Молотов Вячеслав Михайлович

Босьтöм Рувикиись

Экспертиза РАН

Logo-ran.pngLogo-ran-black.png
Чулӧтӧм экспертиза
Россиялӧн наукаэз академияӧн
Унажык
Aprove.svg

РНА-лӧн экспертиза

Arrow-Right.png
Logo-ran.png
Чулӧтӧм экспертиза
Россиялӧн наукаэз академияӧн
Унажык
Learning.svg

Б. Н. Ельцин нима библиотекалӧн материаллэз

Arrow-Right.png
Library.png
Эта статьяыс гижӧм
Б. Н. Ельцин нима Президентскӧй библиотека фонддэзісь материаллэзӧн
Унажык
Молотов Вячеслав Михайлович
Скрябин Вячеслав Михайлович
СССР-лӧн визирсайся делоэз сьӧрті министр да ВКП (б) ЦК Политбюроӧ пырись В. М. Молотов
СССР-лӧн визирсайся делоэз сьӧрті министр да ВКП (б) ЦК Политбюроӧ пырись В. М. Молотов
Флаг
МАГАТЭ бердын СССР-сянь пырся уджалісь
Флаг
1960 во — 1963 во
Одззася уджалісь Леонид Замятин
Одзлань уджалісь Пантелеймон Пономаренко
Флаг
СССР-лӧн народнӧй комиссаррез Советлӧн председатель
Флаг
1930 во одзтӧв 19 лун — 1941 во тулыспом 6 лун
Одззася уджалісь Алексей Рыков
Одзлань уджалісь Иосиф Сталин
Флаг
СССР-лӧн визирсайся делоэз сьӧрті народнӧй комиссар
Флаг
1939 во тулыспом 3 лун — 1946 во одзтулыс 15 лун
Правительство юралісь ачыс
Иосиф Сталин
Одззася уджалісь Максим Литвинов
Одзлань уджалісь Постыс дугдӧтӧм; ачыс кыдз СССР-лӧн визирсайся делоэз сьӧрті министр
Флаг
СССР-лӧн визирсайся делоэз сьӧрті министр
Флаг
1946 во одзтулыс 19 лун — 1949 во одзтулыс 4 лун
Правительство юралісь Иосиф Сталин
Одззася уджалісь Постыс аркмӧтӧм; ачыс кыдз СССР-лӧн визирсайся делоэз сьӧрті народнӧй комиссар
Одзлань уджалісь Андрей Вышинский
1953 во одзтулыс 5 лун — 1956 во одзгожум 1 лун
Правительство юралісь Георгий Маленков
Николай Булганин
Одззася уджалісь Андрей Вышинский
Одзлань уджалісь Дмитрий Шепилов
Флаг
СССР-лӧн канмуся контроль сьӧрті министр
Флаг
1956 во арпом 21 лун — 1957 во одзгожум 29 лун
Правительство юралісь Николай Булганин
Одззася уджалісь Василий Жаворонков
Одзлань уджалісь Георгий Енютин кыдз СССР-лӧн Министррез Советлӧн советскӧй контроль сьӧрті Комиссиялӧн председатель
Флаг
РКП (б) ЦК-лӧн ответственнӧй секретарь
Флаг
1921 во одзтулыс 16 лун — 1922 во тулысшӧр 3 лун
Одззася уджалісь Николай Крестинский
Одзлань уджалісь Иосиф Сталин кыдз ЦК РКП(б) генеральнӧй секретарь
Флаг
Украина ЦК КП(б) секретарь
Флаг
1920 во арпом 17 лун — 1921 во одзтулыс 22 лун
Одззася уджалісь Станислав Косиор
Одзлань уджалісь Феликс Кон
Флаг
ЦК ВКП(б) политбюроӧ пырись
Флаг
1926 во тӧвшӧр 1 лун — 1952 во аршӧр 16 лун
пырисьӧ кандидат 1921 во одзтулыс 16 лунсянь
Флаг
КПСС ЦК президиумӧ пырись
Флаг
1952 во аршӧр 16 лун — 1957 во одзгожум 29 лун
Флаг
СССР-лӧн Монгольскӧй Народнӧй Республикаын чрезвычайнӧй да полномочнӧй посол
Флаг
1957 во гожумпом 31 лун — 1960 ва гожумшӧр 3 лун
Одззася уджалісь Василий Писарев
Одзлань уджалісь Алексей Хворостухин
Чужӧм 25 тӧвпом (9 одзтулыс) 1890 во или 1890 во одзтулыс 9 лун(1890-03-09)[1]
Кулӧм 1986 во арпом 8 лун(1986-11-08)[2][3][…] (96 лет)
Дзебӧмин
Ай Михаил Прохорович Скрябин (кул. 1923)
Мам Анна Яковлевна Небогатикова (кул. 1921)
Гозъя Полина Жемчужина
Челядь ныв Светлана
Партия КПСС (1906 восянь, вашӧтӧм 1962, бертӧтӧм 1984)
Велӧтчӧм Санкт-Петербургскӧй политехническӧй институтлӧн экономическӧй факультетлӧн куим курс
Туялісь званнё почётный академик АН СССР (29.11.1946—1959)
Удж Политика[d][5]
Вичку атеист
Автограф Изображение автографа
Донтан пассэз
Киндор СССР НКИД
Сражения
Тодиль званнё нето класса чин
Званнё Чрезвычайный и полномочный посол СССР
CCCH-лӧн чрезвычайнӧй да полномочнӧй посол
Логотип РУВИКИ.Медиа Медиафайлы на РУВИКИ.Медиа


Молотов Вячеслав Михайлович (чужан гижсяныс Скря́бин; 25 тӧвпом (9 одзтулыс) 1890 во или 1890 во одзтулыс 9 лун[1], Советск[d], Вятская губерния[d] — 1986 во арпом 8 лун[2][3][…], Москва[4])[6] — роч революционер, советскӧй политическӧй, государственнӧй да партийнӧй деятель. 1930—1941 воэзӧ СССР-лӧн народнӧй комиссаррез Советлӧн председатель, 1939—1946 воэзӧ СССР-лӧн визирсайся делоэз сьӧрті народнӧй комиссар, 1946—1949, 1953—1956 воэзӧ СССР-лӧн визирсайся делоэз сьӧрті министр. ВКП (б) да КПСС-лӧн медвылісь веськӧтліссез коласісь ӧтік 1921 восянь 1957 воӧдз. Социалистическӧй Уджын Герой (1943). СССР-лӧн Верховнӧй Советлӧн I-ІV созыввезся депутат.

1906 воӧ РСДРП-ӧ пырӧм бӧрын Молотовӧс кыкись (1909 да 1915 воэзӧ) арестуйтлісӧ сы революционнӧй удж понда. Октябрьскӧй революция бӧрын уджаліс кынымкӧ провинциальнӧй партийнӧй организацияын. 1921 воӧ Молотов лоис Центральнӧй Комитетӧ членӧн да секретарьӧн, а сідзжӧ Политбюроӧ членӧ кандидатӧн. Владимир Ленин кулӧм бӧрын сія петіс Иосиф Сталин дор, да 1926 вося одзтӧлӧн вӧлі пуктӧм Политбюрӧ тырви членӧн. Сыбӧрын Молотов пондіс юравны Москва областись комитетӧн да 1928—1930 воэзӧ чышкис организациясӧ антисталинскӧй дорся членнэзсянь. 1930 воӧ лоис народнӧй комиссаррез Советлӧн председательӧн да уджаліс постас 1941 воӧдз.

1939 вося тулыспомӧн Сталин пуктіс Молотовсӧ СССР-лӧн визирсайся делоэз сьӧрті народнӧй комиссарӧн. Эта постын 1939 вося гожумпомӧн сія участвуйтіс советско-германскӧй уськӧтчытӧм йылісь пакт гижсьӧм йылісь сёрнитчӧмын, кӧда тӧдса Молотов-Риббентроп пакт нимӧн.

1941 вося тулыспомӧн, кӧр Сталин пырис министррез Советлӧн (кӧркӧся народнӧй комиссаррез Советлӧн) председательлісь пост, Молотов кольччис сы медодзза заместительӧн. Великӧй Отечественнӧй война пондӧтчӧм бӧрын сія сідзжӧ пырис дорйӧм сьӧрті канмуся комитетӧ. Молотов отсаліс лӧсьӧтны антигитлеровскӧй коалиция, кырымпасавны СССР-лісь Великобританиякӧт да США-кӧт ӧтамӧдлӧ отсасьӧм да ӧтуджалӧм йылісь договоррез да участвуйтіс союзниккез конференцияэзын Тегеранын (1943), Ялтаын (1945) да Потсдамын (1945), а сідзжӧ Сан-Францисскӧй конференцияын (1945), кӧда коста вӧлі аркмӧтӧм Ӧтувтӧм Нацияэзлӧн Организация.

