Советскӧй отир паныт геноцид

Босьтöм Рувикиись
Learning.svg

Б. Н. Ельцин нима библиотекалӧн материаллэз

Arrow-Right.png
Library.png
Эта статьяыс гижӧм
Б. Н. Ельцин нима Президентскӧй библиотека фонддэзісь материаллэзӧн
Унажык
Советскӧй отир паныт геноцид
Вермахтісь военнослужащӧйезлӧн коллективнӧй фотография. Школаын велӧтанпӧв вылын мелӧн гижӧм: «Рочыслӧ колӧ кувны, мед олімӧ ми» (нем. Der Russe muß sterben, damit wir leben). Брянск область, 1941 во аршӧр 2 лун
Вермахтісь военнослужащӧйезлӧн коллективнӧй фотография. Школаын велӧтанпӧв вылын мелӧн гижӧм: «Рочыслӧ колӧ кувны, мед олімӧ ми» (нем. Der Russe muß sterben, damit wir leben). Брянск область, 1941 во аршӧр 2 лун
Вооружённӧй конфликт Великӧй Отечественнӧй война
Ин
Хронология
Кадкост 1941 во одзгожум 22 лун – 1945 во тулыспом
Медшӧр лоӧмторрез Советскӧй отир паныт геноцид РСФСР территорияын,
Советскӧй отир паныт геноцид Белорусскӧй ССР территорияын,
Советскӧй отир паныт геноцид Украинскӧй ССР территорияын,
Советскӧй отир паныт геноцид Литовскӧй ССР территорияын,
Советскӧй отир паныт геноцид Латвийскӧй ССР территорияын,
Советскӧй отир паныт геноцид Эстонскӧй ССР территорияын,
Советскӧй отир паныт геноцид Молдавскӧй ССР территорияын,
Советскӧй отир паныт геноцид Карело-Финскӧй ССР территорияын
Геноцидын кулӧм отир
Вийӧм отир славяна, еврейез, цыгана
Вийӧм отир лыд 13 млн-ся унажык морт
Геноцид чулӧтӧм Отирӧс массовӧя вийлӧм
Асмывйӧн лӧсьӧтӧм олӧмтас отир унаӧн вийӧм понда
Уналыда отир чукӧррез вынӧн мӧдіклаӧ овмӧтӧм
Сексуальнӧя репйӧм
Асмывйӧн социальнӧй инфраструктура да культурнӧй донаторрез паздӧм
Геноцид понда кыввидза отир
Геноцид организаторрез Нацистскӧй Германия
Геноцид чулӧтіссез

Айнзацгруппаэз
СС войскаэз
Вермахт
Опастӧмалан кысйӧт (СД)
Румыния королевстволӧн армия
Румыния королевстволӧн жандармерия

Венгрия королевстволӧн армия
Итальянскӧй королевскӧй армия
Финляндия дорьян выннэз
коллаборанттэз
Правовӧя донъялӧм
Геноцид факттэз туялісь орган Немецко-фашистскӧй захватчиккезлісь да ны соучастниккезлісь лёккерӧмез туялісь натодиля канмуся комиссия; Йӧзкостся трибунал Нюрнбергын; Российскӧй Федерациялӧн следственнӧй комитет

Советскӧй отир паныт геноцид (рочӧн Геноцид советского народа) — Великӧй Отечественнӧй война воэзся советскӧй отир паныт немецкӧй нацисттэзлӧн, ны союзниккезлӧн да отсасиссезлӧн лёккерӧммез.

РФ-лӧн 21.04.2025 № 74-ФЗ федеральнӧй оланпас сьӧрті,

советскӧй отир паныт геноцидӧн лыддиссьӧ нацисттэзлӧн да ны отсаліссезлісь 1941—1945 воэзся Великӧй Отечественнӧй война кадӧ керӧмыс, кӧда веськӧвтӧм СССР-ын олісь национальнӧй, этническӧй да расовӧй группаэсӧ быдсӧн нето торйӧн бырӧтӧм вылӧ группаэзісь отирӧс вийлӧмӧн, нылісь лысин умӧльтӧмӧн, кага чужтӧм падмӧтӧмӧн, челядьӧс мырддьӧмӧн, вынӧн мӧдіклаӧ овмӧтӧмӧн нето эттшӧм группаэзісь отирӧс физическӧя бырӧтӧм вылӧ веськӧвтӧм олантас лӧсьтӧмӧн[1].

Нацистскӧй Германиялӧн да сы отсаліссезлӧн лёккерӧм кузя кулісӧ 13,6 млн-ся унажык мирнӧй отирпӧлӧсісь морт. Война коста вӧлісӧ паздӧмӧсь 1700 мымда советскӧй кар да посад, 70 сюрс мымда деревня[2][3][4][5].

Натодиля канмуся комиссия чукӧртіс уна документальнӧй мыччӧттэз, кӧдна мыччалӧны лёккерӧмлісь масштабсӧ да организуйтӧм характерсӧ. Куимӧт рейхлӧн юраліссес вӧлісӧ судитӧмӧсь Йӧзкостся трибуналын Нюрнбергын  (перм.рус. да СССР-ын осьта судитан процессэзын, да нацисттэзлісь лёккерӧмсӧ оккупируйтӧм советскӧй территорияын одзлань вӧлі шуӧм геноцидӧн[6][7][8][9].

Советскӧй граждана вылӧ нацистскӧй Германиялӧн планнэз

Советскӧй Союз паныт планируйтан войналӧн идеология подулӧн вӧлі Адольф Гитлерӧн  (перм.рус. формулируйтӧм «бырӧтӧмӧдз война» концепция. Вермахтісь медвылісь командованнё одзын сёрниын 1941 вося одзтулыс 30 лунӧ сія висьталіс, мый Асывланьын аркмӧтана конфликтыс лоас Рытланьын война сьӧрті принципиальнӧя мӧдік да сійӧ колӧ нуӧтны вывті чорыта[10][11].

Нацистскӧй Германияӧн юраліссез планируйтісӧ пӧртны оккупируйтӧм Асыввылын муэсӧ Куимӧт рейхлӧн аграрно-сырьевӧй колонияэзӧ. Олісьпӧлӧсыс вӧлі янсӧтӧм категорияэз вылӧ «расовӧй дон» да немеццезкӧт лӧсялӧм сьӧрті. «Увся расаэзӧн», кӧднӧ фашисттэз лӧсьӧтчисӧ быдсӧн бырӧтны, вӧлісӧ шуӧмӧсь еврейез да цыгана; ныкӧт ордччӧн вӧлі асыввывся славяна отир, кӧдӧ лыддисӧ донтӧм удж вынӧн да кӧдӧ позис бырӧтны нето пӧртны немеццезӧ. Мӧдік йӧззэзлӧ (шуам, Балтика дорын оліссезлӧ) вӧлі сетӧм германскӧй киподувтся системаын осталісь группаэзлӧн роль[6].

