Коми-Пермяцкӧй автономнӧй округлӧн Почётнӧй гражданин
| Коми-Пермяцкӧй автономнӧй округлӧн Почётнӧй гражданин | |
|---|---|
| Мый понда | Коми-Пермяцкӧй автономнӧй округ зорӧтӧм |
| Аркмӧтісь | Коми-Пермяцкӧй автономнӧй округлӧн Законодательнӧй собраннё |
| Аркмӧтӧм | 1996 во |
Коми-Пермяцкӧй автономнӧй округлӧн Почётнӧй гражданин (рочӧн Почётный гражданин Коми-Пермяцкого автономного округа) — Коми-Пермяцкӧй автономнӧй округын медыджыт донтан пас, кӧдӧн 1996 — 2004 воэзӧ ошкисӧ Коми-Пермяцкӧй автономнӧй олісь мортӧс сы пуктӧм социальнӧй оланӧ, экономикаӧ, туялӧмӧ, культураӧ, спортӧ да Коми-Пермяцкӧй автономнӧй округ зорӧтӧмӧ ыджыт пай понда.
Аркмӧтӧм да сетӧм
«Коми-Пермяцкӧй автономнӧй округлӧн Почётнӧй гражданин» званнёыс вӧлі аркмӧтӧм 1996 во тулыспом 28 лунӧ Коми-Пермяцкӧй автономнӧй округ «Коми-Пермяцкӧй автономнӧй округлӧн Почётнӧй гражданин» званнё да Коми-Пермяцкӧй автономнӧй округын Почётнӧй грамотаэз йылісь» №25 законӧн[1]. Законыс вӧлі уджалана 2008 во тулысшӧр 2 лунӧдз[1].
Быдӧссӧ званнёыс сетӧм вит мортлӧ[2][3].
Коми-Пермяцкӧй автономнӧй округлӧн Почётнӧй гражданиннэз
- 1997 — Василий Климов (1927— 2020), коми гижись, фольклорист, этнограф, нёлись Михаил Лихачёв нима литературнӧй премиялӧн лауреат, кыкись Питю Ӧньӧ нима литературнӧй премиялӧн лауреат, Кудымкарскӧй муниципальнӧй районлӧн Почётнӧй гражданин, Российскӧй Федерация культураын Заслуженнӧй уджалісь.
- 1997 — Григорий Бачев (1915—1994), Коми-Пермяцкӧй округлісь история туялісь, гижись, велӧтісь, РСФСР-лӧн Заслуженнӧй велӧтісь.
- 2000 — Матвей Крохалев (1926—2008), мувӧдитісь, Социалистическӧй Уджын Герой, Великӧй Отечественнӧй войнаын участник.
- 2000 — Виктор Четин (1931—2019), вӧрзаптісь, Социалистическӧй уджын Герой.
- 2004 — Анатолий Зубов (1930—2015), КПСС Коми-Пермяцкӧй окружнӧй комитетлӧн медодзза секретарь, гижись.
- 2004 — Александр Клещин (1928 — 2005), композитор, Российскӧй Федерация культураын Заслуженнӧй уджалісь.
Пасйӧттэз
- ↑ 1 2 Закон Коми-Пермяцкого автономного округа от 28 мая 1996 года N 25 "О звании "Почетный гражданин Коми-Пермяцкого автономного округа" и Почетных грамотах в Коми-Пермяцком автономном округе"
- ↑ Люди Пармы. Почетные граждане Коми-Пермяцкого автономного округа Коми-Пермяцкий окружной государственный архив
- ↑ Архивная коллекция почетных граждан Коми-Пермяцкого округа и г. Кудымкара Коми-Пермяцкий окружной государственный архив