Хохловка (музей)

Босьтöм Рувикиись
Gerb-icon.png

РФ культура министерство

Arrow-Right.png
Gerb-big.png
Министерство культуры Российской Федерации
Архитектура да этнография ӧтӧрся музей «Хохловка»
Преображеннё вичку (1702 во) да кар йыв (1660-ӧт воэзся оригинал сьӧрті 1905 воӧ керӧм копия)
Преображеннё вичку (1702 во) да кар йыв (1660-ӧт воэзся оригинал сьӧрті 1905 воӧ керӧм копия)
Аркмӧтан кад 1969 во
Инас  Российскӧй Федерация,  Пермскӧй край
Адрес 614505, Российскӧй Федерация, Пермскӧй край, Пермскӧй муниципальнӧй округ, Гора деревня
Директор Александр Анфёров
Сайт museumperm.ru/branch/kho…
Россия йӧззэзлӧн культура эмбур объект региональнӧй тӧдчӧта Россия йӧззэзлӧн культура эмбур объект региональнӧй тӧдчӧта. Рег. № 591831338380005 (ЕГРОКН). Объект № 5910047000 (БД Викигида)
Логотип РУВИКИ.Медиа Медиафайлы на РУВИКИ.Медиа

«Хохловка» — Пермскӧй крайын архитектура да этнография ӧтӧрся музей. Перем гортладор туялана музейлӧн филиал[1]. Музей территорияын ӧктӧмӧсь регионісь быдберся районнэзісь крестьяна керкуэз, XVII—XVIII сёвоэзся тшупӧм вичкуэз, тонганін, изан да сов пакмӧтӧм понда колана тшупассэз. Аркмӧтӧм 1969 воӧ[2] да лыддиссьӧ Уралын медодзза ӧтӧрся тшупаса музейӧн[3].

Иналӧ Пермскӧй районын, Гора деревня дынын[1], Кама вавидзан дорын[3].

История

Музей аркмӧтӧм йылісь решеннёсӧ бурсьӧтіс Пермскӧй областнӧй исполнительнӧй комитет 1969 во тулысшӧр 9 лунӧ[4]. Проектыслӧн инициаторӧн лоис Перемись архитектор Александр Терёхин[2].

1971 вося одзтулысӧн РСФСР-лӧн культура министерство вынсьӧтіс музейлісь генеральнӧй планлісь одззася проект, кӧда авторрезӧн вӧлісӧ Г. Л. Кацко, Г. Д. Канторович да А. С. Терёхин. Пермскӧй тодиль туялана-реставрируйтана управленнё вайис да вильсӧтіс XVII сёво помся — XX сёво понся Камадорся крестьяна тшупӧм архитектуралісь памятниккез[5].

Музейыс официальнӧя оссис 1980 во одзар 17 лунӧ да лоис Перем гортладор туляна музейлӧн филиалӧн[2].

1981 воӧ детализируйтӧм генеральнӧй план сьӧрті вӧлісӧ торйӧтӧмӧсь куим сектор, кӧдна мыччалӧны Камадорся медшӧр историко-этнографическӧй зонаэз: ой-рытвыв (коми-пермяцкӧй), ойвыв да лунвыв, да сідзжӧ тематическӧй комплекссэз «Вӧраланін», «Сов пакмӧтан комплекс» да «Мувӧдитан комплекс»[6].

1995 воӧ «Хохловка» лоис федеральнӧй тӧдчӧта музей комплексӧн[2].

2017 во тӧвпом 15 лунӧ музейыс вуджис федеральнӧй эмбурись Пермскӧй крайлӧн эмбурӧ[7].

2022 во одзтӧлӧн «Хохловкаас» медодззаись 1990 воэзсянь вӧлі ӧктӧм виль экспонат — Копорушки деревняись XIX сёвося озыр роч крестьянинлӧн керку[8]. 2024 воӧ музей коллекцияас пырисӧ Важ Пашня деревняись ӧшымӧс да Пеклаыбись коми крестьянинлӧн гортвыв[9].

