Посикунчиккез
| Посикунчиккез | |
|---|---|
 Посикунчиккез (Пермскӧй край) | |
| Пырӧ национальнӧй сёян-юаннэзӧ | |
| Роч сёян-юан | |
| Аркман му | |
| Продукттэз | |
| Мыйись керӧм | шӧмтӧм нянь, парӧг |
Посикунчиккез (мӧдінёж посекунчиккез, рочӧн посикунчики, посекунчики) — роч сёян, Пермскӧй крайлӧн специалитет[1], яйись да нянись сёян тор, ыджыт пельнянь кодь. Сейсьӧ пӧжалӧмӧн быдкодь соуссэзӧн[2][3].
Нимыс йылісь
Медпаськыта тӧдса «посикунчик» нимӧн. Эм сідзжӧ мӧдік тыргора шыа вариант — «посекунчик». Медодзза вариантсӧ лыддьӧны аркмӧмӧн роч кывья «сикать» (комиӧн «чильны») кадакылісь[4]. Сідз мыччассьӧ, мый сейикас сыись петӧ, «чильӧ» яйва. Мӧдӧдзза вариантсӧ лыддьӧны аркмӧмӧн роч кывья «сечь» (комиӧн «масьтыны») кадакылісь, сідз кыдз парӧгсӧ масьтӧны сичкаӧн[4].
Эм сідз жӧ тодиль ним «пистикунчик», сідз шуӧны пистикись керӧм парӧга посикунчик[5][6][7].
Аркмӧм
Роч сёян туялісь Павел Сюткин сьӧрті, посикунчиккес кыдз сёянтор аркмисӧ 17-18 сёвоэзын, но нимныс аркмис сёрӧнжык[8][9]. Сы шуӧмӧн, терминыс оз пантасьлы литератураын 20 сёво помӧдз, но перемса отиркӧт сёртнитчӧмись петӧ, мый этӧ кывсӧ тӧдісӧ война бӧрся воэзӧ. Посикунчиккезлӧ вачкисяна сёян эм и мӧдік йӧззэзлӧн, шуам, татаралӧн белишь. 1795 вося сёянкеран кывкудын гижӧм пожалӧм яя учӧт пирӧггезлӧн рецепт, сэтшӧм жӧ, кыдз посикунчиккеслӧн[8].
«Посекунчик» кылӧн перемса роч кывья диалектын шуӧны яя пирӧг[10].
Перемись история туялісь Павел Корчагин шуӧ посикунчиккесӧ «симулякрӧн», Перемын 2000-ӧт воэзӧ керӧм сёянторӧн, сідз кыдз советскӧй кадся перемса сёян йылісь небӧггезын сы йылісь абу гижӧм. Посикунчик нима сёянторлӧн рецептыс петіс 2019 воӧ «Пермская кухня» небӧгын. Корчагин шуӧмӧн, медодззаись посикунчик нима сёянсӧ сія адззылӧм 2000-ӧт воэзӧ «Боб» нима сёяніннэзын. Сідз шусьӧмась пражитӧм пельняннез[11].
Керӧм
Посикунчиккесӧ керӧны кыдз ыджыт пельняннез, шӧмтӧм нянись да быдберся парӧгись: яй, тшак, кушман, картошка, пистик, сёртни. Сейӧны посикунчиккесӧ тюкӧмӧн нӧкись, кефирись, йогуртісь, горчигаись, гормӧгись, туримолись, пуягӧдісь, сэторись, пелысьягӧдісь керӧм соусӧ[12].
Кыдз Пермскӧй крайлӧн бренд
Посикунчиккез, кыдз и шаньгаэз да пельняннез, лыддиссьӧны Пермскӧй крайлӧн гастрономическӧй символӧн[12][13][14][15][16].
- 2017 воӧ Перемись Ыджыт Савино аэропорт виль терминаллӧ ним бӧрйикӧ вӧлі вӧзйӧм «Посикунчик» вариант, сійӧ кырӧвтісӧ бӧрьян ниммес нимлёдзись отирӧ петкӧтӧмӧдз[17][18].
- 2023 во одзгожумӧ Перемын, «Чӧскыт керку» коми ресторан дынын, оссис «Поси(е)кунчик» нима арт-объект, скульпторыс — Рустам Исмагилов[19].
- 2024 воӧ «Туту» сервис отир юасьӧм бӧртас сьӧрті, сёянторыс пырис медкӧсъяна вильво порйӧтан пызан вылын сёянторӧн (сы понда вӧлісӧ респонденттэзісь 12,3 % отир)[20].
