Российскӧй Федерация Конституциялӧн лун
| Конституция лун | |
|---|---|
 Российскӧй Федерация президент присяга понда Конституция небӧг | |
| Тип | Канму статуса донтан лун |
| Официальнӧя | Российскӧй Федерация Конституциялӧн лун |
| Аркмӧтӧм | 1993 во одзтӧв 12 лунся отирпасьтса референдум |
| Аркмӧтісь | Борис Ельцин |
| Чулӧтӧны | быд во |
| Лун | одзтӧв 12 лун |
| Йитӧм | Россия Конституция сьӧрті отирпасьтса референдум |
 Медиафайлы на РУВИКИ.Медиа | |
Конституция лун — канму статуса донтан лун, чулӧтсьӧ быд во одзтӧв 12 лунӧ. Эта лунӧ 1993 воын чулаліс отирпасьтса референдум, кӧда сьӧрті вӧлі бурсьӧтӧм канмуся юралан закон[1].
Донтан лун аркмӧтӧм
СССР-ын Конституция луныс вежсьывліс, сідз кыдз юралан законсӧ бурсьӧтвывлісӧ неӧтпырись. Медодзза Конституциялӧн луныс вӧлі пуктӧм 1923 вося гожумпом 3 лунсянь СССР ЦИК президиум декретӧн (ачыс Конституцияыс вӧлі берттытӧг бурсьӧтӧм 1924 во тӧвшӧр 31 лунӧ II СССР Советтэз съезд коста. Постановленнёыс сьӧрті луныс вӧлі вежсяна – сійӧ чулӧтлісӧ гожумшӧр медодзза вежалунӧ. 1930 воын, кӧр советскӧй предприяттёэс вуджисӧ дугдывтӧм уджалан недель вылӧ, Конституция луныс вӧлі пуктӧм гожумпом 6 лун кеж. Сія кольччис уджалан лунӧн[2].
1936 во одзтӧв 5 лунӧ VIII Советтэз чожакорӧм съезд вылын вӧлі бурсьӧтӧм виль, сідз шуана «сталинскӧй», Конституция, а сы бурсьӧтӧм луныс юӧртӧм отирпасьтса донтан лунӧн. Иосиф Сталин дырни СССР Конституциялӧн лун, кӧда сідзжӧ шуисис СССР сталинскӧй Конституция лунӧн, лоис шоччисяна лунӧн. Сы чулӧтӧмыс кыссис 1976 во одзтӧлӧдз[2].
Канмуся юралан законлӧн виль версия вӧлі аркмӧтӧм 1977 воын. Отирын сійӧ пондісӧ шуны «зорамӧм социализм конституцияӧн». Аршӧр 7 лунӧ сія вӧлі бурсьӧтӧм СССР Верховнӧй Совет сессия вылын, мый бӧрсянь вӧлі лэдзӧм «СССР Конституция отирпасьтса донтан лунӧн юӧртӧм йылісь» СССР закон. Аршӧр 7 лун вӧлі шоччисяна донтан лунӧн СССР разьсьӧмӧдз 1991 воын[2].
1993 вося Конституция лӧсьӧтӧм
1990 во одзгожум 12 лунӧ РСФСР народнӧй депутаттэз I съезд бурсьӧтіс РСФСР канму суверенитет йылісь Декларация. Документас гижсис, мый колӧ лӧсьӧтны юралан законлісь виль текст. Кытчӧдз сія эз вӧв лӧсӧтӧм да бурсьӧтӧм, одзлань уджаланӧн вӧлі 1978 вося РСФСР-лӧн Конституция (вильмӧттэзӧн)[2].
Народнӧй депутаттэзісь Конституционнӧй комиссия виль Конституция вылын удж понда вӧлі аркмӧтӧм 1990 во одзгожумӧ. Сійӧн юраліс РСФСР Верховнӧй Советлӧн председатель Борис Ельцин. Нёль во сьӧрна, 1990—1993 воэзын, берся политическӧй да общественнӧй чукӧррез лӧсьӧтісӧ законліь 20 вариант мымда, официальнӧя ныись синмалісӧ кыкӧ. Медодззалӧн авторрезнас вӧлісӧ Сергей Алексеев, РФ президент дынся асалан право туялан центрись советлӧн председатель, да Сергей Шахрай, правительство председательлӧн вежлісь. Мӧдӧдз вариантсӧ лӧсьӧтісӧ Олег Румянцев кипод увтын Конституционнӧй комиссия членнэз[2].