Менӧ интересуйтӧ, олӧны я мӧдік йӧззэс бура нето кулӧны тшыгйӧн, дзир сымда, мымда нія колӧны миянлӧ кыдз раббез миян культура понда; мӧдімоз нія менӧ озӧ интересуйтӧ[12]. Генрих Гиммлер  (перм.рус.

«Ост» планӧн  (перм.рус. вӧлі тодилялӧм СССР-ись славяна отирись ыджытжык тор Урал сайӧ вашӧтӧм да сійӧ вежӧм немецкӧй колонисттэзӧн. Еврейез, цыгана да ВКП(б)-лӧн функционеррезӧс мӧдісӧ перыта вийлыны[13].

Тшыгйӧтӧм сьӧрті планӧн  (перм.рус., кӧдӧ лӧсьӧтіс Герберт Бакке, вӧлі мӧдӧм, ӧткӧ, оккупируйтӧм территорияэзісь ресурссэзісь коліс дугдывтӧг сетавны сёянтор вермахтісь солдаттэзлӧ да офицеррезлӧ, а сідзжӧ содтыны Европаӧ сёянтор нуӧтӧмсӧ, да мӧдкӧ, планируйтісӧ чинтыны населеннёсӧ босьтӧм областьезын, сы понда отирлісь мырддисӧ сёян реквизицияэз чулӧтӧмӧн да уна чинтісӧ сёян сетан нормаэз, мыйсянь пондӧтчис массовӧй тшыгьялӧм[14].

1941 во тулыспом 6 лунӧ мувывся выннэзлӧн медвылісь командованнёлӧн юралісь фельдмаршал Вальтер фон Браухич лэдзис «Комиссаррез йылісь» приказ, кӧдӧн германскӧй военнослужащӧйезлӧ да айнзацгруппаэзлӧ вӧлі тшӧктӧм вийлыны советскӧй политработниккезӧс[13][15].

  • «Барбаросса» план сьӧрті «Ольденбург» хозяйственнӧй юкӧтлӧн организационнӧй структура сёрнитӧм сьӧрті Адольф Гитлерлӧн вермахт юраліссезкӧт совещаннёся протокол, 1941 во тулысшӧр 29 лун

    «Барбаросса» план сьӧрті «Ольденбург» хозяйственнӧй юкӧтлӧн организационнӧй структура сёрнитӧм сьӧрті Адольф Гитлерлӧн вермахт юраліссезкӧт совещаннёся протокол, 1941 во тулысшӧр 29 лун

  • Вились оккупируйтӧм асыввыв областтезын экономикаӧн юралӧм сьӧрті директиваэз. («Виж папка». Тор №1. Лэдзас №2)

    Вились оккупируйтӧм асыввыв областтезын экономикаӧн юралӧм сьӧрті директиваэз. («Виж папка». Тор №1. Лэдзас №2)

  • «Политическӧй комиссаррезкӧт обращайтчӧм йылісь» 1941 во одзгожум 6 лунся директива дынӧ содтӧт

    «Политическӧй комиссаррезкӧт обращайтчӧм йылісь» 1941 во одзгожум 6 лунся директива дынӧ содтӧт

Вермахтлӧн Медвылісь командованнё штабӧн юралісь генерал-фельдмаршал Вильгельм Кейтель 1941 во тулыспом 13 лунся «Барбаросса» операция районын воинскӧй подсудность йылісь да войскаэзлӧн торья полномочиеэз йылісь" нима приказӧн пыртіс СССР-ын, кӧдӧ босьтісӧ немецкӧй войскаэз, террора режим. Документыс сьӧрті вермахтлӧн личнӧй составыс вӧлі лэдзӧм быдкодь мирнӧй отир паныт лёккерӧм понда мыжись. Гиммлер лэдзис сэтшӧм жӧ директива СС войскоэз понда[16].

Ӧткоста нацистскӧй юраліссез лӧсьӧтісӧ тодилялӧм планнэз Советскӧй Союзлісь вӧрва, керан да удж ресурссэз тотальнӧя грабитӧм да эксплуатируйтӧм сьӧрті. Сы понда 1941 вося одзтулыс 19 лунӧ Гитлер приказ сьӧрті Геринг кипод увтын вӧлі лӧсьӧтӧм «Ольденбург» нима хозяйственнӧй штаб[17].

Бюллетеньын № 112, кӧдӧ лэдзис вермахтлӧн пропаганда юкӧтыс 1941 вося одзгожумӧн, СССР вылӧ уськӧтчӧм бӧрын, войналӧн моггес вӧлісӧ резюмируйтӧмӧсь этадз:

Колӧ ликвидируйтны гӧрд абу морттэсӧ ны кремлёвскӧй диктаторрезкӧт ӧтлаын. Германскӧй йӧзлӧ колӧ тыртны ассиныс историяын медыджыт мог, и мирыс эшӧ кылас сы йылісь, мый эта могыс лоас тыртӧм помӧдз[18].

Геноцид политика олӧмӧ пыртӧм

Мирнӧй отирӧс массовӧй вийлӧм

СССР территорияын нацисттэзлӧн политикаын ассямаӧн вӧлі олісьпӧлӧсӧс прецеденттӧм лыдӧн вийлӧм. «Асыввывся территорияэз» сьӧрті вӧлі пуктӧм славяна да мӧдік «абу морт» олісьпӧлӧслісь лыдсӧ кардинальнӧя чинтӧм йылісь тшӧктӧт, кӧдӧ олӧмӧ пыртісӧ СС-ись айнзацгруппаэз, вермахт соединеннёэз да коллаборационист формированнёэз. Сідз, 33 сюрс мымда еврей вӧлісӧ вийӧмӧсь Бабий Ярын  (перм.рус. Киевын 1941 вося одзарӧн, 15 сюрсся унажык мирнӧй советскӧй граждана вӧлісӧ вийӧмӧсь «Тӧвся диво»  (перм.рус. карательнӧй операция дырни белорусско-латвийскӧй визир дорын, 27 сюрсся унажык морт фашисттэс вийисӧ Ростов дынся Змиёвскӧй балкаын. Да сэшӧм эпизоддэс вӧлісӧ уна сё[9][19][20][21].

