Кылосов Андрей Семёнович
| Кылосов Андрей Семёнович | |
|---|---|
 | |
| Чужан лун: | 1908 во аршӧр 12 лун |
| Чужанін: | |
| Кулан лун: | 1972 во тӧвпом 11 лун (63 года) |
| Куланін: | |
| Канму | |
| Удж | скрипка керись |
Кылосов Андрей Семёнович (1908 во аршӧр 12 лун, Афонино[d] — 1972 во тӧвпом 11 лун, Екатеринбург) — скрипкаэз керись, Уралын скрипка керӧтан школа аркмӧтісь.
Олантуй
Андрей Кылосов чужис 1908 во аршӧр 12 лунӧ Усольскӧй уездісь Афонинын (ӧння кадӧ Юсьва район)[1][2][3]. Помаліс 5 класс да одзлань уджаліс ӧтлаын айыскӧт, кӧдалӧн вӧлі дорсян.
1931—1935 воэзӧ велӧтчис I национальнӧй студияын Коми-Пермяцкӧй театрын ӧтлаын Анна Котельниковакӧт, Наталья Кивилёвакӧт, Нина Канюкова-Баяндинакӧт. Сы кадӧ ёртасис Степан Караваевкӧт, Николай Кузнецовкӧт[1][4].
Театрас велӧтчикӧ да артистӧн уджавтӧн кутчис керны шылад инструменттэз — сигудӧккез да скрипкаэз. Сы велӧтісьӧн вӧлі Анатолий Будрин. Медодзза скрипкасӧ керис 1932 воӧ гортсис важ пывсян разьӧм керрезісь да пӧввезісь[1][4].
Студиясӧ помалӧм бӧрын муніс овны да уджавны Свердловскӧ. Медодз уджаліс Музремпромкомбинатын. Сэтчинсянь вӧлі корӧм М. П. Мусоргский нима консерваторияӧ, кӧдаын уджаліс кузь олан сьӧрна скрипка керись мастерӧн.
Куліс 1972 во тӧвпом 11 лунӧ Свердловскын[1].
Мастер удж
Олан сьӧрна керис 200-ся унажык скрипка. Нійӧн орсісӧ Давид Ойстрах, Владимир Беляев, Борис Фишман да уна мӧдік артисттэз[5].
Лыддиссьӧ Уралын медодзза профессиональнӧй мастерӧн скрипкаэз керӧм сьӧрті[6][7][8].
1957 воӧ «Думка» девиза скрипка босьтіс куимӧт места Советскӧй Союз пасьтся конкурсын да вӧлі ыстӧм Познаньӧ (Польша) участвуйтны скрипаччезлӧн Генрих Венявский нима III йӧзкостся конкурсын. 1963 воӧ Кылосовлӧн скрипкаэс вӧлісӧ мыччалӧмӧсь Льежын (Бельгия) чулӧтана йӧзкостся конкурсын[5].
Эксперимент могись керис ӧтікдора скрипка[1][4].
Касьтылӧм
- 1984 воӧ М. П. Мусоргский нима Свердловскӧй консерватория 50 во кежӧ вӧлі лэдзӧм А. С. Кылосов нима касьтылан медаль[5].
Пасйӧттэз
- ↑ 1 2 3 4 5 Анастасия Хорошева. Первая скрипка: Как крестьянского мальчишку из Юсьвинского района королева в гости зазывала // Парма. — 2019. — 21 ноябрь (№ 47). — С. 4.
- ↑ Афонино - Кылосов Андрей Семёнович. Народная энциклопедия деревень Юсьвинского района Пермского края. Видзӧтӧм 9 Одзар 2025.
- ↑ Гордеева Т. Г. Афонино – родина известных людей // I Кривощёковские историко-архивные чтения: сборник материалов научной конференции к 165-летию со дня рождения И. Я. Кривощёкова, к 115-летию со дня рождения М. А. Кривощёкова, к 90-летию Коми-Пермяцкого окружного государственного архива, к Году театра в России. — Кудымкар: Коми-Пермяцкий окружной государственный архив, 2019. — С. 48—55. — ISBN 978-5-6043508-8-1.
- ↑ 1 2 3 Кылосов Андрей Семенович (р.1908), скрипичный мастер. Автобиография, фотопортрет рус.. ГКБУ «Государственный архив Пермского края». Видзӧтӧм 9 Одзар 2025.
- ↑ 1 2 3 Гордость Пармы : биографический справочник / под ред. Л. П. Ратеговой. — Кудымкар: Коми-Пермяцкое книжное издательство, 2008. — С. 516. — 568 с. — ISBN 9785879011210.
- ↑ Складная виолончель «Богомол» и скрипки с внедрёнными в древесину пузырьками воздуха — Музыкальный мастер рус.. Музыкальный мастер. Видзӧтӧм 9 Одзар 2025.
- ↑ Елена Минакова, Светлана Марченко Возвращающий музыку рус.. Проталина. Видзӧтӧм 9 Одзар 2025.
- ↑ Эдуард Соколов Страдивари и российские «дрова» рус.. Уральский следопыт. Видзӧтӧм 9 Одзар 2025.