Формальнӧя комиссияас пырис сё мымда депутат. Былись Конституция проектсӧ лӧсьӧтісӧ 12-15 морт, кӧдна пырисӧ уджалан чукӧрӧ. Комиссияын «моторнас» вӧлі сы ответственнӧй секретарь, 30-вося Олег Румянцев. Ӧтлаын сыкӧт проект вылас уджалісӧ депутаттэз Виктор Шейнис, Юрий Рыжов, Борис Золотухин, Фёдор Шелов-Коведяев, Евгений Амбарцумов, Сергей Шахрай. Эксперттэс коласісь позьӧ шуны Борис Страшунӧс, Леонида Мамутӧс, Владимир Лафитскийӧс. Комиссия могнас вӧлі мирпасьта удж подув вылын аркмӧтны российскӧй конституционнӧй модель.
— Андрей Гольцблат[3]
1993 во одзгожум 5 лунӧ РФ президент Борис Ельцин инициатива сьӧрті чулаліс Конституционнӧй совещаннё, кӧда вылын вӧлі бурсьӧтӧм виль Конституциялӧн медбӧрья редакция. Сы коста Съезд и РФ Верховнӧй Советыс уджалісӧ асланыс версия вылын, кӧдӧ мӧдісӧ бурсьӧтны 1993 во арпом 17 лунӧ народнӧй депутаттэз X съезд вылын. Но сы кадся президентыс торкис народнӧй депутаттэзлісь Советсӧ, а сыкӧт ӧтлаын и РФ-лісь Верховнӧй совет, да ны туйӧ мӧдіс аркмӧтны Федеральнӧй собраннё. РФ Конституционнӧй судыс чайтіс сы могсӧ юралан законлӧ панытанаӧн. Конституция сьӧрті РФ Верховнӧй Советыс кидтіс Борис Ельцинлісь президентскӧй уджсӧ да пуктіс тыртны уджсӧ РФ вице-президент Алекандр Руцкойӧс. В срочном порядке собрался X чрезвычайный съезд народных депутатов. Здание Верховного совета в Москве, где заседали депутаты, было блокировано внутренними войсками и милицией по приказу Бориса Ельцина. 1993 во аршӧр 3 лунӧ юркарӧ пырисӧ войскаэз, кӧдна ашынас танкись лыйсьӧм бӧрын босьтісӧ парламентсӧ штурмӧн. Оппозиция юраліссез, ны коласын парламентлӧн председатель да вице-президент, вӧлісӧ арестуйтӧмӧсь[2].
1993 во аршӧр-арпомын Борис Ельцинӧн бурсьӧтӧм конституциялӧн проект вӧлі тырмӧмви лӧсьӧтӧм Конституционнӧй совещаннё органнэзӧн: Общественнӧй и Государственнӧй палатаэзӧн да Конституционнӧй арбитраж комиссияӧн. Президентыс гижис указ отирпасьтса референдум чулӧтӧм йылісь 1993 во одзтӧв 12 лунся конституция проект сьӧрті[2].
Ковсис лӧсьӧтчыны виль конституционнӧй строй подув сьӧрті отирпасьтса референдум дынӧ. Мед референдум могыс вӧлі тыртӧм, быдӧс политика выннэзлӧ, юралан органнэзлӧ да регионнэзлӧ коліс ӧтлаасьны виль Конституция быдлӧ лӧсялана подув пыр, мый ӧдззӧтіс бы Россия канмуся ӧтувтчӧм. Но сы понда ковсис политика процессэзын быдӧс участниккезлӧ пуктыны уна вын. Кыдзкӧ ковсис вермӧтчыны овны референдумыс одзза кадсӧ — юралӧм баланс дзугтӧг, канму эффектажык юралӧмӧн да локтана вильмӧттэз понда политика бурсьӧтана арттавтӧн.