Виль немецкӧй оланаиннэзлісь проекттэз йылісь сёрнитӧм. Шӧрас: Генрих Гиммлер да Рудольф Гесс

Карательнӧй операцияэз, кӧдна формальнӧя вӧлісӧ веськӧвтӧмӧсь партизаннэз паныт, пӧртчывлісӧ быдса районнэзын мирнӧй олісьпӧлӧс методичнӧя вийлӧмӧ «бандитизмкӧт» пессьӧм юӧртӧмӧн. Сотӧм муа тактикаыс  (перм.рус. сьӧрті видзисӧ кытшӧвтӧмӧн оланаиннэз, массовӧя вийлӧм да инфраструктурасӧ быдсӧн паздӧм. Отирсӧ кыдз лыйлісӧ, сідз и кувтӧдз кольмӧтісӧ газӧн машина-душегубкаэзын нето стационарнӧй газовӧй камераэзын, сотісӧ ловйӧн, вашӧтлісӧ тӧвнас кӧдзыт вылӧ нето видзисӧ тшыгйӧн кувтӧдз. Сэтшӧм политикаыслӧн ӧтік примерӧн лоис Хатынь деревня паздӧм  (перм.рус. да сы 149 олісь вийӧм 1943 вося одзтулыс 22 лунӧ, кӧдӧ керис «Дирлевангер» нима СС батальонӧ пырись карательнӧй отряд да украинскӧй коллаборационисттэз. Война коста вӧлісӧ дзикӧдз паздӧмӧсь уна сюрс советскӧй деревня да посад[4][19][20].

Тотальнӧя паздӧм системалӧн шӧр элементӧн вӧлісӧ концентрационнӧй лагеррез, кӧднӧ нацисттэз осьтісӧ СССР-ын. Умӧльладорсянь тӧдсаэзӧн лоисӧ Львов дынся Яновский посёлокын вийлан лагерь, кӧдаын вӧлі вийӧм 200 сюрс мымда морт, да сідзжӧ Минскись геттокӧт ордчча Тростенец лагерь (Освенцим  (перм.рус., Майданек да Треблинка бӧрын вийӧм отир лыд сьӧрті Европаын лагеррезісь нёльӧт комплекс). Сы киння, 85 сюрс мортся унажык кулісӧ тшыгъялӧмсянь да шоггезянь имперскӧй опастӧмалӧм юралісь управленнё системаись лагеррезын да военнопленнӧйез понда кадкостася лагеррезын, сэтшӧммезын кыдз Дулаг-100 Порховоын[19][20][22].

СССР-ись гражданскӧй отирись оккупанттэзӧн веськыта керӧм кузя кулісӧ 13,6 млн мымда морт[2][3].

  • Немецкӧй полицай вийлӧ еврей инькаэсӧ да челядьсӧ, кӧдна кольччисӧ ловйӧн массовӧй вийӧм коста

    Немецкӧй полицай вийлӧ еврей инькаэсӧ да челядьсӧ, кӧдна кольччисӧ ловйӧн массовӧй вийӧм коста

  • Казненные немцами мирные граждане.jpeg

    Немеццезӧн вийӧм мирнӧй граждана

  • Нацисттэзӧн ӧшӧтӧм советскӧй партизаннэз Лугаын

    Нацисттэзӧн ӧшӧтӧм советскӧй партизаннэз Лугаын

Советскӧй каррез бомбитӧм

Нацисттэзлӧн сотӧм му да советскӧй отирӧс тотальнӧя вийӧм сьӧрті политикаын торйӧн тӧдчанаӧн лоисӧ Сталинград, Ленинград, Москва, Горькӧй да мӧдік СССР-ись каррез бомбитӧм. Ӧтік лунӧн, 1942 вося гожумпом 23 лунӧ, Сталинград вылӧ вӧлі чапкӧм 1000 тонна мымда бомба, мый кузя вийсисӧ уна дас сюрс мирнӧй олісь, лоис жугдӧм 90%-ся унажык оланін фондісь да карыс пӧрис киссьӧмӧ. Ленинград блокадаын видзӧм коста сідзжӧ вӧлісӧ авианалёттэз: сёян-юан складдэз да карись кварталлэз бомбитӧм вӧлі веськӧвтӧм гуманитарнӧй катастрофа ӧдззӧтӧм понда. Массированӧй налёттэсӧ панталіс советскӧй ПВО системаэзлӧн паныталӧм, но сётаки уна морт гражданскӧй олісьпӧлӧсісь вийсисӧ, да оланін фонд, коммуникацияэз, больницаэз, промышленнӧй объекттэз да культурно-историческӧй памятниккез вӧлісӧ паздӧмӧсь[23][24][25][26].

  • Сталинградын бомбитӧм коста паздӧм кварталлэз

    Сталинградын бомбитӧм коста паздӧм кварталлэз

  • Бадаевскӧй складдэз люфтваффеӧн массовӧй бомбитӧм бӧрын

    Бадаевскӧй складдэз люфтваффеӧн массовӧй бомбитӧм бӧрын

  • Ленин нима завод бомбитӧм Горькӧйын. 1941 вося арпом

    Ленин нима завод бомбитӧм Горькӧйын. 1941 вося арпом

Ленинград блокада

СССР-ын фашисттэзлӧн ӧтік медыджыт лёккерӧмӧн вӧлі Ленинград кар блокадаӧ босьтӧм  (перм.рус., сія кыссис 1941 во одзар 8 лунсянь 1944 во тӧвшӧр 27 лунӧдз. Блокадаас кулісӧ 1,093 миллионся унажык морт. 2022 воӧ Санкт-Петербургись суд шуис блокадасӧ геноцид актӧн[27][28].

  • Ленинградын оліссез мунӧны бомбитӧм керкуэзсиныс, 1942 во одзтӧв 10 лун

    Ленинградын оліссез мунӧны бомбитӧм керкуэзсиныс, 1942 во одзтӧв 10 лун

  • И. К. Лирц, №58 челядь садісь воспитатель челядькӧт бомбоубежищеын, Ленинград, 1942 во

    И. К. Лирц, №58 челядь садісь воспитатель челядькӧт бомбоубежищеын, Ленинград, 1942 во

Отирпӧлӧсӧс умӧль олӧмтасӧ зэлӧтӧм

Быдлунъя террор

Оккупация кадӧ СССР территорияын вӧлі бырӧтӧм советскӧй законодательство, сы туйӧ уджалісӧ германскӧй оланпассэз, кӧдна вӧлісӧ содтӧмӧсь оккупационнӧй юраліссезлӧн тодиль тшӧктӧттэзӧн. Отир понда мыжйӧммезісь медуналыда вӧлі морт вийӧм: сідз мыжйисӧ отирсӧ нельки неыджыт умӧлькерӧм понда: комендантскӧй час торкӧм, советскӧй листовкаэз дынын видзӧм, вермахт солдаттэз понда торйӧтӧм местаэзын ва босьтӧм, туйез нятьӧсьтӧм да сідз одзлань. Быдкодь мӧдік нарушеннёэз понда советскӧй граждана рискуйтісӧ сюрны концлагерьӧ. Подозревайтӧммезлісь мыж арталамсӧ лыддисӧ абу коланаӧн: специальнӧй суддэз сетлісӧ приговор дзир ӧтік подозревайтӧм сьӧрті[6][29].

