Корчовня (Кудымкар район)

Корчовня
	Деревня
Корчовня
	59°06′43″ с. ш. 54°53′10″ в. д.HGЯO
Канму	Российскӧй Федерация
Федерациялӧн субъект	Пермскӧй край
Район	Кудымкар
Община	Йӧг посадму
История да география
Оліссез
Отир	327 морт (2025)
Цифра идентификаторрез
	619561
ОКТМО код	57821414136
ОКАТО код (2014 воӧдз)	57121000112
	Корчовня Корчовня

Корчовня (рочӧн Корчeвня) — Пермскӧй крайлӧн Кудымкар районісь деревня. Пырӧ Йӧг посадмуӧ. Ылынаыс Кудымкарӧдз — 20 км. 2025 во тӧвшӧр 1 лун кеж, деревняас вӧлі регистрируйтӧм 327 олісь, фактическӧя олӧны 272 морт.

География

Сулалӧ Велва шульга вадорын. Кудымкарыскӧт йитӧм асфальт туйӧн. Йӧгӧдз — 7 км.

Оліссез

2010 вося Россияпасьтся отирлыддьӧм сьӧрті, деревняас вӧлі регистрируйтӧм 349 морт, олӧмась 332 морт (156 айморт, 176 иньморт)^[1]. 2025 во тӧвшӧр 1 лун кеж, деревняас вӧлі регистрируйтӧм 327 олісь, фактическӧя олӧны 272 морт. Ныись 180 морт уджаліся волыдаӧсь.

Оліссез лыд
1869	1962	1970	2010	2025
61	↗198	↗381	↘332	↘327

100

200

300

400

2025

История

1869 воӧ вӧлі гижӧм кыдз деревня Корчемня , кӧдаын 10 керкуын олӧмась 61 морт (23 — айморт, 38 — иньморт)^[2]. Пырис Соликамскӧй уездісь Йӧг волостьӧ.

1924 воӧ Ёгва волосьтісь Батин куст вӧлі пӧртӧма Батин сельсоветӧ, кӧдалӧн шӧриннас лоис Корчовня. 1925 воӧ деревняын вӧлі аркмӧтӧм Велва ю вылӧ изан лэбтӧм понда «Великӧй туй» нима товарищескӧй общество, кӧда сёрӧнжык лоис колхозӧн. Сельсоветас 1950 воӧдз уджалісӧ сизим колхоз — «Правда», Фрунзе нима, Чапаев нима, «Производитель», «Дружба», «Великӧй туй», Киро нима. Вӧлісӧ 600 мымда керку, кытӧн олісӧ 2300 мымда морт. 1958 воӧ колхоззэз ӧтлаӧтӧм бӧрын вӧлі аркмӧтӧм «Правда» колхоз, кӧдалӧн шӧр усадьбанас лоис Корчовня^[3].

1967 воӧ Батин сельсоветыслӧн нимыс лоис Корчовнинскӧй.

1975 воӧ Корчовняись небыдса школа подув вылын вӧлі осьтӧм шӧрӧт школа.

2005 вося муниципальнӧй реформа бӧрын вӧлі пыртӧм Йӧг посадмуӧ кыдз Корчовня территория. 2019 восянь пырӧ Кудымкар муниципальнӧй округись Йӧг территорияӧ.

Экономика

Деревняас уджалӧ СПК «Правда» колхозлӧн контора, колхозыс вӧдитӧ йӧла мӧссэз, да быдӧ бур чолиа пороззэз^[4]. Уджалӧ Ёгва сельполӧн нянь пӧжаланін. Отир сідзжӧ быдтӧны яя пода, заптӧны вӧр да куренялӧны.

Социальнӧй сфера

Уджалӧны эттшӧм велӧтан да культура учрежденнёэз:

Корчовня небыдса школа (рочӧн Корчевнинская основная общеобразовательная школа, структурное подразделение МАОУ «Ёгвинская основная общеобразовательная школа»);
Челядь сад (рочӧн Детский сад д. Корчевня, структурное подразделение МАОУ «Ёгвинская основная общеобразовательная школа»^[5];
Клуб (рочӧн Корчевнинский дом культуры, структурное подразделение МБУК «Культурно-деловой Центр» г. Кудымкара);
Библиотека (рочӧн Корчевнинская библиотека, структурное подразделение МКУ «Кудымкарская централизованная библиотечная система»).

