Войлокова Людмила Михайловна
| Войлокова Людмила Михайловна | |
| Удж: | |
|---|---|
| Чужан лун: |
1968’ вося одзар 5 лун (56 год) |
| Чужанін: | |
Войлокова Людмила Михайловна (*1968) — коми гижись, редактор, вуджӧтісь, велӧтісь, «Югӧр» чукӧрлӧн юралісь.
Олантуй
Чужис 1968 во одзар 5 лунӧ Сафонковаын, Кудымкарскӧй районын. 1990 воӧ помаліс Пермскӧй педагогическӧй институтісь коми-роч юкӧт. Уджаліс методистӧн Коми-Пермяцкӧй велӧтіссезӧс велӧтан институтын, «Силькан» журналлӧн редакторӧн[1]. 2011 восянь уджалӧ Коми-Пермяцкӧй этнокультурнӧй центрын, юралӧ небӧг лэдзанінӧн.
2015 восянь юралӧ «Югӧр» чукӧрӧн.
Олӧ Кудымкарын.
Донтан пассэз
- 2015 — Коми-Пермяцкӧй округ делоэз сьӧрті Министерство премиялӧн лауреат «Бур сур» проект понда.
- 2016 — Культура да искусство сьӧрті Пермскӧй крайлӧн премия лауреат «Чужан лунӧн, Сизимок!» этнокультурнӧй акция понда.
- 2016 — Коми-Пермяцкӧй округ делоэз сьӧрті Министерство премиялӧн лауреат «Менам Парма» фотонебӧг понда.
- 2020 — Коми-Пермяцкӧй округ делоэз сьӧрті Министерство премиялӧн лауреат «Йӧкута, мӧкута ...» проект понда[2].
- 2021 — Коми-Пермяцкӧй округ делоэз сьӧрті Министерство премиялӧн лауреат «Пармалӧн гижиссез Великӧй Отечественнӧй война йылісь» небӧг понда.
- 2023 — Коми-Пермяцкӧй округ делоэз сьӧрті Министерство премиялӧн лауреат «100 узоров коми-пермяцкого орнамента. Цифровые схемы» электроннӧй альбом-каталог понда.
Уна небӧггес, кӧдна петісӧ Л.М. Войлокова кипод увтісь, вӧлісӧ ошкӧмӧсь Россияын. «Сиг, Падей да Горань. Игры коми-пермяков» донтісӧ Российскӧй небӧглэдзиссезлӧн Ассоциация Эзысь медальӧн.