2025 воӧ, музейлӧ 45 во тырӧм кежӧ, сы территорияын оссис ӧтӧрся выставка «Хохловка. Оцифровка», кӧда чукӧртіс архивнӧй документтэз да музей аркмӧтіссезлӧн да уджаліссезлӧн касьтылӧммез[10].

Музейлӧн юралісь — Александр Аркадьевич Анфёров[1].

Гижалӧм

Музей комплексыс 35,2 га паськыта[6]. Музей территория вылас иналӧн 23 тшупас объект[11]. Музеяс видзӧны 15 культура эмбур объект, кӧднаись 13 — регион тӧдчӧта да 2 — федеральнӧй тӧдчӧта[9].

2018 во тӧвпом 7 лунӧ Пермскӧй крайись культура эмбур объекттэз видзан канмуся инспекциялӧн СЭД-55-01-05-20 тшӧктӧтӧн архитектура да этнография музей «Хохловка» вӧлі пыртӧм Российскӧй Федерацияись йӧззэзлӧн культура эмбур объекттэз (история да культура памятниккез) канмуся ӧтласа реестрӧ 591831338380005 номерӧн[12].

Музей объекттэз

«Хохловкаыс» торйӧтӧм куим медшӧр зона вылӧ: коми-пермяцкӧй сектор, кытчӧ пырӧны куим традиционнӧй керку да гуна; ойвывся Камадор — вичку, керку да анбар; лунвыв Камадор, кӧда паськалӧм музей территория джыныс пасьта; кык темаа юкӧт — вӧралӧм да совзавод[13]:

