Щетинников Николай Савельевич

Щетинников Николай Савельевич
Щетинников Николай Савельевич
Чужан лун:	1918 во тулыспом 22 лун
Чужанін:	Русский Ошняк[d], Рыбно-Слободский район[d], Татарская Автономная Советская Социалистическая Республика[d];
Кулан лун:	1991 во
Куланін:	Кудымкар, Пермскӧй область[d];
Канму	Российскӧй Федерация;
Удж	спортсмен

Щетинников Николай Савельевич (1918—1991) — вӧрзаптісь, Великӧй Отечественнӧй войнаын участник, гиревӧй спорт зорӧтісь, тренер, СССР-лӧн чемпион, Кудымкарлӧн Почётнӧй гражданин.

Олантуй

Чужис 1918 во тулыспом 22 лунӧ Ошняк посадын (Татарстан)^[1]. Челядьувья пондіс занимайтчыны спортӧн^[2].

1939 воӧ муніс РККА-ӧ. Кысъяліс НКВД погранвойскаэз морскӧй часттезын.

Воютіс Великӧй Отечественнӧй война фронттэз вылын. 1942 воӧ вӧлі ӧддьӧн дойдӧм. Победа лунсӧ панталіс госпитальын Ульяновскын.

1948 воӧ Щетинников локтіс овны да уджавны Коми-Пермяцкӧй округӧ. Уджаліс Самковскӧй ЛПХ-ын, Кудымкарскӧй РМЗ-ын да ГАТП-ын^[3].

Куліс 1991 воӧ. Дзебӧм Кудымкарын.

Удж спортын

Зорӧтіс гиревӧй спорт да сьӧкыт атлетика. 1949 воӧ лоис гиревӧй спорт сьӧрті СССР-лӧн чемпионӧн , 1960 воӧ - РСФСР-лӧн чемпионӧн.

Велӧтіс да быдтіс уна спорстмен. Сы кипод увтісь петіс сьӧкыт атлетика сьӧрті мирлӧн чемпион Геннадий Четин^[4].

Донтан пассэз

Кудымкарлӧн Почётнӧй гражданин (1988)^[1]

Касьтылӧм

Кудымкарын быд во чулӧтьсӧ Щетинников нима гиревӧй спорт сьӧрті турнир.

Пасйӧттэз

↑ ¹ ² Щетинников Николай Савельевич // Коми-Пермяцкий окружной государственный архив
↑ Щетинников Николай Савельевич (1918 - 1991) // Малый биографический словарь Прикамья
↑ [Щетинников Николай Савельевич] // Гордость Пармы. – Кудымкар, 2008. –С. 198.
↑ [Щетинников Николай Савельевич] // Из истории развития физкультуры и спорта в Коми -Пермяцком автономном округе. - Кудымкар, 1980. - С. 21 -22.

[:0-1] ¹ ² Щетинников Николай Савельевич // Коми-Пермяцкий окружной государственный архив

[2] Щетинников Николай Савельевич (1918 - 1991) // Малый биографический словарь Прикамья

[3] [Щетинников Николай Савельевич] // Гордость Пармы. – Кудымкар, 2008. –С. 198.

[4] [Щетинников Николай Савельевич] // Из истории развития физкультуры и спорта в Коми -Пермяцком автономном округе. - Кудымкар, 1980. - С. 21 -22.

[1]

[2]

[3]

[4]