Гурин (Кудымкар район, Йӧг посадму)

colspan="2" align="center" style="border: solid darkgray; border-width: 1px 0px; background: #a3eea3 " | Гурин Гурино
style="background: #a3eea3 " align="right" | Му	Рочму
style="background: #a3eea3 " align="right" | Статус	грезд
bgcolor=#a3eea3 align="right" | ладор:	Перем ладор
bgcolor=#a3eea3 align="right" | район:	Кудымкар район
style="background: #a3eea3 " align="right" | Инлыдпассэс	59°10′55″ с. ш. 54°41′02″ в. д.
style="background: #a3eea3 " align="right" | Веськӧтлан кыв	коми, роч
style="background: #a3eea3 " align="right" | Отир лыд	354 морт (2009)
style="background: #a3eea3 " align="right" | Час кытш	UTC+5+5
style="background: #a3eea3 " align="right" | Телефон нумерӧ содтӧт	+7 34260
style="background: #a3eea3 " align="right" | Почта инпас	619567
style="background: #a3eea3 " align="right" | Авто нумерӧ содтӧт	59, 81

Гу́рин (мукӧдыс шуӧны Гу́рина) – Перем ладорись Коми кытшын, Кудымкар районсис Йӧг посадмуын ыджыт грезд (деревня).

Ним йылісь

Файл:Гурина1.jpg

Гурин. Öтласа вид

Файл:Гурина2.jpg

Гурин дорын

Файл:Гурина. Школа.jpg

Школа

Файл:Гурина. Няньпöжалан.jpg

Няньпöжалан

Файл:Гурина. Стадион.jpg

Стадион

Файл:Гурина. Сельполöн лавка.jpg

Сельполöн лавка

Файл:Гурина. Асторья лавка.jpg

Асторья лавка

Файл:Гурина дынын.jpg

Гурин дынын

Файл:Гурина дынын2.jpg

Гуринланьын

Татісь отир висьтасьöм сьöрті Гурин грездыслöн нимыс аркмöма Гурий морт нимсянь. Мукöдыс бöра баитöны, гури нима чери сьöрті пö шуöны грездсö.

География

Гурин грезд сулалӧ Камашор уссё гöгöр да улынжык Йӧгва ю пöлöн, Кудымкарсянь ойвылӧ 20 км ылынаын, (автобусöн кö мунны, локтан 35-40 минутаöн).

Медматын оланін – Савин грезд, кöда сулалö Гурин бердын топ, Йöгва кузя катыт. Вылöжык кö Йöгва кузя кайны, петö Мов, сы сайын – Ӧреп да Паршак. Лэдзчан кö Йöгваыс кузя, адззан Мижуй да Ермак. Камашор ю пöлöн кö кайны, локтан Камашор грездö. Гуринсянь асыввылö километра етш ылынаын сулалö Чукыль грезд (кöдö эшö шуöны Важ Чукыль), а ойвыв-асыввылö 1,7 км ылынаын поздісьöм Виль Чукыль.

Янсалӧм

Гурин грездын öні нёль тор :

• Гурина
• Жеребцова
• Порозовчи
• Сісьпинь

Камашор ю ньылат шульга ладорыс Гуринаӧн и шусьӧ, веськыт ладорас куйлӧ с. ш. Сісьпинь. 1960 годдэзӧ Сісьпинсянь вевдӧрас – Савин Савин грездланяс вептісӧ виль школа, кӧда гӧгӧрын чужис Виль посёлок. Сэтчӧ отирыс локтӧмась овны Ӧрепись да Вотякись.

Туйез

Гуринын öні лыддьöны кыкьямыс туй да öтік туйколас :

Коми ним	Роч ним
Виль туй	ул. Новая
Керöсвыв туй	ул. Нагорная
Медшöр туй	ул. Центральная
Ойвыв туйколас	пер. Северный
Парк туй	ул. Парковая
Строитіссез туй	ул. Строителей
Школа туй	ул. Школьная
Ыб туй	ул. Полевая
Юсай туй	ул. Заречная

Ныись медыджыт туйнас лыддисьö Медшöр туй.

Веськöтлан

Ӧні Гуриныс пырӧ Мижуй сельсоветын, а эшӧ одзжык – Алёковчи сельсоветын.

Отир

2009 во пондӧтчикӧ Гуринын олісӧ 354 морт, кӧдна видзисӧ 107 горт. Отирыс шусьӧны гуринчи нето гуриновса (öтік инька морт лоö гуриновка).

Памиллёэз коласын медуна Гусельниковвез, Надымоввез, Нечаеввез, Петроввез

Оліссез комиöсь, баитöны комиöн.

Кӧзяйство да быт

Гурин муэз пырӧны Киров нима колхозӧ (шӧрин – Мижуйын).

Эм няньпöжалан да ферма. Фермаыс вузалö яй да йöв.

Отирыс тшакьялöны, ягöдалöны, öктöны веськöтчан туруннэз. Чериалöны етша, мыля ыджыт ваэз абуöсь.

Грездын эм кык вузасянін: ӧтыс – сельпо, мӧдыс – асторья лавка.

Мукöд туйез вевттьöмöсь асфальтöн, но унажыкыс - кöдзаöн.

Уна отирлöн эм ас машинаэз. Автобус ветлö быд лун нёлись.

Гуринын позьö видзöтны телевизор да кывзыны радио. Мобильниккез кутöны Мегафонлісь вез.

Быт службаэз абуöсь, шырсьыны да мый да отирыс ветлöны Кудымкарö.

Кӧркӧ татӧн вӧлі медпункт, ӧні грездас поздісьö Мижуй лечебницалӧн офис (амбулатория). Школаын осьтöмась аптека.

Кулöммезнысö гуриновса дзебöны Молö.

Культура да быт

Гуринас эм челядьсад. Татчӧ вайӧтлӧны кагаэзнысӧ не токӧ гуринчи, но и алёковчи да мижуевчи.

Гуринын эм шӧрӧт школа, кытчӧ вовлӧны челядь 12 грездісь, сы лыдын и Мижуйись. Школа керкуын эм библиотека.

Культура керку не клуб абу.

Порйöтлöны унажыксö масленича да семиккез.

Кӧркӧ грездын вӧлі часовня. Öні отирыс ветлöны юрбытны Йöгö нето Кудымкарö.

Ордча ландшафттэз

Гуринасянь Кудымкарлань мунікӧ шульга ладорын петӧ ыджыт керӧс – Понгород. Сэтчин тшакьялӧны, а вежалунӧ гажа местаэзӧ ӧксьӧны томпӧлӧс да орсӧны ӧзтӧм бипуррез дынын.

Мöдік ландшафттэз:

• Курöг
• Рас
• Стариклог
• Чывк

Ӧшмӧссэз

• Коми-Пермяцкий автономный округ на рубеже веков. Кудымкар, 2000. ISBN 5-87901-051-1
• Васькина Т. А. Висьтасьӧм. Кудымкар, 2010.
• Нечаева И. А. Гижöм. Перем, 2011.
• Шумилов Е. Н. Твоя малая родина: Краткий историко-топонимический справочник. 4-е изд., испр. и доп. Пермь, 2005.