Кудымӧвлӧн керку
  • Кудымӧвлӧн керку (XIX сёво шӧр) — Юсьва районісь Яшкина деревня. Рытыв-ойвыв Камадорись коми крестьянинлӧн типичнӧй керку;
  • Светлаковлӧн гортвывся керку (1920) — Кӧчладор районісь Дёма деревня. Гортвылыс вӧлі крестьянин Светлаковлӧн, кӧда перйис изки;
  • Баяндиннэз-Боталоввезлӧн гортвыв (XIX сёво пом) — Чердынскӧй уездісь Юсьва волостись Дмитриевчи деревня. Крестьянин Николай Баяндинлӧн гортвыв (1867—1961). Вевттьӧм картаа да овмӧс тшупассэза кык сувда тшупӧм керку. Улісь сувдаас вӧлі гор, пизь да нянь видзан жыррез, вузасян лавка. Вылісь сувдаас — «голландскӧй» гора да гора олан жыррез, чом. Картаас — гид, сарай, додь да дадь. Торья тшупасын — дӧра лӧзӧтан киподаин. Лэбтӧм «Хохловкаас» 2002—2006 воэзӧ;
  • Преображеннё вичку
    Преображеннё вичку (1702) — Чердын районісь Янидор посад. 1939 воӧ вӧлі пӧдналӧм, сёрӧнжык вайӧм музейӧ. Тшупасас вӧлі нянь видзанін. Лэбтӧм джоджула вичкуэз тип сьӧрті, тэчӧм ӧтік визьӧн — трапеза, храм да алтар торрез. Тшупӧм вылын мудйӧт вылын;
  • Серӧтӧм гортвыв (1880-ӧт воэз) — Чердын районісь Большая Гадья деревня. Ойвыв Камадорся крестьянинлӧн гортвыв. «Керку — посӧдз — керку» типа куим жырья керку, пытшкас керкуыс серӧтӧм. Сыын уджалӧ «Крестьяналӧн серӧтӧм» экспозиция, кӧда мыччалӧ серӧтӧм дозмук, печканнэз да мегыррез;
  • Кар йыв (1905 воӧ керӧм копия, оригиналыс — 1660-ӧт воэзся) — Суксун районісь Торговище посад. Сія кольччӧм Торговижскӧй острожекись, кӧдӧ лэбтӧмась 1664 воӧ Кунгурсӧ лунвывсянь дорйӧм понда. Спасскӧй йылыс сотчис пожар дырни 1899 во гожумшӧр 3 лунӧ, да 1905 воӧ вӧлі лэбтӧм учӧтжыкӧн. Советскӧй кадӧ сы пытшкын вӧлі пожарнӧй часть;
Кар йыв
  • Пожарнӧй депо (XX сёво пон) — Пермскӧй районісь Скобелевка деревня. Вылас — видзӧтчан йыв, кӧда вывсянь ойкӧв сьӧрна вӧджжӧтісӧ сотчаннэз. Пытшкас мыччалӧм важ кадся пожарнӧй инвентарь, сы лыдын кынымкӧ обоз, ва кӧньӧс да важ валэбтаннэз;
Пожарнӧй депо
  • Богородицкӧй вичку (1694) — Суксун районісь Тохтарёво посад. Вайӧм музеяс 1971 воӧ. Вичкуыс керӧм важся джоджула вичкуэз тип сьӧрті вылын джоджулӧн, сыын притвор, трапезнӧй, вичку да алтар. Улас, джоджулас, видзсьӧ вичку эмбур да дозмук, вылын чулӧтсьӧны юрбитаннэз;
Богородицкӧй вичку
  • Игошевлӧн керку (XIX сёво пом) — Уинское районісь Грибаны деревня. Тшупӧм пожумись да лэбтӧм изъя фундамент вылӧ. Ӧшын доррес мичӧтӧмӧсь сера лӧсйӧмӧн;
  • Тонганін (1781) —Суксун районісь Сыра деревня. Тонганіныслӧн вылынаыс — 30 метра. Сія кыкьямыс сигӧра. Тонганнэс ӧшалӧны вылынінас осьта аркадаэз увтын. Барабаныс да вевтыс вевттьӧмӧсь пу шаньгаэзӧн;
  • Вевтӧс горбиӧн, ӧтік кока тшамья, кык кока тшамья да вӧралан керку (XIX сёво, лэбтӧмӧсь 1996 воӧ) — типичнӧй уджалан тшупассэз;
  • Сов пакмӧтан (1880-ӧт воэз) — Усть-Боровӧй совпакмӧтан завод, Соликамск кар. 1974 воӧ вайӧм музея, пытшкас мыччалӧм сов пакмӧтан уджан да фотоархив;
  • Сола ва кыскан (1880-ӧт воэз) — Усть-Боровӧй совпакмӧтан завод, Соликамск кар. Кысканас видзсисӧ дзоньӧн сола ва лэбтан уджаннэс;
  • Михайловскӧй сов йӧртӧт (1880-ӧт воэз) — Соликамск кар. Сола ваыс пырис йӧртӧтас, кӧдаын ӧксис колана объёмӧдз да сійӧ видзисӧ, кытчӧдз эзӧ пуксьӧ сора торрес. Йӧртӧтыс быдсӧн боссьӧм солӧн;
Михайловскӧй сов йӧртӧт
  • Никольскӧй сов амбар (1880-ӧт воэз) — Соликамск кар. Амбар кузяыс — 28 метра, вылынаыс — 16 метра. Сов комплексыс уджаліс Усть-Боровӧйын 1972 во тӧвшӧр 1 лунӧдз;
Никольскӧй сов амбар
  • Борда изан (XIX сёво) — Очёр районісь Шихири деревня. Изаныс вӧлі крестьянин Кузьма Рахмановлӧн. 1937 воӧ изансӧ национализируйтісӧ. Изаныс уджаліс 1966 воӧдз «Красный боец» нима колхозын. Нёль сигӧра изаннэзлӧн тип, кӧдалӧн подыс сулалана да вевтыс ветлана, ветліс тодиль зор отсӧтӧн тӧв нырвизь сьӧрті;
Борда изан
  • Нянь амбар (1906) — Пермскӧй районісь Хохловка посад. Нёль сигӧра веськыт пельӧса тшупас. Кыкъямыс сусека амбарӧ тӧрис 125 тоннаӧдз сю. Тшупасыс улісь керас — вентиляция понда ӧшыннэз;
Нянь амбар
Ош скульптура

Уджалан кад

Арпом 1 лун — тулысшӧр 30 лун:

  • вторник — вежалун: 10:00 — 18:00 (музейӧ пыран кад 17:00-ӧдз);
  • вильлун: шоччисян лун;
  • тӧлісись медбӧрья вторник: санитарнӧй лун.