Эмӧсь ФАП («Коми-Пермяцкӧй округлӧн больница»-лӧн юкӧт), Россиялӧн Почта юкӧт.

Тӧдчаніннэз

Катша кар (рочӧн Старцево городище, VI—IX св.) — Корчовнясянь ойвылӧ 3 км ылынаын, Велва веськыт вадорын, Катша керӧс вылын. Ломоватовскӧй культураись федеральнӧй тӧдчӧта памятник^[6].

Гора нима отир

Людмила Батина-Никитина (чуж. 1956), коми гижись, вуджӧтісь;
Фрол Васькин (1911—1983), Советскӧй Союзлӧн Герой (1945);
Анжела Исыпова (чуж. 2001), регбист, Перемись «Витязь» командаын орсісь, спорт мастерӧ кандидат^[7].

Пасйӧттэз

↑ А. Е. Коньшин, Л. А. Никитина, О. П. Аксёнова. Указатель к карте "Коми-Пермяцкий округ" : научное и справочное издание. — Кудымкар—Хельсинки: УдГУ - филиал в г. Кудымкар, 2010. — С. 16. — 32 с.
↑ Список Населенных местностей 3-го стана Соликамского уезда. 1869 год рус.. Коми-Пермяцкий окружной государственный архив. Видзӧтӧм 16 Аршӧр 2025.
↑ МУ "Администрация Корчёвнинского сельсовета" - Фонд № Р-55 / МКУ "Архив Кудымкарского муниципального округа Пермского края" Офис № 2 рус.. Архивы Прикамья. Видзӧтӧм 16 Аршӧр 2025.
↑ Колхоз "Правда" - д. Корчевня - Председатель Дерябин Владимир Федорович - ИНН 8101000354 рус.. Видзӧтӧм 16 Аршӧр 2025.
↑ МАОУ «Ёгвинская основная общеобразовательная школа» - Структурное подразделение "Детский сад д. Корчёвня" | Карта доступности Пермского края рус.. Видзӧтӧм 16 Аршӧр 2025.
↑ Старцево, городище // База данных "Памятники, памятные места, исторические здания и места Коми-Пермяцкого округа" рус.. Коми-Пермяцкий окружной государственный архив. Видзӧтӧм 16 Аршӧр 2025.
↑ Михаил Вотинов. Двум регбисткам из Коми округа присвоили звание «Кандидат в мастера спорта», Парма-Новости (21 Одзгожум 2021). Дата обращения: 16 Аршӧр 2025.

[:0-1] А. Е. Коньшин, Л. А. Никитина, О. П. Аксёнова. Указатель к карте "Коми-Пермяцкий округ" : научное и справочное издание. — Кудымкар—Хельсинки: УдГУ - филиал в г. Кудымкар, 2010. — С. 16. — 32 с.

[:1-2] Список Населенных местностей 3-го стана Соликамского уезда. 1869 год рус.. Коми-Пермяцкий окружной государственный архив. Видзӧтӧм 16 Аршӧр 2025.

[3] МУ "Администрация Корчёвнинского сельсовета" - Фонд № Р-55 / МКУ "Архив Кудымкарского муниципального округа Пермского края" Офис № 2 рус.. Архивы Прикамья. Видзӧтӧм 16 Аршӧр 2025.

[4] Колхоз "Правда" - д. Корчевня - Председатель Дерябин Владимир Федорович - ИНН 8101000354 рус.. Видзӧтӧм 16 Аршӧр 2025.

[5] МАОУ «Ёгвинская основная общеобразовательная школа» - Структурное подразделение "Детский сад д. Корчёвня" | Карта доступности Пермского края рус.. Видзӧтӧм 16 Аршӧр 2025.

[6] Старцево, городище // База данных "Памятники, памятные места, исторические здания и места Коми-Пермяцкого округа" рус.. Коми-Пермяцкий окружной государственный архив. Видзӧтӧм 16 Аршӧр 2025.

[7] Михаил Вотинов. Двум регбисткам из Коми округа присвоили звание «Кандидат в мастера спорта», Парма-Новости (21 Одзгожум 2021). Дата обращения: 16 Аршӧр 2025.

[1]

[2]

[3]

[4]

[5]

[6]

[7]