Туляев Александр Васильевич
| Туляев Александр Васильевич | |
|---|---|
 | |
| Чужан лун | 1925 во гожумпом 29 лун |
| Чужанін | Тарабай, Юсьва район, Коми-Пермяцкӧй национальнӧй округ, РСФСР, СССР |
| Киндор |
 СССР |
| Званнё | ефрейтор |
| Сраженнёэз/войнаэз |
Великӧй Отечественнӧй война Cоветско-японскӧй война |
| Донтан пассэз |
     |
Туляев Александр Васильевич (1925 во гожумпом 29 лун, Тарабай, Мелюкинчи сельсовет, Юсьва район, Коми-Пермяцкӧй национальнӧй округ, РСФСР, СССР) — Великӧй Отечественнӧй войнаын участник, Кудымкарлӧн Почётнӧй гражданин.
Олантуй
Чужис 1925 во гожумпом 29 лунӧ Тарабайын. Помаліс Мелюкинчиись сизимкласса школа да кольччис уджавны горт колхозас.
1943 во тӧвпомӧ вӧлі мобилизуйтӧм Гӧрд Армияӧ. Велӧтчис Ленинградскӧй военно-пехотнӧй училищеын, кӧда сы кадӧ вӧлі эвакуируйтӧм Перемӧ. Велӧтчӧм бӧрын вӧлі ыстӧм фронт вылӧ. Ефрейтор, 16 механизированнӧй бригадаись миномётнӧй батарея наводчик. Кысъяліс ӧтік полкын Советскӧй Союзлӧн Геройкӧт Егор Утевкӧт. Участвуйтіс Украина, Молдавия, Румыния, Болгария, Венгрия да Чехословакия мездӧмын. Победа лунсӧ панталіс Прагаын. Сэсся вӧлі ыстӧм Маньчжурияӧ воюйтны Япония паныт.
Демобилизация бӧрын бертіс Кудымкарӧ. Кузь олан уджаліс Кудымкарскӧй СИЗО-ын. Петіс пенсия вылӧ 1970 воӧ.
2020 воӧ вӧлі пыртӧм Кудымкар карлӧн Почёта пӧв вылӧ[1].
2025 во тулысшӧрӧ Кудымкарскӧй дума бурсьӧтіс Александр Туляевлісь кандидатура «Кудымкарлӧн Почётнӧй гражданин» званнё сетӧм понда[2].
Олӧ Кудымкарын.
Донтан пассэз
- «Отвага понда» медаль (1945)
- «1941-1945 воэзся Великӧй Отечественнӧй войнаын Германия вермӧм понда» медаль (1945)
- «Япония вермӧм понда» медаль (1945)
- «Прага мездӧм понда» медаль
- Отечественнӧй войнася II тшупӧта орден (1985)
- «Пермскӧй крайлӧн патриот» медаль (2025)[3]
- Кудымкарлӧн Почётнӧй гражданин (2025)[2]
Пасйӧттэз
- ↑ Валерия Останина. Участнику ВОВ в Кудымкаре сегодня исполнилось 99 лет Парма-Новости (29.08.2025) Видзӧтан кад: 22.04.2025
- ↑ 1 2 В Кудымкаре участнику Великой Отечественной войны вручили свидетельство о присвоении звания «Почетный гражданин Кудымкарского муниципального округа» Официальный сайт Кудымкарского муниципального округа (12.04.2025). Видзӧтан кад: 22.04.2025
- ↑ Константин Седегов. Кудымкарскому ветерану вручили медаль «Патриот Пермского края» Парма-Новости (06.02.2025). Видзӧтан кад: 22.04.2025.
Ыстӧттэз
- Александр Туляев йылісь (видео) // Ветераны УИС Герой Советского Союза Маркин Федор Дмитриевич и Туляев Александр Васильевич. Федеральная служба исполнения наказаний
- Александр Туляев йылісь // «Народная энциклопедия деревень Юсьвинского района Пермского края» нима проект сайтын
- Александр Туляев йылісь // «Память народа» сайтын
- Александр Туляев йылісь (олантуй да фотоэз) // Коми-Пермяцкая национальная библиотека им. М. П. Лихачёва