1949 во одзтулысӧн Молотов колис наркомыслісь постсӧ, но 1953 вося одзтулысӧн Сталин кулӧм бӧрын бӧра пырис сыӧ да уджаліс сы дырна, кытчӧдз Никита Хрущёвкӧт политическӧй разногласиеэз эз вайӧтӧ сылісь отставка 1956 вося одзгожумӧн. 1956 вося арпомӧн сія лоис канмуся контроль сьӧрті министрӧн, но «антипартийнӧй группакӧт» ӧтлаасьӧм бӧрын, кӧда пондыліс кидтыны уджсис Хрущёвсӧ 1957 вося одзгожумӧн, ӧштіс ассис партийнӧй да государственнӧй юралан посттэз. Сыбӧрын Молотов уджаліс посолӧн Монголияын, а 1960—1963 воэзӧ — МАГАТЭ-ын СССР-сянь пырся уджалісьӧн. 1962 воӧ, Хрущёвсӧ критикуйтӧм бӧрын, сійӧ вашӧтісӧ КПСС-сис, одзлань оліс пенсия вылын Москваын.

Вячеслав Скрябин (Молотов) вологодскӧй ссылка коста

Челядь да томувья

Чужис Вятскӧй губернияись Яранскӧй уездлӧн Кукарскӧй волостись Кукарка слободаын (ӧні Киров областись Советск кар). Айыс — Михаил Прохорович Скрябин (1856—1923[7]), Нолинск кар мещанаись, вӧлі Кукаркаын приказчикӧн. Дедыс — Прохор Наумович (кул. 1903 тулысӧн[8]), Нолинскись мещанин. Мамыс — Анна Яковлевна Небогатикова Нолинск карись купеческӧй семьяись.

Вячеслав вӧлі кватьӧт кагаӧн, быдӧссӧ семьяас чужисӧ дас челядь (Михаил, Виктор, Николай (сія жӧ — композитор Нолинский), Зинаида, Владимир, Вячеслав, Сергей).

Школаын велӧтчикӧ Вячеслав Скрябин орсіс скрипкаӧн да гижис кывбуррез. 1902 восянь ыджытжык воннэскӧт ӧтлаын 1908 воӧдз велӧтчис Казаньын медодзза реальнӧй училищеын[9]. Сы кадӧ Казанись том отирлӧн ыджытжык торыс вӧлі ӧддьӧн радикальнӧй мывья. Вячеслав пырис ӧтік марксистскӧй литература велӧтӧм сьӧрті кружокӧ[10].

Революционнӧй удж пондӧтӧм

1906 вося гожумӧн Вячеслав пырис РСДРП-ӧ. Участвуйтіс велӧтчиссезлӧн нелегальнӧй революционнӧй организация ӧктӧмын[11][12].

1909 воӧ вӧлі арестуйтӧм революционнӧй удж кузя да ыстӧм ссылкаӧ Вологдаӧ[11]. Лэдзӧм 1911 воӧ. Реальнӧй училище понда экстернӧн экзаменнэз сетӧм бӧрын, сія жӧ годӧ пырис велӧтчыны Санкт-Петербургись политехническӧй институтӧ да вӧлі пыртӧм кораблестроительнӧй факультет вылӧ, но чожа мыйись вуджӧтӧм экономика факультет вылӧ, кытӧн велӧтчис нёльӧт курсӧдз[13]. Нуӧтіс партийнӧй удж Санкт-Петербургын да Москваын.

1912 воӧ пондіс петны медодзза легальнӧй большевистскӧй газета «Правда». Сэтчин Вячеслав уджаліс редакцияись секретарӧн 1912 восянь 1913 воӧдз. «Правда» лӧсьӧтӧм коста тӧдсасис большевиккезлӧн ӧтік лидеркӧт — Иосиф Сталинкӧт. Сталин лоис большевистскӧй подпольелӧн юраліссез коласісь медодззаӧн, кӧдакӧт Вячеслав пантасис синісь син[11][14].

1914 вося арсянь уджаліс Москваын парторганизация лӧсьӧтӧм вылын, кӧда вӧлі пӧдналӧм Медодзза мировӧй война пондӧтчикӧ. 1915 воӧ сійӧ арестуйтісӧ да куим год кежӧ ыстісӧ Иркутскӧй губернияӧ, но сія 1916 воӧ пышшис. Сія жӧ годӧ лоис РСДРП ЦК Русскӧй бюроӧ пырисьӧн[12] да пырис сы юралан тройкаӧ.

Медодзза мировӧй война коста пышшаліс армияӧ босьтӧмись, оліс йӧз гижсяннэзӧн[13].

Вячеслав Скрябин (Молотов) 1917 воӧ

1915 воӧ Вячеслав Скрябин пондіс гижсьыны партийнӧй псевдонимӧн — Молотов[9][15].

Керку Советскын, кӧдаын чужис В. М. Молотов (Скрябин)

1917 во тӧвпом 27 ойӧ Петроград советлӧн заседаннё коста медодззаись выступитіс кыдз Молотов[16]. Сія жӧ воӧ одзтулыс 4 лунӧ РСДРП ЦК Русскӧй бюро решеннёӧн Молотовыс вӧлі пыртӧм «Правда» редакцияӧ, сія жӧ годӧ мартын сійӧ бӧрйисӧ депутатӧн да Петроградскӧй совет Исполкомӧ членӧн, РСДРП Петроградскӧй комитетӧ членӧн(б). Февральскӧй революция коста Молотов выступайтіс революциясӧ ыждӧтӧм понда да Временнӧй правительстволӧ отсӧт сетӧм паныт[14][13].

Участвуйтіс (Петроградскӧй организациясянь) VII (апрельскӧй) РСДРП(б) Дӧсроссияся конференцияын, кӧда чулаліс 1917 во тулысшӧр 24—29 луннэзӧ[17]. Сы коста тӧдсасис В. И. Ленинкӧт. Вӧлі петкӧтӧм ЦК лыдӧ (№ 21, сёрнитчытӧг), да эз вӧв бӧрйӧм[17]. Вӧлі делегатӧн (Петроградскӧй организациясянь) РСДРП(б) VI съезд вылын, кӧда чулаліс гожумшӧр 26 лунсянь гожумпом 3 лунӧдз. Гожумшӧр 31 лунӧ чукӧртчӧм вылын петіс вооружённӧй восстаннёлӧн колӧм дор. 1917 вося аршӧрӧн вӧлі Петроградскӧй военно-революционнӧй комитетӧ пырисьӧн.

Октябрьскӧй революция бӧрын

Октябрьскӧй социалистическӧй революция бӧрын РКП(б) -ын партбилеттэз пыртӧм бӧрын Молотовлӧ вӧлі сетӧм партбилет № 5[16].

1918 воӧ сійӧ сувтӧтісӧ Севернӧй областьлӧн отир овмӧс Совет (СНХ) председательӧн, эта коста сія вӧлі Г. Е. Зиновьевлӧн матісьжык уджаліссезісь ӧтік.

1919 восянь уджаліс РСФСР-лӧн ЦК-лӧн да СНК-лӧн Поволжьеын уполномоченнӧйӧн да Нижегородскӧй губисполкомлӧн председательӧн. Коммунар (боец) ЧОН[18]. Сія жӧ годӧ Петроградын петіс сылӧн медодзза брошюра «Кыдз рабочӧйез велӧтчӧны строитны аслыныс хозяйство» (публикуйтӧм «Молотов» псевдонимӧн). 1919 вося гожумӧн агитационнӧй пароход «Красная звезда» вылын уялікӧ тӧдсасис Н. К. Крупскаякӧт[11]. Недыр мыйись Поволжьеын Молотовлӧн пондісӧ петны конфликттэз сэтчинся юраліссезкӧт, ны кузя сійӧ вуджӧтісӧ уджавны Украинаӧ[11].

1920—1921 воэзӧ сія уджаліс КП(б) ЦК-ын Украинаын, вӧлі Политбюро да Оргбюро членӧн, ЦК-лӧн медодзза секретарӧн[6].

1921 во одзтулыс 16 лунсянь 1930 во одзтӧв 21 лунӧдз Молотов вӧлі ВКП (б)-лӧн ЦК-ись секретарӧн[14] (1921 восянь вӧлі ответственнӧй секретарӧн, но 1922 во тулысшӧр 3 лунӧ эта пост вылӧ, кӧда получитіс «генеральнӧй секретарь» ним, вӧлі пуктӧм Сталин).