- 2025 во тӧвпомын Москваын, «Тишинка» нима гастрохоллын оссис «Посикунчики» нима коми сёяна кафе[21].
Пасйӧттэз
- ↑ Пермская кухня: с любовью к родному краю рус..
- ↑ Что такое посикунчик и почему он так называется? aif.ru (2 июля 2016).
- ↑ Максим Гринкевич Как приготовить посикунчики — пошаговый рецепт пермского блюда рус..
- ↑ 1 2 Посикунчики или посекунчики — как правильно? Разбираем с пермским профессором Иваном Подюковым, 59.ру. Дата обращения: 28 Одзтулыс 2025.
- ↑ Анкушина, Полина. «Медвежатина, холодец и посикунчики»: Пермские рестораторы рассказали, что чаще едят туристы — В курсе.ру, В курсе.ру (16 Одзтӧв 2024). Дата обращения: 28 Одзтулыс 2025.
- ↑ Надо ли изобретать пистикунчики?. Дата обращения: 28 Одзтулыс 2025.
- ↑ ГКУ ПК «Центр развития агробизнеса» ПОСИКУНЧИКИ КОМИ-ПЕРМЯЦКИЕ С ПИСТИКАМИ.
- ↑ 1 2 Историк русской кухни доказал истинную пермскость посикунчиков. Дата обращения: 28 Одзтулыс 2025.
- ↑ Пермские посикунчики хотят признать объектом нематериального наследия, РБК. Дата обращения: 28 Одзтулыс 2025.
- ↑ (О - Я) Словарь пермских говоров Вып. 2 / Ред. вып. А.Н. Борисова, К.Н. Прокошева. — Пермь: Книжный мир, 2001. — С. 180. — 574 с. — ISBN 5-93824-021-1.
- ↑ «Посикунчики — это симулякр». Пермский историк не нашел никаких упоминаний о символе прикамской кухни до 1990-х, 59.ру. Дата обращения: 28 Одзтулыс 2025.
- ↑ 1 2 Что попробовать в Пермском крае: традиционные и национальные блюда с рецептами, Отдых в России. Комсомольская Правда.. Дата обращения: 28 Одзтулыс 2025.
- ↑ Бронникова, Алёна. Пермский край назвали столицей посикунчиков, «Новый компаньон». Дата обращения: 28 Одзтулыс 2025.
- ↑ Кристина Вишневская Посикунчики вошли в ТОП любимых блюд пермяков. Как их приготовить? Делимся секретами местных бабушек (03 Февраля 2024).
- ↑ Посикунчики, театр и мудные картинки: «Яндекс» снял видеопутеводитель по Перми, 59.ру. Дата обращения: 28 Одзтулыс 2025.
- ↑ «Посикунчики» - жареные пирожки, символ кухни Пермского края рус..
- ↑ Посикунчик или Дягилев: пермяки предлагают названия для нового терминала, РБК. Дата обращения: 28 Одзтулыс 2025.
- ↑ Назукина М. В. Наименование как инструмент конструирования территориальной идентичности (на примере выбора названия для нового терминала пермского аэропорта // Вестник Пермского федерального исследовательского центра. — 2018. — № 4.
- ↑ В Перми открыли арт-объект «Поси(е)кунчик» Рустама Исмагилова. Пирожками теперь можно голосовать, 59.ру. Дата обращения: 28 Одзтулыс 2025.
- ↑ Бронникова, Алёна. Пермские посикунчики вошли в число желанных региональных блюд на новогоднем столе, «Новый компаньон». Дата обращения: 28 Одзтулыс 2025.
- ↑ В Москве открыли кафе коми-пермяцкой кухни «Посикунчики» — цена на пирожки доходит до 680 рублей, 59.ру. Дата обращения: 28 Одзтулыс 2025.
Ыстӧттэз
- Рашид Рахманов. Север греет. Коллекция рецептов Русского Севера от Карелии до Камчатки. — Litres, 2018-12-20. — 131 с. — ISBN 978-5-04-106521-8. Архивная копия от 30 Одзтӧв 2021 на Wayback Machine
- Александр Белькович. ПроСТО кухня с Александром Бельковичем. Четвертый сезон. — Litres, 2020-12-31. — 99 с. — ISBN 978-5-04-322421-7. Архивная копия от 2 Тӧвшӧр 2022 на Wayback Machine
- Посикунчики и смысл жизни // Русский репортёр. — 2014. — № 12.