Немецкӧй комендантлӧн юӧр Мариновка деревняын Донбасс территорияын нацистскӧй оккупация коста

Отир оланыс вӧлі регламентируйтӧм уна запретӧн, кӧднӧ вӧлі ӧддьӧн сьӧкыт не нарушитны. Кывзісьтӧмлӧн быд мыччалӧм вайӧтліс мыжйӧмӧдз. Эз кӧ позь адззыны винитӧмсӧ, сэк оккупанттэз лыйлісӧ заложниккезӧс. Немецкӧй военнослужащӧйез да нылӧн союзниккез неӧтпырись вийлісӧ мирнӧй отирпӧлӧсісь морттэзӧс нарошноись, орсӧм туйӧ. Кольччисӧ уна казьмӧтан, кыдз нацисттэз уснитлісӧ поннэз челядь вылӧ, вийлісӧ сьӧктӧм инькаэзӧс да кагаэзӧс, вартлісӧ да репьисӧ инькаэзӧс, ыждалісӧ инвалиддэз да пӧрись отир вылын[6][30].

1941 вося гожумшӧр 17 лунӧ вермахтлӧн командованнё лэдзис приказ, кӧда сьӧрті военнослужащӧйезлӧ позис да нельки вӧлі ошкана вынӧн мырддьыны мирнӧй отирлісь быдӧс, мый лоас сьӧлӧмви. Эмбур видзиссезлӧн быд паныталӧм тшӧктылісӧ чорыта пӧдтыны. Вермахт часттезлӧн оланаиннэзӧ пырӧмыс дзик пыр мунліс лыйлӧмӧн, мародёритӧмӧн да грабитӧмӧн. Нуӧтлісӧ сідзжӧ культурнӧй донаторрез[6][31].

Массовӧй тшыгйӧтӧм

Быд кар босьтӧм бӧрын гитлеровеццез чожа реквизируйтісӧ сёян складісь да магазиннэзісь. Отир эзӧ вермӧ небны сёян-юан. Сы местӧ пыртісӧ сёян сеталӧм: неыджыт нянь паёккез сетлісӧ нылӧ, кӧдна уджалісӧ предприяттёэзын нето быдберся постын оккупанттэзлӧн административнӧй аппаратын[32][33].

Карточкаэзӧн сеталӧм понда няньсӧ пӧжалӧмась рецепт сьӧрті, кӧда вӧлі вынсьӧтӧм сёян сьӧрті нацистскӧй министерствоӧн: 50 % рудзӧг шрот (комбикормлӧн компонент), 20 % свёкла йики (сахара свеклалӧн коляссэз), 20 % целлюлоза пизь, 10 % вартӧм идзас нето кор. Челядь, пӧрись отир да шогаліссез, кӧдна сёйисӧ сэтшӧм суррогатсӧ, кулісӧ медодззаэзӧн[34].

Отир овмӧссэз вылӧ вӧлісӧ пуктӧмӧсь сьӧма да няня воттэз. Кӧдзыссӧ да карчсӧ вӧлі тшӧктӧм сетны оккупационнӧй администрациялӧ чинтӧм донӧн[14]. «Саботаж» понда мыжйисӧ лыйӧмӧн. Мӧс-пороз гусьӧн начкылӧм понда вермисӧ публичнӧя ӧшӧтны[35].

Массовӧй тшыгьялӧм кузя отирын паськалісӧ быдкодь шогӧттэз, ны лыдын и кутчисянаэз, кӧдна сідзжӧ вайӧтісӧ ӧддьӧн уналыдӧн кулӧмӧ[29].

  • Советскӧй военнопленнӧйез Маутхаузен концлагерьын

    Советскӧй военнопленнӧйез Маутхаузен концлагерьын

  • Дистрофияӧн шогалісь блокадник

    Дистрофияӧн шогалісь блокадник

Уджӧн эксплуатируйтӧм

1941 во гожумпом 5 лунӧ асыввыв территорияэз сьӧрті министр Альфред Розенберг сетіс тшӧктӧм, кӧда сьӧрті оккупируйтӧм территорияэзын оліссезлӧ ковсис уджавны 22 лун тӧлісьнас. Сьӧкыт удж вылӧ кыскисӧ 14-65 воэза морттэзӧс. Каррезын вӧлісӧ осьтӧмӧсь удж биржаэз, кӧдна лыддисӧ мортісь-морт быдӧс удж понда вермана олісьпӧлӧс. Биржаын регистрируйтчӧмись кидсьӧм вӧлі ӧткодьсӧтӧм мыж сьӧрті саботажӧн да сы мыжӧн вӧлі пуктӧм вийӧм[36].

Уджалан кадыс луннас кыссис 14-18 часӧдз, уджсӧ чулӧтісӧ немецкӧй администрация да местнӧй полицейскӧй-коллаборационисттэз син одзын. Уджкериссез понда медшӧр мыжйӧн вӧлі сёянтӧг кольӧм нето вийӧм[36][37].

СССР гражданаӧс удж понда Германияӧ вынӧн нуӧтӧм

«Асыввывся муэз» нацистскӧй колонизирутӧмын ӧтік методӧн вӧлі мирнӧй отирӧс удж понда Германияӧ нуӧтӧм, кытӧн уджкерись советскӧй отирӧс видзисӧ сэтшӧм жӧ повзьӧтан да ыждалан методдэзӧн, кыдз и СССР-лӧн оккупируйтӧм территорияын. 1942—1944 воэзӧ вынӧн вӧлісӧ нуӧтӧмӧсь 5,2 млн-ся унажык советскӧй граждана. Кыскӧм гражданаыслӧ сетсис дзир олӧмын видзӧм понда медколана да буржыка эксплуатируйтӧм понда, мый кузя вӧлі аркмӧм уналыдӧн кулӧм[36][38].

  • Угон мирного населения.jpeg

    Мирнӧй советскӧй отирпӧлӧс нацистскӧй Германияӧ вынӧн кыскӧм

  • «OST» вурӧса остарбайтер нывка, кӧда вӧлі мездӧм Лодзь дынся видзан лагерись

    «OST» вурӧса остарбайтер нывка, кӧда вӧлі мездӧм Лодзь дынся видзан лагерись

Советскӧй военнопленнӧйезлӧн олӧм

Геноцид политикалӧн ӧтік тӧдчана мыччӧтӧн лоис советскӧй военнопленнӧйезкӧт нацисттэзлӧн вовлӧм. Гӧрд Армияись  (перм.рус. солдаттэзӧс да офицеррезӧс массовӧя вийлісӧ лагеррезӧ транспортируйттӧн, эзӧ сетлӧ нылӧ сёян да ва, вийлісӧ вынтӧмсялӧммесӧ, кӧдна эзӧ вермӧ асьныс мунны одзлань[39].