Ленинлісь дзебӧмсӧ организуйтӧм сьӧрті комиссияӧ пырис 1924 вося тӧвшӧрӧн. Ленин кулӧм бӧрын Молотов пондіс активнӧя остасьны Сталинлӧ сы политическӧй противниккезкӧт — Троцкийкӧт, Зиновьевкӧт, Каменевкӧт, «правӧй уклонисттэзкӧт» пессьӧмын[12].

1924—1927 воэзӧ сія вӧлі пырись кандидатӧн, 1929—1931 воэзӧ — СССР ЦИК Президиумӧ член. 1927 восянь вӧлі ВЦИК Президиумӧ пырысьӧн.

1928—1929 воэзӧ уджаліс партиялӧн московскӧй городскӧй комитетлӧн Первӧй секретарӧн, пост вылас вежӧм веськыт оппозициялісь ӧтік лидер Н. А. Углановӧс. Московскӧй городскӧй комитетын нуӧтіс «чистка»: ассиныс посттэзнысӧ ӧштісӧ горкомлӧн 6 отделӧн веськӧтліссез коласісь 4, райкомлӧн 6 секретаррез коласісь 4, Московскӧй комитетлӧн 157 член коласісь 99[9].

1930-ӧт воэз: правительствоӧн юралісь

1930 во одзтӧв 19 лунӧ ВКП-лӧн ЦК-лӧн да ЦКК-лӧн ӧтлаӧтӧм пленум решеннёӧн Молотовыс вӧлі пуктӧм СССР-лӧн СНК-лӧн да Удж да Дорйӧм Советлӧн председатель пост вылӧ[9] (1937 вося тулысшӧрӧн Удж да дорйӧм совет вӧлі разьӧм[19]) оппозиционер А. И. Рыков туйӧ. 1930 воэз пондӧтчикӧ СССР-ись СНК- бердын вӧлі лӧсьӧтӧм пырся Дорйӧм Комиссия, 1937 восянь — Дорйӧм Комитет, кӧдӧн 1940 воӧдз юраліс Молотов. 1937—1939 воэзӧ вӧлі СССР СНК-лӧн Экономика Советлӧн (ЭкоСо) председательӧн[20].

СССР СНК-лӧн председатель пост вылын Молотовлӧн олан кадсӧ примитӧма йитны пытшкӧсса валӧвӧй продуктлӧн да государство обороноспособностьлӧн ыджыт быдман, строительство, индустриализация, урбанизация да модернизация, первӧй пятилеткаэз коста массовӧй энтузиазм кадӧн[21][22]. Молотов бура уджаліс первӧй да мӧдік пятилетка годдэзӧ, но унаын эз ладмы аслас главнӧй отсаліссезкӧт — наркоманнэзкӧт, сы лыдын СССР-ись сьӧкыт промышленностьлӧн народнӧй комиссар Г. К. Орджоникидзекӧт. Сэтшӧм случайезын Сталин почти пыр поддерживайтіс Молотовӧс[11].

1931—1933 воэзӧ Молотов, мӧдік высшӧй партийнӧй руководительезкӧт ӧтлаын, кыдз чрезвычайнӧй уполномоченнӧй занимайтчис нянь заготовкаэз форсируйтӧмӧн лунвыв Украинаын. 1931 во одзтӧлӧн КП(б) У ЦК Политбюролӧн заседание вылын Вячеслав Михайлович пасйис, что сія ӧддьӧн абу дӧвӧлен нянь заготовкаэзлӧн план тыртӧмӧн да лоӧм веськыта грӧзитӧмӧн орӧтны нійӧ. Сія требуйтіс применяйтны «особӧй мераэз» да содтыны «большевистскӧй бдительность классӧвӧй враг сьӧрті»[11].

Керку Нолинскын, кӧдаын быдмис В. М. Молотов (Скрябин)
Вячеслав Молотов да Иосиф Сталин, 1932 во

1936 воӧ Молотов чуть ачыс эз ло подсудимӧйез скамья вылын, кӧр выступайтіс Каменев да Зиновьев веськыта судитӧм паныт[11].

Иркутскӧй обкомлӧн секретарьлісь удж керись Филипповлӧн да Иркутскӧй область НКВД-лӧн начальник Малышевлӧн лыйӧммезлӧн лыд вылӧ лимит содтӧм йылісь телеграмма. Сталинлӧн «Дор» резолюция, мӧдік Молотовлӧн кырымпас
Постановленнё Молотов кырымпасӧн СССР Наркомвнуделлӧн уджаліссезлӧ квартираэз йылісь

Но чожа мыйись Молотов дугдіс паныт сувтны репрессияэз нуӧтӧмлӧ, эшӧ сія примитіс ӧддьӧн активнӧй участие 1937—1938 воэзся массовӧй террор организуйтӧмын[11].

И. Сталин дынӧ матынжыкӧсь Политбюро ЦК-ись членнэз пондісӧ кырымавны зэв важнӧй постановленнёэз, кӧдна йитчӧмась репрессияэзкӧт, а сідзжӧ высшӧй парт- и госаппаратчиккез вылӧ лыйлан списоктэз, кӧдна лӧсьӧтсисӧ делоэз видлалӧм понда закрытӧй да упрощеннӧй порядокӧн. В. Молотов учёт вылын медыджыт нылӧн лыдыс — 372, мый вылынжык, нежели Сталинлӧн[23].

Молотов (шульгаланьын), Сталин, Ворошилов да Ежов 1937 вося бӧрйӧм коста

СССР-лӧн визирсайся делоэз сьӧрті нарком

1939 во тулыспом 3 лунӧ СССР-ись визирсайся делоэз сьӧрті нарком пост вылын М. М. Литвиновӧс вежис СССР Совнаркомӧн веськӧтлісьлісь должностьсӧ видзись Молотов.

Виль постӧ пырӧм бӧрын Молотов нуӧтіс наркоматын кадрӧвӧй перестановкаэз, торйӧнжык, тулыспом 4 лунӧ ни вӧлі арестуйтӧма Литвиновлӧ матісьжык сотрудниккезлісь группа, но асьсӧ Литвиновсӧ эзӧ арестуйтӧ. 1939 во гожумшӧр 23 лунӧ НКИД-лӧн собраннё примитіс резолюция, кӧдаын, торйӧн кӧ, висьтасис: «Эта дженыт кадӧ керӧм ыджыт удж, медбы НКИД-сӧ весавны ковтӧм, сомнительнӧй да враждебнӧй элементтэзісь»[11].

Молотов вӧзйис кывкутана дипломатическӧй удж вылӧ А. А. Громыкоӧс да уна мӧдік том специалисттэзӧс, кӧдна бӧртіжык получитісӧ ыджыт известность внешнеполитическӧй удж сфераын.

1939 вося гожумӧн Молотов активнӧя участвуйтіс московскӧй англо-французско-советскӧй переговоррезын, а нылӧн провалитчӧм бӧрын нуӧтіс переговоррез да лӧсьӧтіс Германиякӧт не наступайтӧм йылісь договор кырымавны, кӧдӧ Молотов доклад сьӧрті СССР-ись Верховнӧй Совет ратифицируйтіс 1939 во гожумпом 31 лунӧ[9].

Молотов да Риббентроп — 1939 во гожумпом 23 лун
Молотов кырымпасалӧ СССР да Германия коласын ёртасьӧм да визир йылісь кывкӧртӧт, сы сайын Риббентроп, веськытланьын Сталин

1939 во одзар 28 лунӧ Молотов кырымпасаліс «Дружба да граница йылісь» германо-сӧветскӧй договор. Виль советско-германскӧй соглашеннёэз сьӧрті УССР-лӧ да БССР-лӧ вӧлісӧ содтӧмӧсь Польшалӧн асыввыв воеводствоэз, кытӧн унажыксӧ олісӧ украинеццез да белоруссэз, а Виленскӧй край Вильно карӧн пырис сэкся эшӧ независимӧй Литва составӧ[24].

