Перем гортладор туялана музей

Босьтöм Рувикиись
Gerb-icon.png

РФ культура министерство

Arrow-Right.png
Gerb-big.png
Министерство культуры Российской Федерации
Перем гортладор туялана музей
Изображение логотипа
Perm asv2019-05 img26 Monastyrskaya11.jpg
Аркмӧтан кад 1890 во
Осьтан кад 25 тӧвшӧр (6 тӧвпом) 1894 во
Инас
Адрес Перем, Сибирскӧй ул., 15 к.
дирекция
Сайт museumperm.ru
Логотип РУВИКИ.Медиа Медиафайлы на РУВИКИ.Медиа

Донтан пассэз Почётная грамота Президиума Верховного Совета РСФСР — 1973[1]

Перем гортладор туялана музей (рочӧн Пермский краеведческий музей, быдса нимыс рочӧн Государственное краевое бюджетное учреждение культуры «Пермский краеведческий музей») — медважся да медыджыт музей Пермскӧй крайын. Сы собраннёын 600 000 видзантор, 50-ся унажык регион, федеральнӧй да мир тӧдчӧта; музейлӧн объектэз лыдын 22 история да культура памятник, ныись 16 федеральнӧй тӧдчӧта да 6 региональнӧй тӧдчӧта[2].

История

1890 во арпом 15 лунӧ чулаліс УОЛЕ-ись  (перм.рус. Пермскӧй комиссялӧн медодзза заседаннё, сійӧн сія луныс лыддиссьӧ музей аркмӧтан кадӧн. 1894 во тӧвшӧр 25 лунӧ музейыс вӧлі осьтӧм отир понда Покровскӧй улица вывся 38-ӧт керку жырын, сія вӧлі сетӧм музейыс удж понда дон босьттӧг. 1897 воӧ музейыс вуджис ремонтируйтӧм керкуӧ, кӧда сулаліс Петропавловскӧй ул, 38 к. адресӧт[3].

1901 воӧ вӧлі вынсьӧтӧм Пермскӧй научно-промышленнӧй музейлӧн Устав, сія вӧлі аркмӧмтӧм УОЛЕ Пермскӧй комиссияись. 1919 воӧ, советскӧй власть оланӧ пырӧм бӧрын, вӧлі организуйтӧм музей делоэз, искусство да важкадся памятниккез видзӧм сьӧрті Губернскӧй комитет, кӧдаӧн кутчис юравны А. К. Сыропятов. 1923 во одзтӧлӧ музейыс овмӧтчис 1919 воӧ пӧдналӧм Пермскӧй духовнӧй семинария керкуӧ[4].

Сёрӧнжык музейыслӧ вӧлісӧ сетӧмӧсь Архиерей керку, Центральнӧй рабочӧй кооперативлӧн галантерейнӧй магазинлісь важ корпус, Кафедральнӧй собор, музейыс вуджис ныӧ 1931 во кеж. Но 1941 воӧ музейлӧн шӧр керкуыс (Архиерей керку) вӧлі сетӧм Пермскӧй медицинскӧй институтлӧ общежиттё туйӧ, да музейыс вӧлі консервируйтӧм. Керкусӧ сетісӧ музейлӧ бӧр 1943 воӧ[4].

Великӧй Отечественнӧй война бӧрын музейыс зорамис, уна содісӧ сы фонддэз да вӧлісӧ осьтӧмӧсь филиаллэз. Медодзза филиалыс — Мемориальнӧй керку-музей «Подпольнӧй типография» — вӧлі осьтӧм 1968 во арпом 5 лунӧ[4].

2007 вося арпом 15 лун вӧлі медбӧрья лун, кӧр Перем гортладор туялана музейыс уджаліс Архиерей керкуын. Музейыс вӧлі вуджӧтӧм Мешковлӧн керкуӧ[5]. 2009 во тулыспом 18 лунӧ, Музейез мирпаста лунӧ, музейыс оссис отир понда реставрируйтӧм Мешковлӧн керкуын[6].