Лагеррезын советскӧй военнопленнӧйезлӧн уналыдӧн кулӧм вӧлі аркмӧм медодз тшыгьялӧм да сы кузя шогалӧмсянь. Сы киння, пленнӧйес вылын ыждавлывліс лагернӧй администрация[39][40].

Советскӧй военнопленнӧйезлӧн ӧтласа лыдыс кольччӧ туялана сёрнитанторӧн, лыддиссьӧ 4,5-5,75 млн морт мымда. Туяліссез сьӧрті, пленӧ сюрӧм морттэзісь джынся унажык кулісӧ лагеррезын нето транспортируйттӧн[2][41][42].

  • Немеццезӧн советскӧй военнопленнӧйезӧс нуӧтӧм, 1941 во

    Немеццезӧн советскӧй военнопленнӧйезӧс нуӧтӧм, 1941 во

  • Германия канмуся архивись фотография. Советскӧй военнопленнӧйез лагерын, 1942 вося гожумпом

    Германия канмуся архивись фотография. Советскӧй военнопленнӧйез лагерын, 1942 вося гожумпом

  • Советскӧй военнопленнӧйезлӧн ӧтласа шойгу Демблинісь концлагерьын.

    Советскӧй военнопленнӧйезлӧн ӧтласа шойгу Демблинісь концлагерьын.

Геноцид чулӧтіссез

Советскӧй отирпӧлӧс паныт геноцида политика юралісь нуӧтіссезӧн вӧлісӧ опастӧмалана полиция да кысйӧтлӧн (СД) айнзацгруппаэз. Быдӧссӧ СССР муэзын вӧлісӧ лӧсьӧтӧмӧсь нёль айнзацгруппа  (перм.рус. (A, B, C да D), быдыс ныись торьясис зондеркомандаэз да айнзацкомандаэз вылӧ, кӧдна нуӧтісӧ уджнысӧ тодиль оккупируйтӧм регионнэзын. Группаэзын уджалісӧ СД-ись, гестапоись, криминальнӧй полицияись, СС войскоэзісь офицеррез да полиция школаэзісь кадррез. Айнзацгруппалісь уджсӧ координируйтісӧ СС да полиция юралісь фюреррез, кӧднӧ пуктыліс ачыс Гиммлерыс: СС группенфюрер Ганс-Адольф Прутцман (ойвыв), СС обергруппенфюрер Эрих Бах-Целевски (шӧр) да СС обергруппенфюрер Фридрих Еккельн (лунвыв). Вермахтсянь отсасись йитӧтӧт вӧлісӧ тылісь кысйӧттэз да Абверись офицеррез[9][43][44][45].

Немецкӧй солдаттэз фотографируйтӧны партизаннэз ӧшӧтӧм, 1941 во
Мизоч геттоись пасьтӧм еврей инькаэз да челядь видзчисьӧны сулавтӧн лёдзӧн вийлӧм, кӧдӧ чулӧтӧны немецкӧй опастӧмалӧм сьӧрті полицияын (Зипо) да опастӧмалана кысйӧтын (СД) уджаліссез украинскӧй отсасись полиция отсӧтӧн

Советскӧй мирнӧй граждана паныт лёккерӧмын участвуйтісӧ кыдз СС-лӧн да отсасись полицияись военнослужащӧйез, сідз и вермахтісь солдаттэз да офицеррез да оккупационнӧй администрацияись чиновниккез. Геноцид акттэзас вӧлісӧ сідзжӧ йитӧмӧсь нацистскӧй Германиялӧн союзниккез канмуэзісь военнослужащӧйез: Румыния армияись да жандармерияись, венгерскӧй да итальянскӧй армияэзісь, да сідзжӧ советскӧй граждана коласісь йӧз[9][44][45][46][47].

Нацистскӧй лёкморттэзӧс судитӧм

1942 вося арпомӧн вӧлі аркмӧтӧм Натодиля канмуся комиссия (рочӧн Чрезвычайная государственная комиссия, ЧГК), кӧда чукӧртіс фашисттэзӧн керӧм лёк йылісь уна сюрс юӧр. Этна материаллэзӧн, СССР Медвылісь Совет Президиумлӧн 1943 во тулысшӧр 19 лунся Указ сьӧрті, вӧлісӧ пондӧтӧмӧсь военнӧй преступниккез да ны отсаліссезӧс осьтӧн судитан процессэз. Медодзза процессэс чулалісӧ Краснодарын, Краснодонын да Харьковын[9][48][49][50].

Материаллэс, кӧднӧ чукӧртіс Натодиля комиссияыс, вӧлісӧ пуктӧмӧсь винитан позиция подулӧ Нюрнбергся процесс коста, кӧдкоста мирись мортпӧлӧслӧ вӧлісӧ мыччалӧмӧсь нацизмлӧн массовӧй военнӧй лёккерӧммез йылісь тырвиа мыччӧттэз[7][8][51].

  • Судитана морттэс асланыс пуклӧсын. Одзас, шульгаладорсянь веськытланьӧ: Герман Геринг, Рудольф Гесс, Иоахим фон Риббентроп, Вильгельм Кейтель; саяс, шульгаладорсянь веськытланьӧ: Карл Дёниц, Эрих Редер, Бальдур фон Ширах, Фриц Заукель

    Судитана морттэс асланыс пуклӧсын. Одзас, шульгаладорсянь веськытланьӧ: Герман Геринг, Рудольф Гесс, Иоахим фон Риббентроп, Вильгельм Кейтель; саяс, шульгаладорсянь веськытланьӧ: Карл Дёниц, Эрих Редер, Бальдур фон Ширах, Фриц Заукель

  • Тюрьмаын пытшкся зал: ойкӧв сьӧрна камераэзас судитанаэсӧ видзисӧ син одзын, 1945 вося арпом 24 лун

    Тюрьмаын пытшкся зал: ойкӧв сьӧрна камераэзас судитанаэсӧ видзисӧ син одзын, 1945 вося арпом 24 лун

  • Ригася процессын судитанаэз

    Ригася процессын судитанаэз

Касьтылӧм

Советскӧй отир паныт геноцидын вийӧммезӧс касьтылан лун

Быд во тулысшӧр 19 лунӧ Великӧй Отечественнӧй война воэзӧ советскӧй отир паныт геноцидын вийӧммезӧс касьтылӧм могись Россияын чулӧтсьӧ Ӧткерӧммез лун. Касьтылан мероприяттёэз чулӧтсьӧны велӧтчаніннэзын, наука да культура учрежденнёэзын. 2022 воӧ дӧс Россия пасьта акцияэзӧ пырӧтчисӧ 6,5 млн-ся унажык морт[49][50][52].