Молотов вӧлі непосредственнӧй участникӧн советско-финскӧй переговоррезын граница вежӧм йылісь, кӧдна кыссисӧ только кык месяц. Радио пыр баитӧмӧн 1939 во арпом 29 лунӧ сія оправдайтіс война коланлунсӧ "финскӧй правительствоӧн, кӧда дзугсис аслас антисӧветскӧй йитӧттэзын империалисттэзкӧт ", и юӧртіс не уськӧтчӧм йылісь пакт орӧтӧм йылісь[25]. 1940 во одзтулыс 29 лунӧ Тӧвся война кончитчӧм бӧрын характеризуйтіс сійӧ кыдз «миян войскоэзлӧн столкновение не просто финскӧй войскоэзкӧт, а империалисттэзлӧн ӧтлаӧтӧм выннэзкӧт». Первӧйӧн висьталіс даннӧйез «Маннергейм линия» йылісь, воштӧммез йылісь, западнӧй странаэз ладорсянь военнӧй отсӧт ыжда йылісь, и висьталіс советскӧй пленнӧйезӧс торйӧтӧм да финскӧй войскоэзлӧн мӧдік зверствоэз йылісь[26].

Нейтралитет йылісь советско-японскӧй пакт кырымпасалӧм

Молотовлӧн 1940 вося арпом шӧрӧн Берлинӧ переговоррез понда локтӧмыс лоис ответнӧй визитӧн Риббентроплӧн Мӧскваӧ кыкись локтӧм вылӧ. Куим лун сьӧрна, кӧр советскӧй делегация вӧлі Берлинын, сылӧн вӧлісӧ беседаэз Гитлеркӧт да кык официальнӧй встреча Риббентропкӧт, но эта переговоррез итоггез сьӧрті сторонаэз сідз и эзӧ локтӧ компромисс дынӧ: советскӧй сторона эз ӧтлаась Троичнӧй союз дынӧ. Сыбӧрын иностраннӧй делоэз сьӧрті Народнӧй комиссариат висьталіс, что Советскӧй Союз абу дӧвӧлен немецкӧй войскоэзӧн Румынияын да Финляндияын олӧмӧн, а сідзжӧ Болгарияӧ нійӧ пыртӧмӧн грӧзитӧмӧн.

1941 во тулысшӧр 5 лунӧ Молотов участвуйтӧмӧн вӧлі кырымалӧма Югославиякӧт дружба да не наступайтӧм йылісь договор (сутки одзжык эта страна вылӧ германскӧй агрессия пондӧтчытӧдз), сыбӧрын вӧлі кырымалӧма советско-японскӧй пакт нейтралитет йылісь.

1941 во тулыспом 6 лунӧ Молотовӧс мездӧмась правительстволӧн юралісь должностьись «ӧтпырся заявленнёэз сьӧрті сы йылісь, что сылӧ сьӧкыт тыртны обязанносттез Нарком обязанносттез тыртӧмкӧт ӧтлаын»[9], СНК-ӧн юрнуӧтіс ачыс Сталин, а асьсӧ Молотовӧс иньдӧмась сійӧ вежисьӧн.

Великӧй Отечественнӧй война коста

1941 во одзгожум 22 лунӧ 4 час асылӧ артиллерийскӧй да авиационнӧй лӧсьӧтчӧм бӧрын немецкӧй войскоэз вуджисӧ СССР-лісь визир. Эта бӧрсянь ни, 5 час 30 минута асывнас (ачыс Молотов висьталӧм сьӧрті, одзжык — ойся 3 час гӧгӧр)[13] СССР-ын Германиялӧн посол В. Шуленбург локтіс Молотов дынӧ и керис заявленнё, кӧдалӧн содержаниеыс вӧлі сыын, что советскӧй правительство нуӧтіс подрывнӧй политика Германияын да сыӧн оккупируйтӧм странаэзын, а сідзжӧ ортсы политика, кӧда вӧлі веськӧтӧма Германиялӧ паныт, и «сосредоточитіс германскӧй граница вылӧ быдӧс ассис войскоэсӧ полнӧй боевӧй готовлунӧн». Заявленнёыс кончайтчис сэтшӧм кыввезӧн: «Фюрер эта понда прикажитіс германскӧй вооруженнӧй выннэзлӧ паныт сувтны эта угрозалӧ быдӧс средствоэзӧн, кӧдна эмӧсь ны распоряженнёын»[27].

Сія жӧ лунӧ 12 часӧ Молотов выступитіс радио пыр историческӧй объявленнёӧн война пондӧтчӧм йылісь, сійӧ речсӧ кончитіс знаменитӧй кыввезӧн: «Наше дело правое. Враг будет разбит. Победа будет за нами».

Одзгожум 23 лунӧ Молотов корис ас дынас финскӧй повереннӧйӧс делоэзын Хюннин да юаліс сы йылісь, мый означайтӧны Гитлер выступленнёын июнь 22 лунся кыввез немецкӧй войскоэз йылісь, кӧдна «союзын финскӧй ёрттэзкӧт… дорйӧны финскӧй му». Финскӧй представитель эз вермы объяснитны Гитлерлісь висьталӧмсӧ. Молотов корис Финляндиалісь четкӧя определитны сылісь позиция СССР-кӧт[28].

Одзгожум 26 лунӧ Молотов гижӧ СССР-лӧн США-ын посол К. А. Уманскийлӧ: «Тіянлӧ колӧ мунны Рузвельт дынӧ нето Халл дынӧ и юасьны, кытшӧм отношение американскӧй правительстволӧн эта война дынӧ да СССР дынӧ. Отсӧт йылісь вопроссэз ӧні оз ков сувтӧтны „[9]. Гожумшӧр 12 лунӧ Молотов да британскӧй посол Криппс кырымпасалісӧ СССР да Ыджыт Британия правительствоэз коласын Германия вылӧ войнаын ӧтласа действуйтӧм йылісь соглашеннё. Эта соглашеннёлӧн результатӧн вӧлі сотрудничество лӧсьӧтӧм антигитлеровскӧй коалиция странаэзкӧт, дипломатическӧй отношеннёэз бӧр лӧсьӧтӧм европейскӧй государствоэзлӧн правительствоэзкӧт, кӧдна вӧлісӧ оккупируйтӧмӧсь нацистскӧй Германияӧн, кӧдна вӧлісӧ эмиграцияын Лондонын (Бельгия, Норвегия, Польша, Чехословакия да мӧдіккез.

1941 во одзгожум 30 лунӧ Канму дорьян комитет (ГКО) аркмӧтӧм бӧрын Молотовӧс вынсьӧтісӧ сія председательӧс вежисьӧн Сталин.

Гожумпом 14 лунӧ Молотов юӧртіс СССР-лӧн Турцияын посол С. А. Виноградовлӧ, что советскӧй правительство согласитчис лӧсьӧтны официальнӧй отношеннёэз Шарль Де Голлькӧт кыдз француз-антифашисттэзлӧн руководителькӧт.

1941 во одзар 29 лунсянь аршӧр 1 лунӧдз Москваын вӧлі конференция, кытӧн участвуйтісӧ СССР, США да Великобритания; конференция вылын вӧлісӧ согласуйтӧмӧсь вопроссэз Сӧветскӧй Союзлӧ военнӧй поставкаэз йылісь. Заключительнӧй заседание вылын выступайтікӧ, советскӧй делегациялӧн глава Молотов висьталіс, что “ӧнісянь создайтӧм свободолюбивӧй народдэзлӧн могучӧй фронт, кӧдӧ юрнуӧтӧны Советскӧй Союз, Англия да Америкалӧн Соединённӧй Штаттэз». 1941' октябрын СССР-лісь иностраннӧй делоэз сьӧрті наркоматӧс дипкорпускӧт ӧтлаын вӧлі эвакуируйтӧма Куйбышевӧ, но Молотов, кыдз и Сталин, кольччис Москваӧ. Москваын сія ыджыт внимание сетіс Великобританияись да США-ись военнӧй поставкаэзлӧ да Европаын мӧдік фронт осьтӧмлӧ.

Вячеслав Молотов (шульгаланьын) да Иосиф Сталин Ялтаын

1941 во аршӧрӧн Вязьма дорын катастрофа коста Молотовӧс ӧтпыр ыстісӧ фронт вылӧ, но основнӧй решеннёэз примитіс сійӧ колльӧтісь А. М. Василевский[12].

1942 во тулыспомын — одзгожум пондӧтчикӧ Молотов дипломатическӧй миссияӧн ветліс союзниккез дынӧ: Великобританияӧ да США-ӧ. Великобританияӧ лётчик Эндель Пусэп веськӧтлӧм увтын Пе-8 самолётӧн лэбзьӧм муніс фронт линия пыр да одзлань территория пыр, кӧдӧ босьтісӧ немецкӧй войскоэз, Шотландияын пуксьӧмӧн. Тулыспом 26 лунӧ Молотов ӧтлаын Энтони Иденкӧт кырымаліс Лондонын Англо-сӧветскӧй союзнӧй договор. У. Черчилль вылӧ донтіс «государственнӧй мудрость да вежӧртӧм», кӧднӧ нарком мыччаліс переговоррез коста. Сыбӧрын вӧлі не етшажык рискованнӧй лэбзьӧм США-ӧ, кытӧн Бельӧй керкуын переговоррез кончитчисӧ одзгожум 1 лунӧ. Бӧра мунтӧн бӧра пуксьӧм Британияын да эшӧ ӧтік переговор. Одзгожум 12 лунӧ делегация бертіс Москваӧ[29].

