Кудымкарлӧн Почётнӧй гражданин
| Кудымкарлӧн Почётнӧй гражданин | |
|---|---|
| Мый понда | Кудымкар зорӧтӧм |
| Аркмӧтісь | Кудымкарлӧн горисполком |
| Аркмӧтӧм | 1977 во |
Кудымкарлӧн Почётнӧй гражданин (рочӧн Почётный гражданин города Кудымкара) — Кудымкарын медыджыт донтан пас, кӧдӧн ошкӧны Кудымкарын олісь мортӧс сы пуктӧм социальнӧй оланӧ, экономикаӧ, туялӧмӧ, культураӧ, спортӧ да Кудымкар зорӧтӧмӧ ыджыт пай понда[1].
Аркмӧтӧм да сетӧм
«Кудымкарлӧн Почётнӧй гражданин» званнёыс вӧлі аркмӧтӧм 1977 во гожумшӧр 7 лунӧ Кудымкарскӧй горисполком положеннёӧн[2][3]. Медодзза Кудымкарлӧн Почётнӧй гражданин званнёыс вӧлі сетӧм 1977 во гожумшӧр 21 лунӧ Николай Кузнецовлӧ, Советскӧй Союзлӧн Геройлӧ, сы 60 во кеж[3].
Кудымкарлӧн Почётнӧй гражданиннэз
- 1977 — Николай Кузнецов (1911—1944), Советскӧй Союзлӧн Герой.[2]
- 1977 — Василий Коркин (1892—1979), бурдӧтчись, РСФСР-лӧн Заслуженнӧй врач[2].
- 1982 — Иван Овчинников (1903—1988), селекционер, пувӧдитісь[2].
- 1985 — Мария Боталова (1909—1993), СССР Верховнӧй Советын Коми-Пермяцкӧй национальнӧй округсянь медодзза депутат, велӧтісь[2].
- 1988 — Екатерина Данилова (1898—1996), педиатр, РСФСР-лӧн Заслуженнӧй врач[2].
- 1988 — Анна Котельникова (1915—2004), РСФСР-лӧн Народнӧй артистка, К.С. Станиславский нима РСФСР госпремиялӧн лауреат[2].
- 1988 — Николай Щетинников (1918—1991), гиревӧй спорт зорӧтісь, тренер, СССР-лӧн чемпион[2].
- 1992 — Анатолий Севрюгин (1937—1991), РСФСР-лӧн Заслуженнӧй строитель[2].
- 1993 — Владимир Гуляев (1931—2024), К. С. Станиславский нима РСФСР Государственнӧй премия лауреат, РСФСР-лӧн Народнӧй артист, «Золотая маска» премиялӧн лауреат[2].
- 1995 — Фёдор Тараканов (1900—1997), Коми-Пермяцкӧй национальнӧй округ аркмӧтісь, гижись[2].
- 1998 — Степан Шарыбкин (1924—2002), велӧтісь, Кудымкарскӧй велӧтан юкӧтӧн юралісь[2].
- 1999 — Екатерина Боталова (1923—2011), РСФСР-лӧн Заслуженнӧй врач[2].
- 2000 — Леонид Савощик (1929—2014), Кудымкарскӧй РМЗ юралісь[2].
- 2010 — Алексей Калин (1940—2016), Коми-Пермяцкӧй округын главнӧй хирург, РСФСР-лӧн Заслуженнӧй врач, Кудымкарскӧй районлӧн Почётнӧй гражданин (2014)[2].
- 2023 — Василий Никитин (чуж. 1952), Российскӧй Федерациялӧн Заслуженнӧй тренер[4].
- 2025 — Александр Туляев (1925—2025), Великӧй Отечественнӧй войнаын участник.
Пасйӧттэз
- ↑ Виды наград и поощрений Кудымкарского муниципального округа Пермского края Кудымкарский муниципальный округ Пермского края
- ↑ 1 2 3 4 5 6 7 8 9 10 11 12 13 14 15 Почётные граждане города Кудымкара Кудымкарский муниципальный округ Пермского края
- ↑ 1 2 Администрация города Кудымкара. Фонд № Р-60. Историческая справка Коми-Пермяцкий окружной государственный архив
- ↑ Константин Седегов Василий Никитин стал почётным жителем Кудымкара. 26.09.2023. Парма-Новости