2025 вося одзтӧв 29 лунӧ РФ-лӧн президент Владимир Путин кырымпасаліс оланпас, кӧда сьӧрті Россияын вӧлі аркмӧтӧм касьтылан кадпас тулысшӧр 19 лунӧ — Советскӧй отир паныт геноцидын вийӧммезӧс касьтылан лун[53].

Мемориаллэз

Россияын да Белоруссияын уна отирӧс вийлӧм местаэзын сувтӧтсьӧны мемориальнӧй комплекссэз (шуам, Тихвинын вийӧм челядьлӧ памятник, Песчаный логын монумент, «Хатынь» мемориальнӧй комплекс  (перм.рус., блокаднӧй Ленинградісь челядьлӧ памятниккез да мӧдік архитектурнӧй объекттэз).

«Вермытӧм морт» скульптура «Хатынь» мемориальнӧй комплексын

РФ-лӧн 21.04.2025 № 74-ФЗ федеральнӧй оланпас сьӧрті, «советскӧй отир паныт геноцидын вийӧммезлӧн дӧс дзебаніннэз, да сідзжӧ памятниккез да объекттэз, кӧдна керӧмӧсь, мед касьтывны советскӧй отир паныт геноцидын вийӧммессӧ, видзсьӧны канму кипод увтын»[1].

Геноцидын вийӧммезӧс касьтылана музейез

2024 вося арпомӧн Ленинград областьлӧн юраліссез юӧртісӧ Зайцевоын мемориальнӧй комплексын СССР-ись мирнӧй оліссез паныт геноцидын вийӧммезӧс касьтылана музей лӧсьӧтӧм йылісь[54].

2026 во тӧвпом 20 лунӧ Москвалӧн правительствоын юӧртісӧ, мый юркарас оссяс Россияын медодзза национальнӧй Великӧй Отечественнӧй война коста нацисттэзлӧн лёкын вийӧммезлӧ сиӧм касьтылана музей[55].

Советскӧй отир паныт геноцидын вийӧммез йылісь касьтылӧм оланпасӧн дорйӧм

Россияын уголовнӧй мыжйӧм пыдди видзӧмӧн оз позь сускисьны нето ошкыны Великӧй Отечественнӧй война воэзӧ нацисттэзӧн керӧм советскӧй отир паныт геноцид, да сідзжӧ абу позяна геноцидын кулӧммезӧс кыскавны кылӧн[56][57].