1942 воӧ Молотов кырымпасаліс СНК-лісь постановленнё зажигательнӧй сорасӧн бутылкаэз керӧм йылісь, кӧда получитіс неофициальнӧй ним «коктейль Молотов» (ӧтік версия сьӧрті, этӧ нимсӧ сетісӧ финнэз — «коктейль Молотовлӧ»). 1942 во гожумпом 16 лунӧ Молотовӧс лэбтісӧ СНК-ись председательлісь первӧй заместительӧдз. Сія участвуйтіс Тегеранскӧй, Ялтинскӧй, Потсдамскӧй конференцияэзын, кӧдна лӧсьӧтісӧ подувсӧ войнабӧрся мирнӧй ладмӧтчӧмлӧ.

Дипломатическӧй удж сьӧрті Молотов отвечайтіс танккез керӧм понда[12]. Перво именнӧ Молотовлӧ, 1942 воӧ, вӧлі поручитӧма руководитны советскӧй «атомнӧй проектӧн» — СССР-ын атомнӧй оружие лӧсьӧтӧм сьӧрті уджжезӧн. Но, академик И. В. Курчатов казьмӧтӧм сьӧрті, аслас рутиннӧй думайтӧмсянь Молотов сідз и эз вермы бура тӧдны эта проектлісь быдӧс детальсӧ, этасянь бомба вылын быдӧс уджыс «топӧтчис местаас», мыйсянь вӧлі ӧштӧма кынымкӧ год.

Военнӧй вопроссэз кындзи, Молотов курируйтіс наука вопроссэз, сы лыдын МГУ-лісь удж[30].

Молотов инициатива сьӧрті СССР-лӧн дипломатическӧй учрежденнёэз понда кадррез лӧсьӧтӧм могись 1944 во аршӧр 14 лунӧ МГУ-ись Международнӧй отношеннёэз факультет подув вылын вӧлі аркмӧтӧм Международнӧй отношеннёэзлӧн Московскӧй государственнӧй институт.

Война бӧрся кад

Войнабӧрся медодзза воэзӧ Молотов, кыдз советскӧй визирсайся политикалӧн юралісь, уна ветлывліс визир сайӧ: сія участвуйтіс Сан-Францискоын конференцияын, кӧда вылын вӧлі аркмӧтӧм Ӧтласа Нацияэзлӧн Организация. Молотов сідзжӧ юраліс советскӧй делегацияэзӧн СССР-ись, США-ись, Ыджыт Британияись, Францияись да Китайись визирсайся делоэз сьӧрті министррез Советлӧн унажык сессияэзын, Парижскӧй мирнӧй конференция вылын 1946 воӧ, кытӧн сія активнӧя дорйис Албаниялісь, Болгариялісь да Югославиялісь территориальнӧй интерессэз.

1946 во одзтулыс 19 лунӧ СНК-сӧ вӧлі пӧртӧм Министррезлӧн Советӧ; сідзкӧ, Молотов лоис СССР-ись Министррезлӧн Советлӧн медодзза юралісьӧс вежлісьӧн[9][31]. Эта пост вылын курируйтіс велӧтӧм, наука да право видзан органнэз.

Молотов уна ветлывліс США-ӧ участвуйтны ООН-лӧн уджын, аслас позиция понда, а сідзжӧ унаись «вето» позьӧт понда дипломатияын сылӧ вӧлі сетӧм нимкодь «Господин Нет»[11](вариант «Мистер Нет» (англ. Mr. No, Mr. Nyet); сёрӧнжык сія нимкодьыс «вуджис» А. А. Громыколӧ)[32].

1947 во Молотовлӧ вӧлісӧ делегируйтӧмӧсь Сталинлӧн полномочиеэз атомнӧй проект сьӧрті: 1947 во тӧвпом 8 лунӧ ВКП (б) ЦК Политбюролӧн заседаннё коста вӧлі примитӧм решение сы йылісь, мый СССР Министррез Совет бердын Спецкомитет удж йылісь вопроссэз докладывайтсьӧны нето веськыта Министррез Советлӧн председатель И. В. Сталинлӧ, нето сы медодзза вежлісьлӧ В. М. Молотовлӧ[31]. 1947—1949 воэзӧ Молотов юраліс советскӧй визирсайся разведкаӧн кыдз СССР-ись Министррез Сӧвет бердын информационнӧй комитетлӧн председатель.

1949 воӧ Молотов пырис осьта суда процессэз нуӧтӧм кузя пырся комиссияӧ германскӧй армияись да немецкӧй карательнӧй органнэзісь вӧвлӧм военнослужащӧйезлӧн медважнӧй делоэз сьӧрті, кӧднаӧс эрдӧтісӧ советскӧй граждана вылӧ кадклстся оккупируйтӧм Советскӧй Союз территория вылын зверствоэзын. Участвуйтіс немецкӧй да японскӧй военнӧй преступниккез вылын судебнӧй процесс организуйтӧмын.

1949 во тӧвшӧр 29 лунӧ вӧлі арестуйтӧм Молотовлӧн инь Полина Жемчужина, да сія жӧ вося одзтулыс 4 лунӧ сійӧ вештісӧ визирсайся делоэз министр постісь (сыӧ пырис А. Я. Вышинский). Кыдз тӧдсьӧтӧ Ж. А. Медведев, «Молотов вылӧ заговорсӧ вӧлі планируйтӧма ӧддьӧн кужӧмӧн, но и ӧддьӧн жестоко. Сія включайтіс Михоэлсӧс вийӧм, ЕАК-лісь членнэзӧс арестуйтӧм да лыйлӧм, сы лыдын С. А. Лозовскийӧс, и Полина Жемчужинаӧс арестуйтӧм. Ленинградскӧй партийно-государственнӧй группалӧ паныт заговор вӧлі етшажык тонкӧй, но не етшажык жестокӧй. 1949 год конец кежӧ Маленков да Берия почти быдсӧн вештісӧ аслыныс власть дынӧ туйсӧ».

1952 во аршӧрӧн ЦК-лӧн съездбӧрся (КПСС-лӧн XІX съезд) пленум вылын Молотов, кӧть и бӧрйисӧ сійӧ ЦК Президиум составӧ, но эз пыр сы руководящӧй бюро составӧ; сія жӧ ЦК-лӧн пленум вылын сія да А. И. Микоян вӧлісӧ подвергӧмӧсь Сталинсянь разрушительнӧй критикаӧ[11][33]. Президиумлӧн секретнӧй бюро йылісь, кӧда эз вӧв предусматривайтӧм партийнӧй уставӧн, печатьын эз юӧртсьы[34]. Официальнӧя Молотовӧс одззамоз мыччалӧмась кыдз Сталинлӧн медматыс соратниккез коласісь; торйӧнжык, 1952 годся букварын конецас вайӧтӧмась Ленинлісь, Сталинлісь да Молотовлісь портреттэз да биографияэз[35].

Сталин кулӧм бӧрын

1953 во одзтулыс 5 лунӧ Сталин кулӧм бӧрын Молотовыс бӧра вӧлі пуктӧм визирсайся делоэз сьӧрті министрӧн и ӧтік кадӧ СССР-ись Министррез Советӧн юралісьӧс медодзза вежлісьӧн. ЦК Президиумлӧн бюро вӧлі ликвидируйтӧм, ЦК Президиумлӧн состав тӧдчӧмӧн чинтӧм, Молотов кольччис сы членӧн, мыйсянь сія бертіс канмулӧн медвылын юраліссез лыдӧ[34].

1953 во одзгожумӧн сія сувтчис Берияӧс арестуйтӧм понда Маленков да Хрущёвлӧн инициатива дор, а сыбӧрын 1954—1955 воэзӧ вӧлі Хрущёв дор сы Маленков паныт пессьӧмын[6].

1955 воӧ Молотовыс вӧлі пуктӧм осьта процессэз да военнӧй начальниккезлӧн пӧдана суд видзӧм сьӧрті комиссиялӧн председательӧн.

