Никитин Дмитрий Михайлович

Никитин Дмитрий Михайлович
Никитин Дмитрий Михайлович
Чужан лун:	1974 во гожумпом 13 лун
Чужанін:	Кудымкар, Пермскӧй область[d], РСФСР[d], СССР[d];
Кулан лун:	2017 во одзгожум 1 лун (42 года)
Куланін:	Перем, Российскӧй Федерация;
Канму	Российскӧй Федерация;
Удж	кывбур гижись, журналист

Никитин Дмитрий Михайлович (1974 во гожумпом 13 лун, Кудымкар, Пермскӧй область^[d] — 2017 во одзгожум 1 лун, Перем) — журналист, кывбур гижись, Питю Ӧньӧ нима литературнӧй премиялӧн лауреат.

Олантуй

Чужис 1974 во гожумпом 13 лунӧ Кудымкарын.^[1] Помаліс Кудымкарись шӧрӧт №1 школа. Кык во сьӧрна велӧтчис Пермской пединститутын история факультет вылын.

1992-1994 воэзӧ кысъяліс армияын. Демобилизация бӧрын бертіс Кудымкарас. Недыр уджаліс история велӧтісьӧн.

1995 воӧ пырис уджавны сы кадӧ аркмӧтӧм «Парма-Новости» газета редакцияӧ. Уджаліс сэтӧн корреспондентӧн политика да культура сьӧрті. Сы кадӧ жӧ уджаліс «Коми-Пермяцкая» ГТРК-ын, нуӧтіс ассис «На белой волне...» радиопрограмма. 2003-2009 воэзӧ уджаліс «Парма» газетаын, 2009-2011 воэзӧ — сы кадӧ аркмӧтӧм «Ракурс» газетаын да «АиФ-Прикамье» Коми-Пермяцкӧй округ сьӧрті собкорӧн.

2011-2014 воэзӧ уджаліс Краснокамскись «Краснокамская звезда» газетаын, медбӧрья восӧ редактораліс. 2014 восянь уджаліс Перемын, «Коммерсант-Прикамье» газета редакцияын политика сьӧрті корреспондентӧн.

Куліс 2017 во одзгожум 1 лунӧ раксянь. Дзебӧм Нытваын.

Гижан удж

Журналистикаын уджавтӧн 7-ись вермывліс Пермскӧй крайись журналистскӧй премия. 2015 воӧ вӧлі шуӧм Пермскӧй крайын медбур парламентскӧй журналистӧн^[2]. Россия журналисттэз Союзісь член.

Гижис томувсянь рочӧн кывбуррез. Кывбуррес петавлісӧ «Иньва», «Ва воть», «Шондіа зэррез» ӧктӧттэзын. Мукӧд сы кывбуррезісь Кӧчись рок-группа «Райцентр» да Юсьваись «Старики» группа керисӧ сьыланкыввез.

Медодзза кывбур чукӧрыс петіс — «Я — не ангел» — петіс 2006 воӧ. Кулӧмыс бӧрсянь ёрттэс лэдзисӧ мӧдік кывбур чукӧр — «Всё начинается с тишины».

Небӧггес

Никитин, Д. М. Я — не ангел : стихи [на рус. яз.] / Дмитрий Никитин. — Кудымкар (Пермская обл.) : Коми-Пермяцкое кн. изд-во, 2006. — 126 с. : ил., портр.; 10 см.; ISBN 5-87901-098-8
Никитин Д. М. Всё начинается с тишины: стихи. — Москва: Издательство «Перо», 2018. — 176 с. ISBN 978-5-00122-769-4 ^[3]

Донтан пассэз

2008 — Питю Ӧньӧ нима литературнӧй премиялӧн лауреат «Я — не ангел»‎ небӧг понда.

Пасйӧттэз

↑ [Никитин Дмитрий Михайлович] Парма литературная // Коми-Пермяцкая национальная библиотека им. М. П. Лихачёва
↑ Ушел из жизни Дмитрий Никитин. Некролог. 01.06.2017 // Коммерсантъ-Прикамье
↑ «Все начинается с тишины» Дмитрий Никитин, 2018 // Министерство культуры Пермского края

[1] [Никитин Дмитрий Михайлович] Парма литературная // Коми-Пермяцкая национальная библиотека им. М. П. Лихачёва

[2] Ушел из жизни Дмитрий Никитин. Некролог. 01.06.2017 // Коммерсантъ-Прикамье

[3] «Все начинается с тишины» Дмитрий Никитин, 2018 // Министерство культуры Пермского края

[1]

[2]

[3]