Пасйӧттэз

  1. ↑ 1 2 Федеральный закон от 21.04.2025 № 74-ФЗ ∙ Официальное опубликование правовых актов. Официальное опубликование правовых актов (2025-04-21). Видзӧтӧм 26 Тулысшӧр 2026.
  2. ↑ 1 2 3 Россия и СССР в войнах ХХ века. Книга потерь / Г. Ф. Кривошеев, В. М. Андроников, П. Д. Буриков и др.. — М., 2010. — С. 219—235.
  3. ↑ 1 2 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 299.
  4. ↑ 1 2 Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. — 2025. — № 1. — С. 69—75.
  5. ↑ Ковалёв Б. Н. Повседневная жизнь населения России в период нацистской оккупации. — М., 2011. — С. 11.
  6. ↑ 1 2 3 4 5 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941—1945 гг.: Сборник документов в двух частях. — М.: Фонд «Связь Эпох», 2020.
  7. ↑ 1 2 Полторак А. И. Нюрнбергский эпилог. — М.: Воениздат, 1969.
  8. ↑ 1 2 Савенков А. Н. Нюрнберг: приговор во имя мира. — М.: Проспект, 2021.
  9. ↑ 1 2 3 4 5 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 35—45.
  10. ↑ Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 7—34.
  11. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 192.
  12. ↑ Нюрнбергский процесс. Сборник материалов. Документ NO-5001 (PS-1919).
  13. ↑ 1 2 Козлов А. В. Имя ему геноцид. Преступления гитлеровской Германии на территории Белоруссии и России. — М.: Вече, 2022. — С. 7—34.
  14. ↑ 1 2 Баринов И. Аграрная политика нацистской Германии, 2013, с. 288.
  15. ↑ Нацизм. Документальные свидетельства преступлений, 2023, Предисловие.
  16. ↑ Яковлев Е. Н. Война на уничтожение, 2024, с. 404.
  17. ↑ Яковлев Е. Н. Война на уничтожение, 2024, с. 203—204.
  18. ↑ Цит. по: Ветте В. Война на уничтожение: Вермахт и Холокост // Новая и новейшая история. — 1999. — № 3.
  19. ↑ 1 2 3 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 1. — М.: Фонд «Связь Эпох», 2020. — С. 123—596.
  20. ↑ 1 2 3 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 2. — М.: Фонд «Связь Эпох», 2020. — С. 9—370.
  21. ↑ Аристов С. В. Система нацистских концентрационных лагерей, 2019, с. 9, 30.
  22. ↑ Аристов С. В. TERRA INCOGNITA: система нацистских концлагерей на оккупированной территории СССР (1941—1944 гг.). — М., 2022.
  23. ↑ Фёдоров А. Г. Авиация в битве под Москвой. — М.: Наука, 1975.
  24. ↑ Дёгтев Д. М. Воздушная битва за Сталинград: операции люфтваффе по поддержке армии Паулюса, 1942—1943. — М.: Центрполиграф, 2021.
  25. ↑ Дёгтев Д. М. Воздушная битва за город на Неве защитники Ленинграда против асов люфтваффе, 1941—1944, к 70-летию снятия блокады. — М.: Центрполиграф, 2014.
  26. ↑ Лашков А. Ю. Противовоздушная оборона Горьковского промышленного района в годы Великой Отечественной войны // Военно-исторический журнал. — 2023. — № 5. — С. 4—15.
  27. ↑ Белозёров Б. П. Ленинград сражающийся. — СПб.: Знание, 2016—2019. — Т. 1—4.
  28. ↑ Мария Лисицына. Суд Петербурга признал блокаду Ленинграда геноцидом, РБК (20 Аршӧр 2022). Дата обращения: 26 Тулысшӧр 2026.
  29. ↑ 1 2 Яковлев Е. Н. Война на уничтожение. Третий рейх и геноцид советского народа. — СПб., 2026.
  30. ↑ Яковлев Е. Н. Война на уничтожение, 2024, с. 414—415.
  31. ↑ Попов А. Ю. Новый экономический порядок на оккупированной советской территории в годы Великой Отечественной войны. Федеральная Служба Безопасности. Видзӧтӧм 26 Тулысшӧр 2026.
  32. ↑ Кикнадзе В. Г. и др. Геноцид народов России, 2024, с. 438—439.
  33. ↑ Яковлев Е. Н. Война на уничтожение, 2024, с. 263—264.
  34. ↑ Яковлев Е. Н. Война на уничтожение, 2024, с. 265.
  35. ↑ Баринов И. Аграрная политика нацистской Германии, 2013, с. 289.
  36. ↑ 1 2 3 Принудительный труд 1939—1945. Опыт международного проекта. — Воронеж, 2020.
  37. ↑ Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 1. — М.: Фонд «Связь Эпох», 2020. — С. 222, 338, 511.
  38. ↑ Полян П. М. Жертвы двух диктатур: Остарбайтеры и военнопленные в Третьем рейхе и их репатриация. — М., 1996.
  39. ↑ 1 2 Штрайт К. "Они нам не товарищи": вермахт и советские военнопленные в 1941—1945 гг. — М., 2009.
  40. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 314—325.
  41. ↑ Судьба военнопленных и депортированных граждан СССР. Материалы Комиссии по реабилитации жертв политических репрессий // Новая и новейшая история. — 1996. — № 2. — С. 91—112.
  42. ↑ Яковлев Е. Н. Война на уничтожение. Третий рейх и геноцид советского народа. — СПб., 2026. — С. 477.
  43. ↑ SS im Einsatz. Eine Dokumentation ϋber die Verbrechen der SS. — Berlin: Deutscher Militärverlag, 1967.
  44. ↑ 1 2 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941—1945 гг. Ч.1. — М.: Фонд «Связь Эпох», 2020. — С. 9—26.
  45. ↑ 1 2 Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. — 2025. — № 1. — С. 66—68.
  46. ↑ Нюрнбергский трибунал развеял миф о "чистом вермахте", заявил историк, РИА Новости (18 Арпом 2025). Дата обращения: 26 Тулысшӧр 2026.
  47. ↑ Мюллер Н. Вермахт и оккупация (1941—1945). О роли вермахта и его руководящих органов в осуществлении оккупационного режима на советской территории. — М.: Воениздат, 1974. — С. 158—275.
  48. ↑ Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 2. — М.: Фонд «Связь Эпох», 2020. — С. 371—431.
  49. ↑ 1 2 День единых действий, Без срока давности (12 Одзар 2022). Дата обращения: 26 Тулысшӧр 2026.
  50. ↑ 1 2 День единых действий. Национальный центр исторической памяти при Президенте Российской Федерации. Видзӧтӧм 26 Тулысшӧр 2026.
  51. ↑ Алиева Л. В. Без срока давности: геноцид мирного населения на оккупированных территориях РСФСР в годы Великой Отечественной войны. — Красноярск, 2021. — С. 144.
  52. ↑ Акция «День единых действий в память о жертвах преступлений против советского народа, совершённых нацистами и их пособниками в годы Великой Отечественной войны» объединила школьников и студентов. Министерство просвещения Российской Федерации (2021-04-19). Видзӧтӧм 26 Тулысшӧр 2026.
  53. ↑ Путин подписал закон об установлении Дня памяти жертв геноцида советского народа, TACC (29 Одзтӧв 2025). Дата обращения: 26 Тулысшӧр 2026.
  54. ↑ Музей памяти жертв геноцида мирных жителей будет создан в Ленобласти, РИА Новости (25 Арпом 2024). Дата обращения: 26 Тулысшӧр 2026.
  55. ↑ Первый национальный Музей памяти откроется в Москве, Официальный портал Мэра и Правительства Москвы (20 Тӧвпом 2026). Дата обращения: 26 Тулысшӧр 2026.
  56. ↑ Путин подписал закон о наказании за отрицание геноцида советского народа. ТАСС (2026-04-09). Видзӧтӧм 26 Тулысшӧр 2026.
  57. ↑ Федеральный закон от 09.04.2026 № 100-ФЗ "О внесении изменений в статьи 243-4 и 354-1 Уголовного кодекса Российской Федерации". Официальное опубликование правовых актов (2026-04-09). Видзӧтӧм 26 Тулысшӧр 2026.

