родина. Дата обращения: 19 Тулысшӧр 2024.
  27. ↑ 1 2 "Без них не было бы нас": как прошел "Бессмертный полк" в городах России (2025-05-09).
  28. ↑ Онлайн-шествие "Бессмертного полка" начнется в 12:00 по всей стране, TACC (9 Тулыспом 2025). Дата обращения: 9 Тулыспом 2025.
  29. ↑ 1 2 Организаторы «Бессмертного полка» назвали рекордным число стран-участниц, РБК (12 Тулыспом 2025). Дата обращения: 12 Тулыспом 2025.

Ыстӧттэз

[вильмӧтны | править код]

Фото да видео[вильмӧтны | править код]


Босьтӧма "https://koi.ruwiki.ru/w/index.php?title=Ловзьӧм_полк&oldid=136771"-ись