Тулыспом 1 лун — аршӧр 31 лун:

  • вильлун-вежалун: 10:00 — 18:00 (музейӧ пыран кад 17:00-ӧдз);
  • тӧлісись медбӧрья вильлун: санитарнӧй лун[15].

Быд тӧлісьлӧн куимӧт средаӧ «Культурнӧй среда» региональнӧй акция сьӧрті дон босьттӧг пырӧны 14-18 вося челядь, кӧдна велӧтчӧны шӧрӧт профессиональнӧй велӧтан программаэз сьӧрті, да пенсионеррез[15].

Удж

Музеяс чулӧтсьӧны мероприяттёэз да вежалуннэз: «Святки», «Рождество», «Страшные вечера», «Масленичная неделя», «Пасхальная неделя», «Пасха», «Экосезоны в Хохловке», «Ночь музеев», «Николин день», «Троицкие гуляния», фестиваль «Пикник в Хохловке», «Петров день», фестиваль «Цветьё», фестиваль «На Хохловских холмах», «Яблочный Спас», «Осень в Хохловке», «От Агафона Огуменника до Тита и Варфоломея», «От Ивана Постного до Симеона, Рождество Богородицы», «Воздвижение», «Батюшка Покров», «Кузьминки», «Ночь искусств» да «Вертепное представление всем на удивление»[14].

Музеяс чулӧтсьӧны видзӧтан экскурсияэз «Хохловка» музей кузя, кӧдна сиӧмӧсь XIX сёво шӧр — XX сёво понся оланлӧ, гортвывся да вежа керкуэзлӧ, крестьяна олӧмлӧ, фольклор элементтэза видзӧтан экскурсия Пермскӧй крайись берся районнэзын гижӧм сьылан да орсан экспедиционнӧй материаллэз сьӧрті да фольклор экскурсия «Спо дороженька», кӧда сиӧм Камадорся роч фольклорлӧ[14].

Хохловкаас чулӧтӧны фестиваллез: «Большие манёвры на Хохловских холмах», SEASONS да мӧдікӧсь[16][17].

Татӧн снитайтісӧ фильммез «Ермак»  (перм.рус., «Зарниа кый»  (перм.рус. (2007)[18], сериал «Эзысь» («Туй Мангазеяӧ») да мӧдікӧсь[2].

Вермӧммез да донтан пассэз

  • 2021 вося Russian Event Awards национальнӧй премиялӧн финалист "Народные праздники в «Хохловке» нима проект понда[19].

Кыдз мунны

  • Культура объект дынӧ медматын отир транспортлӧн сувтчанін — «Хохловка». Сувтчанінас локтӧны автобуссэз. Сувтчаніныс музей дынсянь 155 метра ылынаын[20];
  • Автомобильӧн Перемсянь мунтӧн Кама пыр пос кузя колӧ мунны ойвылӧ, мунны Гайва микрорайонӧт да петны Ильинскӧй шоссе вылӧ, сыбӧрын иньдӧт сьӧрті мунны Хохловкаланьӧ да кежны трасса вывсянь веськытланьӧ[2].

