Вежайка (Кудымкар район)
| Вежайка | |
| Му: | Рочму |
| Статус: | грезд |
| ладор: | Перем ладор |
| район: | Кудымкар район |
| Инлыдпассэс: | 59°03′34″ с. ш. 54°09′50″ в. д.HGЯO |
| Веськӧтлан кыв | коми, роч |
| Отир лыд | 34 морт (2009) |
| Час кытш: | UTC+5 |
| Телефон нумерӧ содтӧт: | +7 34260 |
| Почта инпас: | 619551 |
| Авто нумерӧ содтӧт: | 59, 81 |
Вежа́йка — учӧтик грезд (деревня) Перем ладорись Коми кытшын, Кудымкар районас. Грездыс сулалӧ Кудымкарсянь рытвылӧ 43 км ылынаын, Вежайка ю дорын.
Вежайкаыс ӧні пырӧ Иньвайыв посадмуӧ, а 2006 годӧдз сія вӧлі Москвина сельсоветын.
Ним йылісь
Грездыс шусьӧ сідз Вежайка ю сьӧрті, кӧда сы дынӧт и котӧртӧ. Юыслӧн нимыс аркмӧма Вежай форма дынӧ -ка суффикс содтӧмӧн. А ачыс Вежайыс лоӧма Вежа ю кывтэчас джендӧтӧмсянь.
Ордча грезддэз
Вежайкасянь лунвылас, ю пӧлӧн кӧ лэдзчыны, петӧ Ӧндриан грезд, сы сайын — Вальков грезд. Эшӧ ылынжык катытас, вит километра ылынаын, сулалӧ Москвина, кӧда быдӧс матісь грезддэз понда кольччӧ шӧрин туйӧ. Ойвылас Вежайкасянь, буракодь ылын, сулалӧ Кува посад.
Отир
Олӧны Вежайкаын вежайча́на. 2009 во пондӧтчикӧ нія вӧлісӧ 34 морт, видзисӧ 13 горт. Этӧ унапӧв етшажык 1970 год сьӧрті, кӧр татӧн олӧмась 147 морт. Уна отир мунӧмась овны Москвинаӧ нето Куваӧ.
Быдӧс оліссез комиӧсь. Унажыкыс новйӧны памиллёэз Васькин да Зубов.
Кулӧммезнысӧ вежайчанаыс дзебӧны Куваас. Сэтчин жӧ дзебсьӧны ӧндриановчи да вольковчи.
История
Кӧзяйство да быт
Культура
Школаӧ Вежайкаись челядь ветлӧны Москвинаӧ, сэтчӧ жӧ мунӧны пельшер-акушер дынӧ.
Ӧшмӧссэз
- Коми-Пермяцкий автономный округ на рубеже веков. Кудымкар, 2000. ISBN 5-87901-051-1
- Лобанова А.С. Висьтасьӧм. Перем, 2010.
- Шумилов Е. Н. Твоя малая родина: Краткий историко-топонимический справочник. 4-е изд., испр. и доп. Пермь, 2005.