— О. Г. Румянцев[4]
РФ Конституция бурсьӧтӧм
Российскӧй Федерация Конституциялӧн виль вариант вӧлі бурсьӧтӧм 1993 во одзтӧв 12 лунся отирпасьтса референдумӧн, да пырис оланӧ «Российская газетаын» публикуйтӧм бӧрын одзтӧв 25 лунсянь[5]. 1994 воын Россиялӧн президент лэдзис кык указ — «Российскӧй Федерация Конституция Лун йылісь» да «Одзтӧв 12 лун шоччисян йылісь». Одзтӧв 12 лун лоис канму статуса донтан лунӧн[6].
2005 восянь Конституция луныс бӧра лоис уджалан лунӧн, да кольччис Россияын донтан лунӧн[7], сідз кыдз 2004 во одзтӧв 24 лунӧ Госдума пыртіс Российскӧй Федерация Удж кодексӧ вильмӧттэз, кӧдна сьӧрті Россия донтан лунъя календарьыс вежсис[8].
Традицияэз
Конституция луныс — уджалана лун, но сы коста чулӧтсьӧны быдберся патриотика сьӧрті мероприяттёэз, митинггез, концерттэз. Традиция сьӧрті эта лунӧ ошкӧны юристтэзӧс да судьяэзӧс[9].
Конституция лунся бур традицияӧн лоис сетны медодзза паспорттэз россияналӧ, кӧдналӧ донтан луныс одзын тырис 14 во. Эта лунӧ унажык велӧтчиссе да студеннтэз участвуйтӧны тематическӧй мероприяттёэзын, кӧдна чулӧтьсӧны донтан луныс кеж велӧтчаніннэзын[9].
Лыддьӧтан
- Шахрай С.М. О Конституции: Основной закон как инструмент правовых и социально-политических преобразований. Отделение общественных наук РАН. М.: Наука, 2013. С. 58–59.
- Бабурин С.Н. Русская государственность и Российское государство в системе ценностей и интересов современной политики, международного и конституционного права: морфология. М: ЮНИТИ-ДАНА, 2018. С. 161.
Пасйӧттэз
- ↑ Указ Президента Российской Федерации от 19.09.1994 г. № 1926. Дата обращения: 10 декабря 2021. Архивировано 21 августа 2021 года.
- ↑ 1 2 3 4 5 6 7 Антон Новодережкин. День Конституции РФ. Что известно об основном законе страны и празднике в его честь. ТАСС (12 декабря 2022). Дата обращения: 8 декабря 2023.
- ↑ https://www.rbc.ru/opinions/politics/12/12/2018/5c0f9c489a794794d1765333%7Ctitle=Андрей Гольцблат Историческая правка: как принимали российскую Конституцию
- ↑ О.Г. Румянцев. К истории создания Конституции Российской Федерации. О работе Конституционной комиссии (1990-1993 гг.) // Из истории создания Конституции Российской Федерации. Конституционная комиссия: стенограммы, материалы, документы (1990–1993 гг.) : в 6 т. / О. Г. Румянцев. — М.: Волтерс Клувер, 1992. — Т. 3. — С. 40. — ISSN 978-5-466-00354-3.
- ↑ Конституция Российской Федерации от 25 декабря 1993 года, с изменениями от 30 декабря 2008 года.
- ↑ В России отмечают День Конституции. Российский союз молодёжи (12.12.2020).
- ↑ Федеральный закон от 13 марта 1995 г. № 32-ФЗ «О днях воинской славы и памятных датах России». Президент России. Дата обращения: 9 декабря 2023. Архивировано 26 ноября 2021 года.
- ↑ Дума изменила праздничный календарь, Вести (24 Одзтӧв 2004). Архивировано 14 Одзтӧв 2014 года. Дата обращения: 10 Одзтӧв 2023.
- ↑ 1 2 День Конституции России: история и традиции праздника. РЕН ТВ (12 декабря 2022). Дата обращения: 10 декабря 2023.
Ыстӧттэз
- https://rg.ru/documents/2009/01/21/konstitucia-dok.html - Конституция Российской Федерации от 25 декабря 1993 года, с изменениями от 30 декабря 2008 года.