Литература

  • Алиева Л. В. Без срока давности: геноцид мирного населения на оккупированных территориях РСФСР в годы Великой Отечественной войны. Красноярск. 2021.
  • Альтман И. Жертвы ненависти. Холокост в СССР. 1941—1945 гг. М. 2002.
  • Арад И. Катастрофа евреев на оккупированных территориях Советского Союза (1941—1945). Днепропетровск. М.: Центр «Холокост». 2007.
  • Аристов С. В. «Империя смерти». Концлагеря Третьего рейха: самая полная иллюстрированная энциклопедия нацистских концлагерей. М.: Яуза. 2022.
  • Аристов С. В. TERRA INCOGNITA: система нацистских концлагерей на оккупированной территории СССР (1941—1944 гг.). М. 2022.
  • Артамошин С. В. Идейные истоки национал-социализма. Брянск. 2002.
  • Багдасарян В. Э., Реснянский С. И. Геноцид советского народа в германской оккупационной политике: цивилизационный ракурс «войны на уничтожение» // Вестник Российского университета дружбы народов. Серия: История России. 2025. Т. 24. № 2. С. 126—147.
  • Баринов И. И. Направление — Украина: опыт изучения нацистской оккупационной политики, 1941—1944. М. 2014.
  • Безыменский Л. А. Особая папка «Барбаросса». М. 1972.
  • Белозёров Б. П. Ленинград сражающийся. Т. 1—4. СПб.: Знание. 2016—2019.
  • Великая Отечественная без грифа секретности. Книга потерь / под общ. ред. Г. Ф. Кривошеева, А. В. Кирилина. М.: Вече. 2010.
  • Великая Отечественная война 1941—1945 годов (в двенадцати томах). М.: Воениздат. 2011—2015.
  • Великая Победа советского народа: социально-политические и демографические аспекты / отв. ред. С. В. Рязанцев, В. Н. Иванов; ИСПИ ФНИСЦ РАН. М.: Экон-Информ. 2020.
  • Великая Победа (в пятнадцати томах) / под общ. ред. С. Е. Нарышкина, А. В. Торкунова. М.: МГИМО-Университет. 2015.
  • Вержбицкий Ю. Ю. «За все эти чудовищные преступления… преступное гитлеровское правительство, командование германской армии и их сообщники несут всю полноту уголовной и материальной ответственности»: организация расследования нацистских преступлений и наказание военных преступников, виновных в геноциде на оккупированной территории РСФСР в годы Великой Отечественной войны // Военно-исторический журнал, № 5, 2025. С. 82—89.
  • Веригин С. Г. Карелия в годы военных испытаний: политическое и социально-экономическое положение Советской Карелии в период Второй мировой войны 1939—1945 гг. Петрозаводск. 2009.
  • Веригин С. Г. Финская оккупация Карелии в 1941—1944 годах: дискуссии между российскими и финляндскими историками // Учёные записки Петрозаводского государственного университета. 2022. Т. 44. № 6. С. 75—82.
  • Ветте В. Образ врага: расистские элементы в немецкой пропаганде против Советского Союза // Почему Третий рейх проиграл войну. Немецкий взгляд. М. 2021.
  • Галкин А. А. Германский фашизм. М.: Наука. 1989.
  • Данченко Е. Л. Батраки поневоле. Принудительный труд «восточных рабочих» в сельском хозяйстве нацистской Германии (1941—1945). Воронеж: Издательство Воронеж. гос. пед. ун-та. 2012.
  • Дюков А. Р. Операция «Зимнее волшебство». Нацистская истребительная политика и латвийский коллаборационизм. М. 2011.
  • Захарина Е. А. Травматический опыт остарбайтеров и способы его преодоления в советской и постсоветской культуре памяти / Е. А. Захарина, Е. Ф. Кринко // Этнографическое обозрение. 2023. № 1. С. 11—29.
  • Звягинцев А. Г. Главный процесс человечества. М. 2012.
  • Истребительная война на Востоке. Преступления вермахта в СССР. 1941—1944. Доклады. // АИРО — научные доклады и дискуссии. Темы для XXI века. Выпуск 18. М. 2005.
  • История Великой Победы (в трёх томах) М.: МГИМО-Университет. 2020.
  • История Второй мировой войны. 1939—1945 (в двенадцати томах). М.: Воениздат. 1973—1982.
  • История Холокоста и геноцидов. ХХ век: Учебное пособие для вузов / Под ред. И. А. Альтмана. М.: МИК. 2022.
  • Кваша А. Я. Демографические потери СССР во Второй мировой войне // Вестник Московского Университета. Серия «Экономика». 1993. № 4.
  • Кикнадзе В. Г. Политико-стратегическое содержание планов Третьего рейха в отношении СССР // Вопросы истории. 2015. № 6. С. 168—175.
  • Кикнадзе В. Г., Романько О. В., Саенко А. С. Геноцид народов России. Преступления против советского мирного населения и военнопленных в годы Великой Отечественной войны. М. 2024.
  • Киселёва О. А., Никулина Т. В. Гражданское население и оккупационный режим // Отечественная история. 2006. № 4. С. 76—81.
  • Ковалёв Б. Н. Нацистская оккупация и коллаборационизм в России 1941—1944. М. 2004.
  • Крысин М. Ю. Прибалтийский фашизм. История и современность. М.: Вече. 2007.
  • Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. 2025. № 1. С. 64—78.
  • Козлов А. В. Имя ему геноцид. Преступления гитлеровской Германии на территории Белоруссии и России. М.: Вече. 2022.
  • Мюллер Н. Вермахт и оккупация (1941—1945). О роли вермахта и его руководящих органов в осуществлении оккупационного режима на советской территории. М.: Воениздат. 1974.
  • Немецко-фашистский оккупационный режим (1941—1944 гг.). М.: Политиздат. 1965.
  • Полторак. А. И. Нюрнбергский эпилог. М.: Воениздат. 1969.
  • Принудительный труд 1939—1945. Опыт международного проекта. Издательско-полиграфический центр. Воронеж. 2020.
  • Россия и СССР в войнах ХХ века. Книга потерь / Г. Ф. Кривошеев, В. М. Андроников, П. Д. Буриков и др. М.: Вече. 2010.
  • Савенков А. Н. Геноцид советского народа: от истории к праву, без срока давности // Государство и право. 2021. № 9. С. 7—30.
  • Савенков А. Н. Нюрнберг: приговор во имя мира. М.: Проспект. 2021.
  • Советские военнопленные во время Второй мировой войны на польских землях / науч. ред. Я. Войтковяк. СПб.: Алетейя. 2018.
  • Солонарь В. А. Очищение нации. Насильственные перемещения населения и этнические чистки в Румынии в период диктатуры Иона Антонеску (1940—1944). СПб. 2020.
  • Холокост на территории СССР. Энциклопедия. М. 2011.
  • Чумаков Г. В. Финские концентрационные лагеря для гражданского населения Петрозаводска в 1941—1944 гг. // Вопросы истории Европейского Севера (Народ и власть: проблемы взаимоотношений, 80-е гг. XVIII—XX в.). Петрозаводск. 2005. С. 142—151.
  • Шевяков А. А. Гитлеровский геноцид на территориях СССР // Социологические исследования. 1991. № 12. С. 3—11.
  • Штрайт К. «Они нам не товарищи»: вермахт и советские военнопленные в 1941—1945 гг. М. 2009.
  • Яковлев Е. Н., Дюков А. Р., Симиндей В. В. Нацизм на оккупированных территориях Советского Союза. СПб. 2024.
  • Barber J., Harrison M. Patriotic War, 1941—1945 // The Cambridge History of Russia. Vol. 3. Cambridge: Cambridge University Press. 2006. P. 217—242.
  • Borejsza J. W. A Ridiculous Hundred Million Slavs: Concerning Adolf Hitler’s World-View. Warsaw. 2017.
  • Connelly J. Nazis and Slavs: From Racial Theory to Racist Practice // Central European History. 1999. Vol. 32, № 1. P. 1—33.
  • Harrisville D. A. The Virtuous Wehrmacht: Crafting the Myth of the German Soldier on the Eastern Front, 1941—1944. Cornell University Press. 2021.
  • Heer Н., Streit С. Vernichtungskrieg im Osten. Judenmord, Kriegsgefangene und Hungerpolitik. Hamburg. 2020
  • Kaul С. F. Nazimordaktion, T. 4. Ein Bericht uber die erste industrimabig durchfuhrte Mordaktion des Naziregimes. Berlin. 1973.
  • Kay A. J. Empire of Destruction: A History of Nazi Mass Killing. Yale University Press. 2021.
  • SS im Einsatz. Eine Dokumentation ϋber die Verbrechen der SS. Berlin: Deutscher Militärverlag. 1967.
  • The Oxford History of the Third Reich. Oxford University Press. 2023.
Босьтӧма "https://koi.ruwiki.ru/w/index.php?title=Советскӧй_отир_паныт_геноцид&oldid=214978"-ись