2011 воӧ оссис пырся экспозиция «Перем периодся важторрез музей» (рочӧн «Музей пермских древностей»), кытӧн мыччалӧны Перем периодся муотісь гарйӧм быдмассэс да гаггез, кӧднӧ адззисӧ Сылва ю вадорся Чекарда нима кырасісь (геология да палеонтология памятник)[7].

2024 воӧ музейыс лоис музейнӧй удж сьӧрті Д. С. Лихачёв нима Национальнӧй премиялӧн лауреатӧн «Издательскӧй проект» номинацияын («Расскажи мне о Перми. История города в коллекциях Пермского краеведческого музея» нима небӧг)[8].

2025 во тӧвпом 26 лунӧ вӧлі мыччалӧм виль филиаллӧн — «Перем период» музейлӧн — дизайн-концепция. Сія пондас уджавны «Шпагин нима завод» культурнӧй кварталын (литера Д1)[9].

Музейлӧн филиаллэз да юкӧттэз

  • Мешковлӧн керку (Перем, Монастырскӧй ул., 11 к.) — Перем гортладор туялана музейлӧн медшӧр корпус, Пермскӧй крайлӧн история важ кадсянь[10];
  • Перем периодся важторрез музей (Перем, Сибирскӧй ул., 15 к.) — Мушар да вӧрва история, перем период  (перм.рус.[11];
  • Музей-диорама Мотовилихаын (Перем, Огородников нима ул.,2 к.) — 1905—1907 воэзся революция  (перм.рус. Перемын, Мотовилихалӧн история[12];
  • Н. Г. Славяновлӧн мемориальнӧй керку-музей (Перем, 1905 во нима ул., 37 к.) — сварка аркмӧтісь Николай Славяновлӧн  (перм.рус. керку, Пермскӧй крайын ӧтка музей, кӧда кӧсйӧм металлургиялӧ[13];
  • Челядь понда музейнӧй центр (Перем, Пермская ул., 78 к.) — селенитовӧй жырья творческӧй семейнӧй лаборатория[14];
  • Мемориальнӧй керку-музей «Подпольнӧй типография» (Перем, Монастырская, 142 к.) — 1906 во костся рабочӧй-подпольщиккезлӧн керку-музей[15];
  • История парк «Россия — Менам история. Пермскӧй край» (Перем, Монастырская ул., 2 да 5кз (Речнӧй вокзал да Пермь I) — мультимедиа экспозицияэза центр[16];
  • В. В. Каменскийлӧн мемориальнӧй керку-музей (Перем район, Троица посад, ул. Советская, д.18) — поэт-футурист Василий Каменскийлӧн  (перм.рус. керку[17];
  • Архитектура да этнография музей «Хохловка» (Перем район, Гора) — Уралын медодзза ӧтӧрся архитектура сьӧрті музей[18];
  • Оса гортладор туялана музей (Оса, Свердлов нима ул., 2 к.) — Оса районлӧн вӧрва да история музей[19];
  • Музейнӧй комплекс «Пастернаклӧн керку» Всеволодо-Вильваын (Александровск район, Всеволодо-Вильва, Свобода нима ул., 47 к.) — Савва Морозов  (перм.рус. заводдэзӧн управляющӧйлӧн Борис Збарскийлӧн  (перм.рус. керку, кӧдаын 1916 воӧ оліс Борис Пастернак  (перм.рус.. Керкуыс вӧлі реставрируйтӧм 2008 воӧ[20];
  • Фондвидзанін (Перем, Сибирскӧй ул., 15 к.) — музейлӧн коллекцияэз, архив, лыддьӧтан зал[21].