Пасйӧттэз

  1. ↑ 1 2 3 Филиал Государственного краевого бюджетного учреждения культуры «Пермский краеведческий музей» «Архитектурно-этнографический музей «Хохловка». goskatalog.ru. Видзӧтӧм 3 Одзгожум 2026.
  2. ↑ 1 2 3 4 5 6 7 Павел Распопов. «Хохловка», архитектурно-этнографический музей, Ураловед. Дата обращения: 3 Одзгожум 2026.
  3. ↑ 1 2 3 Музей «Хохловка» в Перми: фото, история, цены на билеты, отзывы, как добраться, Комсомольская правда. Дата обращения: 5 Одзгожум 2026.
  4. ↑ В «Хохловке» к юбилею музея открылась выставка. Московский комсомолец (2025-07-16). Видзӧтӧм 5 Одзгожум 2026.
  5. ↑ День в истории. Пермская государственная краевая универсальная библиотека им. А. М. Горького. Видзӧтӧм 3 Одзгожум 2026.
  6. ↑ 1 2 Архитектурно-этнографический музей «Хохловка». Государственный архив Пермского края. Видзӧтӧм 3 Одзгожум 2026.
  7. ↑ Любовь Холодилина Музейный комплекс «Хохловка» перешел в собственность Пермского края. РБК (2017-02-15). Видзӧтӧм 5 Одзгожум 2026.
  8. ↑ Анастасия Аверкова Место пермской силы, или пять веков деревянного Урала. ТАСС (2023-04-06). Видзӧтӧм 3 Одзгожум 2026.
  9. ↑ 1 2 На контроле — объекты культурного наследия. Московский комсомолец (2024-08-21). Видзӧтӧм 3 Одзгожум 2026.
  10. ↑ Дарья Щербинина В «Хохловке» открылась уличная выставка к юбилею музея. Комсомольская правда (2025-07-15). Видзӧтӧм 5 Одзгожум 2026.
  11. ↑ Архитектурно-этнографический музей «Хохловка». Идём в музей. Видзӧтӧм 3 Одзгожум 2026.
  12. ↑ Архитектурно-этнографический музей деревянного зодчества «Хохловка». Карточка объекта из ЕГРОКН. Видзӧтӧм 5 Одзгожум 2026.
  13. ↑ Под открытым небом. Хохловка — одна из главных достопримечательностей края, Аргументы и факты (27 Одзтулыс 2014). Дата обращения: 26 Тулысшӧр 2026.
  14. ↑ 1 2 3 Хохловка. Пермский краеведческий музей. Видзӧтӧм 3 Одзгожум 2026.
  15. ↑ 1 2 Контакты. Пермский краеведческий музей. Видзӧтӧм 5 Одзгожум 2026.
  16. ↑ Фестиваль исторической реконструкции в Хохловке. Аргументы и факты (2015-08-04). Видзӧтӧм 5 Одзгожум 2026.
  17. ↑ Фестиваль «Seasons в Хохловке» объединил более 10 тысяч гостей. Сайт губернатора и Правительства Пермского края (2019-07-29). Видзӧтӧм 3 Одзгожум 2026.
  18. ↑ Ольга Якунчева. «Иван Семенов», «Зулейха» и «Ёлки»: онлайн-экскурсия по местам Прикамья, где в последние годы снимали большое кино, 59.ру (8 Гожумшӧр 2021). Дата обращения: 26 Тулысшӧр 2026.
  19. ↑ Мария Астраханцева. Музей «Хохловка» стал финалистом Национальной премии Russian Event Awards, 59.ру (11 Аршӧр 2021). Дата обращения: 3 Одзгожум 2026.
  20. ↑ Архитектурно-этнографический музей Хохловка. Видзӧтӧм 3 Одзгожум 2026.

Литература

  • Памятники истории и культуры Пермской области / В. А. Оборин, А. Д. Вечтомов, Р. Д. Голдин и др.; Сост. Л. А. Шатров; Под ред. канд. ист. наук В. Мухина. — 2-е изд., перераб. и доп. — Пермь: Кн. изд-во, 1976. — 220 с.
  • Канторович Г. Д. Музей под открытым небом как форма сохранения памятников деревянного зодчества в Прикамье // Коноваловские чтения. Вып. 1: Материалы краевед. конф., посвящ. 70-летию Березниковского краевед. музея / Березниковский краевед. музей. — Березники, 1995. — 66 с.
  • Терехин А. С. Архитектура Прикамья XVI—XIX веков / Перм. обл. отд-ние Всерос. о-ва охраны памятников истории и культуры. Кафедра архитектуры Перм. политехн. ин-та. Обл. организация о-ва «Знание». — Пермь, 1970. — 51 с.
Босьтӧма "https://koi.ruwiki.ru/w/index.php?title=Хохловка_(музей)&oldid=218029"-ись