Вежа Николай вичку (Кӧс)
| Вичку | |
| Вежа Николай вичку | |
|---|---|
 | |
| 59°56′43″ с. ш. 54°59′57″ в. д.HGЯO | |
| Канму | |
| Кар |
Кӧс Ленин нима ул., 79 к. |
| Конфессия | Православнӧй |
| Епархия | Кудымкар |
| Аркмӧтӧм кад | 1802 во |
| Лэбтӧм | 1802—1815 воэз |
| Статус |
 Россия йӧззэзлӧн культура эмбур объект региональнӧй тӧдчӧта. Рег. № 591510240170005 (ЕГРОКН) |
| Видзалӧм | уджалана |
 |
|
Вежа Николай вичку (рочӧн Церковь Николая Чудотворца, сідзжӧ рочӧн Свято-Николаевская церковь, Николаевская церковь, Церковь Святого Николая Чудотворца, Церковь во имя Святителя Николая) — православнӧй вичку Кӧсын, пырӧ Кудымкар епархиялӧн Свято-Стефановскӧй благочиннёӧ. Регион тӧдчӧта архитектура памятник.
История
Медодзза Вежа Николай нима вичку лэбтан кадыс абу тӧдса. 1579 вося отир лыддьӧм сьӧрті Кӧс посадас (сы кадӧ рочӧн Ныров погост) уджалӧма ним вичку[1]. 1760 восянь ни эмӧсь метрикаэз, кӧднӧ нуӧтісӧ Вежа Николай вичкуись уджаліссез[2].
Ӧнняся, кирпичись, вичку керкуыс вӧлі лэбтӧм 1802—1815 воэзӧ важ, пуись керӧм, вичку туйӧ[3]. Важсяыс вӧлі нуӧтӧм шойна вылӧ да уджаліс 1845 восянь Быдӧс Вежаэз нимӧн. Виль вичкуыс Вежа Николай нимӧн. Сія куим престола: медшӧрыс — Вежа Николай нима (вежаӧтӧм 1815 во тулысшӧр 1 лунӧ), лунвывсяыс — Владимирся Енмам нима (вежаӧтӧм 1817 во одзтӧв 7 лунӧ) да ойвывсяыс — Апостол Илиянима (вежаӧтӧм 1825 во одзгожум 30 лунӧ)[3].
1918 воӧ вичкуыс вӧлі национализируйтӧм. 1924 воӧ вичкуся община регистрируйтіс ассиныс чукӧр да кырымпасаліс Кӧсладорся РИК-кӧт вичку видзӧм йылісь договор[3].
1930 во тӧвпомӧн вичкуыс вӧлі пӧдналӧм да сетӧм культуралӧ. Сыын оссис клуб. 1931 воӧ вичку керкуыс вӧлі сетӧм Кӧс педтехникумлӧ студенттэз общежиттё понда да лесхозлӧ мастерскӧй туйӧ. Педтехникумыс пӧдналӧм бӧрын вичкуас вӧлісӧ быдберся складдэз[3].
1990-ӧт воэзянь вичку керкуас нем эз вӧв, сія жагвыва киссис.
2004 воӧ пондӧтчис реконструкция. Сэк Кӧсын олісь отир сьӧмӧн вӧлі реставрируйтӧм вичку гӧгӧрся йӧр. 2008—2020 воэз сьӧрна вичку керкуыс вӧлі ремонтируйтӧм отирӧн ӧктӧм, Кӧсладор район да Пермскӧй край бюджеттэзісь сьӧмӧн, быдӧссӧ вӧлі видзӧм 40 млн руб[4][5][6].
Гижалӧм
Архитектурнӧй проектлӧн авторыс абу тӧдса. Вичкуыслӧн проектыс вачкисьӧ Кудымкарись Вежа Николай вичкулӧн медодзза проект вылӧ. Сыын сідзжӧ алтарь жырыс гожуся, вевттьӧм джын джынкуполӧн; вичкусяыс — купола, нёль дора. Колокольняыс планыс сьӧрті веськыт пельӧса, купола[3].
2001 во тулысшӧр 16 лунся № 116 Коми-Пермяцкӧй автономнӧй округ администрациялӧн юралісь постановленнёӧн пыртӧм гортладорся тӧдчӧта история да архитектура памятниккез реестрӧ[3]. Сыись вуджис Пермскӧй крайлӧн регион тӧдчӧта архитектура памятниккез нимлёдзӧ.
Культураын тӧдчӧт
1923 воӧ Вежа Николай вичкуись вӧлісӧ нуӧтӧмӧсь Перемӧ туялӧм могись Перем еннэз стиля скульптураэз. 13 ныись видзӧны да экспонируйтӧны Перем художествоа галереяын[7].
Легендаэз
Вичкуыслӧн вӧлӧма 27 пуд сьӧкыта тонган. Сы горыс кылӧм 20 верста гӧгӧр ылына. Сы тонгӧмсӧ отирыс лыддьӧмась вежаӧн, видзӧма пӧ Кӧсладорсӧ быдберся пӧрӧссянь. Вичкусӧ пӧдналӧм бӧрын тонганыс вӧлӧм пӧ вӧйӧтӧм Вадӧ, сыись пӧ кывсьӧ сы тонгӧм[3].
Пасйӧттэз
- ↑ Историческая справка. Косинский муниципальный округ. Видзӧтӧм 11 Одзар 2025.
- ↑ Николаевская церковь с. Коса // Метрические книги. Поколения Пермского края. Видзӧтӧм 11 Одзар 2025.
- ↑ 1 2 3 4 5 6 7 Церковь Николая Чудотворца // База данных "Памятники, памятные знаки, исторические здания и места Коми-Пермяцкого округа" рус.. Коми-Пермяцкий окружной государственный архив. Видзӧтӧм 8 Одзар 2025.
- ↑ Проведены ремонтные и реставрационные работы в косинской церкви. Парма-Новости (2021-05-27). Видзӧтӧм 11 Одзар 2025.
- ↑ В Косе вокруг храма установили мачты с фонарями. Парма-Новости (2020-08-20). Видзӧтӧм 11 Одзар 2025.
- ↑ В Косе отреставрирована церковь Николая Чудотворца. Парма-Новости (2020-11-27). Видзӧтӧм 11 Одзар 2025.
- ↑ Пермские боги // Коса, Церковь Святого Николая Чудотворца рус.. Пермская государственная художественная галерея. Видзӧтӧм 8 Одзар 2025.