Пасйӧттэз

  1. ↑ Ведомости Верховного Совета РСФСР. – М.: Издание Верховного Совета РСФСР, 1973. – № 50 (13 декабря). – 741 – 760 с. – [Статьи 1075 – 1106.
  2. ↑ Государственное краевое бюджетное учреждение культуры "Пермский краеведческий музей". Видзӧтӧм 25 Гожумшӧр 2025.
  3. ↑ Страницы истории. Три века пермского музея. XIX век. Пермский краеведческий музей. Архивируйтӧм первоисточник сьӧрті 25 Тӧвпом 2015. Видзӧтӧм 25 Гожумшӧр 2025.
  4. ↑ 1 2 3 Страницы истории. Три века пермского музея. XX век. Пермский краеведческий музей. Архивируйтӧм первоисточник сьӧрті 23 Гожумпом 2010. Видзӧтӧм 25 Гожумшӧр 2025.
  5. ↑ Страницы истории. Три века пермского музея. XXI век. Пермский краеведческий музей. Архивируйтӧм первоисточник сьӧрті 26 Тӧвпом 2015. Видзӧтӧм 25 Гожумшӧр 2025.
  6. ↑ Максим Пеккер После двухлетнего ожидания открылся Пермский краеведческий музей. ГТРК "Пермь" (2009-05-19). Видзӧтӧм 25 Гожумшӧр 2025.
  7. ↑ Жужгова Л. В., 2015.
  8. ↑ «Интермузей»: главное о фестивале. Видзӧтӧм 25 Гожумшӧр 2025.
  9. ↑ Презентация дизайн-концепции музея «Пермский период». Пермский краеведческий музей (2025-02-26). Видзӧтӧм 25 Гожумшӧр 2025.
  10. ↑ Дом Мешкова. Пермский краеведческий музей. Видзӧтӧм 25 Гожумшӧр 2025.
  11. ↑ Музей пермских древностей. Пермский краеведческий музей. Видзӧтӧм 25 Гожумшӧр 2025.
  12. ↑ Музей-диорама. Пермский краеведческий музей. Видзӧтӧм 25 Гожумшӧр 2025.
  13. ↑ Дом-музей Николая Славянова. Пермский краеведческий музей. Видзӧтӧм 25 Гожумшӧр 2025.
  14. ↑ Детский музейный центр. Пермский краеведческий музей. Видзӧтӧм 25 Гожумшӧр 2025.
  15. ↑ Подпольная типография. Пермский краеведческий музей. Видзӧтӧм 25 Гожумшӧр 2025.
  16. ↑ Исторический парк "Россия - моя история. Пермский край". Видзӧтӧм 25 Гожумшӧр 2025.
  17. ↑ Дом-музей Василия Каменского. Пермский краеведческий музей. Видзӧтӧм 25 Гожумшӧр 2025.
  18. ↑ Хохловка. Пермский краеведческий музей. Видзӧтӧм 25 Гожумшӧр 2025.
  19. ↑ Осинский краеведческий музей. Пермский краеведческий музей. Видзӧтӧм 25 Гожумшӧр 2025.
  20. ↑ Дом Пастернака. Пермский краеведческий музей. Видзӧтӧм 25 Гожумшӧр 2025.
  21. ↑ Фондохранение. Пермский краеведческий музей. Видзӧтӧм 25 Гожумшӧр 2025.

Литература

  • Жужгова Л. В., Аристов Д. С., Пономарёва Г. Ю., Наугольных С. В. Из истории изучения местонахождения Чекарда // Чекарда - местонахождение пермских ископаемых насекомых и растений = Chekarda is a location of fossil insects and plants from the Permian period / Отв. ред. доктор геолого-минералогических наук Т. В. Карасёва; рец. доктор геолого-минералогических наук Р. Г. Ибламинов, Т. В. Александрова, О. Е. Кочнева. — монография по геологии, палеоэнтомологии и палеоботанике Чекарды. — Пермь: Пермский государственный национальный исследовательский университет, 2015. — С. 8—25. — 160 с. — ISBN 978-5-7944-2545-1.

Ыстӧттэз

Босьтӧма "https://koi.ruwiki.ru/w/index.php?title=Перем_гортладор_туялана_музей&oldid=216757"-ись