Югӧр (чукӧр)
Югӧр (рочӧн Пермская региональная общественная организация «Общество радетелей коми-пермяцкого языка и культуры «Югэр») — Коми-Пермяцкӧй округись коми кыв да культура зорӧтісь чукӧр.
Аркмӧтӧм
«Югӧр» чукӧр вӧлі аркмӧтӧм 1988 воын[1]. Сы инициаторрезӧн лоисӧ коми кыв да история туяліссез, гижиссез Александр Савельев, Василий Климов, Тимофей Фадеев, Людмила Ратегова, Людмила Никитина, Ольга Аксёнова, Надежда Долдина и мӧдіккез[2]. Аркмӧтӧм могнас лоис сы кадӧ финн-йӧгра культура лэбӧм, коми кыв да культура паськытжыка видзӧм.
1990 во тулыспом 25 лунӧ чукӧрыс вӧлі регистрируйтӧм Коми-Пермяцкӧй окрисполкомӧн кыдз организация. 1990 во одзгожум 26 лунӧ чулаліс медодзза ӧкьсӧм, кӧда вылын вӧлі бӧрйӧм чукӧрлӧн нимыс. Сы правленнёӧ пырисӧ 13 морт. Медодзза юралісьнас вӧлі бӧрйӧм Галина Селина.
Удж
«Югӧр» чукӧр лэдзӧ небӧггез[3], чулӧтӧ быдберся фестиваллез, конкурссез. Медбӧрья воэзӧ медтӧдчанаэзнас лоисӧ «Мыв да кыв» нима интеллектуальнӧй орсан[4].
Юраліссез воэз сьӧрті
- 2002—2006 — Людмила Ратегова
- 2006—2010 — Надежда Мальцева
- 2010—2015 — Василий Козлов
- 2015— ӧнӧдз — Людмила Войлокова
Пасйӧттэз
- ↑ Елена Коньшина. «Югöр» – хранитель коми-пермяцкого языка и культуры. 21.09 2023. Иньвенский край
- ↑ Окружное общество радетелей коми-пермяцкого языка, истории и культуры "Югор". Коми-Пермяцкий окружной государственный архив
- ↑ В Пермском крае оцифровали узоры коми-пермяцкого орнамента. 7 ноября 2022. Текст - Новости Перми
- ↑ "Мыв да кыв" научит коми-пермяцкому языку. 19 апреля 2024. Портал национальных литератур