Сыбӧрын Молотов да Хрущёв пондісӧ янсӧтчыны уна вопроссэз кузя. Молотов сулаліс советскӧй войскоэз Австрияись петкӧтӧм паныт, скептическӧя видзӧтіс Югославиякӧт олӧм нормализуйтчӧм вылӧ, лыддис коланаӧн критикуйтны югославскӧй юраліссезлісь антисӧветскӧй сёрниэз, сідзжӧ петіс вензьӧм форсированнӧя вильса гӧрӧм кузя, Крым УССР-ӧ пыртӧм кузя, сы вылӧ Молотов видзӧтіс видзсьӧмӧн.

1956 вося одзтулысӧн Тбилисиын чулалісӧ «Долой Хрущёвӧс!» да «Молотов — КПСС юралісь» лозунггеза манифестацияэз, демонстрацияэз вӧлісӧ вашӧтӧмӧсь армияӧн. 1956 во гожумшӧр 1 лунӧ Молотовсӧ чӧвтісӧ югославскӧй политика кузя визирсайся делоэз сьӧрті министр уджись, да арпом 21 лунӧ, «компенсацияӧн», пуктісӧ СССР-лӧн канмуся контрольлӧн министрӧн[12].

1957 воӧ Молотов юраліс сідз шуана «антипартийнӧй группаӧн» Хрущёв паныт[9]. Л. М. Кагановичкӧт да Г. М. Маленковкӧт ӧтлаасьӧм бӧрын Молотов пондыліс вӧрзьӧтны Хрущёвӧс. ЦК Президиумлӧн заседаннё вылын Молотовлӧн группа выступитіс критикуйтӧмӧн Хрущёвлісь уджсӧ ЦК-лісь медодзза секретарь постын. Медыджыт претензияэз вӧлісӧ Хрущёвлӧн «коллективнӧй руководство» правилоэз нарушитан факттэзын, а сідзжӧ оссьӧм хозяйственно-экономическӧй да внешнеполитическӧй проблемаэз гӧгӧр спорын. Группа получитіс поддержка высшӧй партийнӧй органлӧн подавляющӧй членнэзісь (К. Е. Ворошилов, Н. А. Булганин, М. Г. Первухин, М. З. Сабуров, Д. Т. Шепилов). Хрущёвӧс думайтісӧ иньдыны видзму овмӧс министрӧн, а Первӧй секретарьлісь постсӧ сетны Молотовлӧ либо вообще бырӧтны.

Но Хрущёв дор сулаліссезлӧ удайтчис чожа чукӧртны ЦК-лісь Пленум, кӧда вылын «антипартийнӧй группа» вермис. Кватитӧмӧн, что Хрущёвлӧ паныт выступитіс фактическӧя почти быдӧс Президиумыс ЦК КПСС-лӧн, странаись быдӧс высшӧй руководительез, пленум решитіс вештыны Совмин председательлісь первӧй заместителлезӧс — Маленковӧс, Кагановичӧс, Молотовӧс да иностраннӧй делӧэз министр Шепиловӧс. 1957 во одзгожум 29 лунӧ Молотовӧс вештісӧ быдӧс посттэзісь «антипартийнӧй группаӧ пырӧм понда», вашӧтісӧ КПСС ЦК Президиумись да КПСС ЦК-ись. Куим карлісь ним, кӧдна шусисӧ сы нимӧн, 1957 воӧ вӧлісӧ шуӧмӧсь мӧднёж.

1957 воӧ Молотовыс вӧлі пуктӧм СССР-лӧн Монголияын посолӧн. 1960—1961 воэзӧ сія юраліс советскӧй представительствоӧн ООН-лӧн атомнӧй энергия сьӧрті агентство (МАГАТЭ) штаб-квартира дынын Венаын. 1961 вося аршӧрӧн КПСС XXІ съезд коста Хрущёв да сылӧн союзниккез медодззаись висьталісӧ Молотовлӧн, Кагановичлӧн да Маленковлӧн персональнӧй ответственность йылісь беззакониеэз понда, кӧдна керсисӧ Сталин кадӧ, и требуйтісӧ вашӧтны нійӧ партияись[36]. 1961 вося арпомӧн Молотовыс вӧлі корӧм Венаись, вештӧм уджсис да вашӧтӧм партияись. 1963 во одзар 12 лунӧ Молотовсӧ ыстісӧ пенсия вылӧ.

«Известия» газетаись главнӧй редактор Алексей Аджубейлӧн казьмӧтӧм сьӧрті, КПСС XXІІ съезд бӧрын Молотовлӧн иньыс шедіс Хрущёв ордӧ. «Сы партияӧ бӧр пыртӧм йылісь корӧм вылӧ Никита Сергеевич мыччаліс сылӧ документ, кытӧн вӧлі Молотовлӧн резолюция Косиорлӧн, Постышевлӧн да Украинаись мӧдік ответственнӧй работниккезлӧн лыйлӧм йылісь, сыбӧрын юаліс, позьӧ я, сы чайтӧмӧн, баитны Молотовсӧ партияӧ бӧр лэдзӧм йылісь или колӧ кыскыны сійӧ судӧ?»[37].

Медбӧрья воэзӧ

Кӧть и вӧлі опалаын, Молотов одзлань нуӧтіс активнӧй олан, пыр уджаліс гортас нето библиотекаын. Мемуаррез сія эз гиж, но общественнӧй оланісь лоӧмтоорез вылӧ ассис видзӧтӧммесӧ сія гижліс запискаэзын, кӧднӧ ысталіс КПСС ЦК-ӧ. Кынымкӧ во сьӧрна сія вились пырис партияӧ да 1984 воӧ «Коммунист» журналлӧн юралісь редактор Р. И. Косолапов отсӧтӧн Молотовӧс бӧр пыртісӧ партияӧ. Генеральнӧй секретарь К. У. Черненко ачыс сетіс сылӧ партийнӧй билет[9][14]. Но Молотовсӧ партияӧ бӧр бергӧтӧм йылісь решеннёыс вӧлі керӧма партийнӧй печатьын юӧрттӧг. Партияӧ бӧр пырӧм бӧрын 1906 годсянь партстаж видзӧмӧн сія лоис партияын меддырся пырисьӧн. 1986 воӧ сетіс интервью «Московские новости» нима газетаӧ, кытӧн юӧртіс: «Менам шуда пӧрись кад. Ола бы 100 воӧдз».

Памятник Вячеслав Молотов шойгу вылын Новодевичье шойна вылын Москваын

Маленков да Каганович ниммез киння, Молотовлӧн нимыс да отставкаӧ петӧм да партияись вашӧтӧм бӧрын одзлань касьтывсис литератураын, печатьын, киноын, сы йылісь статьяэз петісӧ энциклопедияэзын. Молотовлӧн синбаныс неӧтпырись мыччисьліс художественнӧй фильммезын, сійӧ орсіс, унажыксӧ Николай Засухин (одзжык, 1940 воэзӧ — Максим Штраух).

Молотовлӧн 1970 да 1980 воэзся историческӧй касьтылӧммез петісӧ поэт да гижись Ф. И. Чуев небӧггезын, кӧда часто гӧститіс Молотоввез керкуын — «Сё нёльдас баитчӧм Молотовкӧт»[13] да «Полудержавный властелин» нима[16].

1986 вося одзгожумӧн Молотовыс вӧлі госпитализируйтӧм Москваись Центральнӧй клиническӧй больницаӧ, кытӧн сія куліс арпом 8 лунӧ. Аслас кузь олан коста Молотовлӧн вӧлі 7 миокард инфаркт, но сія оліс 96 воӧдз. Вячеслав Молотовыс дзебӧм Москваын Новодевичье шойнаын иньыскӧт ордччӧн (1 уч.)[12].

1986 во арпом 11 лунӧ канмуся уджалісь кулӧм йылісь юӧртіс «Известия» газета[11]. Кынымкӧ статья петіс западнӧй прессаын. Албанияын вӧлі юӧртӧм канмуся траур. Молотовлӧн медбӧрья кыв конверт осьтӧм бӧрын сыын адззисӧ сберегательнӧй книжка, кытӧн вӧлі гижӧм, мый сы банковскӧй счёт вылын эм 500 руб.

Ас олӧм да семья

1921 воӧ Вячеслав Молотов гӧтрасис Полина Жемчужинакӧт[38]. Молотоввезлӧн вӧлі дзир ӧтік ныв — Светлана (1929—1989) — Дӧссоюзся история институтлӧн научнӧй сотрудник.

Нылыслӧн медодзза айкаыс — лётчик-испытатель В. С. Ильюшин, авиаконструктор С. В. Ильюшинлӧн зон.

Мӧдік айкаыс — Алексей Дмитриевич Никонов (1917—1992) уджаліс НКВД-ын сотрудникӧн, МГИМО-ын профессорӧн, Мировӧй экономика да йӧзкостся йитӧттэз институтын сотрудникӧн, «Коммунист» журналлӧн редакторӧн.

