Серебренников Павел Николаевич
| Серебренников Павел Николаевич | |
|---|---|
 | |
| Чужан лун | 1848 во тӧвпом 24 лун |
| Чужанін | Архангельскӧй посад, Соликамскӧй уезд, Пермскӧй губерния, Российскӧй империя |
| Кулан лун | 1917 во тулысшӧр 2 лун |
| Куланін | Перем, Пермскӧй губерния, Российскӧй империя |
| Канму |
 Российскӧй империя |
| Наука юкӧн | гигиена |
| Уджаланін |
Урал заводдэзын бурдӧтчись Пермскӧй духовнӧй семинария Пермскӧй гортладор туялана музей |
| Велӧтчанін | Петербургся медико-хирургическӧй академия |
| Учёнӧй тшупӧт | медицина доктор (1885) |
 Медиафайлы на РУВИКИ.Медиа | |
Серебренников Павел Николаевич (1848 во тӧвпом 24 лун, Архангельскӧй посад, Соликамскӧй уезд, Пермскӧй губерния, Российскӧй империя —1917 во тулысшӧр 2 лун, Перем, Пермскӧй губерния, Российскӧй империя) — бурдӧтчись, гортладор туялісь, Перем гортладор туялана музей аркмӧтісь.
Олантуй
Чужис 1848 во тӧвпом 12 лунӧ (вильмоза тӧвпом 24 лунӧ) Архангельскӧй посадын вичкуись уджалісь Николай Серебренников семьяын[1]. Помаліс Архангелькӧйын вичкудынся школа. Велӧтчис Перемын духовнӧй семинарияын.
1870 воӧ Перемся земскӧй управа отсӧтӧн пырис велӧтчыны Петербургскӧй медико-хирургическӧй академияӧ. Помаліс сійӧ 1876 воӧ[2].
Помалӧмыс бӧрын вӧлі ыстӧм 1877—1878 воэзся Русско-турецкӧй война фронт вылӧ, вӧлі 18-ӧт артиллерийскӧй полклӧн младшӧй врачӧн[1].
1880 восянь уджаліс Нижньӧй Салда заводын да Ирбитын врачӧн[2]. 1883—1885 воэзӧ оліс Санкт-Петербургын, кытӧн дорйис медицина доктор диссертация[1].
1885 воӧ иньнас овмӧтчисӧ Перемӧ, осьтіс ассис практика.
1887 восянь уджаліс Пермскӧй духовнӧй семинаряын врачӧн да медицина велӧтісьӧн. Ӧткӧста нуӧтіс велӧтісь духовнӧй да епархиальнӧй училищеэзын, карся нёлькласса училищеын, народнӧй шкаолэзын, синтӧммез школаын, кресеннякостся школаэзын. Вӧлі корана врачӧн земскӧй больницаэзын. Дон босьттӧг вакцинируйтіс пистисянь Перемись школаэзын велӧтчиссезӧс[1].
Гижис 10-ся унажык туялан статья гигиена теория да статистика сьӧрті[1].
Куліс 1917 во тулысшӧр 2 лунӧ (важмоза одзтулыс 20 лунӧ) Перемын[1]. Дзебӧм Ягошика шойнын.
Гортладор туялана удж
Нуӧтіс гортладор туялана удж, вӧлі Учёнӧй архивной комисссия, Экономика чукӧрӧ дапырисьӧн. 1892 воӧ пырис УОЛЕ-ӧ, кӧда 1901 воӧ лоис Перем научно-промышленнӧй музейӧн (ӧння кадӧ Перем гортладор туялана музей). 1899—1909 воэзӧ юраліс УОЛЕ советӧн. Сы кипод увтын музейыс лоис ыджыт туялан да велӧтан центрӧн[1].
1902-ӧт воӧ осьтіс музейяс художествоа юкӧт, 1922 восянь юкӧтыс лоис Перем художествоа галереяӧн[3].
Семья
- Медодзза иньыс — Евгения Павловна Солонинина-Серебренникова (1854—1897), медодзза Российскӧй империяын иньпӧлӧсісь врач-офтальмолог. Куліс 42 восяӧн юрвем раксянь[2].
- Мӧдӧдзза иньыс — Александра Степановна Кузнецова-Серебренникова[4][5].
- Быдтас — Вадим Павлович Серебренников (1891—1943), врач-фтизиатр, Узбекскӧй ССР-лӧн Заслуженнӧй врач[6].
Касьтылӧм
- 1917 во одзтӧлӧ Соликамскӧй уездлӧн Земскӧй собраннё бурсьӧтіс сетны Арханегельскӧйись библиотекалӧ Серебренниковлісь ним, но Гражданскӧй войнаыс кузя сія эз вӧв керӧм. Нимсӧ библиотекаыслӧ сетісӧ 2017 воӧ[4][5].
- Перемись туристическӧй «Гӧрд линияӧ» пырӧ кӧркӧся Богородицкӧй школа керку (ӧння кадӧ Православнӧй классическӧй гимназия), сыын Серебренниковыс уджаліс да вӧлі школа вӧджжӧтан советлӧн председательӧн[7]. Гимназияас осьтӧм Серебренников нима зал.
Пасйӧттэз
- ↑ 1 2 3 4 5 6 7 «Дедушка пермского прогресса»: Павел Николаевич Серебренников Государственный архив Пермского края (08.01.2019) Видзӧтан кад: 28.05.2025
- ↑ 1 2 3 Серебренниковы Павел Николаевич и Евгения Павловна Ирбитский краеведческий портал Видзӧтан кад: 28.05.2025
- ↑ Павел Серебренников // Отцы-основатели Пермской галереи Пермская государственная художественная галерея Видзӧтан кад: 28.05.2025
- ↑ 1 2 Галина Баяндина. Возвращение имени Архангельской сельской библиотеке через 100 лет: 26 мая 2017 года Архангельская сельская библиотека отметила 105-летие // Юсьвинские вести. — 2017. — 1 июня. — № 21. — С.3.
- ↑ 1 2 Архангельское Народная энциклопедия деревень Юсьвинского района Пермского края Видзӧтан кад: 28.05.2025
- ↑ Павел Николаевич Серебренников с женой Евгенией Павловной и приёмным сыном Вадимом //История Прикамья Государственный архив Пермского края (18.11.1921) Видзӧтан кад: 28.05.2025
- ↑ Пермь. Красная линия Perm-300.ru Видзӧтан кад: 28.05.2025
Ыстӧттэз
- Павел Серебренников йылісь // Государственный архив Пермского края
- Павел Серебренников йылісь // Пермская государственная художественная галерея