Круиззэз Камаӧт
| Вавывся круиз | |
| Круиззэз Камаӧт | |
|---|---|
 | |
| Ветлӧм характер | культура тӧдмалан туризм |
| Вид | экскурсияэза тур |
| Мунӧм | теплоход |
Круиззэз Камаӧт (рочӧн Круизы по Каме) — Камаӧт уялан теплоходдэз вылын экскурсияэза маршруттэз, кӧднаӧ пырӧны вадорся каррезӧ ветлӧм да ныын сингажӧтаннэз видзӧтӧм. Круиззэс кыссьӧны 2-16 лун дырна. Навигацияыс Кама вылас пондӧтчӧ тулыспомӧ да помасьӧ аршӧрӧ[1].
Гижалӧм
Кама юыс — Волга юлӧн медыджыт вож, медтӧдчана ва артерия, кӧда йитӧ Уралсӧ Россия шӧркӧт да Каспий саридзкӧт. Юыслӧн кузяыс — 1805 км, джыныс сыись визывтӧ Пермскӧй крайӧт. Кама дорын сулалӧны промышленнӧй центррез да историясянь тӧдчана каррез: Елабуга, Чайковскӧй, Соликамск, Набережнӧй Челны, Нижнекамск. Бӧрйӧм маршрут сьӧрті ныӧ позьӧ ветлыны экскурсияэз вылӧ[2].
Круизӧ Камаӧт позьӧ иньдӧтчыны Перемсянь, Сарапулсянь, Самарасянь, Санкт-Петербургсянь, Москвасянь, Дон вывся Ростовсянь, Нижньӧй Новгородсянь, Казаньсянь.
Камаӧт шоччисян ветлӧм вӧзйӧны Россияись медыджыт вавывся круиз операторрез — Мостурфлот, Инфофлот, ВодоходЪ, ГАМА да Русич компанияэз. Туррес чулӧтсьӧны эконом-класса, комфорт да премиум класса теплоходдэз вылын, да сідзжӧ пансионата теплоходдэз вылын.
Круиззэз Камаӧт кыссьӧны 2 лунсянь 16 ойӧдз[3].
Навигацияыс Камаӧт Перемсянь пондӧтчӧ тулыспом 1 лунӧ, но погоддяыс сэк вермас лоны чожа вежсянаӧн, ойезнас вермас кынтны. Медбур кад круиз понда Камаӧт — гожум. Одзгожумӧн Перемас ойес югытӧсь, сідзжӧ сія кадӧ карас чулӧтсьӧ Сергей Дягилев нима фестиваль. Помасьӧ навигацияыс аршӧрӧн[2].
Камаӧт круиз коста туристтэз вермӧны ветлыны кыдз сувтчана порттэзӧ, сідз и Волга вывся порттэзӧ - паськыта тӧдса каррезӧ - Казаньӧ, Костромаӧ, Ярославльӧ, Нижньӧй Новгородӧ, Уфаӧ да мд. Мукӧд маршрут сьӧрті теплоходдэс сувтчӧны Свияжск ді вылӧ, кӧда тӧдса Иван Грознӧй кадся караин сьӧрті.
Нижньӧй Новгородсянь круиз коста сувтчывлӧны Самараын да Тольяттиын, ветлӧны Жигули суркеран заводӧ да АвтоВАЗ музейӧ.
Кама ю вылас сулалӧны Камскӧй ГЭС, Воткинскӧй ГЭС да Нижнекамскӧй ГЭС, кӧдна аркмӧтісӧ сэтшӧм жӧ нимаӧсь вавидзаннэз. Камскӧй ГЭС строитӧм коста вӧлісӧ вӧйӧтӧмӧсь уна кар да посад, мый кузя аркмисӧ Уральскӧй Атлантида йылісь легендаэз. Вавидзансӧ Пермскӧй крайын оліссез шуӧны Кама саридзӧн[4].
.jpg)
Маршруттэз да сувтчаніннэз
Шоччисян лунся маршруттэз:
- Перем — Березники (+ Соликамск да Чердын) — Перем (3 лун)
- Перем — Чайковский — Перем (3 лун)
- Сарапул — Нижнекамск — Казань (3 лун)
Шӧрӧт кузяа маршруттэз:
- Перем — Казань — Свияжск — Тетюши — Болгар — Нижнекамск — Сарапул — Чайковский — Перем (7 лун)
- Перем — Чайковский — Казань — Самара — Волгоград — Астрахань (7 лун)
- Перем — Чайковский — Казань — Козьмодемьянск — Макарьево — Нижний Новгород (5 лун)
Кузь маршруттэз:
- Самара — Тольятти — Болгар — Казань — Елабуга — Сарапул (Ижевск, этно) — Перем (Кудымкар) — Нижнекамск — Казань — Самара (9 лун)
- Санкт-Петербург — Валаам — Перем — Екатеринбург (12 лун)
- Москва — Перем — Москва (16 лун)
- Ростов-на-Дону — Романовская — Волгоград — Саратов — Самара — Болгары — Елабуга — Чайковский — Перем — Сарапул — Чистополь — Казань — Нижний Новгород — Городец — Ярославль — Углич — Москва (16 лун)
Теплоходдэз
- Максим Литвинов
- Александр Пушкин
- Русь
- Н. А. Некрасов
- Александр Фадеев
- Василий Чапаев
- Козьма Минин[5].
Пасйӧттэз
- ↑ Сроки навигации 2025 года по Каме.
- ↑ 1 2 Круизы по Каме на теплоходе 2025, Отдых в России. Комсомольская Правда. Дата обращения: 17 Тулысшӧр 2025.
- ↑ Круизы по Каме - расписание 2024, цены и скидки до 20% рус..
- ↑ Речные круизы по Каме на 2025 год, расписание и цены (ru-RU).
- ↑ Круизы по Каме в 2025 - 2026 году на теплоходе.
|
Эта материал право видзисьӧн лоӧ АНО «Интернет-энциклопедия «РУВИКИ». Материалсӧ позьӧ пуктыны мӧдік сайттэзын АНО «Интернет-энциклопедия «РУВИКИ» корӧмӧн. |