Нучоккез: Лариса Алексеевна Скрябина-Королева (Ильюшина), Любовь Алексеевна Никонова, Вячеслав Алексеевич Никонов (чуж. 1956) — политолог, «Политика» фонд аркмӧтісь.

Вячеслав Молотов, Полина Жемчужина да ны ныв — Светлана

Морт ассяма

Молотовлісь характерсӧ берся юӧра ӧшмӧссэзын интерпретируйтӧны быдкодя. Ӧтмывйӧн шуӧны сы зільӧмсӧ да кабинетын уджалӧмсӧ[39]. Уинстон Черчилль висьталӧм йылісь: «Ме эг аддзыв мортӧс, кӧда буржыка бы мыччаліс роботлісь ӧння кадся концепция»[40].

Жорес Медведев шуӧм сьӧрті, Молотов вӧлі субъективнӧя чорыт кыла, ӧддьӧн зіля уджалісь, мывкыда да тӧдчана пороктӧм. Кыдз тодилялӧ Медведев, сія «вӧлі Политбюроын ӧтік членӧн, Сталин киння, кӧда вӧлі популярнӧй отир коласын и ӧддьӧнжык интеллигенция коласын». Молотов «кошшис туйез паськӧтны йӧзкостся ӧтуджалӧм да чинтны цензуралісь вынсӧ»[41]. Кывзісь, чорыт кыла да зіля уджаліся, кӧда видзсис партийнӧй дисциплинаӧ, Молотовлӧн вӧлі репутация, сія «тырви видзсис Сталин тшӧктӧм вылӧ и этасянь керис быдӧс сылісь тшӧктӧттэз да директиваэз аскадӧ да ӧддьӧн перыта»[41].

Донтан пассэз

  • Социалистическӧй Уджын Герой (1943 во одзар 30 лун) — сьӧкыт гӧгӧртасын танккез лэдзӧм содтӧмын торья заслугаэз понда[42];
  • Ленин нима орденнэз (08.03.1940; 30.09.1943, 05.11.1945; 08.03.1950)[43];
  • «Почёта Пас» орден (30.10.1954);
  • медаллез;
  • Гӧрд Дӧрапас орден (Монголия, 1943)[44];
  • СССР-лӧн наука академиялӧн почётнӧй академик (1946 во арпом 29 лун).

Касьтылӧм

Молотовлӧн уджыс лыддисис недыр сы олан кадӧ кыдз Коммунистическӧй партиялӧн тӧдчана деятель. 1957 воӧ «антипартийнӧй группа» паздӧм бӧрын да уличаэз да мукӧд географическӧй объекттэз оліссез сьӧрті шуӧм дугдӧтӧм бӧрын, унакодь объектлісь, кӧдна вӧлісӧ шуӧмӧсь сы сьӧрті, ниммес вӧлісӧ вежӧмӧсь.

В. Молотовлӧн бюст Ялтаын

Музей

  • 2005 воӧ советскӧй правительстволӧн юралісьлӧн челядьыс небисӧ дедыслісь джынви ни киссьӧм керку Нолинскын да капитальнӧя ремонтируйтӧм бӧрын 2006 воӧ осьтісӧ сэтчин В. М. Молотовлісь керку-музей. Музей осьтӧмлӧн ӧтік инициатор — Молотовлӧн нучӧк, паськыта тӧдса политолог, Россиялӧн общественнӧй палатаӧ пырись Вячеслав Никонов[45][46].
  • СССР Почта, 1975 во. Автомобиль М-1 — «Молотовский-первый».

    СССР Почта, 1975 во. Автомобиль М-1 — «Молотовский-первый».

  • Россиялӧн Почта, 2003 во. Автомобиль ГАЗ-М 1 «Молотовский-первый».

    Россиялӧн Почта, 2003 во. Автомобиль ГАЗ-М 1 «Молотовский-первый».

  • СССР почта марка, 1949 во. "Аэрофлот" лэбалан линияэзлӧн схема, карта вылас мыччалӧм Молотов кар.

    СССР почта марка, 1949 во. "Аэрофлот" лэбалан линияэзлӧн схема, карта вылас мыччалӧм Молотов кар.

  • Россия Банклӧн сьӧм, 2000 во. - "Берлинскӧй (Потсдамскӧй) конференция".

    Россия Банклӧн сьӧм, 2000 во. - "Берлинскӧй (Потсдамскӧй) конференция".

Киноын мыччалӧм

  • 1943 — Миссия в Москву — Джин Локхарт;
  • 1949 — Падение Берлина; Сталинградская битва — Максим Штраух;
  • 1973 — Семнадцать мгновений весны — Валерий Даньшин;
  • 1974 — Выбор цели — Николай Засухин;
  • 1983 — Красный монарх — Найджел Сток;
  • 1985 — Битва за Москву — Николай Засухин;
  • 1990 — Война на западном направлении — Николай Засухин;
  • 1991 — Ближний круг — Виктор Балабанов;
  • 1993 — Ангелы смерти — Николай Засухин;
  • 2004 — Московская сага — Павел Ремезов;
  • 2007 — Сталин. Live — Сергей Вершинин;
  • 2017 — Смерть Сталина — Майкл Пейлин;
  • 2017 — Власик. Тень Сталина — Виктор Балабанов;
  • 2022 — Начальник разведки — Станислав Курач.

В. М. Молотов сёрниэза шыгижӧттэз

«Конституция социализма» нима доклад, 1936 во арпом 29 лунӧ[47].

Октябрьскӧй революциялӧ 20 во тырӧмлӧ сиӧм доклад, 1937 вося арпом 6 лун (фрагмент)[48].

Радиоӧт 1941 во одзгожум 22 лунся тодиль сёрни[49].

Пасйӧттэз

  1. ↑ 1 2 Архив изобразительного искусства — 2003.
  2. ↑ 1 2 Vyacheslav Mikhaylovich Molotov // Encyclopædia Britannica (англ.)
  3. ↑ 1 2 Wjatscheslaw Michailowitsch Molotow // Filmportal.de — 2005.
  4. ↑ 1 2 Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #11873461X // Gemeinsame Normdatei (нем.) — 2012—2016.
  5. ↑ Чешская национальная авторитетная база данных
  6. ↑ 1 2 3 Молотов / Аксютин Ю. В. // Большая российская энциклопедия [Электронный ресурс]. — 2017.
  7. ↑ Любимов В. А. Вглядываясь в лица домов : Опусы краеведческой публицистики. — Киров: Волго-Вятское книжное издательство : Кировское отделение, 1995. — С. 214. — 223 с. — ISBN 5-7420-0592-X.
  8. ↑ Никонов, 2005, с. 26.
  9. ↑ 1 2 3 4 5 6 7 8 9 10 Вячеслав Михайлович Молотов (Скрябин). Хронос. Видзӧтӧм 16 Одзтулыс 2026.
  10. ↑ Тихомирнов Виктор Александрович // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978. — (Большая советская энциклопедия : [в 30 т.] / гл. ред. А. М. Прохоров).
  11. ↑ 1 2 3 4 5 6 7 8 9 10 11 12 13 Медведев Р. А. Об одном московском долгожителе (В. М. Молотов) // Они окружали Сталина. — М.: Время, 2012. — С. 6—45.
  12. ↑ 1 2 3 4 5 6 7 Уфаркин Н. В. Молотов Вячеслав Михайлович. Герои страны. Видзӧтӧм 16 Одзтулыс 2026.
  13. ↑ 1 2 3 4 5 Феликс Чуев. Сто сорок бесед с Молотовым. Из дневника Ф. Чуева. — Букинистическое издание. — М.: Терра, 1991.
  14. ↑ 1 2 3 4 Вячеслав Никонов Молотов вспоминает. Из домашнего архива. Видзӧтӧм 16 Одзтулыс 2026.
  15. ↑ Александр Щуплов «Мой дед, Вячеслав Молотов, не платил Ленину гонораров». "Родная газета" № 18(104), 20 мая 2005 г., полоса 36 (2005-05-20). Видзӧтӧм 30 Одзтулыс 2026.
  16. ↑ 1 2 3 Феликс Чуев Молотов. Полудержавный властелин. Видзӧтӧм 30 Одзтулыс 2026.
  17. ↑ 1 2 Седьмая (Апрельская) Всероссийская конференция РСДРП (большевиков). Протоколы.. — М.: Госполитиздат, 1958. — С. 329. — 423 с.
  18. ↑ А. Захаров «ЧОН // Очерки по истории Октябрьской революции в Нижегородской губернии», Н.-Новгород, стр. 47-54 рус.. Очерки по истории Октябрьской революции в Нижегородской губернии» (1927 г.).
  19. ↑ Совет труда и обороны. БСЭ. Видзӧтӧм 30 Одзтулыс 2026.
  20. ↑ Молотов (Скрябин) Вячеслав Михайлович. Справочник по истории Коммунистической партии и Советского Союза 1898—1991. Видзӧтӧм 30 Одзтулыс 2026.
  21. ↑ Доклад В. М. Молотова об итогах первой и целях и задачах второй пятилетки. Видзӧтӧм 30 Одзтулыс 2026.
  22. ↑ Минаев В. Подрывная работа иностранных разведок в СССР. (Часть первая). — М.: Воениздат НКО СССР, 1940.
  23. ↑ О. В. Хлевнюк. Политбюро. Механизмы политической власти в 30-е годы. — М.: Российская политическая энциклопедия (РОССПЭН), 1996. — 304 с. — ISBN 5-86004-050-4.
  24. ↑ В. М. Молотов Доклад Председателя Совета Народных Комиссаров СССР и Народного Комиссара Иностранных дел тов. В. М. Молотова о внешней политике Правительства. 31 октября 1939 года. Документы XX века. Видзӧтӧм 30 Одзтулыс 2026.
  25. ↑ Речь по радио Председателя Совета Народных Комиссаров СССР товарища В.М.Молотова 29 ноября 1939 года. Heninen.net. Видзӧтӧм 30 Одзтулыс 2026.
  26. ↑ Доклад председателя совета народных комиссаров и народного комиссара иностранных дел товарища В.М.Молотова на заседании VI сессии верховного совета Союза ССР 29 марта 1940 года. Heninen.net. Видзӧтӧм 30 Одзтулыс 2026.
  27. ↑ Оглашению подлежит. СССР-Германия, 1939-1941 : док. и материалы / [сост.-пер. Ю. Фельштинский]. — Москва: ТЕРРА-Кн. клуб, 2004. — 396 с. — ISBN 5-275-01060-5.
  28. ↑ Мауно Иокипии Братство по оружию: от Барбароссы до вступления Финляндии в войну. Окрестности Петербурга. Путеводитель. — Фрагмент из книги «Финляндия на пути к войне: исследование о военном сотрудничестве Германии и Финляндии в 1940—1941 гг.». Видзӧтӧм 30 Одзтулыс 2026.
  29. ↑ Летчик для Молотова. Один шанс из тысячи / Телеканал «Россия 1». russia.tv. Видзӧтӧм 30 Одзтулыс 2026.
  30. ↑ Есаков В. Д. Эпизоды из истории атомного проекта // Природа: журнал. — М.: РАН, 2003. — Вып. 10. — С. 55—56.
  31. ↑ 1 2 В. А. Шевченко. Становление центральных органов управления атомной промышленностью СССР (1945-1953 гг.) // Новый исторический вестник. — 2007. — № 16.
  32. ↑ Иванян Э. А. Энциклопедия российско-американских отношений. XVIII-XX века. — Москва: Международные отношения, 2001. — ISBN 5-7133-1045-0.
  33. ↑ Константин Симонов Глазами человека моего поколения. Размышления о И.В.Сталине. hrono.ru. — Фрагмент книги Константина Симонова "Глазами человека моего поколения. Размышления о И.В.Сталине. М., АПН, 1989. Видзӧтӧм 30 Одзтулыс 2026.
  34. ↑ 1 2 Павлов М. Ю. Анастас Микоян. Политический портрет на фоне эпохи. — М.: Международные отношения, 2010. — С. 249—250. — 414 с. — ISBN 978-5-7133-1364-7.
  35. ↑ Воскресенская А. И. Букварь. — М.: Учпедгиз, 1952. — 95 с.
  36. ↑ Стивен Коэн. Долгое возвращение. Жертвы ГУЛАГа после Сталина / пер. с англ. Ирины Давидян ; Ассоц. исследователей рос. о-ва (АИРО-XXI). — М.: Новый хронограф, АИРО-XXI, 2009. — С. 60. — 144 с. — ISBN 978-5-94881-076-8. — ISBN 978-5-91022-100-4.
  37. ↑ Аджубей А. Те десять лет. — Знамя. — 1988. — 96 с.
  38. ↑ Татьяна Орел Внук бывшего председателя Совнаркома СССР, человека № 2 после Сталина Вячеслава Молотова политолог Вячеслав Никонов: «Дед признавал, что в 37-м дров наломали, но все связанное с ГУЛАГом было для него небольшим эпизодом на фоне строек пятилетки. Кроме того, он считал, что многие репрессированы заслуженно». Видзӧтӧм 30 Одзтулыс 2026.
  39. ↑ Рой Медведев. Они окружали Сталина. — Время, 2012. — 480 с. — ISBN 9785969107069.
  40. ↑ Winston Churchill on others. winston-churchill-leadership.com. Видзӧтӧм 13 Одзтулыс 2026.
  41. ↑ 1 2 Жорес Медведев Соломон Лозовский, Полина Жемчужина и Вячеслав Молотов. Скепсис. Видзӧтӧм 23 Одзтулыс 2026.
  42. ↑ Уфаркин Н. В. Молотов Вячеслав Михайлович. Герои страны. Видзӧтӧм 13 Одзтулыс 2026.
  43. ↑ Новодевичье кладбище. Вячеслав Михайлович Молотов. Политик. Новодевичье кладбище. Видзӧтӧм 13 Одзтулыс 2026.
  44. ↑ Козлов А. В., Савёлов И. И., Салихов А. Ш. Монгольский орден генерала армии Н. Ф. Ватутина // Военно-исторический журнал. — 2022. — № 10.
  45. ↑ Дом-музей Молотова. Нолинский краеведческий музей. Видзӧтӧм 13 Одзтулыс 2026.
  46. ↑ Кирилл Ольков. Дом-музей Молотова, ГТРК «Вятка». Дата обращения: 13 Одзтулыс 2026.
  47. ↑ Конституция социализма. Речь на Чрезвычайном VIII Всесоюзном съезде Советов 29 ноября 1936 г.. Мир русской грамзаписи. The World of Russian Records. Видзӧтӧм 27 Одзтулыс 2026.
  48. ↑ 20-я годовщина Октябрьской Революции. Мир русской грамзаписи. The World of Russian Records. Видзӧтӧм 27 Одзтулыс 2026.
  49. ↑ Выступление В. М. Молотова 22 июня 1941, документ. Мир русской грамзаписи. The World of Russian Records. Видзӧтӧм 27 Одзтулыс 2026.

Литература

  • Logo-bie.svg История гражданской войны в СССР / под редакцией М. Горького, В. Молотова, К. Ворошилова, С. Кирова, А. Жданова, И. Сталина. — 2-е издание. -Москва : Государственное издательство «История гражданской войны», 1938—1947.
  • Молотов, Вячеслав Михайлович / Аксютин Ю. В. // Меотская археологическая культура — Монголо-татарское нашествие. — М. : Большая российская энциклопедия, 2012. — С. 697. — (Большая российская энциклопедия] : [в 35 т.] / гл. ред. Ю. С. Осипов ; 2004—2017, т. 20). — ISBN 978-5-85270-354-5.
  • Медведев Р. А Окружение Сталина — М.: Молодая гвардия, 2010. — (Жизнь замечательных людей).
  • Молотов, В. М. Отчётный доклад о работе правительства VII Съезду Советов СССР; Об изменениях в Советской Конституции / В. М. Молотов. — [Горький]: Горьковское издательство, 1935.
  • Никонов В. А. Молотов: молодость. — М.: Вагриус, 2005. — 765 с.
  • Никонов В. А. Молотов. Наше дело правое. В 2 книгах (комплект). М.: — Молодая гвардия, 2016.
  • Никонов В. А. Молотов. — М.: Молодая гвардия, 2017. — (Жизнь замечательных людей).
  • Чуев Ф. И. Сто сорок бесед с Молотовым. Из дневника Ф. Чуева. — Букинистическое издание. — М.: Терра, 1991.
  • Чуев Ф. И. Молотов: Полудержавный властелин.- М.: ОЛМА-ПРЕСС, 1999.,
  • Чуев Ф. И. Из бесед в В. М. Молотовым // От оттепели до застоя. — М.: Советская Россия, 1990. — С. 36 — 77.

Ыстӧттэз

Босьтӧма "https://koi.ruwiki.ru/w/index.php?title=Молотов_Вячеслав_Михайлович&oldid=211599"-ись